أتعبني الوسواس :(

أتعبني الوسواس :(

السلام عليكم و رحمة الله و بركاتة.

أنا عندي مشكله ! يعني هالمشكله مسببتلي تعب !! يمكن كتبت مشكلتي قبل بس ماقدر اتعالج منها
و هي : اني اتوضأ في مكان معين و اذا فكرت اغير المكان يجيني احساس اني ما توضيت
اصلاً حتى لما اتوضا في المكان المعين .. مجرد ما انتهي من الوضوء احس اني ما توضيت
في شي داخلي يقولي انتي قاعده تكذبين على نفسج و تقولين توضيتي !! و افكار و كلام احس اني يالسه اقوله.
كل ما قلت بتجاهل في شي يقولي : قاعده تتجاهلين و انتي ما توضيتي ! ماعرف كيف افهمكم بس قبل ما كنت جي ابداً
كنت اعيد الوضوء لاني احس خرج مني شيء ! بس الحين تشافيت من وسواس خرج مني شي قمت احس اني ما توضيت ! كيف مادري ؟

و مثلاً ! صلاة الظهر انا اصليها لما ارجع من الجامعه اصليها و اخلص
عقب ارد اجمعها مع العصر ! ليش؟ لاني اقول هل صليت او لا !

حاولت اعالج نفسي بسالفة ان اذا كنت متأكده 100٪ اني ما صليت ف اصلي انا اذا شك لا !
بس ماقدر ، اتعب والله !

الوسواس و هالافكار ما تجيني الا و قت التطبيق ولا لما اكون يالسه عادي بالعكس اقول بكون طبيعيه لما يي وقت الصلاه و بتوضأ مثل الناس و بصلي مث الناس بس لما ايي اتوضأ احس اني انسانه ضعيفه و ثانيه !!

حتى عدد الركعات !! لازم في كل صلاه اشك في الركعات لدرجة اني ساعات اعيد صلاتي عقب ما اخلصها
الفجر اشك انها 1
الظهر 2
العصر 2
المغرب 2 او 4
و العشا 2

كل ما اقول ها شك !! احس اني اكذب ع نفسي ماعرف كيف افهمكم :(

و صلاة الفجر و كاني اقسمت اني بقرا سوره مخصصه لها و اذا غيرت احس اني ما صليتها

تعبت والله :( شو الحل ؟

المصدر: نفساني

كلها مجرد وسوسه وعليك بالتطنيش وكثرة الاستغفار والصلاة علا النبي

لضليتي بتعطينها وجهه بتزيد لانه علاجها التجاهل

أحمدي الله وأشكريه دام هذا فقط وسواسك
اوقفي الوسوسه بعدم تكرار الوضوء والصلاه حتى لوشكيتي مع الوقت راح تتعودي ويختفي الوسواس والشك للأبد
أنظري لغيرك وانواع وسواسهم وأفكارهم المتعبه ستقاومين هذا الوساوس بكل سهوله ان شاءالله اذا وجدت من لديه وسواس الموت والاحلام والأمراض أبعدالله عنك كل هم وغم
دمُـتي بود -تقبلي مروري