وسواس قهري خوف من الموت

وسواس قهري خوف من الموت

السلام عليكم ورحمة الله وبركاته. ..
عندي مشكله مادري كيف أبداء ف مشكلتي
انا أعاني من وسواس قهري خوف من الموت صار لي سنه ونصف أعاني من وسواس كل مره تزيد حالتي أكثر وأكثر سجلت ف منتدى عشان أريد مساعدتكم رحت مستشفيات و عيادات وكل فحوصات سليمه والحمدلله جاتني وسواس بعد موت عمتي بعد 3 أشهر خوف من الموت مادري هيه دليل اني اموت قريب ولا وسواس الكل يقولو لي عندي وسواس وخالتي مثلي اهيه 16 سنة عندها وسواس مثلي وتقولي هذا وسواس وانا اقول لا هذا إحساس حقيقي اني اموت قريب ولما اصلي أحس حد يقولي لا تصلي انتي بتموتي اليوم انتي بتموتي هالشهر بتموتي ف هالاسبوع ما احس بطعم الحياه أحس اني بموت قريب بموت اليوم أو بكره أو هالاسبوع أو هالشهر ووو ما اقدر اجلس مع أهلي ولا اقدر اسولف معهم ولا اقدر اشوفهم اذا جلست اضحك معهم وأقول ف داخلي اكيد انا بموت من كذا اضحك اليوم واذا أريد استغفر حد يقولي لا تستغفري انتي بتموتي هالشهر بتموتي بكره أو هالاسبوع واذا مناسبه ف عايله وأقول ف داخلي انا بموت قبل مناسبه بموت قريب وأقول لصديقاتي انا بموت بكره يقولو لي هذا وسواس عاد سنه ونصف كذا معي وهالمره أحس اني بموت بعد أيام قليلة جدا بموت ف هالاسبوع أو ف هالشهر واذا اكلت أكله اقول ف داخلي آخر مره أكل هالاكله أوجات وحده بيتنا من زمان ما شفتها اقول ف داخلي خلاص اني بموت اكيد هذي جايه تودعني والله تعبت من حالتي يجيني شعور من داخل اني بموت والله العظيم مادري كيف هالشعور مادري كيف اشرح لكم لما يجيني هالشعور أحس ف صدري كتمه ما اقدر اطلع هالشعور يجيني دوار والم ف صدر وضيق التنفس مادري كيف بس والله اصيح واكتب لكم معاناتي و كنت اشتغل وطلعت من شغلي بسبب هالوسواس كأنه حد يقولي لا تشتغلي انتي بتموتي ف حادث واذا حد يجي يخطبني ما أوافق خايفه اموت اتزوج وأموت ف حادث أو أي شي وحتى شغلي ما اقدرت كمل فيها بسبب تفكيري دمرني هالمره تجيني ضيق تنفس وإحساس قوي من داخلي اني بموت والله العظيم أحس شي ف صدري ما اقدر اطلعه أو اشرحه لحد بس أحيانا تجيني وتختفي ما كأنه صار شي معي ابدا وترجع الشعور اذا كنت فرحانه أو اصلي أو اقرأ اقران شعور صعب جدا أحس يومي قريب والنوم أكره ما أحب الليل أبدأ أخاف انام وأموت ف نومي اذا بنام اخلي القرآن جنب راسي وأحلام مزعجة كل حلم احلمهم تدل ع الموت قريب ما اقدر اطلع ما اقدر ولا اسولف تفكيري دمرني لو سمحتو ساعدووووووني اترجاكم. ..... قولولي ايش اسوي ف هالوسواس ....

المصدر: نفساني

ارجووو الرد mantosh1mantosh1

وعليكم السلام ورحمة الله وبركاته

أهلا وسهلا الامواج السعيدة ومساءك جميل وسعيد يارب

لاتخافي أبدا وسواس قهري بسيط محدثك من 7 سنوات والحمد لله على كل حال وطريقة التعامل معاه بسيطة لازم تعرفي إنه مجرد أعراض وأفكار غير صحيحة ولكن تؤثر على سير حياتك وأعمالك وتضل تخوفك أبغاك تعرفي الآن إنك بخير إن شاء الله

وضروري تعرفي كيف تتعاملي معاه بالتطنيش والتجاهل وإيقاف الفكرة وحتى لو كنت تشعري إنها حقيقة هو يقوم بتضخيمها في عقلك وأنتي بريئة منه ومن أفكاره وكمان لاتنسي الأذكار حافظي عليها فهي حرز منه بإذن الله وهناك حلول دوائية وحلول

سلوكية وإن شاء الله ماتحتاجيها ولاتشغلي بالك أبد كلنا بنعاني مثلك والحمد لله على كل حال تطمني وقدامك الخير إن شاء الله وإذا حبيت تستفيدي أكثر زورينا في موضوع الفضفضة وح تنورينا هناك

ويارب تكوني بخير

شكرا لك يا اخوي
انا أحس يومي قريب إحساس قوي اني اموت قريبا هالشعور يزعجني واجد تجيني حاله مثل النوم قوي أحس اذا نمت بموت وانا اقاوم النوم وما انام من الخوف وشعور شي ف صدري مادري كيف وضيق التنفس أحس روحي تتطلع من الخوف

المشاركة الأصلية كتبت بواسطة الأمواج الحزينه

شكرا لك يا اخوي
انا أحس يومي قريب إحساس قوي اني اموت قريبا هالشعور يزعجني واجد تجيني حاله مثل النوم قوي أحس اذا نمت بموت وانا اقاوم النوم وما انام من الخوف وشعور شي ف صدري مادري كيف وضيق التنفس أحس روحي تتطلع من الخوف

العفو يالأمواج الجميلة 😍🌹

لاتخافي يوخيتي والله عانيت أشد من ذلك لأنه الشيطان والعياذ بالله منه بحاول يخليك دايما خايفة توكلي على الله وتعوذي منه وماحد ميت إلا بيومه خلي أملك بالله كبير وإن شاء الله تعالى عمرنا وعمرك وجميع الأعضاء طويل على طاعته آمين كوني بخير 🌹🌹

ابغي أسألك

1-هل يحس الانسان قبل وفاته ؟؟ وكيف ذلك ؟؟
2-هل يحس الانسان قبل يموت ب 40يوم ؟؟
3-هل يوجد علامات انه قريب يموت ؟؟

المشاركة الأصلية كتبت بواسطة الأمواج الحزينه

ابغي أسألك

1-هل يحس الانسان قبل وفاته ؟؟ وكيف ذلك ