MODALINA).1mg) احد يعرف شيء عن هذا الدواء

MODALINA).1mg) احد يعرف شيء عن هذا الدواء

السلام عليكم
ياأخوان الله يجزاكم خيرا احد يعرف شي عن هذا الدواء لان الدكتور غير لي الدواء وأعطاني دواء بهذا الاسم أخذ حبه صباحا يقلي نفس الاول بس صار في عبوه وقريت الرشوته اللي في علبه الدواء الصراحة خوفتني منه اسمه(MODALINA.1mg) ياليت اللي يعرفه وجربه يفيدني وكيف مناسب ولالا ؟

المصدر: نفساني

ان شاء الله بتلاقي الردود الي تريحك اخي ،،

الله يعافيك

جزيت خيرا.. والله بحاجة لإجابة لاني في قلق

اذا كان نفس الدواء القديم فيكون فيه نفس المادة الفعالة
شنو الدواء اللي كنت تستخدمه قبل؟

والله ياأخوي الحبوب الاوله ماعرف ناسي اسمها لكن حسب كلام الدكتور انها للقلق هذا اللي فاكره وهي حبوب صغيرة لونها ازرق غامق تصرف لي من مستشفى حكومي عندنا بالسعودية كانت تصرف لي في كيس بدون رشوته عليها عدد 30 حبه شهريا

ياأخوان انتظر الرد احد يعرف عنه شيء افيدوني

اكتبلنا اسم المادة الكيميائية للدواء

Trifluoperazine اعتقد هذا اسم المادة مدري كتبته صحيح او لاني معرف انحلش اذا مو نفس الكلام في ايضا كتابات انجليزية

هذا الدواء هو مضاد للذهان في الأصل ولكن يستخدم بجرعات خفيفة من 1 الى 5 مج كمضاد للاقياء ومضاد للقلق الخفيف والمتوسط ومشاكل القولون العصبي وهو في العادة يفيد الناس اللي عندهم تقيؤ وفقدان للشهية وهذا العلاج كنت استخدمه قبل فترة وكان ممتاز جدا من ناحية الشهية والاقياء وكنت نحيف وزود وزني وفتح شهيتي للاكل واستفدت منه من هذي الناحية لاني كنت دائما اعاني من فقدان الشهية والتقيؤ

يعني أخوي إن شاء الله مافي مشاكل من استخدامه بجرعة 1 ملليجرام

الأدوية اللي موصوفة لي 1- Trifluoperazine
2- سبرالكس
3- ميراتازبين. إن شاء الله تكون مناسبة هذي الأدوية

المشاركة الأصلية كتبت بواسطة عبدالواحد

الأدوية اللي موصوفة لي 1- Trifluoperazine
2- سبرالكس
3- ميراتازبين. إن شاء الله تكون مناسبة هذي الأدوية

تريفلوبيرازين هذا ما منه اي اعراض جانبية سلبية اذا ما تجاوزت جرعته 5مج في اليوم واتوقع صرفلك الدكتور هذا العلاج عشان يشيل عنك الغثيان اللي يسببه السيبراليكس في بداية العلاج ..
واما الميرتازابين هذا افشل علاج للاكتئاب جربته في حياتي هو السيمبالتا والفالدوكسان ..
ولو كنت طبيب نفسي لما وصفت هذي الادوية لاحد من مرضاي لانها ادوية تسبب ارتفاع في الدهون الثلاثية في الدم وارتفاع في انزيمات الكبد..
واعتقد ان الطبيب وصفلك الميرتازابين عشان عندك ارق ولكن انصحك اذا تبغي نصيحتي لا تستخدم الميرتازابين لان ضرره اكثر من نفعه واذا كان عندك ارق استخدم التربتيزول افضل منه اما اذا ماكان عندك اي ارق فما راح تحتاج علاج ثاني مع السيبراليكس لانه المفروض ما تستخدم مضادين اكتئاب مع بعض

