![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
![]() |
|
أدوات الموضوع |
![]() |
#1 | |||
عضو جديد
![]() |
Effexor xr .. withdrawal journey diary
بسم الله الرحمن الرحيم
السلام عليكم كيف حالكم حبايبي ؟؟ الهدف من الموضوع هذا هو المشاركة في رحلتي للتوقف عن استخدام الإفيكسور و متأكد كثير ممن يستخدمونه مثلي يعانون من الأعراض الجانبيه للتوقف عن استخدام هذا الدواء و تحملوا فضفضتي هنا .. و إن شاء الله تلقون بموضوعي هذا اللي يفيدكم و يساعدكم على التخلص منه حاليا انا في آخر مراحل التوقف عن الدواء اللي بديتها قبل اكثر من 6 شهور في البداية بديت بتقليل الجرعه ليوم ورى يوم و من تلك الأيام بديت اعاني من اعراضه قعدت تقريبا 3 شهور و بعدها خففت الجرعه لمرتين في الاسبوع لمده 3 شهور ثانيه و بعدها صرت آخذ حبه اسبوعيا لمده شهرين و بعدها اتوقف باقي لي حاليا شهر و نص و اوقف العلاج المهم بالموضوع هي الأعراض السيئه .. اغرب و اغبى اعراض جانبيه مرت علي و ابذكرها وحده وحده 1 الصداع .. أغبى صداع ممكن تحس فيه .. مره صداع نصفي .. مره صداع قوي .. لكن دايما تحس ضغط راسك عالي .. و تحس انك مشدود و معصب .. و ما ادري وشلون اوقفه .. كل مره له مزاج .. مرات ينفع معه البندول .. و مرات ما ينفع معه الا الاسبريسو .. و اول مره اشوف بحياتي صداع ما يخف الا بدبل شوت اسبريسو :tongue: .. و اوقات ما ينفع معه الا انك تحط سماعات بأذانك و تشغل لك واحد يزاعق بأعلى صوته خخ 2 النفاضات .. او brain zaps .. سيئة جدا جدا .. تحس ان فيه كهربا تنفضك من رقبتك و تطلع تضرب شوط براسك .. و ما تحس الا براسك ينفض و رقبتك توجعك .. كأن واحد متحمي لك و صاكك بأحلى مخمس بين السامع و الدامع على قولتهم هع 3 إكتساب الوزن .. :( :( :( .. مضايقني كثيييييييير .. أجل أكثر من 15 كيلو :( و ما زال في ازدياد !! .. و الشهيه و عادات الأكل اللي تلخبطت كثييير .. توي آكل و جوعان .. أحيان ما افكر الا اروح لماك و اضرب لك بأحلى برجر .. و الا احوس امها كبسه .. و ما شاء الله أكل المطاعم صحي و خالي من الكلوستيرول و ينحف :tongue: 4 فقدان التركيز .. ماني قادر اركز بدراستي ابد .. او اتابع مع الدكتور بالمحاضره .. و الصداع و النفاضات ما تزيدها الا سوء .. حتى بالأشياء العاديه .. دلخ 666 .. اضيع حتى بالسواليف .. اذا احد جاب لي سالفه و الا نكته ما افهمها و لا اتابع معه .. و يا احووول يرجع يعيدها على مسامعي خخ .. او ينبهني على موقف او مشهد قدامي أخذ فتره حتى استوعب وش يبي بالضبط :tongue: 5 الكوابيس اللي ما ادري وش تبي ... و لا انسيبشن ههع 6 الكسل .. وش اقول عنه بس .. تعرفون الكسلان اللي كان يطلع مع اضحك مع غير البشر ؟؟ .. اقوى منه !! .. دبل كسل !! 7 نوبات الإكتئاب .. ترجع :frown: .. بعض الإحيان تحس بسووووء فضيع .. بعض الأحيان ما تدري وش تحس به .. ما تحس بشئ !! .. لا مبالاة فضيييعه .. feeling dull .. تمل من كل شئ حولك .. ما فيه شئ ممكن يسعدك .. تشعر بالأسف على حالك .. تحس انك ناقص و ناقصك شئ .. رهبه و تردد و خوف .. قلق غير مبرر .. تقلبات بالمزاج و احاسيس كوكتيل :frown: 8 نوبات خفقان و صعوبه في التنفس .. و تتعب بسرعه .. !!! 9 اعراض انسحابيه .. ما ودك تقعد مع أحد و تكره الناس و جمعتهم .. بس تبي تجلس لحالك :frown: .. ما اطلع مع اخوياي .. لدرجه بعض الاحيان اسحب على الجامعه و اتكي بالشقه .. الاسبوع هذا غبت يوم و الماضي يومين !! آخر شي هو تقلبات النوم .. برنامج النوم متلخبط له أكثر من 4 شهور خخ فيه باقي اشياء بس موب دايم تجيني .. مثل الغثيان .. زغلله و عدم وضوح رؤيه الأعراض تختلف كثير من شخص لآخر .. و دخلت ابحث عنها و لقيت ناس كثير يعانون مثلي ابحاول بقدر الإمكان من خلال الموضوع هذا اني افضفض و اتخلص و اقلل من حده بعضها خاصه النفسيه منها .. او اذا لقيت شئ ممكن يفيد بتخفيف الأعراض اشاركه معكم و اذا فيه احد يعاني مثلي يشارك بالموضوع و يفضفض بكيفه .. و نحاول نشجع بعضنا في رحلتنا نحو ما يسمونه detoxification و نكون افيكسور فررري و اعراض جانبيه فرري و نرجع طبيعي أحسن من ما كنا قبل أو خلال استعمال العلاج المصدر: نفساني
