مش عارف برضو

مش عارف برضو

السلام عليكم ورحمة الله وبركاته
انا اعاني من اكتئاب من 6 سنين تقريبا بس كنت اصبر واتحمل
يعني خرب كل شي بحياتي لكن الحمدلله على كل حال
تحملت كل شي الا اخر موقف حصل لي قبل اسبوع ومن بعد ماعرفته ماذقت طعم النوم ولا الاكل ولا الراحه
انا بعيد عن الدين من سنين للاسف حاولت اتقرب لربي كثير ولا قدرت
المهم نرجع لموضوعنا من بعد اللي حصل ماقدرت انام ابدا ولا اكل ولا ادخن ولا اسمع اغاني ولا اتفرج انمي ولا افلام ولا اي شي كذا ماقدر اسوي شي الا انه ابكي واضرب بنفسي من الصبح لليل
ويغمى علي بعد وقت طويل لمدة نص ساعه واصحى وعلى نفس المنوال
المهم رحت للمكتب قلت اشتغل اغير من الجو ولا قدرت رجعت نفس حالتي واحس اني بحلم ولا شي اقدر احركه اعصاب يدي مشدودة بقوه وجاني شد عضلي برقبتي وايديا وكذا ف ماتحملت قلت اروح للمشفى ممكن زادت حالتي وجاني مرض ثاني غير الاكتئاب؟
مادري ايش حصل رحت لهم دخلت الدكتورة تكلمت وياها عن اللي احسه قالت تفضل هالادوية 5 ملجم من سبرالكس لمدة اربع ايام وبعدها زيدها 10 لاسبوع وبعدها 15 لخمس ايام .. الخ واعطتني كمان ريميرون عشان النوم اخذ 15 ملجم قبل النوم بساعه .. وقالت اطلع للمشفى الفلاني تنويم اسبوعين؟ المهم كنت بروح بعدين فكرت وانسحبت .. رحت للدكتور اللي حولتني عليه عشان الجلسات دخلت عليه مجهزلي 3 دكاترة قدامو ويقولي قول ايش قصة حياتك؟ تنرفزت انا غير التوتر اللي فيني وقلت له انو مافيه كلام معاك حيفيدني بشي .. الحين ايش رايك بالتنويم هل كويس لحالتي او لا ؟ قلي لازم تتنوم المهم مادشت الفكرة ببالي ولا تنومت ولا شي اخذت العلاج ومشيت للبيت ولا فيه جلسات ولا فيه اي شي بس ابلع بهالحبوب بدون ما اعرف ايش المرض اللي فيني والحالات اللي تجيني؟


ع كل حال انا بس ابي اعرف لازم اسوي جلسات او لا؟
ايش رايكم بالمراكز النفسية للتنويم ؟
السبرالكس والريميرون ايش يعملو ويا بعض؟

الحين كل ماتجيني افكار تضايقني ما ابكي بس احس ان قلبي ينضغط عليه
ودوخه سريعة تجي وقت التفكير المو كويس وتروح ع طول
احس بوخز باماكن كثيرة بجسمي اليد والعين والقلب والخصر واماكن كثيرة هل الشي دا طبيعي؟
ناقص مهدئ للسبرالكس او كذا يكفي؟
اللي متفائل فيه انا اني اقدر انام الحين مع انه لسا بداية العلاج الحمدلله

طبعا مادري ماني عارف ايش اكتب بالموضوغ انا متلخبط هالفترة ممكن محتاج اقرقر او مادري ف مشان هيك نزلت الموضوع واحسه بلا معنى ! لا اعلم

شكرا لكم على كل حال


عذرا اتمنى نقل الموضوع للقسم المناسب

المصدر: نفساني

اهلًا.. وعليكم السلام
صراحة ماني مهيئة للحديث عن علم النفس بشكل جدي.
بس بقولك اللي ممكن يطلع معي.
اولًا الاكتئاب يشعر فيه الكثير منا ومرض يتعايش معه الشخص
وقد يكون له اسباب نعرفها واحيان ما نعرفها.
ثانيًا دامك رحت للمستشفى فهذا شيء كويس..وبخصوص انهم
قالوا تكلم عن حياتك. اذا هم دكاتره نفسيين واجتماعيين ؛ بالعكس
م اشوف فيها شيء.. وممكن فعلًا فيه شيء بحياتك سبب هالحاله لك.
وانت قلت فالبداية انه خرب كل شيء بحياتك. وفيه موقف حصل لك قبل اسبوع.
يعني فيه اسباب .. ومو عيب تعرضها على دكتور مختص..
وما ادري صراحة بخصوص التنويم!
بس انصحك بجلسات مع دكتور نفسي.. تحتاج تتكلم ممكن..
تحتاج مشاركة اكثر ..

عذرًا ع الاطالة.. اتمنى لك أيام حلوة.

