السلام عليكم عضوو جديد

السلام عليكم عضوو جديد

السلا عليكم ورحمة الله وبركاته


صبـــاح الخيـــر

أنـا عضو جديد في المنتدي وبستشيركم في موضوعي

بداية مرضي من شهر 2 الي طاف كنت مسافر وجاني خوف من الطياره وحسيت نفسي راح اختنق ومن ركبت الطياره وانا قلبي بيوقف واحس نفسي بأختنق ووصلت المكان الي ابيه وكنت علي اعصابي احاتي واحس بخوف واحس نفسي باختنق واستمر معاي الوضع هذي لين رديت ديرتي وصار لي فتره كل مابغيت اطلع احس بخوف واحس اني لي طلعت راح اختنق من اي مكان والمشكله بداخلي ناقد علي نفسي شنو الي تغير فيني ولهدرجه صرت جبان حتي من الطلعه محروم وقبل شهر زادت الحاله صرت حتي لي صرت في البيت لحالي جاني خووف مادري شنو سببه والحين تحسنت شوي صرت يعني شبه اطلع بس ما اطول ولا اروح مكان بعيد واحيان ارد نفس اول حتي اقرب مكان ما اقدر اطلع ولله اني انجنيت شنو الي فيني شنو الي تغير استمريت علي الرقيه وكانت تجيني اعراض ثانيه مثل التفكير المستمر والضيقه والحمدلله راحت وقالي الراقي كان فيك عين وراحت والحين الي فيك شغله نفسيه صارت حاجز عندك يعني لك فتره ماتطلع وكنت كله خايف فاصار حاجز نفسي والمشكله للحين وانا اعاني من الشغله هذي شنو الحل ولله اني خايف من العلاج النفسي وهو اكثر شي كان مأرقني سالفة التفكير في العلاج النفسي ونظرة الناس له لانه عندي ناس اعرفهم خذو العلاج النفسي والكل قام ينظر لهم نظره دونيه وصار انطوائي ،،، المشكله اني قبل المرض كنت اجتماعي حيل حيل ولي معارف وناس اجد وكنت ما اجي البيت الا الصبح يعني كنت ماخذه فندق حق النوم بس اطلع لربعي الكل قام يستغرب مني شفيني وشنو الي تغير فيني والي خلاني لا اروح ولا اجي ولي طلعت ويا ربعي واكون مجبور اني اجامله عشان لا ابين لهم شنو الي فيني ولله اطلع وياهم واكون علي نار احس قلبي بيوقف من الخوف تسالني من شنو بقولك مادري احس اني بختنق واموت ولا بيصير فيني شي ولله ياجماعه تعبت من الموضوع هذا شنو الحل



أبي الناس الي نفس حالتي وتشافو شنو سوو وشنو كان علاجهم واذا فيه اعشاب تنصحوني فيها ؟

المصدر: نفساني

وعليكم السلام ورحمة الله وبركاته .
نورت المنتدى أخوي .
حالتك مو غريبه ولا جديده على المنتدى , تقريباً اغلب الموجودين يعانون من هـ المشكله وأنا اولهم وازيدك انه أنا افضع منك بكثير.
لكن الحمد الله على كل حال .
زين قعدت تراجع عد راقي وتخلصت من العين باقي عليك تروح لطبيب نفسي ولا تخااف ابد منه .
هذا طبيب يعالجك مثل ماتعالج الامراض العضويه .
واذا على الناس لايهمونك ابدد اهم شي راحتك ونفسيتك والشي الي تسويه ابد مو حراام فـ ليش تخاف منهم ومن نظرتهم لك بعدين .
لومو حاب يدرون لا تعلمهم ابد وخله سر بينك وبين نفسك وطبيبك , بالأخير عرفوا او ماعرفوا ماراح يأثرون على صحتك ايجابياً .
والله يشفيك ويشفينا جميعاً .

يلزمك مراجعة طبيب نفسي وايضا واظب على الرقيه الشرعيه وحاول ان ترقي نفسك ابلغ وداوم على الاذكار فانها مفيده جدا خاصة اذكار الصباح والمساء تذهب الخوف باذن الله وتحسن بالامان بذكر الله ( الا بذكرالله تطمئن القلوب)وماتشوف شر

اللــه يجــزاكــم الخيــر بس مافيه احد مثلي وتعالج بدون طبيب نفسي ؟

طيب انصحك بستخدام برنامج الطب النبوى للشيخ عبد الله الخليفه ادخلى موقعه

البرنامج غني جدا فهو رباني ولله الحمد وعن تجربه استفدت منه بفضل الله وعرفت علتى انها روحيه ليست نفسيه

موقعه فى قسم المعالجه عن بعد تكتبين مشكلتك ويردون عليك معالجين معتمدين من الشيخ وينصحونك بالعلاج

نصيحه اذا تبغى تشفى بدري من الهلع اذهب لعياده راح تتحسن جدا وابسرع وقت خذني عبره 7سنوات اعاني ولم اذهب لعياده بسبب الهلع لرفض الوالد
المهم من شهرين رحت للعياده بدون مايدري والحمدلله استخدمت سروكسات الدكتوره قالتي خذ حبه لمده 3 شهور وتعالني
انا اخذ نصف حبه واحس اني تمام ووزني زاد ماادري اش الحكايه ولاحظت تغيرات كثيره الى احسن فاذا تبغى تشفى في كم شهر اذهب للعياده وتلقى خير والحين انا موقفالعلاج حاس اني احسن الحمدلله

المشاركة الأصلية كتبت بواسطة الكينج

نصيحه اذا تبغى تشفى بدري من الهلع اذهب لعياده راح تتحسن جدا وابسرع وقت خذني عبره 7سنوات اعاني ولم اذهب لعياده بسبب الهلع لرفض الوالد
المهم من شهرين رحت للعياده بدون مايدري والحمدلله استخدمت سروكسات الدكتوره قالتي خذ حبه لمده 3 شهور وتعالني
انا اخذ نصف حبه واحس اني تمام ووزني زاد ماادري اش الحكايه ولاحظت تغيرات كثيره الى احسن فاذا تبغى تشفى في كم شهر اذهب للعياده وتلقى خير والحين انا موقفالعلاج حاس اني احسن الحمدلله

هههه نفس الحكايه والدي رافض اني اروح عند طبيب يقول لي الظاهر انك فاضي شوف شئ سويه اشغل نفسك لا تجي توجع راسي
هو فعلاً عنده حق انا تشافيت الحمد لله من الهلع بنسبة 80% بدون اطباء بس كل اللي عملته وقفت تفكيري وشغلت نفسي بأشياء ثانيه