|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
02-04-2014, 02:04 AM | #1 | |||
عضـو مُـبـدع
|
الله فوق ياللي تضحكو علينا
السلام عليكم ورحمه الله وبركاته
ليش الناس ما ترحم حتى الاهل مايرحمو كل من شافني يقول متى بتسافري لزوجك ،خليه يتزوج عليكي لانك مريضه ومعلعله طول الوقت اهلي يقولولي شوفي الناس تضحك عليكي ؟ ليش الناس يضحكو على المريض النفسي ؟! ساعات اقول ليت اللي فيا فيهم ، لكن والله ما اتمناها على مسلم ما اقول الا الله فوق ووحده اللي بياخذ حقي منهم المصدر: نفساني
|
|||
|
02-04-2014, 02:12 AM | #2 |
عضو نشط
رُحماك ربي
|
وعليكم السلام ورحمة الله وبركاته
الله يفرجها عليك أختي ومايحس بالشي الا اللي مجربه علينا بالصبر والدعاء والله كريم |
|
02-04-2014, 02:26 AM | #3 |
عـضو أسـاسـي
|
ام لبنتين حبيبتي ليش يضحكون المرض مايضحك الا الناس السخيفه اللي تفكيرها غبي ماعليك منهم وانتبهي تدعين ع احد او تتمنين لاحد يكون مثلنا ادعي لنفسك بالشفاء وياااختي اضغطي ع نفسك وروحي لزوجك مايصلح تتركينه بعدين اذا كنتي معاه ترتاحين اكثر والله انا من يسافر زوجي اتعب زياده لانه هو الوحبد اللي يقدر وضعي مالك الا زوجك روحي ولا ترددين
|
|
02-04-2014, 11:03 AM | #4 |
عضو
|
الله يهديهم ويصلح حالهم.. هذا نقص بالثقافة ونقص بطريقة التعامل الايجابي الناتج.. اعتقد مرينااا كلنا بهالمواقف. بس صعب جداً على نفسية الشخص انه مايكون له اشخاص يحسووون فيه.. عندك ان شاء الله اخوانك في العالم الافتراضي مابيقصرون معك وبيوقفون معك. الله يسدد طريقج للخير ويحفظك بطول العمر والعافية
|
|
02-04-2014, 01:32 PM | #5 |
عضـو مُـبـدع
|
اهلين ام لبنتين اول شي غلط انج تتركين زوجج روحه له يمكن في البدايه بتحسين بضيقه لاكن طنشي لان مايجوز تتركين زوجج حبيبتي . انا مع اختي ام شجاع لما تكونين مع زوجك ترتاحيت اكثر لان هو الي بيريحك بيشيل همومك . انا خواتي للحين يقولون لي انتي مافيك شي انتي بس توسوسين هم لان ماجربوا المرض النفسي الله يعافينا يارب . توكلي على الله وروحي لزوجك
|
|
02-04-2014, 01:44 PM | #6 |
عضو نشط
|
ماعليك منهم طنشي من راقب الناس مات هما دعيهم يقولون ويتكلمون ويش بيفيدوك
زوجك ان شاءالله راح يصبر عليك انتي اخذي بالأسباب ولاتفكري في كلام الناس يكفيك انو نبينا وحبيبنا محمد صلى الله عليه وسلم قالو عنه مجنون وساحر وكاهن يعني لاتفكري في شي والله لو اخذنا بكلام الناس راح نضيع نصيحة من محب |
|
02-04-2014, 02:56 PM | #7 |
عضـو مُـبـدع
|
اخ على الله توكلت تسلم على الرد الله يسمع منك ويفرج همنا ويعجل بالشفاء
ام شجاع والله والله والله الود ودي اسافر اليوم قبل بكره لكن تعبي مانعني ، المشكله كمان مو بس تعب نفسي لا اعراض انسحابيه من الدواء ولما احاول ارجع له ادوخ ويزيد القلق ، يعني مو عارفه ايش الحل ، وكل ما احاول افهم اهلي ما يفهمو يحسبوني اتدلع ، كاني كنت اخذ مخدرات من شده التوتر لدرجه أين انام وانا ضاغطه علي يدي واسناني غير انه هوا يحضر دكتورا كيف ازيد همه هم اخ معين صادق ماعندنا وعي وما الومهم أنا لو ماكنت تعبانه يمكن كنت حاكون زيهم ، لانه اعلامنا مايحاول يوعي الواحد ولا حتى مدارسنا مع اننا كنا ناخذ علم النفس لكن كانت ماده مهشمه وانتم فيكم الخير والبركه الله يرزقنا الراحه والصحه ام سيوفي عارفه أني غلطانه من ساسي لراسي بس زي ما قلت لام شجاع غصبا عني وليتها ساعه او اثنين لا سته ساعات غير الانتظار في المطار غير هم البنات اخ السميري أنا مايهمني كلام الناس مرره لكن لما اهلي يتكلمو هنا أنا انقهر واحس أني منبوذه ومحد طايقني ، يعني إذا الاهل كذا يتكلمو او يتصرفو ما الوم الثانين الله يعيننا ويفرجها ويخفف همنا وحزننا |
|
02-04-2014, 03:23 PM | #8 |
عـضو أسـاسـي
|
ام لبنتين مش لحالك تعانين ترا كلنا وسالفة انتي تدلعين ياكثر ماسمعتها من اهلي واخواني وخواتي بس امي وزوجي اللي مقدرين وضعي ووحده من خواتي والباقي يقولون مافيك شي ومو باين ترا معهم شوية حق لان حنا نشكي والمرض مو باين علينا لانه نفسي بس حنا نحس فيه ماهو عضوي يبان من ملامحك وغير كذا اضغطي على نفسك وحاولي تروحين زوجك والله تتغير نفسيتك وخلاص انتي لك عشر سنوات مع المرض يعني مو شي جديد عشان تخافين وتاكدي مايصير غير اللي ربك كاتبه وكثري استغفار وان شاء الله ربك يدبر الامر
|
|
02-04-2014, 04:56 PM | #9 |
عضو نشط
|
معليش اختي لازم نكون اقوياء مجتمعنا يعاني جهل وماعندهم ثقافه ومايحتووون مع انه المريض النفسي يحتاج احتووواء اكثر من اي شي بس مايحس فيك الا الي عاش المعاناه لكن الي ما جرب يحس انك تافهه ونكديه وعقلك ناقص ...
