علاج تايم..اللي جرب الادويه يتفضل

علاج تايم..اللي جرب الادويه يتفضل

السلام عليكم ..

بكل اختصار انا ابي اتعالج

بس مابي اروح لدكتور..

ابي انسى القلق

بس جواتي قلقان..

اوكي انا كنت احسب القلق يكون وقت الهلع

لكن فعلا القلق يستمر مع الشخص وهو مو حااس

وخصوصا تقلصات العضلات والاحساس بالكتمه والام الصدر..

عشان كذا انا قررت اتعالج و ان شاء الله من بعد ربي القى الخير بالادويه

لكن انا مابي اروح لدكتور لاسباب كثيره ,,

انا قرات بمواقع استشارات كثيره ولاحظت ان الدكتور بيصرف ادويه للناس

وهو مادرس حالتهم اصلا بس شخصهم بكم كلمه ونصحهم بالادويه

فلذلك انا راح استخدم من تجربتكم..

انا اعاني من القلق النفسي والهلع

تنصحوني بأيش؟؟وكم الجرعه؟؟ولمتى؟؟

انا في بالي سبرالكس

اما انتو ايش اللي جربتوه وكان له دور ؟؟

تحياتي

المصدر: نفساني

وعليكم السلام ورحمة الله وبركاته

ان شاء الله خير اخي الكريم بالنسبة للعلاج الدوائي مفيد جدا جدا جدا ومن خلال تجربتي اثناء اصابتي بالهلع كنت اشعر ان هناك حمل على جميع جسمي وبالاخص صدري وانتم تعلمون بذلك
لكن بعد مرور اسبوعين او ثلاث اسابيع من الحالة الي انا فيها قررت وبشدة التوجه الى المستشفى النفسي رغم المعارضات التي وجدتها والتخويف من قبل الاهل والاقارب وكان الكلام كثير مثل لا تذهب يخلوك تنجن وتدمن على الادوية فكنت متخوف كثير لكن معاناتي كانت قوية ولا عاد سمعت كلامهم ودعست على الخوف وتوجهت للمستشفى فعلطول اول ما كلمت الاخصائي وجلس يسألني اسألة عادية كم عدد اخوانك وماهي الشعور الي تحس فيه قلت له بكل ما بي فصرف لي علاجين سبرام واندرال
واول ما اخذت الدواء شعرت بتوتر شديد وانخفاض في ضغط الدم ونقز في القلب فلما سألت الدكتور قلتله بالاعراض الي فيني قلي لا تخاف الادوية سليمة ولا تسبب امراض ولا شيء وسمعت دكتور يقول هذا بسبب الاديرنالين وفعلا هو السبب
المهم استمريت على العلاج في الاسبوع الأول ما وجدت فرق الاسبوع الثاني نمت وقمت من النوم حسيت فيني شيء حسيت ان طن من الحمل زال
فرحت وشكرت ربي بعدين رحت للاخصائي سألني في تغير قلت اي قال ممتاز اذا استمر على العلاج وبتحس بفرق اكثر
فعلا بعد مضي شهرين من العلاج اطنان الاطنان زالت من عندي وبعدين استمريت اكثر واكثر رغم وجود اعراض القلق فشعرت انها قامت تختفي شيء فشيء وبعد مرور سنة بتحس انك رجعت طبيعي ولا كأن شيء صار الا القليل يعني الخوف ما يروح بالمرة لكن الهلع يختفي نهائي ويصير يجيك في كل شهرين مرة على حسب الشخص وما يأثر فيك انت لما يجيك بتعاني منه اقل من دقيقة وترجع طبيعي مرة ثانية يعني خلاص وامور كثيرة بتحسها تحسنت فيك غير الهلع والقلق في امور مثل الرهاب الاجتماعي الكآبة الطفش هذا راح تنساه وبدل ما تقوم من النوم معصب تقوم مبتسم واذا جيت تنام تكون الابتسامة شاقة وجهك والله العظيم تحسك مبسوط لآخر درجة لكن مو تاخذها حلى خلك وقت الجد جد لأني لاحضت نفسي تشوف الناس جديين تجي انت مثل البارد ولا كأن في شيء يستدعي القلق ههههههههههه
وانتبه لكلامك مو تصير ترمي الكلام وما تدري عنه ممكن تزعل ناس منك كثير بسبب كلامك وتصرفاتك الامبالية
وهذا كله من خلال تجربتي للعلاج وبالعافية

