|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
10-10-2010, 06:32 PM | #1 | |||
عضـو مُـبـدع
|
النفس والشيطان
بسم الله الرحمن الرحيم
اخواني واخواتي احب انوه على بعض النقاط اتمنى انكم تستفيدون منها وتحاولون تطبيقها وان شاء الله تغير من احوالكم كثير بس يبيلك قوة الاراده مثال : تبي تترك الدخان لابد من اراده قويه واللي ارادته ضعيفه يقول ماقدر اذا سوف يتابع التدخين .. النفس معروف عند الكثير انها اماره بالسوء الشيطان يحاول اغواءك وتضليلك وايصالك الى جهنم اعاذنا الله وياكم من جهنم طيب في اذا عرفت ان كلتا الحالتين ضدك فماذا تفعل ؟ لابد من المقاومه وقوة الاراده وعدم الالتفات لمثل هذه المواضيع ولننظر الى عمر ابن الخطاب رضي الله عنه عندما وجدوه الصحابه يرفع اصبعين من اصابعه في الصلاه فقالو له لماذا فعلت ذلك . فقال : اتاني الشيطان فوسوس لي باني اصلي على غير طهاره فرفعت اصبعين اي اقول له آتني بشاهدين يعني اثنين شهود . هل عرفت لماذا لم يلتفت عمر لوسوسة الشيطان لانه يعرف انه يريد ان يليه عن الصلاه ويقطعها عليه اذا لابد لك من الاراده وعدم الالتفات لوسوسه الشيطان مثال آخر : شخص تعرفه توفى او سمعت على الاقل انه توفى لاتبدأ تسئل كيف توفى وش صار عليه وش كان يسوي لان الامور هذي تزيد ويبدأ الشيطان وهو عارف انك تخاف من الاشياء ذي يبدأ يكبرها في راسك ويقولك آه شكله بيصير لك زي كذا وكذا وانتبه دع مايريبك ولا تبحث عن ادق التفاصيل لانها تتعبك وحاول تجنب مافعله بنو اسرائيل عندما امرهم الله بأن يذبحو بقره فقط فبدأو يناقشون مالونها وماشكلها ومانوعها بالضبط يعني بدو يصعبونها على انفسهم وفي الاخير وجودها فذبحوها وماكادو يفعلون . اخي ماكتبته الله عليك سوف يحدث فلا تبدأ تبحث عن شي في علم الغيب اترك النجوى لانها من الشيطان ولا تتطير وادع الله عز وجل في كل امورك كل شي يصير معك من حاجتين يا من نفسك يا من الشيطان فحاول قدر المستطاع ان لاتعطي نفسك هواها من ملذات الشيطان لكي يغويك اوقات ياخوان ترى الواحد اذا شاف شي حرام ابليس مايقربه يمكن يحسسه بهدوء عشان تقول لنفسك اي والله هذا احلى . واوقات اذا قريت القرآن تبدأ تحس بضيقه لان الشيطان فيك مايتحمله فااذا حسيت بضيقه افرح لانك قدرت تحارب الشيطان اذا جتك النوبه او الهلع مره ثانيه قول طيب جتني قبل كذا وكانت اقوى وحاول تسولف عن شي بسيط يلهيك وعليك بكثرة الاستغفار فهي ماتهلك الشيطان الله عز وجل خلق كل شي وهو المتصرف في كل شي وراح تمشي كيفما اراد سبحانه فحاول ان تستهدي الله وتطلب الهدايه منه لان الدعاء سلاح قوي لايعلم مافيه الا الله وحاول ان تطنش والله انا مثلكم تجيني اوقات حالات مايعلم فيها الا الله بس اقول جتني اقوى من كذا طنش يارجال واحاول اصرف بعض الامور لين تضبط معي وقول لنفسك شكلك بتضيعيني اهجدي واركدي وراح تستجيب لاوامر عقلك لان الاوامر تصدر من العقل . فلا تجعل عقلك الباطن يقضي على مستقبلك فغيرك بنو مستقبلهم ووضعو خططهم وفعلو وانت ماذا فعلت .؟ جالس بس تتشكى وتوسوس وانقطعت عن العالم وشكل بيصير كذا .؟ لماذا كل هذا اتق الله في نفسك واعلم ان الله ارحم بك من نفسك عليك مع الصبح بالعسل او سبع حبات تمر اول شي عشان اكثر النفسيات تجي في المعده ولا تنسى اذكار الصباح والمساء فهي تضعف الشيطان اسئل الله العظيم لي ولكم الهدايه وان ينفعنا بما علمنا ويرفع عنا وعنكم البلاء المصدر: نفساني
|
|||
|
10-10-2010, 07:12 PM | #3 |
عضـو مُـبـدع
|
سلمتك يداك اخي الغالي والله عندك حق ونحن جميعا نعلم هذا وبم اني قديمة شوي مع الهلع فانا اول ما تجي النوبة بحاول استدعي الخبرات اللي قبل كدا بس ساعات دماغي والله بتقف عن التفكير خالص ربنا يشفينا ويشفيكم اجمعين
|
|
11-10-2010, 09:14 AM | #4 |
مراقب عام
|
كلام من ذهب أخي أبو فارس يعطيك ربي العافية على ما خط بهِ قلمُك يا أخي الفاضل
وأتمنا من الأعضاء الأستفاذة من كل المواضيع اللي في الملتقى مع أني عارف الأغلبية منكم لا تستيطع تطبيق بعض الكلام بسبب النوبة أنا معكم بأن النوبه عندما تأتي مخفية جداً بس لازم تخرجوا من الدوامة شكراً أخي أبو فارس |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|