|
|
||||||||||
ملتقى التجارب الشخصية للحالات الأخرى في حياة كل منا لحظات ومواقف تنقله إما إلى الأحسن و إما إلى الأسوأ، شارك معنا بنقاط التحول في حياتك فقد تكون نقاط تحول للأخرين |
|
أدوات الموضوع |
17-11-2011, 08:45 AM | #1 | |||
عضو فعال
|
الهي من لي غيرك اسأله كشف ضري :( تعبت بس
السلام عليكم ورحمة الله وبركاته
هذه اول مشاركه لي واتمنى ان تقبلوني عضوه في هذا المنتدى صراحه مادري من وين ابتدي مشكلتي بس احس اني منحرجه وافكاري ملخبطه مااعرف كيف انسق المشكله لاني مااعرف ايش اللي فيني بالضبط هل هو هلع او اكتئاب او مرض روحي او مس كل الامور القيها على نفسي شماعه للخروج من الحال اللي انا فيه انا اكتب لكم الحين وانا فيني غصه مايعلمها الا ربي وعيني تدمع من بعد ماكنت نايمه من الساعه 6ص الى الساعه 6:37ص قمت مفزوعه وقلبي يطق بقوه وخايفه وبطني يعورني واحتاج الدخول للحمام اكرمكم الله وارتجف دايما تنتابني هالحاله ولااعرف افسرها شنو اهي بالضبط ,,والله استحي افتح الموضوع لأهلي لأن انا كنت طبيعيه والله مافيني شي فجأه قام هالشي يبتدي فيني ويتطور شي شي راح اقول لكم اني حساسه من وانا صغيره اخاف من ان افقد احد من اهلي امي او ابوي وايش بسوي لما يصير هالشي كنت وقتها بالابتدائي ومره توفت صديقة جدتي مع اني مااحتك فيها كثير بس قمت افكر وبطني يعورني واحس اني بستفرغ وافكر كثير مره من المرات سمعت عن احد البنات اللي كانوا معاي بالمدرسه انها توفت وانا كنت اكل على السفره وجاتني حاله اني خفت وراسي قام يصيبه ضغط وشعور مخيف احاول اقوي نفسي لأن كانوا معاي ناس تطورت حالتي بعد فتره في كثرة التفكير في هذا الموضوع مع العلم اني اخاف من اني اموت واني اكون لحالي في الموت بس صار هالشي اقوى من اني اموت بعد فتره صارت تتوالى الاحداث واسمع اخبار ان فلانه توفت وفلان توفى يضيق صدري اكثر من اهل العزا هم بعد فتره يأكلون وتمشي امورهم عاديه وانا اظل مااكل ولاانام وارتجف وافكر طول الوقت يعني فلان اللي مات ماراح نشوفه الى الابد يعني فلان خلاص انقطعت علاقتنا عنه الى الابد ومن هنا ابتدت فيني حاله اني اصير نفس المجنونه احاول اركض الى مكان ماادري وين واغير الموضوع احيانا اقرص نفسي او افكر اني ااذي نفسي عشان انشغل بالاذى وانسى الموضوع اللي يوترني مريت تجربه اليمه والله فقدت لذة الاشياء مع ان البنات معاي يمدحون كل شي فيني ويتمنون ان يعيشون حياه نفس حياتي لأن ولله الحمد مقتنعه بكل شي عندي بعدها قمت افكر اذا هالناس اللي ماتوا انا علاقتي معاهم عاديه كيف لو يموت احد من اهلي كيف وكيف ...امووور تتعبني من كثرة التفكير فيها صرت حتى الجامعه ماادوام واذا رحت اكراه اشوف البنات مبسوطين واقول في نفسي ليش انا كذا ليش انا توني صغيره وهمومي كبيره قلبي ماعاد يوسع اكثر للهموم,,احس اذا تطورت الحاله مادري شاللي بيصير حاولت افتح الموضوع مع وحده قريبه لي بس ماقلت لها اني اللي اعاني من هالموضوع قلت في وحده لما يموت من عندها احد تختنق وتحس انها بتموت لان ماراح تشوفهم للأبد قامت اختي تبتسم تقول ترى مثل مالحياه الدنيا حياه حتى الاخره حياه وهناك يتقابل الناس للحساب و و و من هالكلام ,,,وبينت لي ان ليش ندعي ربنا ونقول يارب اجمعنا ومن نحب في جناتك وبعدين قالت لي ان مشكلة صديقتك الحمدلله اهون من غيرها من البنات بنات الله حرمهم من الانجاب وقامت تحكي لي وقالت عن صديقة لنا عمرها 25اون بنتها توفت والطفله عمرها 3 سنوات وكيف صبرت اقول لأختي صديقتي مريضه يمكن مرض نفسي بعد هالمواضيع كلها توفى جدي وبعدها جدتي وعشت مرار والم وضيم الفراق والى الان في الطالعه والنازله اتذكرهم كله في بالي مع ان جدي صار له 3 سنوات وجدتي شهرين الا اني حزينه للان وتنتابني الحاله اللي ذكرتها اني اقوم اركض واحاول الهي نفسي وارتجف ولااكل ولااشرب ووزني ينزل وكل اعراض الهلع تصيرلي وصاركل شي مو حلوو بحياتي 1صار ولما يسألوني اهلي ليش صرتي كذا اقول لهم مادري مااحب اضايقهم او يحطوني في بالهم او يعاملوني معامله المريضه بعدها قالوا لازم نلتجأ لشيخ نشوف شالسبب قال لنا ان فيه عين قويه سامحوني طولت عليكم ولازلت فيني كلام كثير بس والله ماادري هل استسلم و اروح لطبيب نفسي ,,هل ممكن تتطور الحاله اكثر يارب لطفك فيني :( هل لي علاج لمثل حالتي ,,سامحوني من اللي فيني ماراجعت الموضوع لو لقيتوا اخطاء املائيه المصدر: نفساني
