|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
26-02-2002, 03:20 AM
|
#16 | |
|
( عضو دائم ولديه حصانه )
|
اممممممممم خيبت ظني يا هولمز هين هين :)
مشكور يا الفارس وكمالتك بعد زوينه لكن متوقعه بكملها لك وللاخوه الاعضاء اللي شاركوا واللي تعففوا عن المشاركه ;) *************** وين وقفت السالفه؟ ايييييييه يوم ان حصه تسال نوره وش قال لها ابوها صح؟ زيييييييين ! قامت حصه وخنقت نوره بيدينها وهي تمزح معها وقالت لها بتقولين وش قال ابوك والا ذبحتك اليوم __اصبري اصبري بقول لك والله بقولك __هه؟؟؟؟ __قال عساها تصير وخيتك وتشاركك مسكنك , بصراحه يا حصه ما فهمت وش قصده وقلت له يا يبه وش قصدك ما فهمت كلامك تصدقين يا حصه طالعني بنص عين وابتسم وراح لم امي , تكويله غترته __سكتت حصه ومغصتها بطنها وحست ان شي بيصير , شي ماراح يعجبها مرت عليها ايام وهي تفكر وقلبها يوجعها وتشوف احلام مزعجه كثير وكل يوم توهم نفسها ان اللي في بالها ماراح يصير .......... مشكلة حصه ان ابوها من ابوان اوووووول ما يشاور البنت وراي البنت من راي ابوها المسكينه العادات بتجني عليها المهم لا اطول عليكم على غير العاده ولان حصه هي اخر العنقود يعني القعده تغيرت افكار ابوها شوي ناداها ذاك اليوم وهي تشوف مسلسل "" جرح الزمن "" كانت من اشد المتابعين له ويا كثر الدموع اللي نزلتها وهي تشوفه :D __يوووووووووه مو وقته يبه..... قالتها لنفسها وردت عليه : زين زين جايه هاالحين راحت يم ابوها والكشره ماليتن وجهها __ تعالي يا وليدي وهز راسه _ بمعنى اجلسي جنبي- جلست جنب ابوها وودها انه يخلص كلامه بسرعه تبي تشوف المسلسل قبل ما يخلص _ حصه يا وليدي الزواج سنه الحياه وانتي صرتي عروس وابشرك جاك اليوم عريس كل بنت اتمناه __ وششششششو !! عريس ؟؟ _ ايه ابو حمد جارنا فزت حصه على حيلها ووقفت , طالعت ابوها شوي , ووقفت للحظات لا كلام ولا حركه حتى رموش عينها وقفت معها __ " صرخ فيها ابوها " حصصصصصصصه _لا يبه ابو حمد لاااااااااا __ هييييييه ! انا ما اشاورك وترا وانا ابوك هذي اول مره اكلم واحده من بناتي في عريسها انا بس ناديتك لاجل تعرفين ان زواجك عليه في شهر صفر وان الرجال مقتدر وبيفتح لك بيت مستقل ومهرك تراه بجيبي __ يبه يبه ابو حمد لا __ اسمعي , انا عطيت الرجال كلمه ومهوب ابو بدر " اللي هو ابو حصه " اللي يرجع بكلامه ثم ان الرجال ما ينعاب مال وجاه ومعه حق يبي عيال ومرته ما تجيب الا بنات. __ يبه يمكن حتى انا اجيبله بنات بعد , يا يبه هذي عطايا من الرحمن _ ان جبتيله بنات بياخذ عليك الثالثه والشرع حلل له اربع .......... طلعت من عند ابوها وراحت يم حجرتها وبسرعه اتصلت على وخيتها هند اختها العود كبيره ورزينه وذكيه وتمون على ابوها اتصلت عليها وقالت لها : __ هند تكفين يا وخيتي ساعديني _ وش فيك يا حصه عسى ما شر ؟!! _ هند ابوي بيزوجني لا ابو حمد .....ابو نوره خويتي , زوج ام حمد جارتنا _ هه؟ قولي غير ها الكلام !! _ تكفين يا هند ساعديني والا تراني ضعت عند ها الشايب ابوي يقول انه دفع المهر يا هند وزواجي في صفر في حوش ام خليل _................... _هند _................... __ هنننننننننننننند ****************** تتوقعون هند ليش سكتت؟ وياترى بيصير عندها الحل ؟ والا تستسلم وتخيب ظن اختها فيها؟ امممممممممم من يكمل :D :D :D |
|
|
|
26-02-2002, 05:05 AM
|
#17 | |
|
( عضو دائم ولديه حصانه )
|
هذا مسلسل مكسيكي؟؟؟؟
---- شوفي الدنيا هذي مليانه مشاكل اقدر اساعد حصة باني اتقدم لها من ابوها وسوف تقبلني اكيـــــــــــــــــد انا ما عندي زوجة انا مقتدر انا وسيم.......بس مهبول احيانا شرط ان ابوك ينرك ابو حمد والا عطيني وصف بيت ابو حمد خليني اصدمه وانهي المشكل من الاساس;) |
|
|
|
|
26-02-2002, 10:50 AM
|
#19 | |
|
عضو فعال
|
استسلام
يبدو اخت واهمة انك راعية طويلة مرة ، لان الان دخلت هند وهذي الحلقة الثانية بيجي عاد موقف نورة همين موقف ام حمد ( حمد الله يجيبه) همين موقف ام حصة بعدين موقف النقل الجماعي وخط البلدة ، لذا انا قررت ادع القصة لك واستمتع بالاستماع .. .
