هلع من السكته القلبيه

هلع من السكته القلبيه

السلام عليكم كيفكم






عندي خووووووووف جدا وهلع من السكته القلبيه


ابي ابحث بالنت اعراضها واسبابها بس خايفه من الوسواس


واسوني مرت عليكم وراحت ولا اهي كيف

المصدر: نفساني

ختى ديرى بالج تستفسرين بالنت عن اى اعراض انتى خايفه منها حذارى ترى ماراح تستفيدين شى الا زياده الخوف منك انا مازاد الحاله عندى زمان الا النت والبحث فيه
قومى صلى ركعتين وادعى ربج ترى ماكو الا العافيه
وقالت الدراسات ان الى يخافون من الامراض اهم اكثر ناس أصحاء :)
صدقينى ترى كلنا مرينا بهالحاله واكثر بعد ترى المساله بسيطه جدا كلنا مثلج بس لاتسترسلين بهالافكار ترى الى فينا كله مجرد افكار وبس

واى سؤال او استفسار اسالى وقولى كل الى تبينه احنا كلنا راح نجاوبج ان شاء الله لين ماتعدى الحاله الى فيج وان شاء الله بتعدى لاتخافين ماكو الا العافيه

جزاك الله خير

بس الخوف لو يروح مني كان هان عندي المرض

وبذات الخوف من الموووووت

اختى شوق احنا شنو مشكلتنا غير الخوف لو ماعندنا خوف كان مادخلنا المنتدى ولا رحنا لدكاتره وعشنا حياتنا عادى
بس اختى جاوبينى على هالسؤال
شنو الى يخوفك من الموت فكرى وجاوبى؟؟؟؟

حبيبتي شوق أنا كمان كان عندي نفس حالتك
و كنت كل يوم اتحسس لقلبي و مرت علي ايام اتحسس و اقيس نبضه
و رحت للدكتورة و كشفت علي
و زرت دكتور و الحمد لله قالي ما في شيء
لكن قعد الوسواس براسي و رجعتلوا و قلتلوا سويلي تخطيط
بحثت بالنت و كثرت البحث
و لكن ما بخبي عليك كنت كل يوم ادعي و ادعي بالي في قلبي لحتا الحمد لله تشافيت بنسبة كبيرة من هذا الوسواس و الحمد لله

اختي انا مثلك بالضبط بالضبط
لدرجة احط يدي على قلبي اعد ضربات القلب حتى وانا عند الناس انسى نفسي
وقال لي الدكتور يااختي تصدقين ان المرض ارحم من الحالة الي انتي فيها
اختي حاولي تبعدين الافكار نهائيا هذا هو الحل الوحيد مع الاستعانه بالله

باللعكس انا كنت اخاف اكثر منك من قلبي وراسي وكل حركه بجسمي احس روحي بموت والحين الحمدلله تحسنت كثير والسبب لاني اقتنعت الي فيني كله انذار كاااذب ومافيني الا العافيه
تاكدي الي فيك مجرد انذار كاذب ومجرد افكار عااابره حاولي تشغلين بالك عنها

اعانك الله عزيزتي تقريباً انتي مثل حالتي تماما
العلاج سهل ويسير عليك اولاً اقرائي سورة يس والملك قبل النوم
ومن ثم المعوذات واستغفري وسبحي كثيراً

انتي اقل شي مجرد خوف
تخيلي انا يجيبني الم فصدري فاليسار وكتفي وايدي يعني اعراض القلب
ويزيد نبضي
من سنتين هالكلام
والله رحت لخمس دكاترة قلب وسويت مرتين ايكو وتخطيط يمكن عشر مرات وفحوصات انزيمات وبوتاسيوم وصوديوم
وكلهم قالولي نفسي
اخذ الحين سبرالكس واتحسن بس بدون اجس فتره سبعه اشهر وانتكس
يارب لطفك فينا

نفس مشكلتي خوفي من القلب و عدد دقاته
يا رب اشفنا يا رب

انا خوفي قلبي يوقف فجاءه واموت

بس الحمد الله اليوم احسن من امس

جزاكم اللهخيرا ويشافينا جميع