|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
19-02-2002, 05:43 AM
|
#1 | ||||
|
( عضو دائم ولديه حصانه )
|
قررت اعترف لكم
ايه بعترف خلاص ما عاد اطيق السكوت
احس ها الكذبه كاتمتن على صدري .......بقول لكم اللي في قلبي بس تكفون لا احد يزعل مني ولا يكرهني تعبت وانا اداري همي واقول بكره تتعدل بكره احسن ......بكره تمطر علي دنياي وتهل السحايب برزق وخيرن جديد اسمي حصه لي اختين هند وسارا متزوجات من قبلي وكل واحده فيهن زوجها موريها نجوم الليل لا معزه ولا حشمه وقلة احترام وفوق ذا كلله خواتي صابرات , بالعات الهم وراضيات بقسمة الله .................. لا اطول عليكم بدخل في الموضوع على طول ادري فيني قاعده اتهرب من قول الحقيقه تدرون ليش؟ لان الحقيقه با النسبه لي مرره وعلقم وسم قاتل امنتكم لا تروحون اصبروا بس لين تعرفون وش السالفه اهلي يسكنون في حاره شعبيه كل اللي فيها على قد حالهم عوايل ميسوره الا جارنا ابو حمد ماشالله عليه ربي معطيه خير واجد جارنا ابو حمد عنده سبع بنيات ربي ما قسم له يجيب عيال لكنه ما يحب احد يناديه باسم بنته نوره خويتي وسمى نفسه ابو حمد لعل وعسى يجيه الولد :) نوره ذي خويتي وحبيبتي ما يفهمني غيرها تغليني واغليها كل يوم يا تجيني والا اجيها كل وقت وكل ساعه ما احس بيومي وطعمه من غيرها اشوفها اخت لي وتشوفني اختها ........... تعودنا حنا الجيران ناخذ من بعض يعني كل بيت يكمل غرضه من جاره مثل ملح طماط بهارات شوية زيت الخ الخ ذاك اليوم اميمتي نقص عليها شوي زيت وكان غدانا سمك تعرفون السمك يبيله زيت ووووااااااااجد ايه لحظه نسيت اقول لكم ان عمري انا ونوره مثل مثل تونا مخلصين ال 22 سنه يعني تونا صغار:D خلوني اكمل حكايتي ......وين وصلت؟ ايه تذكرت ....اميمتي ارسلتني يم جارتنا ام حمد اجيب لها شوية زيت بصراحه ما صدقت انها ارسلتني لان امي معاقبتني من امس ما اشوف نوره قالت لي غسلي مواعين العشا ويوم عاندتها حلفت ما اروح لنوره واتهمتها انها هي اللي مخربتن اخلاقي تصوروا؟!! هي قالت حصه روحي لم بيت جارتنا ام حمد وجيبيلنا زيت من هنا وما كملتها الا وانا عند بابهم اركض ركض دقيت بابهم بقووه ما حسيت بنفسي من كثر لهفتي على شوفة خويتي انفتح الباب ودخلت بسرعه ووو و...... يووه وشلون اقولها لكم؟ تدرون من فتح لي الباب ؟ مشكلتي اني من كثر ما فرحت بشوفة نوره ما لبست عباتي رحت يم شرشف صلاتي حطيته على راسي وطلعت لان بيت اهل نوره مقابل بيت اهلي وحارتنا شعبيه مافيه مسافه طويله بيننا ما قلتولي من تتوقعون فتح لي الباب؟ ايييييييه صح ابو حمدفتح الباب وانا من دون ما اطالع فيه دخلت بسرعه وحسيت اني صدمت بحجر :).......رفعت راسي الا وهو ابو نوره يوووووووه رجعت بسرعه وما انتبهت للدرج ...طحت وطاح عن راسي الشرشف طحت من الدرج وتالمت وصرخت غصبن علي الدنيا من زود الخجل والااحراج صارت سودا , ظلمه قدامي ما اشوف شي مديت يديني بعشوائيه ادور على الشرشف لاني ما صرت اشوف ...بس ما لقيته سمعت ابو حمد يقول بسم الله عليك بسم الله عليك وحسيت بيد انمدت علي وقومتني وشوي الا وشرشفي فوق راسي كل ذا وانا منعميه من زود الاحراج والخجل رفعت عيني الا وابو نوره عطاني ظهره وقال لي ادخلي ام حمد با الدار دخلت وطلع ابو حمد من البيت ياربي والله لو تدري امي عني ان تذبحني وتحرمني نوره بس وش يدريها من قال اصلا اني بعلمها;) اخذت الزيت وعطيته امي ودخلت حجرتي اتحمد الله اللي سلمني من امي ما سألتني وش اخرك والا ما انتبهت اني اعرج من الم الطيحه ادري طولت بس اصبروا شوي ....بس شوي وتعرفون السالفه ثاني يوم زارتني نوره قالت لي حصه تدرين ابوي سألني عنك امس؟ في داخلي حسيت بسكته قلبي , وقف مكانه قلت ان ابوها علمها بطيحتي؟ __سالني من ها اللي جت اليوم؟ _ وش قلتيله؟ _ قلت له هذي اختي اللي ما جابتها امي يبه ووش قال لك؟ سكتت نوره ......... قالت حصه____ نووووووووره ؟ ................ تعبت وانقطع حبل افكاري وش رايكم ؟ من يكمل ؟ويعلمنا وش صار مع حصه ونوره؟ ............ تكفون لا احد يحقد علي بجد ما عندي قدره اعترف وودي احد غيري يخمن وش ممكن يكون صار؟:D :D المصدر: نفساني
|
||||
|
|
19-02-2002, 06:29 PM
|
#4 | |
|
عضـو مُـبـدع
|
اقد حصة يا واهمة على العموم انا ما اظن ان نهايتها صعبة
وبعدين انتي قلتي انهم مثل الاخوات آخر كلام موضوع حلو وفكرة أحلى بس ممكن تجاوبي على سؤالي انتي اللي كتبتي القصة؟ |
|
|
|
|
20-02-2002, 02:11 AM
|
#5 | |
|
( عضو دائم ولديه حصانه )
|
شرااااااااامز
هن مثل الخوات , بس مستحيل ابو حمد يتزوج نوره صوح؟:) ........... ايه يا شرامز واهمه هي كاتبة القصه بس ودي غيري يكملها:D وش رايك تكملها ؟!!;) |
|
|
|
|
20-02-2002, 01:22 PM
|
#7 | |
|
مستجد
|
الــعضو المنتهي الرجاء مراعاة التعليقات وان يكون النقد في طرح مواضيعهم وان لا يكون هناك نقد شخصي لكاتب الموضوع
نفساني المشرف العام |
|
|
التعديل الأخير تم بواسطة الحوراني ; 20-02-2002 الساعة 01:55 PM
|
|
24-02-2002, 11:30 AM
|
#10 | |
|
عضـو مُـبـدع
|
عزيزتي الغاليه واهمه
بصراحه انت لم تعترفي لانك لم تقعي تحت المسائله لتعترفي ولكن قد يكون هدفك ايصال رساله معينه. اما نهاية القصه فا اعتقد ان ابو حمد سوف يقول لابنته والله حصه صارت حرمه وقد يفكر بالاقتران بك، فما المانع؟ حقيقه لقد زدت في عيني بعد ما قلتيه بس لا تكون نظرتك قاصره فالناس سواسيه واكرمهم عند الله اتقاهم، ولكن الومك على مقولتك (اقتنصني صقر من صقور اجا وسلمى). حقيقه انت دائما رائعه حتى في صراحتك لذا اتمنى لك ولاخوانك ولجيرانك والمسلمين كل خير. اعتقد ان ما قلتيه درس في علم الاجتماع وهذا من فضائل هذا المنتدى علينا. سعدت وسعدنا جميعا. هديتي لك :D :) :D :) ;) :confused: |
|
|
|
|
24-02-2002, 05:02 PM
|
#11 | |
|
( عضو دائم ولديه حصانه )
|
اهلين وخيي لاري
كلماتك اليوم مبهمه ولم افهمها :) فعلا لم اعترف لاني لا اجد ما يستوجب الاعتراف لكن كانت مجرد بدايه للتشويق حتى ارغب الاخرين في القراءه فقط :) با النسبه للصقر الذي اقتنصني لا اعلم لما لم تعجبك هذه الكلمه فمثلي لا ترضى الا ان تكون في حمى الصقور الذين يسعون دوما نحو المعالي لهم ولمن حولهم وهكذا هو صقري ................. لا.., نهايتك للقصه متوقعه يا لاري هولمز وعد ان يكملها لكن يبدو انه يتهرب :) بقية الاعضاء مازالو في العيد اتمنى ان اقراء تعليقاتهم بكمل اعترافاتي اذا لم يكملها غيري لكن ........مش دا الوئت :D |
