تجمع رهابيات تعالوا نفضفض

المشاركة الأصلية كتبت بواسطة هآجرر

ماانزل الله من داء الا جعل له دواء
ليش مانشجع بعض عالعلاج بدل الفضفضه بدون هدف
اقول هالكلام بعد ماشفت جزء من العافيه الي من الله علي بها بعد مااخذت السبراليكس اجل كيف لو تشافيت تماماً

اختي الله يتمم لك الشفاء العاجل
الله يسعدك تسوي خير لو تكتبين تجربتك واشلون كنتي وكبف صرتي ومن وصفلك العلاج ..اانا ا

انا ناوية استخدم السيروكسات ولكن الى الان متررددة

المشاركة الأصلية كتبت بواسطة سااندي

اختي الله يتمم لك الشفاء العاجل
الله يسعدك تسوي خير لو تكتبين تجربتك واشلون كنتي وكبف صرتي ومن وصفلك العلاج ..اانا ا

اهلا بك اختي

بالنسبة لتجربتي سبحان الله ربي سخر لي علاج الرهاب وكنت اريد اعالج الاكتئاب بس سألت طبيب عام بمستشفى حكومي وسألني عدة اسألة كيف نوم متقطع كيف مزاجك عموما هل تنسين كثير وكذا يعني ....
وصرفلي السبراليكس وماتناولته بالبداية تخوفت كثير لان ماعمري استخدمت الادوية النفسية ابداً تركته فتره طويله ممكن كم شهر وبعدها لما تعبت من الرهاب وطفح الكيل استخرت وقلت خليني اتناوله واتوكل ع الله سبحانه
وبديت باربعه ايام نصف حبه وبعدها حبة 10 مل واستمريت عليها لحد اليوم مازلت كملت شهرين
الأشياء الي لاحظتها بنفسي .....


- الخوف الكبير وضربات القلب السريعه خفت كثيرر وصرت مرتاحه والتوتر زال عني والقلق وصرت مرتاااحه ماشاء الله
- صرت اطالع بعيون الي اتكلم معاه بشكل طبيعي وكنت مااقدر ارفع عيوني
-لكن مو بالشكل الكامل يعني فيه شويه رهاب خفيفه ممكن مايلاحظها الناس لكن مااشوف فيني جرأه يعني مدري كيف اوصف :
- شهيتي للأكل قلت للنصف وكذلك الرغبة الجنسيه اختفا تماماً :/ يعني يناسب غير المتزوجين
-ماصار يضيق صدري ونادر ماابكي وتوني الاحظ هالشي فيني
-برغم كل هذا ماحسيت ان الرهاب تعالج اتمنى احس بجرأة واخذ راحتي بالتناقش مع الناس بالمواضيع والمبادره بالكلام مو بس اني مااخاف .... طول حياتي خجوله وضعيفة الشخصيه صح الحين تغيرت بس اطمح لشي اكبر ..
اسأل الله الشفاء لي ولكم وجميع المرضى

المشاركة الأصلية كتبت بواسطة غفوة إنكسار

أحتضاار ماشاء الله يكفي أنك تخرجين وتروحين ..هذا تحدي بحد ذاته حتى لو منعك أنك تزاولين بعض الأمور طبيعي..
أناا ماأقابل اي أحد حتى أقرب الأقربين مااقدررر.زقبل ايام المدرسه أحس أني ماأقدر أناقش في الدرس مثل البنات .ممكن تتدخل التربيه في هالشي ..

رغم هذا ألا أني ألقي محاضرات ونشاطات ع مستوى المدرسه ومع البنات كنت أتشجع..

هه وين اخرج ؟ ؤانا تركت المدرسه نهائيا ولا أقدر أرجع لها بعد ما شفت كل هالاهانات ! وبعدين قبل كنت ما أحظر إلا بالشهر مره وياليت هاليوم اللي أجي فيه يمر على خير لازم فيه إهانات ووضحك غير ألطفش والحيره أسولف مع الطاوله ولا مع الجدار ؟ لا وغير كل ذا الأهل ما يساعدون لا يأخذوني لدكتور ولا يسمحون اشتري أدويه ولا أقدر أروح اشتريها بنفسي ! لا من جد كذا السالفه ما تنتحمل

اختي احتضار لازم تاخذين علاج

حاولي بكل الطرق

حطي حد للسالفه مع اهلك

هذي حياتك انتي ارسميها لا تتركي الغير يرسمها لك باللي يتعبك وما يناسبك

بنات انا معاكم بالاستغفار
بس بزيد شغله مهمه اللي هي الصدقه ( داوو مرضاكم بالصدقه)
والرهاب يعتبر مرض والصدقه بنيه الشفاء ان شاء الله بأذن واحد احد مايخيب ضننا ويشفينا

اناجربت الاستغفار
ارتحت كثييييييييييييييير والله العظيم ارتحت

بس وقفت لانشغالي مع ولدي الله يحفظه واليوم بكمل باذن الله

للعلم انا ماعندي رهاب اجتماعي بس المرض اللي فيني سبب لي عزله وخوف من الناس

الله يشفيكم ويشفيني ويشفي جميع مرضى المسلمين

اللهم امين

انا عندما اكون في موقف رهابي ابدء اقول استغفر الله واجد الرهاب بدا يتلاشى

سبحان الله .. الا بذكر الله تطمئن القلوب

لا تنسو الدعاء في الثلث الاخر من الليل

فالدعاء في هذا الوقت وصفوه بالسهام التي لا تخطيء

انا اطلع الجمعات والزواجات بس عندي رهاب ف الكلام ..واذا تكلمت ابدا اتأتأ .. الله يشفينا

انا جربت الزولفت حسيته بس حق اكتئاب خلاني طول الوقت مبتسمه لو الناس حزينين انا مبتسمه واقول بنفسي عيب مايصير دايما مبتسمه والناس مثلا بمشكلة او حزن انا جربته لرهاب وحسيته مانفعني لرهاب بس للاكتئاب اتوقع ينفع بس من جد ماحبيته مخليني مسطوله وموعايشه بحساس مع الي حولي ومع ذلك مبتسمه ع الفاضي<<تقل سفيه... خخخ يمكن تختلف من شخص لاخر بس هذي تجربتي معاه فماحبيته بالاضافه الى انه صرت جريئه واسمع اغاني وشعور الخشيه من الله ما فيها



فا ارتحت له ابدا، جربت دوقماتيل يعني،وودي اجرب سبراليكس اخاف نفس الزولفت شرايكن؟!

عفوا قصدت فماارتحت له / الزولفت
لكن التدقيق الإملائي يكتبهارتحت له