يوميات .... نعمة النسيان

يوميات .... نعمة النسيان

السلام عليكم

اليوم جو الرياض روووعه مطر وغيم ...قلت اطلع اتمشى بالحديقه عند بيتي مع اخت زوجي وانسى شويه التعب وافك عن نفسي
... كنا نمشي وحامله ابني الصغير فجأة جاتني نوبة دوااار شديده وابني كان حيطيح من يدي لوﻻ رحمة الله ثم اخت زوجي مسكت الطفل وانا اتمسكت بسيارة الجيران ...بعدها نوبة هلع وخفقان وخفه بالراس وترجيع اعزكم الله .... خﻻﻻﻻﻻﻻﻻﻻص بعدها كرهت الدنيا ومالي حظ انبسط بهااجو تنكد كل يومي. ... رجعت للبيت وانا فيه خنقه ودي ابكي من حالتي ... وجت اخت زوجي برضو تبي نطلع للسوق ورحت معها وكل شويه احس بطيح قدام الناس إحساس اﻻغماء مررة مزعج وهي تقولي يالله اختاري فستان وانا اقول ليه اشتري وانا مريضه وراح اموت ...
اااخ متى ياربي ننبسط ونستانس مثل العالم حياتي كئيبه ...احس راح شبابي بالمرض وتركت عملي وصرت جليست البيت وقطعت الناس ...

اعتذر لكم عن هالكﻻم لكن من شدة القهر الي صار فيني اليوم

يارب زدنا من العافية وﻻ تنقصها

المصدر: نفساني

طيب يانعمة النسان المفروض تريحي بعد الدوخه م تطلعين بعدها يمكن اجهدتي نفسك بالمشي عشان كذا دختي

لآ أَفْهَمْ كَثِيِرَاً

وَسَآمِحِينِىِ أَخْتَآه للإطِرَآءْ

لآكِنْ ثِقِىِ أَنَّ لِـ كُلِ دَآءٍ دَوَآءْ

فَقَطْ أَظِنُ أَنَّ مَآ لَدَيِكِ هُوَّ أَشْبَهُ بْ فَقْر الدَمْ

فَقَطْ إهْتَمِىِ بْ صِحَتَكِ وَلآ يُضِيِرْ المَرْءُ إنْ كَآنَّ جَلِيِس المَنْزِلُ أَوْ بْ خَآرَجَهُ

بْ كُلِ الأَحْوَآلْ هِىَّ حِكْمَةْ المَوْلَىَّ هُوَ يَعْلَمُ مَآ لآ نَعْلَّمَهُ

أَسْأَل اللهَ لَكِ شِفَآءً بْ القَرِيِبْ

انا مثلك ادوووخ واتعب واحس ماافيني توازن وبطيح
مع كل هذا غثيااان
يارب تشفينا

ربي يشفيك ويشفي كل مريض
انصحك تسيطرين ع وضعك محد يقدر يساعدك كثر نفسك ...

كيف اختي مريم اسيطر على وضعي ... انا اخذ عﻻج حاليا

اليوم عصبيه مررررة وشد برقبتي و اكتافي والم بمؤخرة الراس. .... وولدي كملها بس يبكي وطفشني

نعمة النسيان انا مثلك اشد رقبتي تصدقين حنا جبنا تعب الاعصاب لانفسنا المشكله انا ماانتبه لنفسي لين احد ينبهني

وقلبي يرف مرررة مخوفني ... مدري من تاثير العﻻج او ايش

وين اﻻعضاء محد علق على موضوعي

ياليت نساعد بعضنا