|
|
|
 |
|
 |
||||||||
|
||||||||||
 |
 |
 |
||||||||
| ملتقى الفضفضة مساحة ليقول العضو كل ما يجول في خاطره ، فضفضات نفس . |
 |
|
|
أدوات الموضوع |
21-09-2009, 03:24 AM
|
#1 | ||||
|
نائب المشرف العام سابقا
عضو مجلس إداره دائم
|
ماذا تفعل لو كنت المسئول؟
االسلام على جميع السادة الحضور .................وتهنئة قلبية بمناسبة العيد ((كل عام وانتم بافضل صحة واحسن حال)) .....................من الملاحظ فى الاونة الاخيرة انه اينما تذهب تجد من يفتون وما شاء الله فى كل المجالات السياسية والاجتماعية والاقتصادية والمصيبة الكبرى الدينية........وعندما استفذنى هذا الامر قررت ان ابحث ورائه لعلى اجد اجابات مقنعة لانتشار هذا المرض .والامر بغاية البساطة.وهو ان اصمت واستمع واراقب لبعض الامور مثل (من السائل و نوعية السؤال وعلاقة السؤال بالحوار الداير ومن هم المحاورون من حيث النوع والدراسة وتقارب العمر وايضا الثقافة)وكان هذا البحث لمدة وجيذة جدااااا لهول ما رايته وسمعته .......اسبوع.................اكتشفت ان المولود بعد يومه السابع يعرف مما لايدع مجالا للشك جميع امور الحياه من اول اسرار الطبخ الى الاسس والمعايير التى يتم عن طريقها اختيار التشكيل الوزارى وسنبدأ من المواصلات حيث انها مادة دسمة جدا.............ارجوا ملاحظة ان نظرية التواطؤ هى المسيطرة على النقاش...........اولا فى المحطةحيث تاخرت الحافلةيتبرع احد الاشخاص بفتح باب الحديث يقول(لو كانت البلد دى بتحترم الناس لزودت عدد الاتوبيسات)وطبعا يلاقى محترف الفتوى الاول يشاطره غضبه ويقول(انت واخد بالك ان العدد قل مع ظهور الاتوبيسات المكيفة) ويظهر اخر ويقول(هم كل سنة فى الوقت دة بيقللوا العدد من الخط دة علشان يزودوا مناطق تانية)واخر(ياعم مش كفاية انها منحة من الدولة الفلانية كمان هيستخصروهم فينا)واخر(ومين قال لك ان هو دة العدد اللى جه انت ناسى اللى دخل فى كرش الحكومة) وجاء الاتوبيس وركب الجميع حريصون على ان يتجاوروا لتكملة الحديث وبدا عم المعترض(بص الكراسى كلها تراب والزجاج مكسر حتى السواق شكله وحش)الاخر(امال هيكرهوك فيه ازاى بالعقل كدة هينظفوا دة ولا المكيف )ومع اول مطب (مش قلتلكوا لو الطريق دة بيمشى منه مسئول كبير تفتكروا كان يبقى ده الوضع )واخر(بص لشوارع نص البلد وشوف الفرق)(طبعا يا عم دى شوارع البشوات اصحابها)(انا عايز اعرف ايه السر ورا ان منطقة كذا اتسفلتت واترصفت من الصيف اللى فات ثلاث مرات والمنطقة اللى جنبها مش شيفينها اصلا)وطبعا سؤال جميل لكن الاجمل الاجابات (علشان المنطقة دى ساكن فيها الوزير فلان)(لا يا عم السبب ان الحكومة بتسرق مبالغ طائلة من رصف الطرق)ويرد الاكثر وعى(انتوا عارفين ان منظمة الامم المتحدة بتقدم تقارير سنوية لمتابعة الاموال الممنوحةلينا والمندوبين دول بيمروا من المناطق دى)(انتوا عارفين لو بطلنا ناخد المعونات دى هنبقى احسن دولة فى العالم)(نبطل ؟ دة احنا نجوع)(نبطل ازاى دى سياسة الدولة المتواطئة مع الدول دى علشاننفضل مادين ادينا ليهم ومنقدرش نرفع عيننافيهم)(طبعا كلنا عارفين ان اسرائيل ورا كل المصايب اللى احنا شايفنها دى ولا نسيتوا فضيحة الغاز مع الحكومة)(والله معاك حق احنا مش عارفين نعمل ايه مع الحكومة دى تاخد الغاز بتاعنا وتديه لاعدائنا والقطن والقمح والفاكهة دى حتى باعت المصانع والشركات والمصالح بحجة الخصخصة ) (بذمتكم مش عيب لما تجيب لنا شركات نظافة من الخارج) (ياريت جت على كدة انا سمعت ان الحكومة بتسفر الوزراء ياخدوا كورسات فى اوروبا وامريكا اوس المصايب ) (انتوا عارفين دة معناه ايه ان امريكا بتنجح الوزير اللى عاجبها واللى جاى على هواها يعنى هى اللى بتحكمنا بشكل غير مباشر) (والله ان كان الحكومة ولا امريكا مينفعش معاهم غير بعبع الاخوان المسلمين ) (معاك حق شفت اتجننوا ازاى من نجاح حماس وحزب الله والاخوان ) (لا بس نصر الله رفع راسنا ورا امريكا واسرائيل معدن العرب والمسلمين وشفا غليلنا ) (يعنى عاجبكم اللى عمله نصر الله فى مصر؟) (ومين قاللك انوا عمل كدة بجد مش يمكن الحكومة متغاظة منه فنصبت له خيه) (بصراحه انا مصدق بس على فكرةخسر كتير قوى بالحركة دى ) (بس ايه رايكم بالمخابرات بتاعتنا رصدته وراقبته وقبل مايعمل عملته عكشته) (امال ايه انتوا عارفين ان المخابرات بتاعتنا تانى احسن مخابرات بالعالم)(ربنا يجعل كلامنا خفيف عليهم) (انتو سمعتوا حسن نصر الله وهو بيغير فى ايات القران عن عمد انا سمعت مرة شيخ بيقول اللى يتطاول على كلام الله كانه تطاول على الله) (وده عقابه ايه؟) (الدرك الاسفل من النار )واخر (لالالا عقابه الويل وده وادى بجهنم اللهم احفظنا).............انتهى......................... .........................اولا اسف على الاطالة ............................ثانيا ارى ان نكتفى لانى لا اعتقد ان لهذا الحديث نهاية...........................................وب عد تحليلى المتواضع وجدت عدة نقاط سلبية واخرى ايجابيه......اولا السلبيه :وهى كثرة المغالطة والافتراأت والهجوم الاعمى والتذمر ولغو الحديث الذى نهانا ديننا عنه وادعاء المعرفة الذى ينم عن جهل وولادة الاشاعات التى سرعان ما تنتشر وهذا ان دل على شىء انما يدل عن مدى بعدنا عن ديننا وهو الهدف الاساسى لاعداء الاسلام ...الحمد لله عى انتشار الفضائيات الاسلامية التى ستساعد كثيرا فى نشر الوعى الدينى والاخلاقى الذى ارى بنظرتى المتواضعة انه سيكون سبب رئيسى لعودة الحب والترابط بين الناس عن طريق صلة الارحام وبالتالى عندما يكون الحب يعم الرخاء والقناعة والرضى بالحال خيره وشره ومن ثم لا يحمل احد ضغينة ولااحساس بالقهر ويعم الصفاء وترجع الطيبة ذى زمان
