هاو123 بين حب بعض الاشخاص له وكره البعض الاخر

هاو123 بين حب بعض الاشخاص له وكره البعض الاخر

الموضوع اللى هنتكلم فيه انهارده جديد شوية
هنتكلم عن موقع هاو123 اللى هو دليل المواقع العربية



موقع هاو123 ده منتج من منتجات الشركة الصينية بايدو
هى طبعا شركة ضخمة وليها منتجات مهمة جدا

بس خلونا نتكلم عن واحد من اهم منتجاتهم اللى هو Hao123
ببساطة موقع هاو123 دخل مصر والمنطقة العربية عموما من حوالى 3 او 4 سنوات

كان الهدف منه تسهيل الامور على المستخدم العربى
وزى مانتو عارفين المستخدم العربى حابب كل حاجة تجيله لحد عنده

ده قدر يوفر حاجة زى كده عن طريق دليل المواقع بقى بامكانك تفتح كل المواقع اللى بتحتاج تفتحها
يوميا من خلال موقع هاو123

انا شخصيا اعرف ناس متقدرش تستغنى عنه كصفحة رئيسية للمتصفح بتاعه

لكن من وجهة نظرى يعيب على بايدو الطريقة اللى نشرت بيها الموقع
زى مثلا انك تصطب برنامج معين تلاقى هاو123 نزل معاه احيانا بدون علمك

واحيان اخرى يكون حاطط لك الطلب ومتوافق عليه وما عليك غير انك بتضغط Next

وزى مانتو عارفين احنا منين ما نشوف كلمة Next واحنا بنصطب برنامج
بنضغط على طول من غير ما نقرأ حتى ايه اللى مكتوب

لكن اللى يشفع لهم برضو ان جوجل احيانا بيستخدم نفس الاسلوب عشان تصطب التولبار بتاعه

فى النهاية الطريقة دى خلت ناس كتير جدا كرهت هاو123 من غير حتى ما تعرف هو ايه Hao123 !!

بس الشركة نجحت فى انها خليت العالم العربى كله بمجرد ما يشوف الموقع يبقى عارفه
ده برضو نوع من انواع الماركيتنج

وبعد ما نجح الموقع فى مصر ووصل تقريبا للموقع السابع بالنسبة للزيارات فى مصر وفقا لترتيب اليكسا
بدأت Baidu تطور فى الفكرة

قامت عملت اضافة بداخل متصفح Baidu Browser لهواتف الاندرويد اسمها
Hao123 Browser

هو ببساطه تطبيق واحد تقدر من خلاله توصل لعدد كبير جداً من الخدمات
زي آخرأخبار الرياضة، والأخبار عموماً.

وموجود داخله خدمات تانية تقدر توصل ليها من الموقع زي التطبيقات المجانية، والالعاب أو قائمة المواقع الأكثر زيارة في العالم العربي.

وميزة كمان فى البرنامج الخصوصية يعنى البرنامج مزود انو يمسح مواقعك بتاريخها الى الشخص زار فية الموقع
ويحميك من المواقع الضارة .





انا برضو جايبلكم معايا لينك التطبيق من جوجل بلاى عشان لو حد حابب يجربه
http://play.google.com/store/apps/details?id=com.baidu.browser.inter


ودى صفحة الفيس بوك بتاعته
http://www.facebook.com/Hao123.EG

منتظر بقى كل واحد يقولنا ايه افضل متصفح جربه و بيستخدمه وايه اللى بيعجبه فيه
وهل فى حد جرب هاو123 ولا لا

المصدر: نفساني

جزاكم الله خيرا على الطرح