اخي الكريم ناوي ارحل وكل من يعاني يتفضل

اخي الكريم ناوي ارحل وكل من يعاني يتفضل

السلام عليكم ورحمة الله وبركاته
اسعد الله صباحك اخي وكل اعضاء نفساني
قرأت في احد مواضيعك انك تعاني من وسواس الموت ولمرض
بسألك وش الاعراض المرضيه اللي تجيك وتخوفك لاني بصراحه
اعاني بصمت محد حولي يدري عن شي عندي الم دائم في معدتي
والفحوصات سليمه يخف ويرجع والحين طلع معايه جرثومة المعده
وعندي قلق وخوف وتوتر بس ابكي من وضعي افكار شينه استغفرالله
انام اصحى متضايقه ومخنوقه بس افكر كل الوقت ان فيني شي
ارجوك تقولي وش الاعراض اللي تصاحب وساوسك المرضيه لان
الدكتور يقولي انتي موسوسه والم المعده نفسي وانا مومقتنعه
مالي غيركم بعدالله تعالى خففو عني فانا في هم مايعلمه الاالله
حسبي الله ونعم الوكيل

المصدر: نفساني

قدامك العافيه

تري العقل الباطن يستوحي لاي تفكير سلبي لمن تسترسلين مع اي فكره ملحه سوا حلوه اوشينه
يستجيب لها العقل الباطن وتبدين تتوهمين انا كت زيك بس صرت امارس التجاهل رغم اني افشل احيانا بس لانه وهم من الشيطان لازم اتغلب عليه
واقتع نفسي انو مافيتي مررض وانها مجدر وساوس شيطانيه

دمتي بخيررر

اختي .. لي سنتين الم في المعده .. ومره قوي ومره خفيف ومره ماله حس ..
من جم يوم رحت المستشفى سويت تحليل حمدلله مافي جرثومة .. بس الدكتور كان يقول يا مراره او قرحه ..
لكن ماسويت تلفزيون .. وووصف لي ادوية .. اظاهر هو شاك ان فيني قرحه لان واحد من الدوى كان حق قرحه وسوالف ثانيه..
روحي الدختر .. طبيب باطني .. والله يشفيج ان شاء الله ..
وبعد تره صح النفسيه تلعب دور في الم البطن .. وفي كل شي بالجسم .. حاولي ترتاحين

ام حنين غاليتي
اسعدني مرورك والله معاد نفرق بين الالم الحقيقي والالم النفسي
ربك يفرجها ويقوينا وصادقه كثر التفكير تتعب النفس وتنعكس ع الجسم

اسعدني مرورك اختي المهاجره
فعلا الم المعده مرتبط بالنفسيه اغلب الاطبه يقولون وسوسه
حللت وطلع معاي جرثومة المعده واحتاج علاج ثلاثي
بسألك اختي وين كان يجيك الالم بالضبط انا فعلا صرف لي
مثلك علاج للقرحه واستخدمه تعبت من نفسيتي بس افكر فالامراض
والالم واللي يزودها معايه انهم يقولون التفكير المستمر يجذب الشي
لاحول ولاقوة إلابالله

حبيبتي انا لي عشر سنوات عندي جرثومه في المعده ومرات لمن تهيج تصير كأنها سكاكين تقطع معدتي وما اقدر اشرب ولا اكل دسم
وعطوني كورس كاامل لاكنها تهجد كثير بعد العلاج لامن لمن اكل من المطعم خصوصا المقلي او المتبلات ترجع تهيج عادي شوي شوي صارت صديقتي يعني ادلع معدتي عشان ماتزعل بس والوسواس والله يارب يفكنا منه لمن يحس انك تعلقتي بربك اكثر زاد عليك وتسلط
اعتبري نفسك في جهاد مع النفس وقد ماتقدرين اشغلي نفسك بقراءه بشغل عقلي اكثر بترتاحين شوي لاكن لا تستلمسن
تجيني حالات كثير احس اني ابغى اتكور في فراشي ولا اتحرك لاكن ارجع واقول وش الفايده هذا اللي يبغاه ابليس
وارجع واجاهد نفسي اسأل الله العظيم لي ولك ولكل من يعاني منا الشفاء العاجل والتام

يسعدك ربي غاليتي رحمتك يارحمان
كلامك خفف عني كثير فعلا مع الانشغال والتناسي
تخف الاعراض الله يقدرنا ونتغلب على ما اصابنا