لو جاك مليون تأكل مضاد اكتئاب ؟

لو جاك مليون تأكل مضاد اكتئاب ؟

السلام عليكم ورحمة الله وبركاته

لو جاك مليون ريال تكمل تاخذ مضاد اكتئاب والا تبطل ؟

لو جاك مليون ريال تدخل منتديات نفساني ؟

قولنا وش بتسوي بالمليون ؟

المصدر: نفساني

شهالمواضيع اللي صايرة تنزل في المنتدي واحد يقول ادخل السجن ولا أمرض والثاني يقول لو عطوك مليون ريال شبتسوي فيها انا راح اكل مضاداتي والمليون بحطها في البنك..

وعليكم السلام ورحمة الله وبركاته
هل هالاسئلة تدل على انك ترى الاكتئاب بسبب قلة المال؟!
بصراحه المليون مو بسهل لكن في هالزمن ما بيسوى شي !

لو معاي 100مليون ويقولوا تدفعها وترجع تعيش بدون اكتئاب وتعيش فقير جدا قسم بالله لوافق واموت فقير

أخي العزيز جميع أموال الدنيا لن تغير من قدر الله شيئا، المرض العقلي ما يعرف مليون أو عشرة، بنت من أجمل بنات الدنيا، فيلا في موناكو على شاطيء الريفييرا و سيارة فيراري كاليفورنيا. المكتئب يفقد إحساس السعادة في حياته و لا يجد المتعة على الإطلاق هذا بالإضافة للحزن و الألم النفسي الشديد و المتواصل.

لو يعطوني كل هذي الدنيا بقول لهم أريد أرجع مثل قبل إنسان قلبه نقي يجد السعادة في الأمور البسيطة و يتطلع بأمل للمستقبل. كل اللي أريده في هذه الحياة هو رضى الله سبحانه و تعالى و حسن الخاتمة علمني المرض عظمة الله سبحانه و تعالى و رحمته.

هلا اخوي لو خيروني بين اموال الدنيا كلها وبين ترجع الصحة لي لاخترت الصحة والعافية

حبايب قلبي انا ما اقول انك تشفى ميه بالميه اقصد تتحسن النفسيه والمعنويه ترتفع

ترى الفلوس لها طعم على الاقل ما تحتاج احد

انا بالنسبه لي بترك مضادات الاكتئاب لأنها ما نفعتني وقت الفقر ما راح تنفعني وقت الغناء

اذا جاني مليون اسافر زيلامسي النمسا بين الطبيعه والجمال والجو الخيال

النفسيه تتحسن ما اقول اني اشفى ميه بالميه بس الوضع يصير احسن بكثير

سلفر وضعك صعب انتبه لنفسك خل حولك احد لا تسويها بس

ترى الدنيا حلوه بس رونق المنقا يا تيقا مثل ما يقولون اهل جده

انا باخذ الدنيا سياحه وقريبا بسافر دوله خضراء كلها اشجار

بين الانهار والطبيعه والاجواء والجمال وتغريد العصافير وربي خيال

وانتم بخليكم ماغير اكل بالحبوب النفسيه حتى الفلوس ما تبونها تبون سجون واللي يبي سرطان يا كافي

انا عن نفسي اريد العافيه كامله ومستعد استغني عن كل المال

انا ما قلت لو خيروك

قلت لو جاك مليون تتحسن نفسيتك او لا ؟ ما قلت لو خيروك ركزو على السؤال

شكل الاكتئاب سوا لكم تشتت بالتفكير وعدم تركيز

ما الومكم كثرت اسئلة لو خيروك بالمنتدى عشان كذا ضيعتو

ركــــــــــــــــــــــــــــــزو هههههههههههههههههههههههههههههههههه

اها اجل كدا مقصدك ان لو جاء مليون تتحسن النفسيه
طيب انا سافرت خارج المملكة ورحت احسن الاماكن مابين طبيعه وخضار وثلوج ....الخ وكنت ابكي من الم الاكتئاب والخوف .... يعني اتوقع لو يجيني مليوني ماراح تفرق

الغنى المادي لا يعني السعادة بالضرورة ،،، هناك من يملك الملايين ويعيش حزينا ،، وبعض مرضى الإكتئاب الشديد إنتحروا رغم امتلاكهم للملايين

داني بوي والفدعوسي وسلفر والبدراني ومحبة الرؤف وطائر الكويت كلهم وفوا بالإجابة
بالنسبة لي لا ... "نعمتان مغبون فيهما الصحة والفراغ " فما بالك إذا كان المرض اكتئاب... أدركت الصحة وإلى الآن لم أدرك الفراغ
يا إخوان المنتدى يعلق وبطيء هل هذه المشكلة عندي أنا بس

اسأل الله العافية للجميع

على قولة المصريين الفلوس مش كل حاقه ، السعاده مش بالفلوس ، ومع ذلك يركضون ورى الريال ليل نهار

ومنهم تغرب عشان الفلوس حتى البرازيل امريكا الجنوبيه وصلو لها ويقول الفلوس مش كل حاقه

الفلوس تنعش القلب والشرايين وتعطيك نشوه غير طبيعيه الفلوس هي اساس الحياة يا حبي للفلوس بس ،

ناس تدرس وتكرف وتجلس الصباح لعيون الريال ولعيون الفلوس

ومنهم يبي تقاعد عشان الفلوس وما يبي مليون تناقض ،

ياخي اذا صار بحسابك مليون يكفي انك تحس انك واحد تكانه بس هذا يكفي

باالفلوس كل يوم بدوله على الاقل احسن من اربع جدران

بالفلوس اعيش سواح اضيع باقي العمر بالسفر والترحال ...