تبي تعرف وش يصير بالعروس تعال فيذا

تبي تعرف وش يصير بالعروس تعال فيذا

بعض النصائح للي وده يطالع

1- صامولية تونه بالعسل .. للي يجوع و هو في الطريق

2- ترمس شاهي مع لبن .. للي يعطش بعد

3- موسيقى كلاسيكيه هادئه و انصحكم بمطربنا الكلاسيكي

المليء بالمشاعر الفنيه و الحسيه ألا وهو بشير شنـــان

4- نصيحه اخيره وهي ان تمصعون فيش التلفون عشان ما تجيكم فواتير

و تلعنون الساعه اللي قريتوا فيها موضوعي بدينا بالجد الحين:

الزفــّــــه

تبدأ الزفه الحين عاد ... يا أما تكون شعر يقال في البنيه والا حريم يزاعقون ألف الصلاة و السلام عليك يا حبيب الله محمد لللللللللللللللللللللللوي ... المهم تجي عروستنا الله يحرسها .. كنها بزر توه يتعلم المشي .. تمشي حبه حبه ماسكه باقة ورد .. أحس ودي أقولها ( هدااا هدااا مشى و عدااا .. تمر نص ساعه على بال ما توصل للكوشه و تجلس بسلام .. في النص ساعه هذي اللي كانت تمشي فيها على حبه حبه تعالوا شوفوا التعليقات

نوال : أقول طقمها مهوب من كبره .. والا لا ؟؟؟؟

عبير: ايه صغير شكل ما عندهم قروش

نوال : لا يا شيخه يقولون أبوها مليونير و رجلها بعد

عبير: ايـــــه أجل خلاص أكيــد بخلا .. يا كافي مدري وش فيهم الرجال يبخلون على بناتهم هذا و هي البنت الوحيده

ثمين يجي عاد دور المزيون الأطخم رجلها ... يمشي يدربي كرشته ذا الفقمه و وراه أمة محمد ماشاء الله ... تلاقي معه أبوه و ابوها و اخوه و اخوها .. خالها عمها ولد الجيران .. راعي البقاله اللي جمبهم .. و نصهم تلاقيهم مهوب محارمن لها يروحون كلهم للكوشه يوقفون شوي يصورون و يقزقزون في البني ( للي ثقافتهم روسيه البني جمع بنات ) عاد البنات ما يعترفون بالغطا في الزواجات والا تلاقيهم ماسكين منديل كبر يدي و حاطينه على اثاميهم يعنني متغطين ( اللي ثقافتهم سيلانيه اثاميهم جمع اثم وهي بمعنى فم بؤ ماوث ) ... بعدين عاد تبدا تعليقات البنات

ليلى : وععععع ورى رجلها كذا شكله ... يخ والله انه يحوم التسبد

( ياخي وش دخــّـــل أهلــك أنتي وياها رجلك والا رجلها )

هيفا : ياااااااااااااااي شوفي هذاااك مررره كيووووت اللي لابس سكسوكه كذا ياااي مره نااايس ( لا تفوتكم لابس سكسوكه لووول ) على فكره ترى البنات يموتون في شي اسمه سكسوكه يا شباب لوول بكره الاقي كل المنتدىحالقين لحاويهم ... لا بس من جد مدري وش فيها زود عاد

ليلى : ايه هذاك .. يقولون انه ولد جيران خال عمة العروسه

بعد ما يخلصون من التصوير الرجال يرجعون ... بس و هم في الطريق تلاقي عجوز مدري من وين فجأه تنط تمعط رجال من بين الرجاجيل اللي يمشون و تبوس و تجغف فيه قدام الحريم .. طبعا هالرجال يصير ولد عم خالة ابوالجيران .. طيب حبحبيه و خمخميه ما يخالف بس بعدين مهوب هنا
عاد اذا راحو الرجال تشوفون الطقاقات يجمعون هالفلوس
<-------يجمع معهم
ههههههههههههه لحد يصدق امزح معكم المهم هذي اللي يصير بالعروس صح والا لا واذا منتم مصدقين اسلو بداده هي اللي قالتلي كذا

تحياتيل لكم..اخوكم..إغــّديـّــر




:D :D

المصدر: نفساني

بشير حمد شنان...........

شخص قد رحل بذنبه........


فاتركه......ولا تذكره الا بخير او اصمت

واذكروا محاسن موتاكم

السلام عليكم ورحمة الله وبركاته

وش فيكم على هذا المسكين :( <--------

واللي خلقني انه من يوم ما سجل في المنتدى هذا وكل يوم تجيه رساله ..
ليتهم يباركون له والا يمدحونه..
فيه ناس رجال ومحترمين ..مثل ندى وشرواها..
بس والله ما دام عندكم بداده وشهراني اسمحو لي انا راحل من المنتدى هذا

:confused: <--------بالله عليكم وش جاكم منه.
والله لو اني شارون ما سويتو فيني كذا والله حرام..
بس انا تعلمت ما اسجل في منتدى الا الين اعرف اللي فيه

على العموم غلطه وما راح اسجل في منتدى ثاني
ووعد مني ما راح تلقوني هنا مره ثانيه
على العموم اللي يبي يتواصل معي من اللي رحبو فيني هذا ايميلي
إغـــّديـّــر العتيبي
:confused: ممكن سؤال محيرني ؟وش جاكم مني علشان تسوون فيني كذا؟


اخي الغالي 0 لقد قمت بحذف ايميلك لان هذا من شروط


المنتدى وقد التزم به الاعضاء جميعا راضين به ومقتنعين بذلك

ولا يهمك يا عتيبي
أسلوبك جميل ورائع ونأمل منك الإستمرار
والخلاف لا يفسد للود قضية دافع عن ما تراه صوابا .

اغدير بدينا في الدلع



اقوووووووول ارتخ على قولتكم يالبدو


;)


لا تكبرب المواضيع انت ووجهك الحين هم يلاحظون عليك بعض الملاحظات تزعل


عادي ياخويهذولي مثل اهلك اذا غلطت يقولون لك وبعدين تذكرصديقك مرآتك


يالله فمان الله وترى من حكمة البتار انه ما حذف ايميلك ولا تراه ممنووووووع تحط ايميلك


سلام على البدو كلهم واولهم اغدير

;)

إغــّديـّــر.........اخبــــــــر هالحركااااااااات قد شفت بعضها

في زواج بدو طبعا من زمان اما الحيييين صارو العتبان موووووودرن

بكثير عن اول ;)

ليـــــــــــــش ترحل:( مـــــــــــاامدااااانا نرحب فيك الا رحت

عسى ماشر ترى من تغلى تخلى

وانااختك ولك سلااامي يالعتيبي

واحنا زي الاهل

اخي الغالي/ اغدير


المنتدى اخي ليس خاص بشخص من الاشخاص او جماعة من الجماعات


وانما هو للجميـــع :


لكل من يرد الخير ويرد العلاج النفسي


ولكل من يعاني من امراض ووساوس واضطرابات وقلق


ولكل من يريد الفائدة وهمه الخير للناس


اخي الحبيب


لاتحزن ولا تغضب ولاتتركنا فوالله انه يعز على فقداتك

اسال الله لك التوفيق

اخي

انت في منتدى قد ياتي اليه بعض المرضى النفسيين فاحرص اخي

على التحلي بالصبر والحرص على ايجاد العلاج الناجع لهم


واجعل نفسك اخي كالطبيب المخلص الذي يعالج لمهنة الطب وليس للمال

ارجوك اخي لا تتركنا ولا عليك من احد


تقبل احترامي


البتار