هل هو اوهام ، او وسواس ، واي تسمية افضل؟

هل هو اوهام ، او وسواس ، واي تسمية افضل؟

السلام للجميع ، وثانكس على هل منتدى الرائع ، اللي يفتح ابواب لكل من يعاني حالات نفسية.

آنه صارلي من عمري 21 ولهذا اليوم حالات اسردهه لكم بالتفصيل :

1) ياتلي مرة وحده وساوس اني مصاب بالايدز بس كانت على خفيف ، وكل يوم تعجبت من روحي زيادة اشفيني وليش اول مرة اركز في موضوع صارله 7 سنوات امسويه( العلاقة الجنسي) فحصت روحي 3 مرات والحمد لله مافيني شي ، بس الفكرة بعد ظلت اتراودني بس بدون شيقة خلق( بدون اكتئاب) ، مرة وحده وآنه قمت من النوم في يوم من الايام حسيت اني غير عن امس ، شعور غريب ، ضيقة خلق ، كأني سأموت ، موعارف شنو فيني ، ومن يومها تميت 3 ايام على الفراش كل يوم اتمنى اني اكون في كابوس واقوم عادي ، بس ليس كل مايتمناه المرء يدركه ، وفي اليوم الثالث صديقي نصحني يقول روح حق مستشار نفسي اهمه يعرفون شنو سالفتك وهذي شغلهم . رحت حق دكتور سألني اشفيك رديت عليه وقلت له شنو فيني والقصة كاملة قاللي في ( اكتئاب ) وكل انسان في مرحلة من حياته من زيادة الضغوط اتصيدة هل سالفة ، عاد عطاني كيلو حبوب وقاللي تعال بعد اسبوعين.

رحت حق هل دكتور بعد اسبوعين الا غيروه؟ صارت دكتورة بدل دكتور ، المهم قلتلهه اني على موعد مع دكتور ، قالت لي اهيه مكانه لان اهو سافر ، عاد عقب اسألتهه سوتلي مرض يديد اتسميه وسواس قهري ، عاد آنه ماعجبني الاسم (ليش خلصوا الاسامي؟؟. المهم تميت فترة اراجعهه ماكانت اتسوي لي شي ، بس ادوية في ادوية بدون كلام او حجي لين اقنعتني ان فيني وسواس قهري ، ومن يومهه لهل يوم كل مرة اتييلي افكار يديدة وسيناريوهات يديدة ، مرة في العقيدة وفي اشياء ثانية ، لين وصلتلي فكرة اني اوسوس اني ما استحق اني اتزوج وغير صالح للزواج ، اتعرفون ليش ، لاني اول شي خنت زوجتي في الماضي ( فكرة غبية ومثالية زيادة عن اللزوم ) ، والفكرة الثانية اني اشلون باقول حق خطيبتي اذا خطبت اني وسواسي / مع ان الواحد لين يسمع فكرتي يضحك علي ويقول لي ماعندك سالفة ، بس واليوم خفت الفكرة لاني احاول اقنع نفسي ان كل انسان فيه نقاط ضعف.

المهم ، حبيت افضفض معاكم ، وابين لكم ان الدكاترة نظرتهم سطحية للامور ، اي وسوسة على طول قالوا وسواس قهري ، واذا متضايق على طول اكتئاب ، وهذي الاسامي اتضايق الواحد ترى لانه يحس انه غير سوي ، ياما ناس عاشت بدون ما تفكر بهل امور ويتوكلون على الله لان اهوه الشافي.

الدكتور لو لم يقل اني مصاب بوسواس قهري لاصبحت الان احسن حالا .

وعندي نقطة ، مثلا لو تم تسميتها اوهام او خيالات افضل من تسمية وسواس والا اشرايكم؟

وتحياتي

المصدر: نفساني

والله يا أخي عندك حق بس شو تسوي والمرض النفسي هو الخلانا نحتاج للدكاترة وخاصة ان فيهم من لا يحس فيك بالمرة ويروح يقعد مع عائلته ويضحك اهم شيء بس يكون خد الكاش ......... بس لا تخاف انا اظن عندك أكتئاب وبيروح مع الأنشغال وما اظن ان حالتك محتاجة زفت أدوية او سموم صدقني أنا جاتني مرة وكان السبب اني ما كنت مختلط بالناس لكن لما تنشغل أكتر هتروح الحالة هذه تماما والله معاك

تسلم على الرد وماقصرت :)

اخوي لا تخاف من اسم وسواس لاكن لا تهمل نفسك سبق مريت بحاله مشابهه اخذت علاج
والحمدلله تحسنت وراحت الافكار اهتم بلعلاج وتحياتي لك

انا اشوف ان علم النفس الي يتعمق فيه ويركز فيه

بيحس بالمثاليه

والدكاتره النفسانين الحقيقه انهم يزيدوا الطين بله

مو الكل لكن ثلاثة ارباعهم

قريت مره عباره واقتنعت فيها

وحده كتبت بتوقيعها (قل لي ماذا تقرا اقل لك من انت )

اعتقد اننا نحتاج للتعبير والذكاء الاجتماعي

التعبير يكون بتعلم الشعر او الرسم

والذكاء الاجتماعي يكون بقراءة كتب انواع الشخصيات

وطرق التعامل مع الاخرين

صح كلامج اختي ومشكورة على ردج