بس الناس هاذي يبغالها طناش ولا تزيدي حالتك سووء عشانهم طنشي وحاولي تخلقي لنفسك الجو الهادي وريحي نفسك.لايهمممووونك الزم ماعليك نفسيتك وكمان حاولي ماتتركي زوووجك صعبه شوووي حلو انك تغيري جو مثلا اسبوع بالكثير بس مواكثر من كذى.. والله يعينك اختي ويريح بالك. |
|
02-04-2014, 10:57 PM | #10 |
عضو نشط
|
اهلك لما ييحكون معك بقساوة من حرقه مافي قلبهم
عليك هم يتمنون لك الخير والسعاده وانك تكونين مع زوجك حنا صحيح نتعب ونفسيتنا تكون دمار بس شنو نسوي الانسان لازم يحاول ويضغط ع نفسه مره ومرتين لين تتعودين تكونين قريبه من زواجك ولاتكثرين الشكوى لحد لان محد بيسمعك كثر نفسك انتي اللي ساعدي نفسك كيف تتخلصين من الاجواء ربي يساعدك ويفرج همك يارب ويعجل في شفائك |
|
03-04-2014, 01:02 AM | #11 |
عضو نشط
|
الله يشرح صدرك ويشفيك ويكفيك شر من فيه شر...
انــــــــا من رأي أخواتي انك تسافري لزوووووجك أكيد بترتاحي اكثر وأقل ما فيها تغيري جووووو... واكثري من الاستغفار وحاولي تقرأي سورة البقره... دعائي لك بالشفاء...ياررررب |
|
03-04-2014, 02:35 AM | #12 |
عضو فعال
|
الله ثم زوجك ثم عيالك ،، مالك احد غيرهم بالدنيا تمسكي فيهم ولا يهمك احد او رأي احد فيكي مهما يصير (( صاحب القرار هو انتي والحل بيدك لانك انتي الوحيد اللي بتفهمي ايش بيكي ))
اعانك الله اختي وشفاك وحفظك من كل سوء |
|
03-04-2014, 03:38 AM | #13 |
عضو نشط
|
والله ياعزيزتي اول ماتعبت كنت مصدقه الي يقول 40 يوم الواحد يحس
عرف خالي قام يضحك علي بالمجلسسسسس و ماتتخيلين كيف حزت بنفسي هو يضحك ولاهو حاس الي انا احس فيييه لكن يارب مايحس الي نحس فيه لأني والله الي فيني حتى عدوي ما اتمنا له الي احس فيه |
|
03-04-2014, 05:13 PM | #14 |
عضـو مُـبـدع
|
ام شجاع مشكتنا مو مع الخوف مع الدوخه اللي مو عارفين من ايش
بس ان شالله باحاول اسافر والقدر بيصير والله لو أني كنت في جحر نملة الله يقوينا بقوته غربه مو بكيفي تركته لاننا مغتربين ومعانا طفله صغيره وحامل فاضطريت ارجع السعوديه أنا ودي ارجع لزوجي لكن اللي منكد عليا الضغط والدوخه امل صادقه لما اكثر شكاوي اشوف الا مباله ويقولولي تتدلعي فصرت اسكت رغم أني ساعات نفسي اصرخ وابكي بس امسك نفسي توليب ان شالله باقراء سوره البقره ورجع لزوجي وارجع لحياتي الطبيعيه والله يرزقنا الصحه والعافيه ام ليث صادقه في كل كلمه قلتيها بس الشي اللي مو عارفتله الدوخه من ايش ميوي احساس قاتل انه اللي قدامك يضحك عليك وانت في اشد حالاتك تعب وضيقه ، بس ايش نسوي غير اننا نصبر ونحتسب |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|