خوف من السفر

خوف من السفر

السلام عليكم ورحمة الله وبركاته

يا اخوان انا قبل سبع سنوات تعرضت لبعض المشاكل الاسرية والمادية بسببها اصبحت دائم (التفكير -السرحان - الحزن - الضغط النفسي - فقدان الامل من حل المشاكل - الاحباط)

استمرت مشاكلي تقريبا خمس سنوات والحمدلله انتهت ولكن المشكله اني كنت مسافر اثناء المشاكل لدولة بالسياره واصبت باختناق واحساس بالموت ولا قدرت اتنفس مع العلم اني في تلك اللحظه ما كنت افكر بشي بالعكس كنت هادئ ( واصبت بخووووف شديد ونزلت من السياره وانا لا مخنوق ماهي الا خمس دقايق ورجعت طبيبي )

الا اني اصبحت مليئ بالرعب والخوف الشديد لما رجعت سويت فحوصات قالو كل شي سليم الا الكسترول شويه بسيطه مرتفع المهم كنت ابي اعرف وش اللي صارلي ناس تقول لانك كنت تاكل منسف على الغدا والعشا لمدة شهر والاكل سكر الحجاب الحاجز للمعده واصبحت مخنوق وناس قالوا بسبب مكيف السياره والتدخين بالسياره وصرت محتار جدا جدا لا اعلم تفسير للي صار لي...


الان انا لا استطيع الذهاب الى مكان يبعد 30 كيلو عن البيت اخاف واصير مرووووووب وتجيني النوبه وارجع وفور رجوعي النوبه تختفي


لكن الحمدلله كانت بالصلاه تجيني وراحت
وكانت تبجيني بالبيت والحمدلله راحت
ما اد بقا لي الا السفررررررررر والاماكن البعيدة وهذتا الشي مخليني مكتئب

المصدر: نفساني

حياك الله اخوي الطيب .. حالتك بسيطه وتستجيب للعلاج الي اصابك هو نوبة هلع والهلع ينتج بسبب القلق النفسي يعني انت قبل نوبة الهلع كنت من الاساس قلق بشكل مستمر يعني جسمك على استعداد للنوبه بدون سابق انذار لان القلق بحد ذاته افه يلخبط جميع اعضاء الجسم لكن انت ضروري ماتكبر المشكله ابيك تاخذها ببساطه انا مو دكتور لكن لدي خبره لاني اصبت بهذا المرض منذ سنوات ولا زلت المهم مادري اخوي الطيب انت تطلب علاج والعلاجات والحمدلله كثيره وفعاله لكن العلاج لابد ان يكون تحت اشراف طبي لابد انك تزور دكتور نفسي حتى يشخص حالتك لكن اذا ماودك عادي وانا اخوك اذكر لك علاج باذن الله تعالى يكون سبب في شفائك من هذه الحاله انا بانتظار ردك