|
|||
![]() |
![]() |
#2 |
عضو جديد
![]() |
حاليا اخذ حبه الافيكسور الجمعه .. و بالعاده الاعراض تبدأ تظهر من الإثنين و تشتد على اجازه نهايه الإسبوع .. بديت بالوضع ذا لي اكثر من اسبوعين و الاعراض بدت تشتد أكثر من قبل بكثير و هذا اللي خلاني افتح الموضوع
الاسبوع هذا انواع تقلبات المزاج .. و عندي اختبار مهم على الابواب و ما ذاكرت و لا شئ .. ماني قادر اركز و كسلان حتى ارتب اوراقي .. ابحاول الليله قدر الإمكان اني اضبط اوراقي على الأقل .. حاليا بادي احس باعراض النفاضات و شويه صداع اكلت عشانه حبتين بندول .. و بالرغم من الإجازه المباركه ما رحت لأهلي و تعذرت بالدراسه .. و ما لي نفس اطلع الليله و قاعد اوهم نفسي اني باذاكر .. الخوف كل الخوف ان بكره تبدأ تشتد علي و لا اسوي شئ و اكون ما استمتعت بالإجازه و لا حتى ذاكرت :frown: و اللي اسوأ من كذا ان الاعراض الجانبيه للعلاج تلخبط وضعي و تتسبب في رسوبي بالكورس و انا بصراحه موب نااااقص و لا ودي ارسب او اعيد سنه يكفيني ما جاني :frown: احس اني ابثرتكم و تكلمت كثير :tongue: .. العذر و السموحه على الفضفضه :frown: بالتوفيق :smile: |
![]() |
![]() |
#4 |
( عضو دائم ولديه حصانه )
![]() |
على الرغم اني كنت اخذ جرعات علية منه تصل الى 300ملجم وخفضته مباشرة الى 150 دون اي مشاكل وتركته مباشرة واخذت دواء اخر دون اي اعراض انسحابية .
لفت نظري حديثك عن زيادة الاكل والشهية مع الافكسور بينما الي اعرف انه يسد النفس للاكل جدا اكاد اتقياء اذا شميت ريحة الاكل حتى ونا جوعان . |
![]() |
![]() |
#5 |
عضو جديد
![]() |
جزاك الله خير سوامر .. وياك ان شاء الله :)
اخوي الحزين .. الاعراض الجانبيه اللي عندي هي بسبب تقليل جرعه الدواء .. و هذي أعراضه تختلف عن اعراض أخذ جرعه كبيره من الدواء أو الأعراض الجانبيه العامه للدواء قبل لما كنت آخذه يوميا ما كنت اعاني من اي اعراض و الحمد لله .. و ساعدني كثير و تحسن وضعي عليه .. بس لما بديت بتقليل الجرعه بديت اعاني من اعراضه و عموما فيه تفاوت كبير بين الناس في استجابتهم للدواء .. و كل شخص حسب وضعه و حالته .. ناس يسبب لهم زياده الوزن و ناس العكس .. حتى ان فيه ناس ما اشتكوا ابدا من اي اعراض .. و اشخاص وصلت بهم اعراض انسحابيه و نوبات قويه و العياذ بالله و عشان كذا اذا جيت بتوقف الدواء لازم يتم تدريجيا .. عشان يتخلص الجسم من الإعتماد عليه تدريجيا و تخف الاعراض قدر الإمكان .. لأنك لو وقفته دايركت راح يسبب اعراض جانبيه قويه ما ادري اذا كان التغيير من الأفكسور لدواء آخر ما يسبب اي اعراض .. لكن ابحاول ابحث عنه شف الرابط و بتشوف التفاوت الكبير بين الناس http://www.askapatient.com/viewrating.asp?drug=20699 ابحاول افصل بخصائص الدواء اكثر لما يتوفر عندي وقت :) |
![]() |
![]() |
#6 |
أخصائي نفسي
![]() ![]() ![]() ![]() ![]() ![]() |
أخي الكريم انا استخدم الافكسر
بالنسبه للافكسر والسمالبتا ( الجيل الجديد من الادويه ) ممتاز جدا في القضاء على الاكتئاب والقلق المرتبط به لاكن التدرج فيه يجب ان يكون بدقه , كثير من الاطباء للاسف يضع خطه تدرج تشابه الادويه ثلاثيه الحلقه الافكسر فتح الشهيه قليلا بالنسبه لي بعكس الاخ الحزين , بالنسبه لي الافكسر كان المنقذ من الوضع الذي ممرت به .. الاعراض الجانبيه ليست قويه اذ سحبت الدواء بخطه جيدة , تقليل الجرعات من 150 الى 75 وبحذر والاهم من هذا عدم الخوف من الاعراض الجانبيه لان احيانا العقل الباطن اي عرض بسيط يكبرة لك ( الخوف من الادويه النفسيه عموما ) يخيل لك ان الاعراض تاتي بالشدة وهي بسيطه في انتظار تعليقكم ومقترحاتكم أخي الحزين - الخيميائي |
التعديل الأخير تم بواسطة yazeed ; 25-02-2011 الساعة 06:56 PM
![]() |
![]() |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|