انافرانيل في السعودية

انافرانيل في السعودية

السلام عليكم ورحمة الله وبركاته

مساء الخير على جميع الاعضاء الكرام

هل يتوفر علاج انافرانيل بجرعة 75 ملجم او اكثر في الرياض

او ان الجرعة فقط 25 ملجم المتوفرة

سوال الثاني انا اخذ انافرانيل بجرعة 25 ملجم اربع حبات وبروزاك بجرعة 20 ملجم ثلاثة حبات

وكاني لا اخذ علاج يعني دون فائدة تذكر

هل اترك البروزاك وارفع جرعة الانافرانيل وكم اعلى جرعة للانافرانيل

المصدر: نفساني

وش دعوة ولا رد

المنتدي نايم

ما عندي فكرة
جرب العيادات المتخصصة زي مطمئنة او المستشفيات الكبيرة
او المستشفيات الحكومية زي الأمل

مشكور اخوي وائل ان شاء الله اسئل في عيادات الصحة النفسية

احمد ربك انك لقيت علاجك انا قاعد ادور علاج اسمه سيرمونتيل ومادته اسمها تريميبرامين وللاسف مالقيته خير شر وكنت اتمنى اني ساكن في الشرقية كان يمكن اروح قطر او البحرين لعل وعسى ان اجد هذا العلاج

واما الانافرانيل جرعته القصوى هي 200مج وعند البعض 250مج ولكن ما اتوقع انك بحاجة لرفع جرعته اكثر من 150 واما البروزاك اتوقع منت بحاجة انك تستخدمه مع الانافرانيل لانه غير مستحسن في العادة انك تجمع بين مضادي اكتئاب مع بعض

أعزائي واحبائي مازلت اردد شيئين مهمين وانتم اعرف وابخص
العلاج النفسي يحتاج وقت طويل عشان يأدي نتايجه وخصوصآ الأنفرونيلا فديت قلبه
الشي الثاني: الله يسعد قلب من صنع الأنفرانيل لئنه بختصار: لبن العصفور
ولكن الأهم من ذلك انه قد لا يتناسب مع جميع النفسيات فكل شخص له كيميائيته الخاصه ودوائه الناجح، والطبيب الحاذق هو من يقرر ذلك

و عليكم السلام و رحمة الله و بركاته

أفضل طريقة انك تبدأ بعلاج الأنافرانيل على حدة من دون البروزاك و تآكل منه لين ترى انك إختبرت العلاج و حكمت له أو عليه ثم تتركه و تبدا في البروزاك و هكذا ثم يجي الحكم النهائي هل من الأفضل دمج العلاجين سوا أو لا و الله أعلم

أعتقد ما هناك إشكال يا ضاحك دمج علاجين للإكتئاب دامهم ليسوا من نفس الفصيلة و شكرا للجميع ...

مشكورين على الافادة

وموعدي الجاي في مستشفى الامل بسئل عن جرعة 75 ملجم واخبركم

الاهم هل تشوف له فايده تكفا عطنا امل نبي نتشجع

لا والله ما منه فايدة لحد الحين

بروزاك ثلاث حبات وانافرانيل اربع حبات والنتيجة صفر

وينكم ياهل الرياض من عنده رقم صيدلية او يعرف مكان احصل فيه على جرعة 75 ملغ

للرفع اذا احد يعرف وين احصل انافرانيل اس ار بالسعودية اكون شاكر له وممنون

المشاركة الأصلية كتبت بواسطة محمد البدراني

للرفع اذا احد يعرف وين احصل انافرانيل اس ار بالسعودية اكون شاكر له وممنون

ما ظنيت تلقاه في السعودية بس اذا تعرف لك احد في الشرقية يمكن راح يلقاه في البحرين او قطر وتكفى اذا لقيت احد يروح للبحرين يجيبه لك وصه يجيبلي معه علاج سيرمونتيل لانه برضه ماهو موجود في السعودية..

والتفرانيل اتوقع انه موجود عندنا في مستشفى الصحة النفسية في بلجرشي لاني قبل اسبوعين يوم مريت شفت علبته معلقة في عيادة الدكتور على الجدار هو والانافرانيل واذا رحت المرة الجاية بسألهم اذا انه موجود اخذته وارسلته لك

عليك بالمستشفيات الحكومية او الأهلية الكبيرة

المشاركة الأصلية كتبت بواسطة الضاحك المستبشر

ما ظنيت تلقاه في السعودية بس اذا تعرف لك احد في الشرقية يمكن راح يلقاه في البحرين او قطر وتكفى اذا لقيت احد يروح للبحرين يجيبه لك وصه يجيبلي معه علاج سيرمونتيل لانه برضه ماهو موجود في السعودية..

والتفرانيل اتوقع انه موجود عندنا في مستشفى الصحة النفسية في بلجرشي لاني قبل اسبوعين يوم مريت شفت علبته معلقة في عيادة الدكتور على الجدار هو والانافرانيل واذا رحت المرة الجاية بسألهم اذا انه موجود اخذته وارسلته لك

هلا احمد والله الشرقية فيها نسيبي لكن ما ابي اكلمه الدعوة رسميات وصعبة علي احرج نفسي

بالنسبة للتفرانيل نعم موجود في مستشفى الامل للصحة النفسية بالرياض بس انا استخدم حاليا انافرانيل وحاب اعطيه فرصة لانه توني في بداية المشوار مع هذا الدواء لكن ابي جرعة 75 ملغم عشان ما كثر عدد الحبوب شكلها في يدي تقول بانتحر من كثرها

ما تقصر بس لا ترسل شي انا شكلي بستمر على جرعة 25 ملجم وحسبي الله ونعم الوكيل في الشركات

على فكرة اتصل على صيدلية النحاس في المدينة المنورة ممكن تحصل علاجك لانه قد بحثت عن علاج وكنت اجيبه من البحرين وتفاجت انه موجود بصيدلية النحاس بالمدينة