وشكرا يام مروان على الاريحية الكبيرة والسرد الفطري الجميل ، عجل الله لك الثمار وحقق لك الامل . (وان كان من ملاحظة فهو محاولة التركيز في الردود لانك تذكرين امور كثيرة تجيبينها ورا بعض ، مثال : انتي تردين على وحده وش دخل جية ابوهم من الحج وموية زمزم ؟؟ ندري انك تعرفينها من قبل بس وش دخلها في الرد ؟؟) (ملاحظة صغيرة من اخوك الصغير) |
|
|
|
|
26-02-2002, 01:40 PM
|
#20 | |
|
( عضو دائم ولديه حصانه )
|
يؤؤؤؤؤؤؤ حصه وشراني لالالالالا
ابو حمد ارحم لها هي لو بتاخذك تشيب قبل يومها:D ........ لاري واهمه صارت تعبااااااااااااانه , طيييييييييييييييب المره الثانيه بخللي بطل القصه المكسيكيه لاري تونتي :D :D قلت لك نهاية الفلم الهندي غير متوقعه :D ............... فارس حياك الرحمن يا فارس نفساني يمكن أني عجله مثل حصه ويا كم مره طحت من الدرج وغير الدرج ويا كثر زلاتي :D بس الاخت حصه المدني مافي معرفه بيني وبينها ابد كل مافي الموضوع انها كتبت في اول موضوع لها ان زوجها راح الحج فحبيت امازحها واسال عنه وطبعا انت شايف ثقل الحريم حصيصه الاصليه مطنشتني ومسويه ثقل :D :D المره الثانيه بسألك انت عن موية زمزم ;) |
|
|
|
|
01-03-2002, 07:14 AM
|
#21 | |
|
( عضو دائم ولديه حصانه )
|
احم احم
مرت الايام ومازالت حصه تعاني و محدن راضي يساعدها ويلاقي حل لمشكلتها ؟؟؟ هذا وانتوا قبيلة نفساني ؟!! وين الحلول ؟ ووين اللي وعدوا واخلفوا الوعد ::confused: :mad: :rolleyes: :cool: :p :o :( ;) :) :D |
|
|
|
|
02-03-2002, 08:29 AM
|
#22 | |
|
عضـو مُـبـدع
|
اولا السيل مبارك.
ثانيا فاتني الرد على الكثير حيث كنت معزوم في قطر وبصراحه ما توقعت انها بها الزين، وش فنادق فخمه وش كورنيش على البحر وش مركز تجاري وش شوارع وسيعه بس المشكله انها بعيده عن الرياض بالسياره. ثالثا وش ها الكلام الموزون في منتدى المراه وخاصه في اخر مداخله مع موضوع المراه العامله. رابعا بصراحه قصتك هذه لخبطت مخي ما عد اعرف حصه ونوره وساره وهند ، لو سمحتي حطي ملخص علشان اكتب الخاتمه. خامسا صدق القروش زينه بس ما هيب ازين من الصحه والستر وراحة النفس. |
|
|
|
|
02-03-2002, 10:00 PM
|
#23 | |
|
( عضو دائم ولديه حصانه )
|
""رابعا بصراحه قصتك هذه لخبطت مخي ما عد اعرف حصه ونوره وساره وهند ، لو سمحتي حطي ملخص علشان اكتب الخاتمه""
تبي ملخص اممممممممم يالله حسن الخاتمه شوف عمو لاري القصه كلها عند المسيكينه حصه وعند ابو البنات ابو نوره هو شافها واعجبته وهي ما تبيه ابو البنات دفع مهرها والزواج في صفر وابوها راضين به وشلون تحل نفسها من ها المشكله بشرط محدن يزعل عليها ولا تصير مشكله بين ابوها وبين ابوالبنات يالله ورينا شطارتك يا عمو لاري :D ;) |
|
|
|
|
06-03-2002, 01:26 AM
|
#25 | |
|
( عضو دائم ولديه حصانه )
|
تك تك تك ............................................تك
مسيكينه يا حصيصه تسندتي بشعبن تجاهلك كل شعب نفساني صاد عنك ولا فكر احد فيهم او فيهن يساعدك عليه العوض ومنه العوض بكره تنزل الحلقه الاخيره من حصيصه وابو حمد الحمد الله الله لا يحطني بموقفها المسيكينه محدن سأل فيها كلام مال انا فينيتوا :) |
|
|
|
|
06-03-2002, 03:01 AM
|
#26 | |
|
عضو نشط
|
عيونى واهمه...........تقولين حصه تسندت على جدار مشروخ.؟؟؟؟