الاكتئاب كل الناس تقريبا بيعيشوا فيه بس مرض الاكتئاب يفرق
شكرا لك على ردك لكن الجلسات لازم تكون مع دكتور واحد مو 4 والمرضى بيستنوك ورى الباب
كفاية التوتر اللي معاك ف لازم يهيئوا لك جو تقدر تفضفض فيه وتتكلم عن حياتك
لان الفضفضة والكلام لمريض الاكتئاب غالبا مابيستفيد منه الا تقريبا 2%
ف انا اتنرفزت والله ولا قدرت اتكلم بشي وشلت فكرة الجلسات النفسية من بالي لأني انسان بعرف الصح من الغلط
يعطيك العافيه على ردك الجميل نبتون
اتمنى مين له خبرة بالادوية يفيدني باحساس البداية وكيف بيأثر عليك

البدايه ب اذن الله منت حاس ب شي انت لا تكبر موضوع الاعراض الجانبيه وتمر عليك ببساطه صحيح فيه كم عرض لكن لا تنزعج وتكبر الموضوع ف هي اسبوعين واختفي ويبدا التحسن ب النسبه لي اشوف ان سيبرالكس يكفي م لوه داعي الريميرون الا لو كان عندك ارق ب معنى ارق مستقل وليس ناتج عن الإكتئاب لأنه لو كان كذلك ف سيبرالكس ب اذن كفيل ب معالجته ، ب النسبه للتنويم طبعاً رأيي انا انو حالتك م تستدعي ابداً ولو كان رأيي ما يقدم ولا يأخر فقط وجهة نظر والدكاتره اعرف ،
اخيراً بإذن الله مع الأدويه اسبوعين بالكثير شهر وترجع مثل اول واحسن .
اتمنى لك الشفاء العاجل .

بالنسبه لاحساسك ب انك بحلم وعدم الاستقرار وقت رحت للشغل ف هذا اكيد لانك ماتاكل ولاتنام كويس غير كذا الموضوع الي خلاك تصاب بهالتعب بالفتره الاخيره لسه مأثر عليك ..
ثاني شي انا مااعرف ايش قلت للدكتوره لدرجة انه تطلب منك تنويم اسبوعين يمكن على حسب الكلام الي قلته لها خلاها تحس انك محتاج تنويم
غير كذا تروح للجلسات ويصير فيه ثلاث اطباء شي يوتر صراحه
انا بقول لك روح لدكتور ثاني غير هالدكتوره لاني احس انه افضل لك
معرف استغربت من طريقتهم
يعني انت حتى ماجبت سيرة رغبة انتحار او اكتئاب شديد عشان تنويم

كان الله في عونك أخي، المرض معاناة لكن إذا تقدر تنام فهذا و الحمد لله نعمة عظيمة ترتاح فيها أعصابك و تقدر تقاوم المرض بشكل أفضل يوم بعد يوم، بداية مرض الاكتئاب صعبة جدا لكن مع الوقت راح تتعود الوضع لكن لا تترك الأدوية أبدا و إذا ما حسيت بتحسن تقدر من خلاله تحمل الأيام أطلب من الطبيب يغير لك العلاج، اتمنى لك الشفاء العاجل.

يعطيكم العافيه على الردود . انا من النوع امشي جنب الحيطه ولا احب ادخل معاكم بزيادة
بقرا احوالكم ودردشتكم واحاسيسكم ولا حبيت بيوم اتشجع واكتب عن نفسي لكن الحمدلله

المهم استاذة نوايا انا يوم رحت المشفى كان بجيبي شفرات من نوع قوي ع اساس انو اذا ماساعدوني الدكاترة اشق اعصابي قدامهم من كثر ما كنت تعبان بهذاك اليوم

الدوا حسن من حالتي كثير ومستغرب مع انو انا ببدايته يعني ماني تعبان نفسيا زي قبل ما اخذ الدوا
طلبت مني تنويم وكاتبة عاجل بكل الاوراق بس ماحبيت ادخل مصحة نفسية ! ف تجاهلت هالموضوع مع اني كنت محتاج تنويم قبل اخذ الادوية بس مو ب مصحة !
الحمدلله ع كل حال اتمنى الشفاء لي ولكم والله يهدي كل من له مس بضررنا

الله يكون في عونك معناه شديدة الله كريم

فهمت عليك نك انجليزي سبب التنويم بس اتمنى انك صرت افضل
الادويه تساعد اكيد بس يبغالك صبر
انا مااحب التنويم لانه مااثق بالمستشفيات النفسيه ابدا صورتها مو كويسه عندي
لكن انت يمكن يومها كنت منفعل من شي ف ضاقت فيك الدنيا
خلي اهلك يكونو جنبك وحواليهم هالفتره
اذا ماتحسنت بالادويه حاول ترجع تقولهم