ثانيا النقاط الايجابيه : والتى تنحصر فى التنفيس عما بالداخل وتفريغ الكبت الذى لاياتى من فراغ فجميعنا يعلم ان ما يعيشه المواطن اليوم يشعره بالاحباط ويكسر عزيمته والسبب فى ذلك عدة عوامل اهمها ايضا الفضائيات ماذا يفعل المواطن البسيط بل متوسط الحال اذا راى كل المسلسلات المصرية تحديدا والتى كانت فى الماضى تناقش مشاكل البسطاء وتجد لها الحلول اليوم احداث جميع المسلسلات تناقش مشاكل المليونيرات باعتبارهم عامة المجتمع مما يشعر بالفقر والضعف والقهر وقلة الحيلة ومحاولة تحميل غيره المسئولية حتى لايكون مقصر امام اسرته التى تراقب عن كثب ولا يجد اسهل من الحكومه التى لاادافع عنها ولا ابرر تقصيرها المشين والذى هو دور رئيسى لما وصل اليه الحال وعليه اقدم اقتراح انى لو كنت المسئول عن هذا البلد او هذه المدينه او القرية ماذا سافعل؟؟؟؟؟؟؟؟؟ ارجوا المشاركه مع الاخذ بالاعتبار ان لكل منصب عدة اتجاهات اشكر سعة صدركم .....................واسف مرة اخرى للاطالة..................... والسلام عليكم ورحمة الله وبركاته المصدر: نفساني
|
||||
|
|
21-09-2009, 05:40 AM
|
#2 | |
|
عضومجلس إدارة في نفساني
|
الاخ صلاح سليم اهلا وسهلا بك معنا وشكرا جزيلا على هذا الموضوع القيم الرائع ..
ارى انه من المهم تنقية اعلامنا وتصفية كثير من القنوات لان الاعلام الحالي هو اعظم بلاء وهو مصدر الفساد وفي جميع الجوانب .. |
|
|
|
|
21-09-2009, 05:46 AM
|
#3 | |
|
عضومجلس إدارة في نفساني
|
أحلى صباح ؛؛ ياابو صلاح ....
مرحبا بك فى نفسانى أخا كريما وزميلاً جديداً ... باقول لك إيه يا ( أبو زُمُل ) : مش برضه مصراوى ؟؟؟ أنا أقول : مصراوى ابن مصراوى كمان ....صح ؟؟؟ وإيه ياعم الكلام ( الوطنى ) ده ههههههههههههه جميل استطلاعك المصور بالكلمات هذا لحال شارعنا المصرى الذى دائما وأبدا ما يعج بالكلام ؛ والمقترحات ؛ والآراء المبنيه فى غالبها على : الفتاكه ؛ والفهلوه ؛ والمنظره ؛ والمعلمه .... انت عارف ياابو صلاح ؛ كل واحد فينا عاوز يظهر إنه عليم ببواطن الأمور ؛ وليس من أؤلئك السًّذج اللى بتضحك عليهم الحكومه ؛ وتعممهم بكلامها المزوَّق ؛ وعنده من المقترحات مايصلح الكون كله وليس البلد بس ( أنا لو مسكونى البلد دى يوم واحد كنت .....) هههه عارف طبعا الكلام ده !!!!!!!!! سأبدأ من حيث انتهيت أنت ... لو كنت المسؤول ... أنا فعلاُ مسؤول !!!!!!!!! مسؤول عن نفسى : عن تقويمها وإلزامها جادة الصواب ؛ بإتقان ماكُلفتُ به من عمل ؛ وأدائه بدرجة الجوده والمهاره التى أُحسن بها ( إلقاء ) المواعظ و ( الطنطنه ) بالكلام الكبير إياه ... صدقنى : لو قسمنا الجهد بين الكلام والعمل بالتساوى ( مش هأقول لك نبقى زى الألمان أو اليابانيين ) لأنجزنا الكثير والكثير ... أطيب التمنيات لمصرنا الحبيبه ؛ ولأمتنا العربيه ... سعيد بتشريفك على صفحات المنتدى .... وأرجو أن تجد إقامه سعيده ؛ ويدوم بينا التواصل الحلو ده .... وكل سنه وانت طيب ؛ ياراجل ياطيب .... |