|
|||
|
17-11-2011, 09:40 AM | #2 |
مراقب عام
|
أختي الكريمة
من خلال سردك يتضح بأنك تعانين من نوبات ذعر بسبب وفاه جدك وجدتك وبعض الأصدقاء وأعراض الأمراض النفسية كثيرة أنصحك بعدم متابعه الأعراض الجانبية والتمعن فيها وحاولي تفكيري بشكل إيجابي وتتركي الجانب السلبي من التفكير. أختي الكريمة المريض النفسي بحاجة لإنسان يقف إلى جانبه كي يستطيع الخروج من هذة الكبوه العميقة وزيارة الطبيب النفسي ليس بالعيب أو كما يصفها أكثر الناس بالجنون فهذا كلام غير صحيح الشعوب العربية الطب النفسي فيها مهضوم كثير وكلنا بحاجة لزيارة طبيب نفسي بسبب ضغوطات الحياة والمشاكل اليومية التي تصادفنا. أنتظر باقي موضوعك عفاكِ الله |
|
17-11-2011, 03:23 PM | #6 |
عضو فعال
|
هل لي علاج؟؟؟؟ او انه لابد من التعايش مع هذا المرض
هل مرض الذعر هو نفسه الهلع؟ يالله اني استغفرك يارب انك تشفيني وتشفى مرضى المسلمين |
|
27-11-2011, 04:51 AM | #9 |
عضو
|
ماعليش اختي
انتي ماعندك شغل ... قومي ساعدي امك ورتبي البيت وخلي عنك هذي الهلاوس والوسسوسة كلنا بنموت والموت حق وكل نفس تذوقة مير البلا من شاف موتة ولا مات الله ليش خلقنا ؟؟؟ للعبادة والعمل عبادة الرسول صلى الله علية وسلم (كان يقوم الليل حتى تتفطر قدماه ) ويقول افلا اكون عبدا شكورا عجبت ممن يضيع وقته لا في امر دينة ولا في امر دنياه والمعذرة .................. |
|
07-12-2011, 02:48 PM | #10 |
عضـو مُـبـدع
|
أختي تقريبا حالتم مقاربة لحالتي اان حساسة وهشة جدا وأية احداث جزينه لاتمر مرور الكرام علي
لو كان هناك ايو وسيلة تواصل ك أيميل أو رقم جوال انا بالأنتظار لعل نفيد بعض |
|
28-12-2011, 08:40 PM | #13 |
عضو نشط
|
الا بذكر الله تطمئن القلوب.
شوفي اي مقريء من المقرئين الموجودين على النت، نزلي سورة البقره واستمعي لها..على ان يكون صوت المقريء مريح لنفسيتك. استمعي مرة في اليوم ثاني شيء سوي برنامج لنفسك اولا: عليكي معرفه الحقيقة التي لا لبس فيها، ان كل انسان في هذه الدنيا له تاريخ ميلاد وتاريخ وفاة والموت حق كما الحياه حق. وهذه مسلمة يجب ان تعيها جيدا ومن ثم لا تفكري بها بكثره كونها تسبب لك ذعر او تشنج..ريثما تهدأ النفس وتستقر. ثانيا: عليكي باشغال وقتك بما يفيد ،مثلا ان تخصصي اول يومك في عمل المطبخ والتنظيف وغسيل الملابس مثلا، ترتيب الغرفه وتنظيفها، من ثم عمل تمارين رياضيه خفيفه تساعد على بذل جهد مناسب واستخراج العرق من جراء هذا الجهد. بعد ذلك قراءة كتاب مفيد من باب التثقف واشغال الفكر بما يفيد. ثالثا: عمل جلسه استرخاء وهدوء لمده 10 دقائق يوميا، اما من خلال الاستلقاء على السرير وارخاء كافة الجسد. ثم الخروج مع امك الى السوق او الى اي مكان فيه ترفيه او ممارسه المشي. يعني عبي الفراغ في حياتك. مع تنويع انشطتك في اليوم سوف تتلاشى هذه الوساوس وتعودين كسابق عهدك ان شاء الله. نسأل الله لك الشفاء. |
|
21-01-2012, 12:10 PM | #15 |
عـضو أسـاسـي
|
اختي الي تشكين منه اسمه وسواس قهري ..
يعني طبيعي جدا .. انا اخوك .. اصبت فيه في اشيآء كثره الموت والدين والخيانه والوضوء .. يووه تعبت كثير .. لكن الحمد لله الله اوجد علاجات وادويه .. لا هي ادمانيه ولا يحزنون .. والحمد لله استخدمت علاجين الول جلست عليه 8 شهور والثاني 6 شهور .. وخلصته قبل اسبوع تقريبا .. والحمد لله عاادي جدا ورجعت طبيعي .. يالغاليه انصحك انك تلجأئين للرقيه والقرآن والزي المقري في والماء المقري فيه ثم لطبيب نفسي يوصف لك العلاج المناسب .. العلاج نعمه من الله .. ولكل داء دواء .. والله حاس فيك لاني عانيت اكثر من الي تعانينه .. وعلى فكره كل الناس تخاف من الموت .. لكن انتي بس تركزين عليه .. حاولي تتجاهلين .. .. راح اعطيك موقع وطبقي الي فيه .. http://alkhabeer2.jeeran.com/ |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|