|
|
|
|
25-02-2002, 10:54 AM
|
#12 | |
|
عضو فعال
|
سرد فطري جدا
القصة نهايتها واضحة جدا ولولا كذا ماقلتيها ابو حمد خطب حصة ( حصة ياهولمز ركز وانا اخوك ولا تعقد الشوش ) وهي احتارت بين حب الصدبقة توامة الروح وابو حمد ( حمد الغائب المنتظر الله يجيبه ) التاجر الي كل بنت تتمناه ( ولو هو كبير شوي ولا شويتين ) حصة تبي تقعد تهوجس وتقول رجال خواتي الي وروهم نجوم الليل ( على قولتك في الاعتراف ) ( اكيد نجوم الليل تبين اجل نجوم الظهر ) ( اكيد انتي قصدك نجوم الظهر بس مع العجلة خربطتي والله يعين درجة ابو حمد لانك دايم عجلة وتبين تطيحين فيهاا ) هنا نكمل بعد الاقواس تبي تقول رجال خواتي مانفعوهم وهم كبرهم وباعمارهم اباخذ هالشايب وفرصة اصير قريبة من نورة ( مدرت ان نورة تبي تعطيها اشكل لانها تبي تصير مرة ابوها ) بس شلون نورة تبي
تزعل تزعل واجد اكيد امها تبي تجيها ضرة وش السواة وهي تفكر تفكر تحس بموية على وجهها وهي تسبع ( تغسل ) المواعين وصوت امها يقول عما فتحي عيونك كسرتي الصحن وطسي لم نورة قاعده عند الباب تبيك ( لقد كان حلم ذات صيف بجانب المواعين ) |
|
|
|
|
25-02-2002, 06:03 PM
|
#13 | |
|
( عضو دائم ولديه حصانه )
|
اهلين اخوي فارس نهايتك حلوه بس للاسف هي النهايه المتوقعه :D
حاول تفكر بنهايه غير متوقعه ;) با النسبه لنجوم الليل ما اخطيت فيها يا الفارس لكن وفرت على نفسي الشرح عند ما قلت يورونهم نجوم الليل وسكت تركت الباقي عليك يعني الجمله تصير ""يورونهم نجوم الليل في عز الظهر ":D لان الظهر ماله نجوم يا فارس نفساني وبعدين ما هو حلم هذا وهم من اوهامي له نهايه ونهايه زوينه فيها شيء من دهاء النسااااااااااااء :D ;) يالله غيرت اتجاه تفكيرك يمكن تجيبها :eek: |
|
|
|
|
26-02-2002, 12:22 AM
|
#14 | |
|
عضو فعال
|
سال ابو حمد نورة عن حصو وقالت هي اوخيتي ومدري ايش وابو حمد موصى بنتين خوات لعيال ابو سعد الاثنين التوم عاد هو يقول لابو سعد للكبير نورة بنتنا والصغير حصة ، عاد تفرح حصة انها بتسكن مع نوير ببيت واحد ويصير ين حموات ( على قولة بعض الناس ) وبس يعرسن والحمد لله .
انا هذا اخر تعليق لان فكري تعب مرة . واما اتجاه التفكير فتعبير دارج عن تغيير زاوية التفكير وتغيير زاوية التفكير كفيل بحل الكثير من المشاكل باذن الله تعالى هناك امثلة كثيرة لهذا الامر اتركها في حينه . وشكرا للواهمه على الترحيب ، والى مزيد من الاوهام السعيدةةةة ، |
|
|
|
|
26-02-2002, 12:28 AM
|
#15 | |
|
عضو فعال
|
بعدين نسيت كون الامر حلم نهاية غير متوقعه لان هذا اعتراف الا اذا هو اعتراف من فصيلة االكوابيس فهذا شئ ثاني ، القصة تحتاج شوية تضبيط وتطلع شئ حلووو ( بس تحتاج مدرسة لغة عربية علشان تخلي اللهجة افصح لانها عامية مرة، يعني عامية فصيحة وهذا اسلوب بعض الكتاب وله رواج )
|
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