((وين راحوا بنات جنسها...وانا اخت حصه))) أسمعي تكملت القصه........ حصه...ما عاد راحت لخويتها لنوره......ضاق صدرها .(الله لايعيد ذيك الروحه))..وهي تبكي....على حظها...وتقول في نفسها((حظي بيطلع أردي من حظوظ خواتى... الا صوت...نوره وينك ياقليلت الخاتمه......عقلتى ما عاد اشوفتس اشتقتلتس ماصبرت لين بكره عشان اشوفتس....... حصوص....وش في لونك مهوب عاجبنى... قامت حصه تبكى وما قدرت تخبي على توام روحها نوره.......نوره وش تقولين انا ما اصدق ياحصه ان ابوي خطبتس والزواج في صفر.....ما بقى الا شهرين......نوره بتغير الجو على حصه((أحسن عشان نصير في بيت واحد...نشوف بعض كل يوم...بدل المراسيل.. الحين نوره محتاره تعلم امها ولا لا......ما ودها تضيق صدر امها.....وهي الى كانت تعتبر حصوص مثل نوره واكثر والحين بتصير ((ضرتها)) يمه ترا ابوي يبي يعرس عليك........قالتها وهربت...ودها تخلص أمها وخويتها في نفس الوقت لاكن ماعندها حل الا تعلم امها.... وصبرت المسكينه ....قالت مهوب اول مره يخطب.......دايم يخطب يدور للولد....ولا هوب جايه الا الى كتبه الله له........... وفي ذاك الاسبوع......صار لابو حمد حادث..خلاه في الفراش شهر...أم حصه بدهائها..قامت تحوس عقله..ان الرجال مريض وبيموت. ومهوب لم عرس الين حطتها في راسه.....وابو بدر خاف على بنته تترمل قبل لاتعرس وتطيح في كبده....الرجال صار تعبان من الحادث....(وحصه فرحت لان ابوها غير نظرته..وزعلانه على نوره خويتها))...قال في نفسه.. وش ابى ارمي بنيتى على رجال مريض((كود يجيها احسن منه)) الحين بس يوم صار له حادث))..وزاره في بيته.....وهناه بالسلامه ورجع له فلوسه...يا ابو حمد البنيه....حجروها عيال عمها...((يصرف))..وحنا مالنا بالمشاكل وهاذي فلوسك..كامله...والله يوفقك في غير حصه واطلق منها بعد....................ما اصدق انى خلصت..من ها لزواجه الى على غير سنع...الحمد لله ...قالتها حصه وهي تسولف لنوره..عند باب البيت.....والله ماعاد اروح لم احد في بيته.((خذت درس محترم)). .. ... ... .. .. ... يالله هاه اعجبتكم تكملتى للقصه..............وش تقولين ياواهمه..اصلح ولا لا...................ان شالله تقولين اييه |
|
|
|
|
06-03-2002, 03:32 AM
|
#27 | |
|
( عضو دائم ولديه حصانه )
|
:D :D :D
راااااااااااااائعه يا بنت النور اييييييييه ما يجيبها الا بنات حواء سريتي قليبي يا نور ووالله لو انا مكملتها ما كتبت مثلك ومثل اسلوبك بس بعلمك وش كنت حاطه لها نهايه ههههه تكفين لا تعلمين احد في نفساني خليه سرن بيني وبينك كنت بخلي هند وحصه يتفقن مع ام نوره حتى تقول قدام ابو حمد ان حصه بنيتها رضاع :D :D بس والله ما اكتب نهايه غير نهايتك وانتهت مشكلة حصه وعادت حليمه لعادتها القديمه وصارت كل يوم تمر خويتها نوره ومثل قبل تحط الشرشف عليها :D :D تدرون ليش؟ لان بنت حواء راسها ناااااشف وابو طبيع ما يغير طبعه تحياتي لبنت النور اللي انقذت حصه من ها الشايب;) |
|
|
|
|
07-03-2002, 07:39 AM
|
#28 | |
|
عضو فعال
|
الله يعييييييين
اسلوب بنت النور مثل واهمه بالضبط ونسخة مكرورة منه والان واهمه اشوف اتهامك لمشاكس يرتد اليك عاجلا .
ننتظر مؤتمر صحفي وبيان توضيحي عاااااااااااجل جدااااااااا |
|
|
|
|
07-03-2002, 12:38 PM
|
#30 | |
|
عضو نشط
|
لا يافارس......كيف اسلوبي مثل خيتى واهمه.....واذا كان مثله فلي الفخر لانها هي الى فتحت مجال لنا نكمل القصه باسلوبها المشوق...
....... اعذرنى فارس لاكن ما فهمت عليك...من اي ناحيه نسخه مكرره منه.....؟؟؟ ؟؟؟؟؟؟ |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