هههههههههههههههههه<<<<تحمس معه

طيب انا قلبي مرات احسه وقف وبعدين يرجع بضربه قويه ويفجعني هالشي

تنصحني اخذ السبرام والاندرال

ولا كيف؟؟

تكفون تبي اكلم احد

المشاركة الأصلية كتبت بواسطة اسير احزاني

هههههههههههههههههه<<<<تحمس معه

طيب انا قلبي مرات احسه وقف وبعدين يرجع بضربه قويه ويفجعني هالشي

تنصحني اخذ السبرام والاندرال

ولا كيف؟؟

انا انصحك بالسبرام والاندرال رغم اني سمعت ان السبرالكس يزيل الهلع نهائي وسألت صيدلي ايهم افضل سبرام ولا سبرالكس قالي كلهم نفس الشيء المهم كلم اخصائي وقله ابغى سبرام او سبرالكس واسأله كيف اخفف من الاعراض الجانبية تبع العلاج
لأن في اعراض تختلف من شخص لشخص مثل الغثيان الدوخة وهذي كلها في بداية العلاج وتزول مع الاستمرار في العلاج

يا اخي هنا ممنوع منعا باتا اخذ الادوية الادوية كثيرة و الحالات قد تختلف و الاشخاص ايضا
و ربما الدواء الذي يفيدك قد يضر غيرك لذلك ان اردت الخيرر فعلا عليك استشارة اهل الاختصتص في هذا فقبل كل شيء التشخيص

اخوي اسير احزاني احب اعلمك لو تاخذ علاج بدون وصفه وتتركه بمزاجك ممكن تنتكس حالتك اسوا من قبل لذلك انصحك انك تروح طبيب مختص عشان يفيدك ويراقب حالتك واعتبره صديق لك ,,,, وصدقني العلاج الدوائي هو الانسب لك ولكن لاتعتقد انه علاج سحري لذلك مع العلاج حاول انك تساعد نفسك بالعلاج السلوكي وشكرا .
اخوك // ملحوس

ما هي الاسباب التي تجعلك لا تذهب لطبيب نفسي؟
انا عن نفسي حسيت كاني بعيادة عادية, كان في ناس بالانتظار وندخل بالدور ويسالك ويفهم منك شو مشكلتك ويهون عليك

انت ما عليك الا انت تبحث عن دكتور شاطر ابحث بالنت في المنطقة اللي انت فيها و حدد عيادة او دكتور ثم دور عنه بالنت من اللي راح عنده واقرا..

واستخير يعني انته تاخذ ادوية من حالك احسن من انه دكتور يعطيك اياها؟!!

والله وش الي حادك ع الادويه ومواد تدخل جسمك ولها تأثيرات جانبيه
اقرى ع نفسك واستمر بالاذكار والصلاه بوقتها واترك كل الي تحسه سبب لهالقلق
ولم تحس بالثقل ولا الكتمه شغل البقره وخلها عندك ولا اقراها افضل لك
والله افيد لك من العلاجات لان لها تأثيرات سلبيه اكثر من ايجابياتها
ف والله نصيحه جرب اسبوع ( صلاه بوقتها سنه الفجر والمغرب اذكار الصباح والمساء
واذكار النوم واذكار الخروج واترك كل شي اذا انك تسمع اغاني اتركها واذا انك تدخن اتركه
يعني طهر نفسك من كل شي واي تعب تحس فيه اقرى البقره وخلها عند راسك وقت النوم )
مجرد اسبوع واذا م حسيت بفايده خذ علاج الدكاتره بس لاتاخذه وانت
م جربت العلاج الي قلتلك بس اسبوع وشف النتيجه



الله يطول بعمري وعمرك على رضاه وطاعته ويشفيني وياك
ويكشف ضري وضرك وكل مسلم ويجعل م نمر فيه تكفير يارب ''