|
|
|
|
22-09-2009, 12:25 AM
|
#4 | |
|
نائب المشرف العام سابقا
عضو مجلس إداره دائم
|
السلام عليكم ورحمت الله وبركاته
اولا : اشكر مشاركتكم الجميلة كما اشكر حسن الترحيب والاستقبال جمعنا الله واياكم على حوض المصطفى صلى الله عليه وسلم ....................... طبعا انا مصراوى اب عن سابع جد وبحبها قوى رغم انى زى اى شاب اتكويت بنارها بس اللسعة كانت جامدة شوية ..والموضوع مش مسألة وطنيةلكن انا بطابعى انسان عملى شوية معرفش ابص ورايا الا للتذكرة كى احمد الله على فضله احب ان اضيف انه بدل من البكاء على بركة الماضى ولعن الظروف الحالية.......بالعربى(لطم الخدود)وجدت انه الافضل ان اكون اكثر ايجابيه وفاعلية وجميعنا يعلم ان خير الناس انفعهم للناس وما قصدته من العنوان (ماذا تفعل لو كنت المسئول) ان اختار المسئولية التى اعترض عليها وبدل النواح واللوم والقاء الاتهامات .انصب نفسى المسئول وادلى باقتراحاتى وارائى ولا انسى الجوانب السلبية فى هذه المسئولية مثلا: اذا اخترت وزارة الداخلية/فجميعنا يعلم التجاوزات المفرطةللكثير من ضباط الامن الداخلى والمباحث والمرور.................فلا نغفل عن الانجازات لهذه الوزارة من صد التدخلات الخارجية والبلطجة وظاهرة تجارة المخدرات والاغتيالات واخيرا الارهاب ......... اردت ان نتناقش بشكل موضوعى ومتحضر و نقدم سويا مشرع متكامل فربما نجد من يسمع صراخنا ويتابع ارائنا ويطور مصرنا................. اى لو كنت وزير الداخلية فعليا طرح عدة اسئلة ولنجيب عليها سويا : 1-هل انت من مؤيدى وجود المعتقلات ؟ ان كان لا ......فكيف تتعامل مع الاشقياء والبلطجيةوغيرهم ممن يهربون من ثغرات القانون ؟ ان كان نعم.....فما هى الضمانة للمواطن الشريف من الزج به فيها؟ 2-ما هى الية تربية نشىء من الضباط يتعاملون فى اطار معارضة شريفة وديمقراطية حقيقية وشعب حر؟ 3-كيف تحل معضلة انعدام الثقة بين المواطن والضابط؟ 4-تسليط الضوء لما يدور داخل اقسام الشرطة وكيفية عقاب المتجاوز وتعويض المظلوم؟ وغيرها من الاسئلة والاجابات التى ربما تساعد على التطوير..... وعلى فكرة هذه الوزارة على سبيل المثال لا الحصر ..فالباب على مصرعيه لما يجول ببال المشارك... وفقنا الله واياكم لما فيه الصالح للجميع والسلام عليكم ورحمة الله وبركاته... |
|
|
|
|
22-09-2009, 07:33 AM
|
#5 | |
|
عضومجلس إدارة في نفساني
|
شكرا ياصلاح لإسلوب طرحك هذا الموضوع ؛ وخاصةً المداخله الثانيه ؛ والتى فسرت ( أكثر ) مقصدك
