خذ العلاج وماجاك عندي

خذ العلاج وماجاك عندي

السلام عليكم ورحمة الله

سالفتي معروفه لدى البعض هلع وقلق عام بدون سبب وبداية المرض معاي من رمضان 1436 هـ او قبلها لكن شد حيله برمضان وماخليت احد يعتب علي

رقيه
مشايخ
مستشفيات
مستوصفات
زيت مقري عليه
خلطات وخرابيطات

المهم بعد العيد رحت لدكتورتي الفاضله بالاردن اعطتني سيروكسات سي ار وانديكاردين الى هو اندرال

بديت العلاج يوم 2/11 بعد نوبه جتني بالعمل بديت العلاج اخذت شهر زانت اموري شهر ثم انتكست وكلمتها غيرته لي الى باروكسات الفرق صناعه محليه الباروكسات ماعاد شفت ولا جاني الهلع الحمدلله ولا جميييييع اعراضه ولله الحمد الان على جرعة 20 وبعد ما ارجع من سفرتي بابداء اوقف العلاج باذن الله تعالى



بقهركم :-

سفريات على قفا من يشيل الان انا بتركيا تحديداً بطرابزون جنة الله في الارض برجع قبل العيد او بعيد هنا

والي اخذ العلاج واستفاد الحمدلله والشكر له

والي مكبر راسه لا يلوم الا نفسه 😂😂😂😂😂😂

وبديت مشاريع تجاريه ودخلت باشياء جميله كنت اخاف اقدم عليها لكن الان انا ولله الحمد شخص ثاااني

المصدر: نفساني

متى حسّيت بالتحسن ؟

ماشاءالله اخي بطل
ربي يديم عليك العافية
وموفق بمشاريعك
ربي يكتبلك الخير والفرج والرزق :)

والله التحسن التاام من شهرين الى ثلاث اشهر من بداية العلاج مافيني شي ولله الحمد

اللي مكبّر راسه عن الأدوية لا يلوم إلا نفسه ... ليش سلامات أخوي ؟


الله يشفيك شفاء تام وتقطع الأدوية ان شاء الله ... الشافي الله وماجاك عندي .. والأدوية مجرد سبب مساعد .. حتى وأنت للحين ما نجحت أبلشتنا هههههه
الله يصلحك بس .. خلك هادي أكثر

الحمد لله اختفت نوبات الهلع دون أدوية .. وكذلك الإكتئاب .. وتلاشى الوسواس ولله الحمد ... يعني أدويتك مو إنجاز من شان تسوق لها بالشكل هذا وتقول لا يلوم إلا نفسه اللي مكبر راسه على الأدوية ... وأنا بطرابزون وسفريات على قفا من يشيل ... ترى راس مالها نوبات هلع يابن الحلال ما جربت الوسواس ولا الإكتئاب والله لا يجيبه لك

عقبال ما تقطع العلاج .. يا بطل

ممتاز بالتوفيق اخوي :)

لازم تعرف ان فيه بنات هنا مستحيل تستخدم الأدوية بسبب أهاليهم .. لذلك لا تعلق الناس بالدواء


وأنا بقهركم وانا صاحب سفريات وانتم ضايعين ولوموا أنفسكم ... يا عمي إحترم شعور المرضى هنا .. البعض فيه ثلاث أربع أمراض نفسية ومثلها جسدية وظروف إجتماعية ولا يقدر يروح يعالج نفسه ولا أحد يساعده .. وانت جاي تقول هالكلام ..!!

إنت تحكم على العالم من خلال تجربتك اللي إلى الآن ما انتهت .. الناس غير وضعك .. أنا عرفت حالات كثيرة عن قرب بالموقع هنا .. أتوقعهم أقوى منك بكثير .. لأنهم صابرين وظروفهم سيئة جداً .. ولما يتحسنون ما يجون يبلشون العالم


حاول تكبّر عقلك شوي .. من جد ما أدري أنت أساسا كذا ولا هذا عرض جانبي من الدواء ..!!


على فكرة .. أنا ملاحظ هنا وعلى أرض الواقع كثير من مستخدمي العلاج يتمنى إن اللي حوله يستخدمون العلاج النفسي .. يمكن حالة نفسية هذي .. يمكمن عقدة !! ما أدري

تشاوز

مبروك اللهم لك الحمد يارب

وش فاقع قلبك اقول الي ابي والي ظروفه صعبه الله يعينه والي مايبي ياخذ علاج بكيفك ماعلي من احد هذا منتدى في ناس تتابع تجارب بعض وفي ناس بتزبط حالها انا قلت تجربتي الي يبي يستفيد الله يعينه ويقويه


