فيني كلام ..

فيني كلام ..

السلام عليكم و رحمة الله و بركاتة

تولهت عليكم

من زمان ما دخلت المنتدى كنت مشغولة ويا الجامعة و امتحاناتها

انا الحمدلل وسواس الموت خف عني شوي مب وايد

يعني ما قمت اتخيل اشياء مثل قبل

صح لمّا اسمع انه حد توفى اقعد اوسوس و احس الدنيا تغير عليَّ

لكن مب مثل قبل ..

و وسواس التفكير بالماضي راحح و الحمدلله

مع اني كنت خايفة منه وايد

لكن الحمدلله رب العالمين ما قمت افكر بالماضي حالياً

يمكن لاني كنت مأجزه و ما عندي شيء اسويه ف كانت الافكار محتله مخي

اما الحين لاء و الحمدلله

انا عندي وسواس الوضوء و الصلاة من زمان

يعني من بدي اوسوس ف انا اوسوس في الوضوء و الصلاة

تخيلوا اني اتوضأ وايد و كله احس ان وضوء خطأ

مع إن صدق ساعات يبطل بس اتوضأ

لكن أحس اني ما أعيد وضوئي إذا بطلَ ..

عقب يوم اصلي ما احس اني اصلي بخشوع

صح ما قمت اعيد الركعات

لكن ما احس بخشوع ابد

عقلي ما يكون وياي

اندم لاني ما اخشع في صلاتي ودي اصلي و انا ارتاح

تبون الصدق؟ انا ابد ما ارتاح في صلاتي

يعني لما ابا اصلي احس اني داشه معركة

و لازم لازم اذا جيت اصلي روحي و خاصةً صلاة العشاء

اسجل في تلفوني واقعد ارفع صوتي عشان ينسمع في التسجيل

معاناه؟ والله معاناه

عندي وسواس الحلف .. ماعرف كيف اتخلص منه

دائما احس اني حالفة اني اسوي اشياء او اكررها

مع اني ما حلفت

لكن يجيني احساس اني كذابه

و يالسه اكذب على نفسي

مع اني لاا مب جي :(

تعبت والله اتمنى انكم فهمتوا عليه

افكار و تخيلات في بالي تخليني اتعب و ساعات ودي بس ابكي و اقول ليش انا غير عن كل الناس

ليش انا مب مثل الناس لييييششش؟؟

و الحين عندي وسواس يديد

يعني لما اروح افتح الباب حق راع الدكان

تجيني تخيلات غريبة ماقدر اكتبها

و العياذ بالله

اقعد اوسوس وايد ...

لو تلاحظون اني وانا اكتب لكم اقول تخيلات

بس عقلي مب قادر يستوعب انها تخيلات واني بريئه من هالتخيلات

لا دايما يقولي انتي كذابه و قاعده تدافعين عن نفسي

بس انا مب جيه :(

فهمتوا عليه :(؟

مجرد فضفضه و اتمنى اجد منكم تعليقات تبرد قلبي و بالي ..

المصدر: نفساني

التخيلات بحد ذاتها أختي الكريمة تندرج تحت مسمى الوسواس

ولحتى نتعرف عليها ونعي كل الوعي بأنها وسواس من المفترض بأن نغلق عليها جميع الأبواب وتوكل على الله

السويدي
بغيت اسال انا اتذكر اشخاص من الماضي ومواقف وانت مريت بالمرحله هذي
هل هذا امر طبيعي

بسم الله والحمدلله والصلاة والسلام على رسول الله ..

أختي معروف موضوعك وساوس ب وساوس و فوق هذا وساوسك متننوعة مابين الدين والعرض و أقوال لم تقولينها أصلا وغيرها ..

ولكن لما تتعبين نفسك وتشعبين وساوسك الى مئة شعبة وهم كلهم يندرجون تحت مسمى واحد " وسواس القهري "

أختي عليكي أن تعلمي أن داخله في تحدي .. تحدي كبير مع نفسك .. ومع وساوسك .. عليكي أن تربحي في النهاية ولاتخرجي مخذولة و مطأطأة الرأس و حزينة من هذا التحدي الكبير ..

عليكي بالصبر والاستعانة بالله سبحانه وتعالى ..

ممكن سؤال .. ؟

كم بالمية تقيمين نسبة الأفكار الملحة في عقلك ؟

2 - كم بالمية تقيمين أستجاباتك للأفكار الملحة في عقلك يعني السلوك الذي تفعلينه لمحاولة أيقاف الأفكار الملحة في عقلك ؟؟

اسال الله ان يشفيك