من هذا الطرح ... شوف بقى : لو أخدنا وزارة الداخليه ؛ هتلاقى السلبيات أكتر من الإيجابيات ( وربنا يجعل كلامنا خفيف عليهم ؛ أحسن قرصتهم جامده ) .... يعنى فى الشكل العام الخارجى تقدر تقول إن الأمن مستتب ؛ لكن لما تبص لداخل المجتمع تلاقى المساله مختلفه ؛ فعندك البلطجيه والـ ( صيع ) منتشرين فى كل مكان ؛ وبعلم الحكومه ؛ وساكته عليهم ؛ تيجى تعمل أى شىء : مشروع تجارى ؛ أو تشغيل شباب ؛ أو حتى بناء عقارى ؛ تلاقى ( الصايع ) من دول نط لك ؛ وعاوز ( تلقمه ) وإلا أفسد لك ماتعمل انت طبعا داخل المجتمع ؛ وحاسس باللى باقوله كويس ولامسه وعارف قصدى إيه بتفصيل يغنينى عن تصديع دماغ الإخوه غير المصريين اللى معانا ....كمان تجاوزات رجال الشرطه فاقت الحدود ؛ لدرجة اصبح من ( الهم التقيل ) دخول اقسام الشرطه لقضاء مصلحه مدنيه ؛ فمابالك بالدخول مشتبها فيه أومتهماً ( بعيد عنا وعن السامعين ) .. مرورا بـ ( مخالفات ) رجال المرور المعروفه والواضحه للكل .. فلو حبينا نطرح حل ؛ يخفف حتى من هذه الويلات ؛ نبدأ من الأول ؛ من الطالب اللى هيكون ضابط فى قابل ايامه ؛ يجب الإهتمام أولاُ وقبل كل شىء بزرع قيمة ( الإنسانيه) فى نفسه ؛ وإيجاد ( احترام المواطن ) داخله ؛ مهما كان هذا المواطن ؛ حتى لو متهم وليس مواطنا عاديا ؛ كمان الإكثار من الجرعه ( الدينيه ) حتى يتربى داخله الوازع والضمير قبل الخوف من رقابة الرؤساء ... صحيح عمل رجل الأمن فى المقام الأول هو ( محاربة الجريمه ) لكن المساله كبرت أوى ؛ واصبح المواطن متهم ؛ الى أن يثبت العكس ؛ وطالما متهم فكل شىء مباح !!!!!!!!! أما هؤلاء البلطجيه والخارجين على القانون ؛ فالحل الأمثل هو الإستفاده من طاقاتهم فى الخير ؛ بإيجاد مشاريع تشغيل لهم ؛ واكسابهم مهارات جديده يحتاجها المجتمع ؛ بس مش تشغيلهم مرشدين !!!!!!!!!! لأن دى المصيبه الكبيره اللى بتخليهم يتفرعنوا ع الناس ....... إيه ياأبو صلاح ... والله قلبت المواجع ؛ وأيقظت آلاما من كترها وتكرارها أصبحت مألوفه بنتعايش معاها وكأنها جزء من الحركه اليوميه للحياة ...... سعيد بحماسك ؛ وسعيد بتشريفك ؛ وأتمنى لبلدنا الخير دائما ؛ والسلامه والامان ... صباحك عسل أيها المصرى الغيور على بلده .... |
|
|
|
|
22-09-2009, 10:30 AM
|
#6 | |
|
مراقبه إداريه سابقة
|
أسعـد الله جميـع أوقـاتـك بمـا يحبــــه ويـرضــاه لك،،،،،
أســتــاذ صـــلاح،،،،، أولاً إســـــمـح لي أن أرحـب بـك هـنــا مـعنــا في هـــــذا الـملتقى الجميـل خـصـــوصـــاً،،،،، وفي الـمنـتـــدى عـــمـــومــــاً،،،،،، بيـن إخــــوتـك وأخـــــواتـك ومــع عـــائــلـتـك الـكبيــرة عــــائـــلـة نفــســــاني،،،،، ونــقـــول لك كــــــل عــــــــام وأنـت بـألـف خـيــــــــر،،،،،، أســــــتــاذ صـــــلاح،،،،،، مــــوضــــــــوع في غـــــايــــة الأهـميــــــــة،،،،،، لـيــس هـــــــذا فـقــط لا،،،،، بــل وفي غــــايــــــــة الحـــســــاســيـــة،،،،،، والـجــــواب عـلى ســـــؤالـك هــــــذا لابــــــد أن يـكـــــون جـــــوابــاً في غـــايــة الـدرايــــة والـدراسـة من جميـع الجــوانـب،،،،، الـســؤال هــــو،،،،، مـاذا تفـعـــل لـو كنـت مــســـئـولاً،،،،،؟؟؟؟؟ صـدقني أســــتــاذ أن البـعـض لمـا يصــل إلى هــــذه الـمـرحــــلــة لا يـعــلــم مــاذا يـفـعــل،،،،؟؟؟؟ ومــا هــي الـمــسـئــــوليــة الـمـلـقـــاة عـلى عـــاتـقـــــه،،،،؟؟؟؟ إلا مـن رحــــــــم ربــي،،،،، وقـــــد لا يعــرفــــوا مــا مـعنـى الـمـســــــئــول،،،،؟؟؟؟؟ أشــــــكــرك،،،،، وأهــــــــــــــــلاً وســــــــــــهــلاً بــك بـيــنــنــــا،،،،،،، |
|
|
|
|
22-09-2009, 04:39 PM
|
#7 | |
|
نائب المشرف العام سابقا
عضو مجلس إداره دائم
|
السلام عليكم ورحمة الله وبركاته
صباحكم فل مرصع بالنرجس والياسمين انتم تعلمون انى عضو جديد على هذا المنتدى ..................... ولا اخفيكم سرا انى شعرت بدفىء وترابط واحساس جميل بان هناك من يهتم فعلا وانها ليست مجرد دردشة بدون معنى والله العظيم انا سعيد جدا بهذا الاحساس وارجوا نقل تحياتى الى المشرف العام استاذ الحورانى الذى لمست باعترافاته كم هو شخصية جادة وودودة ومتفاعل مع المجتمع بايجابية وفقه الله واياكم لما فيه الخير للاسلام والعروبة اشكر السادة المشاركين على الذوق العالى والبلاغة فى الاسلوب ولكن اين ضربة البدايه؟؟؟؟؟؟؟؟ يعنى يا عم اسامة انت اعترضت على سلوك الشرطة (جميل) قول بقى البديل ولاحظ انك هتطرح ايجابياته وسلبياته تخيل انك وزير الداخلية واصدر توصياتك وتعليماتك ولكن بمسئولية تعالوا نعتبرها لعبة ونعلمهم التحضر من عيونا الناس ونوريهم ان الناس دى عندهم عقل بيفكر بمنطقية كما اطلب من السادة المشرفين طرح الموضوع بصورة اشمل واعم ........لعل وعسى!!!!!!!!!!!!!!!!!!!!!!!!!!!!!!!!!! وتقبلوا وافر التحيات........... |
|
|
|
|
22-09-2009, 06:21 PM
|
#8 | |
|
عضومجلس إدارة في نفساني
|
مرحبا بيك ياابو صلاح ...
فرحتنى والله لما قلت ان المنتدى عجبك ؛ ولقيت فيه مايسرك ... هو كذلك فعلا بجهود مشرفه العام ؛ ومشرفي أقسامه ؛ وأعضائه ؛ اللى انت بقيت خلاص واحد منهم .... عاوزنى أتخيل نفسى وزير الداخليه ؟؟؟ مين بالظبط فيهم ؟؟ زكى بدر ؛ والا أحمد رشدى ؟؟ههههه طبعا فاهمنى ؛ وعارف ليه أنا قلت الإسمين دول ؛ وقارنت بينهم ؟؟؟ انا لو كنت كده ؛ هأبدأ اولاً بإظهار تقديرى ومكافأتى لمن يتعامل بإنسانيه : نجده انقذت محتاج للمساعده؟ شرطة مطافىء تفانت فى اطفاء حريق ؛ ضابط مباحث ساعد برىء على إظهار براءته ؛ يعنى أحاول ابنى جسور موده بين الشرطه والشعب ؛ ؛ وفى الوقت نفسه أشجع رجال الشرطه على سلوك المسلك الآدمى ... دى واحده .. التانيه : هأمنع ( الرشاوى ) اللى بيدفعها راغبى دخول كليه الشرطه ( فاهمنى طبعا ) وأخللى مسألة القبول بالكفاءه المناسبه للمهمه ؛ دونما نظر الى : ده جاى بــ ( كارت ) من مين ؛ والا ده ( واسطته ) مين.. التالته : هأمنع الإستعانه