الي يبي يستفيد الله يحييه الي مايبي خلاص يمر مرور كرام والله يسهل امره

ظل امرأه الله يسعدك ويعطيك العافيه شوفو ناس متفائله بدال النوعيات المتشائمه


تحياتي لك وللادارة

باقي الشباب الله يبارك فيكم ويتم علي وعليكم السلام ورحمة الله وبركاته الصحه والعافيه وعقبال تجاوزكم لهذه المرحله

ماشاءالله تبارك الله
والله نأخذ العلاجات ونتمنى ربي يشفينا ياااارب
واخوي عبدالله سلمان صراحة كذا احس ردك عالرجال ماله داعي مع احترامي لك ... اول شيء الكلام اللي كتبه تشجيع لنا انه الحمدالله فيه امل نلاقي علاج ويناسب حالتنا .. ثاني شيء هو يبي يبين انه مستانس وجايبها من باب المزح وهالشيء واضح ... وانت الله يهديك تعليقك هو اللي يوتر وتبين مدى انكسارنا ... وصراحة بكل امانه انت حساس بزيادة ..مسكت كلام الرجال كلمه كلمه وتعلق عليها .. وبالاخير تشككه بنفسه ان هالكلام من اعراض الدواء ...

المشاركة الأصلية كتبت بواسطة محبة الرؤوف

ماشاءالله تبارك الله
والله نأخذ العلاجات ونتمنى ربي يشفينا ياااارب
واخوي عبدالله سلمان صراحة كذا احس ردك عالرجال ماله داعي مع احترامي لك ... اول شيء الكلام اللي كتبه تشجيع لنا انه الحمدالله فيه امل نلاقي علاج ويناسب حالتنا .. ثاني شيء هو يبي يبين انه مستانس وجايبها من باب المزح وهالشيء واضح ... وانت الله يهديك تعليقك هو اللي يوتر وتبين مدى انكسارنا ... وصراحة بكل امانه انت حساس بزيادة ..مسكت كلام الرجال كلمه كلمه وتعلق عليها .. وبالاخير تشككه بنفسه ان هالكلام من اعراض الدواء ...

وأنا كذلك مع إحترامي لك مقدّر رأيك .. خصوصاً إن ردّه مشجع لك كونك تستخدمين أدوية

ولكن أنتي ما فكرتي في الناس اللي ما تقدر تستخدم أدوية ولا فكرتي في مشاعرهم ولا في ظروفهم .. فكرتي بنفسك ومشاعرك وظروفك

يمكن لأنك ما تعرفين حالات مثل اللي أعرفها هنا .. أنا أعرف ناس هنا من قوة الضغوط والظروف ولا لها معين ولا حلول تتمنى لو تستخدم أدوية ولكن ممنوعة عليهم


اللي مكبّر راسه لا يلوم إلا نفسه ... ياليت تتكلمون عن الأدوية فقط ولا تتكلمون عن اللي ما يبي يستخدمها واللي ما يقدر يستخدمها .. أتركوا أصحاب الرأي الآخر في حالهم .. ولا تزعلون إذا جبتوا طاريهم وردوا عليكم .. تعليقي كان واضح جداً بس انتي اللي حساسة تجاه نفسك واللي يفيدك شخصياً .. وأنا فعلاً حساس تجاه الطرف الآخر اللي يعاني وعادي تقهرونه وتكسرون مجاديفه من شان تشجعون انفسكم وتتفائلون


ماكان ودي أعلق عليكم كلكم بكلامي هذا .. ولكن دقيتي باب وجاك الجواب يا أختي
يمكن لو أكتب لمية سنة قدام ماراح تفهمون الإحساس هذا ... لذلك هذا آخر تعليق لي بخصوص هالشيء


مع تمنياتي بالشفاء للجميع

رينا يتمم عليك صحتك وعافيتك، بصراحة الادوية تساعد كثير في مثل هاي الحالات، انا عانيت منها فترة وبعدين اتجهت للأدوية لانه العلاج السلوكي المعرفي ما نفع معي، وحاولت اتأقلم مع الحالة لكن كانت تزعجني جدا. لا نوم ولا اكل ولا حتى خروج من المنزل.

بالاخير اتجهت الى الادوية والحمدلله رجعت مثل اول واحسن. العلاج عامل مساعد في كثير من هاي الحالات ويطيب الخاطر لكن لا ينصح بالاستمرار عليها لفترة طويلة جدا، هذا كلام الدكتور الي شفته

بقول لك ليش نفعت معك بعد الله لان حالتك مو مزمنه مالك الا سنه اغلب اللي هنا وانا من ضمنهم من الطفوله وتروح وتجي الحاله 😓عموما الحمدلله الذي عافاك والحياة جميله وحتى انتم ياللي ماطلعتو من دوامة التعب عيشو حياتكم