ممكن ارجع ادخل الان

ممكن ارجع ادخل الان

اسفه جدا لكن حسيت بلحظه رروحى بتطلع ووسواس ونوبه بقرب نهاايتى او الموت
تكفى ساعدنى او ساعدونى احس قلبي بيطلع منى

المصدر: نفساني

اختي هدي تري مافيك الا العافيه وهذي نوبة هلع تصيب المهلوعين انا لي الحين ست سنين تجيني ولامت وانا اخوك هذانا اكتب لك هدي هدي هدي

اهدي واسترخي
حبيبتي الله يقويكي ويعطيكي الصحه والعافيه ياارب
انا امس قلت خلااااص اكيد راح اموت واهو الحمدلله
الله يعطينا الصحه والعافيه ويطول عمرنا في طاعته ولطاعته اللهم امين

ياخوانى انا قبل
اشوى كانت عندى الم وعوار بالقالون وفجاءه قبل الفجر خلاص انا انتهيت والسبب انى بكرى افكر بروح لراقي وقسم بالله انى من الخوف مسكت اعيالى صرت اقول خلاص مانى برايح بس فكنى
وصار الخوف والهلع

انا اسفه ازعجتكم معاى
بس جاوبونى
ردوا علي القالون يسبب هلع فجاءه لى اسنين لكن احسها هذا اقوى من اول

اي مرض في حالتنا هذه يسبب لنا هلع شديد
اقرأ موضوعي داخله على برد وامكن يفيدك
الله المستعان

الله يعافيكم وانا كتبت وفصدت ممكن ارجع لانه مشرف وقلت اكيد قاعد لان الاعضاء قيل ميدخلون للتوضيح فقط
ارجو المعذره وقت النوبه ولا الحاله احس بنجن او الموت

الله يشفيك ويعينك اختي ..

لاتسترسلي بافكارك اقطعيها فورا واتوضي وصلي واقراي قران بترتاحي ..

اتوقع يأثر مرضك على الحالة النفسية وان شاءالله الاخ ممكن ارجع يجاوبك لانه مجرب ..

السلام عليكم ..

اهلا اختي المبتليه ...

انا آسف على التأخير وارجو ان تقبلي أسفي.....

بالنسبه للي حصللك ... حصل معاي ومع المهلوعين الاعزاء عشرات بل يمكن مئات المرات ... لكن الشي اللي لازم تعرفينه هو كيفية التعامل مع نوبة الهلع ...والابتعاد عن مسبباتها ...
كيفية العامل بالنسبة لي اول ما تجيلي ... اقطع اي شي قاعد اسويه حتى لو على النت اطلع واقوم اتوضأ وأصلي ركعتين ... اعتبريها قيام ليل ...وبعد الصلاة استرخي على السجاده ...ودعي ربك ان يبعدها عنك ويبعد الشيطان راح تخف هني النوبه كثير ..لما تحسين انك خفيتي مسكي المصحف ...الله يا حلات المصحف ..واقري لو صفحه وحده راح ترتاحين زياده ...بعدها ماكو انترنت ماكو تلفزيون ماكو شي ...على طول عالفراش ...وبالفراش اذكار النوم والدعاء وقراءة ما تحفظين حتى تنامين ..صدقيني اذا طبقتي هالشي بكل ايمانج راح تحسين بطمئنينه وهدوووووء والتوتر يروح ...هذا اول شيء..
ثاني شي : بما ان القولون يسببلج هذي المشكله ...مثل ما سببلي ...انا انصحج بدوام اسمه ليبراكس ..اهو للقولون لكنه شنو يهديي وشنو مريييح .. اول ما تحسين بالنوبه تاكلين حبه بعد ربع ساعه راح ترتاحين تقومين تصلين ونقرين قران وتنامين ...اذا بالسعوديه الليبراكس ممنوع شوفي احد بيروح البحرين او الكويت ويجيبلج معاه او استشيري طبيبج ان يعطيج بديل حقه ...بس انا انصح بالليبراكس بالذات لان ريحني كثير ...

الحين نجي حق المسببات ... من خلال مواضيع اصدقاءنا المهلوعين .. في مسبات عامه وفي مسببات خاصه فيج ...
العامه يعني سماع اخبار تضايق او الانفعال ..او اجهاد النفس ..او عمل معصيه اي شي من هذيل يأثر بشكل عام ..
بشكل خاص اذا كان معاك مرض جسدي مثل ما قلتي القولون ...ضروري حبة القولون تكون معاج وين ما تروحين ..لان القولون اهو اللي كان يجيبلي النوبات قبل .. غير هذا في اكلات تهيج القولون ..والتوتر يهيج القولون ... جربي تروحين تسوين مساج اكيد عندكم سبا ببلدج ....وشربي الاعشاب المهدئه مثل النعناع والزنجبيل لكن بجرعات صغيره ...و شربي عصير الليمون ..الطازج ...وحاولي تخلين الخبز والتوست كله اسمر ..يريح القولون ...
والفكره الاخيره اللي بنصحج فيها ان وقت النوبه لا تركزين عليها كثير ترا انتي اللي تسحبينها لج ... حاولي تقولين طاف وانتي تقولين طاف تسوين اللي قلتلج عليه ...
ولو تروحين لطبيب يصرفلج مهدئ عند اللزوم يكون افضل ...

هذا وعتذر مره ثانيه على التأخير بالاجابه ... واتمنى انتي افدتج ..

تقبلي مروري...وشكرا لج ..:)

الله يشفيك اختي المبتلية من جديد ويشفينا ويشفي كل مريض اللهم امين

ما الومك اختي الواحد لما تجيه نوبة هلع قويه يحس انه بيموت ويفقد عليه.. لكن هذا مجرد احساس يكون في تفكير الشخص وعلى ارض الواقع مستحيل ان الواحد يموت او يفقد عقله بسبب نوبة هلع باذن الله..وما في اي شخص في الحياه قد مات او فقد عقله بسبب نوبة هلع

و لازم يا اختي تستخدمي دواء وعلاج.. وايضا مع الدواء لازم و مهم جدااااا تكون معاك الحبوب المهدئه دائما مثل زانكس او ليكسوتانيل عشان اذا حسيتي بنوبة هلع قويه تاخذين حبه منها وانشاء الله بتروح النوبه خلال دقائق