بالمجرمين السابقين كمرشدين ؛ مهما كانت عواقب القرار ده ؛ لكنى أراه حيوى الرابعه : هأعقد ندوات تثقيفيه للـ ( مخبرين ) لإفهامهم بدورهم الحقيقى فى العمل الشرطى ؛ وأنهم لم يصيروا ( مميزين عن خلق الله ) لمجرد انتسابهم لهذا الجهاز ( جهاز الشرطه ) .. الخامسه : ودى هتكون بالإتفاق مع التربويين ؛ هأنقى المناهج المدروسه فى كلية الشرطه مما ينمى فى الخريج عنصر ( الشر والعنف المفرط ) وأدعمها بما سبق ان اشرت له فى كلامى السابق.... السادسه : هأنتظر قرار اقالتى فى أول تعديل وزارى هههههههههههههههههههههههه ميه مسا ياجميل ...... |
|
|
|
|
23-09-2009, 04:04 PM
|
#9 | |
|
مراقب سابق
|
ابو صلاح الغالي
طبعا كلامك من الواضح انه خاص ببلدنا العزيزة رغم ان معظم المشاركين من اخواننا في هذا المنتدى لا ينطبق عليهم هذا الكلام و مع ذلك اخوك خالد عباس من سكان مدينة نصر بالقاهرة قرأت ما كتبه اخواننا على المحطة و فكرت بيني و بين نفسي يا ترى عندهم حق فعلا في اللي كتبوه و الا لا هل كلامهم منطقي و الا لا انا شخصيا شارعنا فيه حفرة في اول الشاعر و حفرة في نص الشارع و هو شارع محترم و في منطقة راقيه الى حد ما و في يوم و انا راجع البيت اخر اليوم لم اجد الحفرة اللي اتعودت اهدي عندها و استغربت جدا معقولة يكونوا حسوا على دمهم و عملوها خدمه انسانيه لسكان المنطقه و طبعا اكتشفت ان المحافظ جاي يفتتح حديقه عامه في الشارع و بالتالي ظبطوا خط السير و الحديقه العامه طبعا كلنا عارفينها حواليها سور تم بناؤه و هدمه بعدد مقاولي المحافظة اللي بيسترزقوا من وراه انا عن نفسي ارى ان المسؤوليه مسؤولية شعب يجب ان يكون لكل منا دوره حتى مع تقصير الاخرين لا يجب ان نتكل عليهم عندما ارى ما لا يعجبني من اي شخص يتصرف تصرف خارج اقف امامه و في وجهه و ادله على الصح حتى لو بالقوة احيانا اجد من يسير عكس الاتجاه اقف امامه متعمدا و اقطع عليه طريقه و اجبره على الدوران و الرجوع و ما اكثرهم و خصوصا سيارات الميكروباص و ما شابه ذلك صورة اخرى و انا جالس في بلكونة شقتي رأيت شاب صغير يقوم بتوصيل الطلبات بدراجته في ملف اصطدم عن غير عمد بسيارة تأخذ الملف في الاتجاه الاخر للولد و الصدام كان بسيطا و وقع الولد على الارض بدراجته امام السيارة بدلا من ان ينزل الرجل ليطمئن عليه نزل ضربه على وجهه ألمين بطاقتك يا بن ال......... انت متعرفشي انا مين انا ظابط طبعا تجمع عدد كبير من محبي الفرجه و لم ينطق احدا الا واحد كبير بدأ يعتذر لهذا الشخص و يحاول تهدئته و بالتالي انا جن جنوني لهذه الوحشيه فناديت عليه اما ان تحترم نفسك و ان تترك الولد او انزل اليك و بالفعل نزلت و قال لي انا ظابط قلت له طظ ظابط على نفسك هات كارنيهك اشوفه و لو تعرف تعمل حاجه اعملها و بالنسبه للولد ده انا هاخده و اروح اعمل لك محضر تعدي عليه بالضرب و كلمة كمان