انا تدمرت تدمير خلاااااااص حياتي انتهت

انا تدمرت تدمير خلاااااااص حياتي انتهت

خلاص انا اعلنت استسلامي لهذا المرض اقوا مني هلكني لدرجه ان لما اخرج من باب البيت واشوف اثنين يتكلمون مع بعض اززعل وانقهر اني ليه مومثلهم ليه كل وحيد ونفسيتي تعباااااااااانه نفسيه منكسره نفسيه من تعبها ماتقدر تسوي اقل شي

والله تمنيت جاني اي مرض الا هالمرض اللعين الي كرهني الحياه رغم اني اعرف ان الحياه حلوه واشوفها بعيون الناس الطبيعين الي مافيهم اكتئاب

لاكن وش اسوي رغم اني لي اسبوع مستمر على دواء افيكسور اكس ار ولاكن مادري ماحس بتحسن احس النفسيه تعباااااااانه ولالي نفس اقابل احد ولاارد على الجوال كيف ارد على ناس طبيعين وسعيدين

وانا مو قادر اسعد نفسي انا تعبت والله تعبت ومادري احس الادويه مامنها فايده وان هالمرض ماله علاج ابد


علما اني وحيد وليس لدي اخوه ووالدي ميت يعني ماحد حوولك وافكر اموت نفسي بس ابي طريقه

رغم اني اصلي واقرا قران وادعي بس ماشوف اجابه لحد ماستسلمت

المصدر: نفساني

أتوقع ان ظروف معيشتك هي التي زادت اكتئابك مررت بما ذكرت به ولا زلت حتى الآن عندما أرى الناس سعيدين نعم أحيانا أنقهر لكن انت طنش تعش تنتعش لا تدع لهذه الفكرة مدخلا حاول أن تبعدها لأنك حتما ستعاني بعدها من ضيقة الصدر

اخوي تبغى نصيحتي لا تعتمد على الدواء اعتماد كلي اعتبر نفسك إنك ما تاخذ دواء يعني حاول تعالج نفسك سلوكيا

انا اقترح ان تذهب في رحلة الى تركيا او اليونان واذا لم تستطع اذهب الى نواحي القرى والارياف في مدينتك وانشالله تلكى نتيجة لان الطبيعة تعالج النفس الحزينة اما الدواء استمر عليه مؤقتا

أخي الكريم لاتستسلم أبداً أبداً وأعط الدواء وقته ليظهر مفعوله ..

مشكلة الإكتئاب أنه يحتاج لصبر زيادة عن اللازم ..

وأكرر الصبر الصبر وبإذن الله تنفرج ..

وكما قال الأخوة لاتعتمد على الدواء لوحده حاول تغير من أسلوب حياتك

متع نفسك وأعطها ماتشتهي مما أحل الله عز وجل ولاتنظر إلى من هو أعلى منك لكن أنظر

لمن أبتلاهم الله بالعاهات الدائمة والأمراض المستعصية عندها ستحمد الله عز وجل على مأعطاك

وكلنا معك في سفينة المعاناة نسأل الله أن يفرج عنا بحق هذا الشهر الكريم

وفقني الله وإياك وتقبل أطيب تحياتي

يا عزيزي تصبر وأجرك على الله،

لازم تعرف بعض الحقائق عن هذ المرض ( الإكتآب ) علشان يكون عندك أمل بالشفاء بإذن الله (الامل بالله سبحانه)،

انا حالي مثلك كان ويمكن أسوء، وصل بي الحال من الحزن ( الإكتآب) اني تمنيت يكون الانتحار حلال!
لكن من عرفت ان هذا مجرد مرض وخلل بالدماغ وله ادوية صار عندي امل،
واخبرك بعد ان الادوية اللي اخذتهن احيانا استجيب لهن بسرعة وتتحسن الحالة وبعدين تسوء مرة ثانية واحيانا ما تتحسن الحالة إلا بعد فترة ، يعني مثلك كأني ما أتناول دوء!

واريد اخبرك بشي مهم ، لما تسوء عندي الحالة ( بشكل كبيير) تدري شو كنت أسوي؟؟ كنت أطلع بالسيارة بس ماشي فايدة وكنت أشوف فلم بس ماشي فايدة ولو أسوي أي شي او يعطوني اي شي بالدنيا مايفيد،،،، تدري شو اللي يفيد؟؟ ان الوقت يمر! وهذا هو المطلوب لمرض الإكتآب ، اذا تتناول الدواء بس انتظر الوقت يمر واذا شغلت نفسك بأي شي بيمر الوقت بسرعة ، وكلما مر الوقت كلما تقدمت وتحسنت حالتك إن شاء الله وإذا لا سمح الله ما تحسنت بتكون خلصت تجربتك من دواء وبتجرب غيره وبتقترب من الشفاء إن شاء الله،،

وخليها في بالك وخذها مني، اذا ما صاب الدواء الأول بيصيب الثاني او الثالث او الرابع او اللي بعده
بس تذكر تتواصل مع الطبيب دايما ولاتغير الدواء بسرعة لأن هذي الأدوية احيانا تتأخر فعاليتها ، ( اذكر واحد قال ما تحسنت حالتي إلا بعد شهرين من أخذ الدواء بس هذي حاله قليلة، اما الشائع يكون أقل من شهر،،

الله يكون في عونك يا اخوي وهذا كله الله يآجرك عليه ويغفر بيه الذنوب، وصدقني لما تتشافى بتحس نفسك كأنك مولود من جديد،

خليك متواصل بهذا المنتدى معنا لأن نحن مثلك مرضى بنواسي بعضنا وبنتشارك تجاربنا،،

أسأل الله لك ولنا ولجميع المرضى الشفاء العاجل بحق هذا الشهر الكريم وبحق محمد وآل محمد

كلنا عايشين عالعامبتعيشه يا منتضر صابر وثابر ما حدى هيشفيك إلا انت بإذن الله لاتيأس يا منتضر لاتيأس

تفائل بالخير واصبر واحتسب وانصحك بالعلاج الدوائي لانه بيحسن المزاج بس مو باول نهار بس لازم تصبر
يااااارب تلاقي الفرخة هههه بقصد الفرحة
لاتستسلم
والله ولي التوفيق

لازم تراجع الطبيب ثاني مرة وتقول إنك ما تشعر بتحسن من الدواء

ممكن الطبيب يزيد الجرعة لكي يصبح الدواء أكثر فاعلية

أسأل الله العظيم رب العرش العظيم أن يشفيك