الهلع موضوع محرج للغاية

الهلع موضوع محرج للغاية

تصدقون !
اشوف ناس من جماعتي فيهم اعراض النوبة ويعانون منها ووزنهم ينقص بس استحي اقول لهم عن معاناتي احس انه شي يفشل ويمس شخصيتي وما احب أحد يعرف اني اراجع دكتور نفساني صدقوني مب مني من اللي حولي
حتى الدكتورة نفسها يوم رحت لها قالت لي اذا تبين الموضوع سري واذا ما تبين تعطين اسمج بالكامل على راحتج هذا كله له معنى واحد انها عارفه انه موضوع محرج

المصدر: نفساني

صحيح ماذكرتيه بس الان فى الفترات الاخيره انتشرت الامراض النفسيه كثيره
والعيادات النفسيه اصبحت تكثر بالمرضى.
يمكن فى السابق كان نظره الناس للمرضى النفسيين محرجه جدا.
الان اختلف نوعا ما لانها كثرت ووهو مرض زى اى مرض.

صدق انه مرض مثل اي مرض بس والله محرج
ان يشوفك شخص يعرفك وانت تراجع العياده النفسيه
مهما قلنا ان العلم تطور وان هالامر عادي ومن هالكلام
ماهو الاالامحاوله اقناع لاانفسنا ولمن حولنا لكن في الواقع هو امر محرج

لاعادي يااختي لاتقولين انك مريتي فيه
قولي اعرف وحده كانت كذا وتحسنت
يعني انصحيهم بطريقة مايكون فيها تلميح انك انت المريضة
ولو اني اشوف انه شي عادي نوعا ما خصوصا مع الانتشار الزائد له
الله يعفو عنا بس

السلام عليكم

ليه يابنات مكبرين الموضوع والله انه مره عادي ايش فيها لما اروح لدكتور نفساني ولو العالم كله عرف فين المشكله هذا شي يخصني محد له عندي شي وعاد كل واحد وتفكيره لو بيقولو اني مجنونه براحتهم ههههههههه المهم اني احصل شي يساعدني بعد الله ويخفف عني والله الناس مهم دارين عني وانا تعبانه وساكته فخدو الموضوع ببساطه لانه مره طبيعي والله كل انسان معرض لاي شي بالدنيا هذه


لكم تحياااااااااتي

رغم اني ما احب اخرب شعور التفاؤل لديكم بس الحقيقه غيررررر .
فيه ناس يقولون طببيعي وعادي وكل الناس فيهم هالشي اقوله حتى الموت طبيعي وعادي وكل الناس يموتون والامراض الخطيرة بعد طبيعية وعادية وكثير من الناس يصابون بها وشو اللي مو طبيعي بس ؟؟!!
اللي ابيه اقوله ان مرض الهلع وتوابعه وشركاه صراحة يخلي الواحد يا ينجن يا ينتحر وأنا اذوق القهر والمر كل يوم وأشوف الظلم قدام عيني ولا اقدر ادافع عن نفسي واشوف الناس تهزيء فيني وتعاتبني على شيء ما سويته والقى نفسي ساكت ما اقدر أواجه غصبا عني وصراحه ما اتحمل هالشيء زي أي إنسان آخر لاني اتعذب من القهر كل يوم ولا صح نسييييت !!!... القهر طبيعي وكل الناس يصابون به :)

نسيت اتكلم عن موضوع الإحراج أمام الناس
ومو معقولة أن هالناس في محيطنا هالأوفياء الكرماء الطيبين الطاهرين واللي ينقطون عسل وما قد سوو خطا في حياتهم واللي اصلا منب هامهم ولا لي مصلحة عندهم ولا لهم مصلحة عندي ولا راعوا مرضي ولا معاناتي أروح وانحرج منهم واتخفى انهم يشوفوني فليش أخاف واستحي وانحرج منهم وهم من الاساس ما همتهم نفسيتك !!! تلك إذا قسمة ضيزى!!

اللي يبي يتعالج عند طبيب نفسي لا يقول إحراج وما إحراج إذا خايف من الإحراج ومستحي منهم خلاص اقعد في بيتك وخلك في معاناتك وخل هالناس اللي مستحي منهم ومنحرج منهم ومعطيهم فوق قدرهم من الخوف ينفعونك ويعالجونك ويهتمون لك .
ما يستاهل الواحد أنه ينحرج او يستحي وهو اصلا رايح عشان يخلص نفسه من معاناة وتعب وعلى فكرة مافيه أحد مافيه مرض نفسي ابدا ولكن درجات المرض تتفاوت وايضا كثير من المرضى النفسيين يكبتون معاناتهم ويخفونها عشان موضوع الحياء والاحراج من الناس .
وتقبل مروري

بس في وحد من خوياي عسكري في المباحث هو عرفو الاداراه انه يعالج في عياداة نفسيه وافصلوه حتى اذ تتزوج قول لهم انا انا عالج في عيادة نفسي ماراح يزوجونك مشكله عندنا كبير

من جد الناس هنا مخهم مقفــــــــــــــــــــل ..!!