هاطرقعلك في مكانك و انت واقف و اجبرته ان يمشي هذا الافاق الذي ادعى بالكذب انه ضابط مهما كنت بلطجي او ضابط شرطه فلن ارى الخطأ و اسكت عنه طالما ان الله اعطاني من القوة ما استطيع ان ادافع به عن الصواب و لكن المشكلة في سلبية البعض التي يتغاضى عن كثير من الامور وزارة الداخليه لا اريد ان اكون متحاملا عليها و رغم تجاوزات الكثير من الضباط الا انها في كثير من الظروف هي امر واجب زيادة معدل الجريمه مع الكثافه السكانيه يجعل من الطبيعي جدا تدخل الاستيفه و تلاقيهم ساحبين واد حرامي مبرشم عشان مش يحس بالضرب و يعلقوه لحد ما يعترف و الا مش هتعرف توصل لحاجه 99% من الذين يتعرضوا لهذا هم في الاساس مجرمين يجب ان يتم الضرب على ايديهم و بشدة لو انك ماشي صح و لا حتى وزير الداخليه يقدر يكلمك و خصوصا لو انه حس انك مش سهل ياكلك و يخوفك المرور اربط حزامك و ألتزم بسرعتك و طفايتك تحت رجلك و حط صباعك في عين اي ظابط يكلمك بعد كده لا تنسى ان الشرطة نفسها تلقت ضربات موجعه في الفترة الاخيره من عمليات استهدفت لواءات و شخصيات اخرى مثل مدير مباحث الجيزة هذا اللواء اللذي صدمته سياره و هربت و الاخر الذي تعرض للقتل على يد مسجل خطر و مرورا بوكيل وزارة الاعلا الذي دهسه سائق ميكروباص بسبب مشكلة حصلت بينهم في الطريق في المهندسين ان لم تكن ذئبا اكلتك الذئاب توكل على الله و لا تخشى في الحق لومة لائم و تذكر ان امة المسلمين بخير طالما تأمرون بالمعروف و تنهون عن المنكر و هنا لا نتكلم عن هيئة معنيه بالامر بالمعروف و النهي عن المنكر و لكن واجب علينا جميعا ان نأمر بالمعروف و ننهى عن المنكر فكرة اخيرة احب عرضها هنا بما اننا لا نستطيع بسهولة اضافة احزاب سياسيه بسبب التشريع و القانون الذي يلعب به ذوي الاحتراف و بما ان الاحزاب المعارضه لدينا ضعيفه و ليس لها هدف واحد يمكننا ان نقول انه حزب محترم بخلاف رغبتها للوصول للحكم لماذا لا ننضم كلنا للحزب الحاكم و نقوم بتغيره نحن من الداخل و تغيير اهداف بقوتنا الشعبيه من داخله و ليس من الخارج صحيح هو امر صعب و محتاج زمن و لكني اراه الحل الوحيد تغيير الفكر الداخلي للحزب بنا طالما فشلنا في ايجاد حزب اخر قادر على تحقيق مطالب الشعب اسف لاطالتي عليكم و يجعله عامر |
|
|
|
|
23-02-2010, 02:02 AM
|
#10 | |
|
نائب المشرف العام سابقا
عضو مجلس إداره دائم
|
بعد خمسة اشهر بالتمام والكمال .....
وبدل ما ارد على خالد....هاسأله فين اراضيك؟ |
|
|
|
|
17-04-2010, 02:42 AM
|
#11 | |
|
نائب المشرف العام سابقا
عضو مجلس إداره دائم
|
لا زلت مصمم على تفعيل هذا الموضوع...
ربما كان من الافضل طرح الموضوع بشكل اوسع ... ويكون السؤال للوطن العربى كله... اختار لنفسك منصب واجبنا على السؤال المعضلة.... ماذا تفعل لو كنت المسئول؟ |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
