الخوف والرهاب والامراض النفسيه سوف تدمر حياتي وسوف اسافر عن قريب!!!

الخوف والرهاب والامراض النفسيه سوف تدمر حياتي وسوف اسافر عن قريب!!!

السلام عليكم ورحمة الله وبركاته
يمكن المكان الوحيد اللي اقدر أتكلم فيه هو هنا
والله تعبت من حالتي المتقلبة
اعاني من خوف كثير جدا ورهاب اجتماعي ووسواس ودايما ماكول حقي
والسبب من الصغر كنت معننف كثيرا كثيرا من كل الناس
فكبرت وانا والله عصبي لكن قدام الناس كنت ماقدر اسوي الا ارتجججف واخاف انه يحدث شي
ورهاب لاني كنت اضحوكه في الصغر لكن داخلي انسان غير
وانا هلي عصبيين ودائما يفرضون كلمتهم على الكل وانا مثلهم من داخلي واعصب لكن في الحقيقه ولا شي
لين ماستعملت سيبراليكس سنة طلع الانسان النايم اللي داخلي صرت صاحب كلمه وينخاف حتى اذا عصبت وماخاف من احد وافرض نفسي وكلمتي لكن السيبراليكس سبب لي مشاكل جنسيه كبيرة جدا وترتكه وانتكست حالتي
بعدها طبيبي وصف لي دواء بريستيك ومانفع وزاد الجرعه وبين مفعوله لكن بشكل بطيء جدا وهو سعره غالي علي كثيرا فصرت مو ملتزم كل فتره وفتره استخدم للين وقفته بسبب ضائقة ماليه واصلا لم يفيدني مثلالسيبراليكس
وفي وقت وقفته صارت لي مشكله في الشارع واحد غلط علي بالسياره وانا سكت وهو تم يغلط ورديت عليه لين ماكانت بتوصل للضرب وهددني وهالشخص معروف راعي مشاكل وعاي يدخل سجن لكن بعدها انتكست حالتي بشكل مفججججع وبعدها بسبوع حدث لي موقف بين أصدقائي نفس الشي وضحكو علي حتى الأطفال بعدها انا هنا تدمرت من جديد والله رجعت اخااف من الناس ومار واخاف ارد حتى لو يغلطون عكس اول كنت مو بس ارد الا يخافون والله الان احس مهما اسوي احس تركت نظره بين الكبار والصغار من اهلي اني ولاشي واضحوكه ومالي قيمه أي واحد يستهزء بي حتى اذا غضبت فلا اعرف كيفاصف الشعور لكني احس انتهيت اجتماعيا ونفسيا النفسيه والله مو صفر بس صار جسمي يرجف اذا احد بس طالعني شلووون صرت كذا صار والله ودي اصيح على كبر اليوم واحد حتى في قروب ماعرفهم ولا اعرفه هددتني أعاده قبل اني اخسف باللي كذا بالرد اللحين صار لي أسبوع بصيح وبستجن وقلبي يدق وخايف وشعور يقتل والله مو قادر اتحمله احس بستخف وحتى ولد صغير من عئالتي توه بزر صار بيشوف روحي علي مثلهم لاني انكسرت مو هنا المشكله فقط المشكله اني بعد شهر سوف اذهب اكمل دراستي ابتعاث الله يعز حكومتنا في استراليا مادري شلون بختلط بين الناس والقي برزنتيشن وتقارير ولا شلون بتعرف على الشباب وانا أخاف أتكلم والله بموت بستخف ومادري شلون بتعالج هناك مادري التامين يشمل العلاج النفسي ولا حتى مايشمل الادويه هناك سمعت لازم وصفه وماعرف أتكلم مع الدكتور انجلش الى الان كيف اخذ وصفه شبسوي شلون بعيش شلون بتعامل مع الناس والحضارات والثقافات ولا احد يغلط علي أخاف أخاف شلوون من امير اصيركذاااااااااااااااااا مادري والله شبسوي متوهق مع اني احب اختلط مع الناس كنت يوم خفيت واحب اطلع واتعرف واضححححححححححك لكن الان ارجف ثم ارجف ثم ارجججف وشلون بتعالج برا وبريستيك مافادني كثيرا ولكن أصلا لكني مو في وقت اجرب ادويه عشان اعرف اللي صلح لي أيضا

المصدر: نفساني

اول شي لا تحزن هذا عارض يمر ع الكل يحس بضعف بتقولي بس انا بقولك ماتعرف اللي بالقلوب بعطيك شغله انت رايح تدرس برا هذا شي راح يغير شخصيتك ميه وثمنين درجه عن تجربه بنفسي باخوتي واقاربي لما يسافر دراسه يرجع شخص ثاني اقسم بالله اخي ضعيف شخصيه راح شهرين بريطانيا رجع شخص قوي بختصار بعطيك اشياء بزم تأمن فيها
1_ماحد يدري باللي بقلبك//بمعنى خلك طبيعي ولا تفكر لان اي شخص راح يوجههك بسكون هو خايف ف لا تبين خوفك وراح تسلك امورك وتكتشف الشي اللي ناقصك وفهمته
2-قل بداخلك وبنفسك الخوف الوحيد اللي يستاهل اخافه اهو ربي فقط
3_ عش حياتك خلاص ولا تفكر بالماضي وضعف شخصيتك وتقول ذولي حفطوني اني ضعيف بس ارجع من البعثه برجع نفس ما انا لا تقول عل شي بال بالعكس انت رجال مؤمن والموؤن القوي خير من المؤمن الضعيف عند الله لي متى تعيش اللم واحزان الماضي خلاص وقف وعش حياتك اخوووووووووووي ولا تنسى البشر طبيعتهم الاغلب كذا ماعندهم احساس بس مو بمعنى الكل
وعش حياتك ولا تنسى لا تنسى انت عندك تجربه بتغير شخصيتك لا تخلي افكارك تهدم شخصيتك هناك وخذ هل كلمه حطها بالك بباللللللللللللك ماحد يدري باللي بقلبك ماحد يدري بانك ضعيف ف مثل مثل ماالعالم تمثل انهم اقويا فجئه تلاقي شخصيتك تتغير وتصير انسان التمثيل انقلب لطبيعه فيك


بختم بقصه بسيطه
اعرف شخص قوي قوي لسانك ويهايط بابشجاعه
بعد مرور 13 سنه تخيل من التمثيل اكتشفت انه دجاجه ضعيف بس هل شخص ذكي قدر يقنع الكل انه قوي كل هل مده لانا ماندري شلي بقلبه لنا الضاهر بسرمن هياطه الزايد وعدم احساسه انقلب النعمه نقمه فهمت وبالتوفق وتفأئل وبسك حزن احبك بالله