اسطورة فيتامين د

المشاركة الأصلية كتبت بواسطة الحكيم الفاضل

اخ محمد ليش دام انك عندك هوس تستخدم مضادات اكتئاب؟؟؟
وترى للمعلومية الابليفاي يكفي لحاله للاكتئاب ومصرح من هيئة الغذاء والدواء العالمية انه علاج لنوبات الاكتئاب الكبرى يعني انت ماتحتاج الى اي مضاد اكتئاب حاليا..

واعتقد ان نوبات الاكنئاب اللي تجيك سببها استخدام مضادات الاكتئاب لانها تسبب افكار انتحارية ونوبات اكتئاب كبرى والمثل يقول اسأل مجرب ولا تسأل طبيب لاني اخذت السيبراليكس والبروزاك وبغيت انتحر بسببها

مع اني اول ما استخدمت البروزاك الملعون كان معطيني مزاج رايق ولكن بعد ماتركته ورجعت ابغا استخدمه مرة ثانية صار ماعاد يفيد وصار يجيبلي افكار انتحارية وتركته..

والمشكلة الثانية اللي وقعت فيها انه سببلي هوس وهو ماكان فيني هوس قبلها بس هذا العلاج الملعون اظن انه هو اللي سببلي الهوس فصار احيانا تجيني نوبة هوس وانا عندي نوبة اكتئاب كبرى يعني تخيل في اقل من ثلاث دقائق يجيني اكتئاب شديد واحيانا هوس يعني بعض الاحيان صراحة صرت احس اني مجنون نمرة واستمارة

بس الحمد لله الهوس اللي عندي من النوع البسيط ولا يحتاج علاج يعني اقدر اسيطر على نفسي بس اما الاكتئاب خلاص راحت علي فيه فانصحك نصيحة جرب وخلك على علاج واحد اللي هو الابليفاي واترك مضادات الاكتئاب لانها هي اللي تسبب تقلبات في المزاج وجرب شهر بدون استخدام اي مضاد اكتئاب لانه كل الاطباء النفسيين يقولون اي واحد عنده هوس الافضل انه مايصرفله مضاد اكتئاب لانه يزيد الحالة سوء ...

وبالنسبة للاكتئاب اذا جاك نوبة كبرى حاول انك تدخل الحمام وتستحم بماء بارد وترش على جسمك ماء ورد وتشم رائحته لاني انا اسوي هذي الطريقة دايم اذا جاني الاكتئاب ويخف كثيييييير لان رائحة ماء الورد تقوي الاعضاء الباطنة كلها ..

وحاول ترش ماء الورد على المخدة اللي تنام عليها وتمسح جبهتك قبل ما تنام بماء ورد واذا تنقط نقطتين في خشمك ماء ورد وتنام وصدقني تخف عنك الكوابيس والاحلام والنوبات الكبرى انت جرب بس وقلي وش صار معك ..

ترى نوبات الاكتئاب هذي لازم اذا جاتك تعلن الحرب عليها بالتعوذ من الوسواس الخناس وتسوي الطرق اللي قلتها لك لانها طرق مجربة وبتفيدك وتفيد اي عضو يعاني نفس معاناتنا اكيد جرب انت وادعيلي وشوف اذا ماتحسنت نفسيتك مع ماء الورد والاستحمام ما ابقى انا

الله يعطيك العافية انا ما قدرت ابطل علاجات الاكتئاب على طول يفصل مخ عن الواقع لذلك صعب مرة اتركها حتى الطبيب يقول انتبه لنفسك زين

اما الهوس الي عندي هوس خفيف لكن الاكتئاب شديد جدا

حاليا استخدم افيكسور ولامكتال وابليفاي وكلها بالجرعات القصوى

مشكور اخوي الحكيم وراح اطبق موضوع موية الورد واجرب مع اني اعرف نفسي اجرب يوم ثم اتركه