اخوي أتكلم معك بصراحة بالنسبة للسبيرالكس يصرفه لي الدكتور دائم وما قد استخدمته نهائيا وجرعته بعد الغدا لاني ماحب الأكثر من الأدوية وبالنسبة الميرتازابين مرتاح معه واشوفه محسن للنوم. طيب من وجهة نظرك اخوي اكتفي بتريفلوبيرازين وسيبرالكس بس وسحب الميرتازابين وهل للسبيرالكس محسن للنوم يعني مثلا اخلي جرعته في الليل بدلا من بعد الغدا ينفع كذا

المشاركة الأصلية كتبت بواسطة عبدالواحد

اخوي أتكلم معك بصراحة بالنسبة للسبيرالكس يصرفه لي الدكتور دائم وما قد استخدمته نهائيا وجرعته بعد الغدا لاني ماحب الأكثر من الأدوية وبالنسبة الميرتازابين مرتاح معه واشوفه محسن للنوم. طيب من وجهة نظرك اخوي اكتفي بتريفلوبيرازين وسيبرالكس بس وسحب الميرتازابين وهل للسبيرالكس محسن للنوم يعني مثلا اخلي جرعته في الليل بدلا من بعد الغدا ينفع كذا

شوف وانا اخوك بالنسبة للسبراليكس يعتبر بشكل عام دواء محايد من ناحية النوم..
ولكن بعض الناس اذا استخدم السيبراليكس يصير مسترخي طول الوقت ولا يشيل هم وعنده استعداد ينام في اي مكان واي زمان وينام لساعات طويلة يمكن تتعدى 10 ساعات في اليوم .. وهذي الفئة من الناس يستحسن معها انها تستخدم السبراليكس مساءا لانه يسببلهم نوع من الاسترخاء النفسي..

وبعض الناس تكون استجابته للسبراليكس عكسية يعني يسببله السيراليكس نوع من النشاط البدني والذهني .. وهذي الفئة من الناس يجب عليها ان تستخدم السيبراليكس صباحا بعد الافطار..
يعني السبرالكس علاج انت وحظك يمكن يخليك مسترخي طول الوقت ويمكن يسببلك نشاط زائد وهذا حسب استعدادك الجيني لتقبل الدواء ..

وأما بالنسبة للميرتازابين صراح هذا العلاج ما اعتبره مضاد اكتئاب أبدا .. فهذا العلاج مجرد علاج لفتح الشهية والنوم .. ولكن اذا استخدمته فترة من اسبوع الى اسبوعين راح يفقد مفعوله المنوم ويصبح ماله اي تأثير على النوم..
واضافة الى ذلك الميرتازابين يسبب ارتفاع في مستوى الدهون الثلاثية في الدم .. وهذا العرض الجانبي عرض مزعج وخطير في نفس الوقت .. ولكن اذا انك مرتاح للعلاج وتبغي تستمر عليه فلازم تبتعد عن الاكل الدهني .. وفي نفس الوقت يبغالك كل شهر تروح تسوي فحص لمستوى الدهون في الدم عشان تتأكد منها ..

وانا من ناحيتي اذا تبغى رأيي جرب السيبراليكس لانه علاج ماله اي عرض جانبي ابدا واستمر عليه لمدة اسبوعين لانه ما يظهر تأثيره الا بعد اسبوعين من الاستخدام المتواصل ..
واذا شفت العلاج ماجاب معك نتيجة قل للدكتور يغيره لك الى التربتيزول لان التربتيزول له تأثير مسكن قوي .. ولكن التربتيزول ماراح يفيدك من ناحية نوبات الهلع والخوف لانه علاج للاكتئاب والاحباط وله تأثير منوم وهذي هي الميزة التي يمتاز بها التربتيزول وفي نفس الوقت لا يسبب ارتفاع في مستوى الدهون في الدم ولا يؤثر على انزيمات الكبد

أخوي الضاحك المستبشر بصراحة بعد ماشفت ردك على صاحب موضوع الإكتئاب جنني بخصوص دواء سبرالكس صرت متخوف من استخدامه انت تقول يسبب إكتئاب شديد