ممكن تردو على سوالي

ممكن تردو على سوالي

هل الي عنده الهلع يكون عنده عدم توازن في اغلب الاوقات وخصوصا عند الاكل وعند لوقوف احيانا وعندالجلوس دوخه وعدم توازن ايش هذا من الهلع يعن في حد كذا والله يااخواني حتى الصدا ع يخوفني احس انه شي خطير ايش ياترى الحل الله يشفينا

المصدر: نفساني

اختي أم الهلع:

الغالب أن لديكِ مشكلة متعلقة بانخفاض ضغط الدم

حتى لو كان لديك نوبات هلع

فما وصفتيه لا يعتبر من نوبات الهلع والتي يغلب

عليها صورة الخوف الشديد من خفقان وجفاف للفم

ورعشة وبرودة بالأطراف ومغص بالبطن

تأكدي من ضغط الدم وأملاح الدم

واستشيري طبيب باطني

استشاري ممتاز

وقدامك العافية

الله يشفيك ياختي يمكن هذا بس من نفس المرض النفسي يعني مو نوبه
عني انا اذا توترت وفكرت كثير يبدا يصدع راسي وعلى قولتك اخاف انه شي خطير الله يشفينا ياررررررب ان شاء الله مابعد الصبر الا الفرج

ام هلع انا زمان كنت اعاني مثل ماقلتي عدم الاتزان ودوخه وصداع والحمدلله بعد ما استخدمت العلاج الدوائي الاعراض كلها راحت
الي فيك نوبات هلع واكرر واقول نوبات الهلع لاحد يعطيها اي اهتمام يحاول يتجاهلها

في حالة عمل جميع الفحوصات وطلعت سليمة فا هذا مرض نفسي أختي الفاضلة

ومفش داعي تقلقي منه

ام هلع
يالبى قلبك والله يشفيك
والله اني ماخليت مرض الين حطيته بعمري
ولاخليت شي الا وقلت انه فيني
لو فيك شي ماكان قاعده تنامين وتصحين وتعيشين يوم بعد يوم
يابنت الحلال الروح ماياخذها الا الي خلقها
هدي بالك وربي يشفيك يارب

مشكورين والله يعافيكم

ام الهلع فديتج والله
انا كانت تييني دوخه دايما وطلع من الضغط لاني ما كنت اكل زين كان ضغطي دايما منخفض
والحين اكل زين والحمدلله اعتدل ضغطي وراحت الدوخه

السلام عليكم

اذا مافي سبب عضوي واعتقد ان شاء الله مافي

السبب يكون من عدم التركيز ولا اقصد بعدم التركيز المصاحب للهلع من عدم القدرة على التركيز لا أقصد عدم التركيز العادي اللي يحصل للواحد وهو باله مشغول لدرجة ان مايشوف قدامه وممكن يدش بالطوفة (الحائط) لانشغاله الشديد
ويضحك على نفسه بعدها لان عارف سبب الحادث لكن مريض الهلع والوسواس تركيزه منصب على نفسه وجسمه وفكره مشغول بتشخيص اللي فيه واي دكتور ممكن يفيده ويكتشف مرضه ولا يمكن يكون مصاب بسحر ولاعين يروح لشيخ أحسن والاعراض اللي فيه وماهو التطور القادم للاسوأ أو الأحسن يعني انسان تايه بالهمشغول ممكن يقوم غلط او من كثر الجلوس تكون العضلات حصل لها ارتخاء قام وحصل عدم توازن ماراح يمر مرور الكرام مثل اللي دش بالطوفه وضحك على نفسه وكمل حياته لأ لازم سين وجيم وهل هو من الاعراض وماهو السبب
على فكرة مر علي هالموقف احس بعدم توازن كثير اقول يمكن الاذن الوسطى يمكن شئ مو زين اعوذبالله
ماكو الا العافية ان شاء الله وعلى فكرة في ناس تكتب ان شاء الله هكذا انشاء الله وهذا خطأ املائي شائع إلا أن الخطأ غير الشائع هو كتابة كلمة لكن بهذا الشكل لاكن وهذا خطأ فادح حيث ان هذه الكلمة من اهم مفردات الاستثاء المستخدمة بالفصحى والعامية (ولكن أكثر الناس لايعلمون ) يعني اللي يكتب أكيد يقرأ واللي يقرأ أكيد يقرأ كتاب الله واذا ما يقرأ كتاب الله كسلا أو معصية أكيد يقرأ كتب أو مجلات أو جرائد أو حتى ميكي تلاقي فيه كلمة لكن
بهذا الشكل ومنتدى هكذا وليست منتداء وبعض الأخوان من مصر يكتب مضبوط مزبوط هذا والله المستعان

تحياتي...

وأنا أحترم كثيرا آراء المجربين

ولكن أتمنى التأكد من ضغط الدم وأملاح الدم

ولو طلعت سليمة خلاص بأقول معاكم هي نوبة هلع

انا عملت قبل فتره صوره دم كامله وطلعت كلها سليمه الحمدلله انا بس اعاني من القولون بس لي فتره الحمدلله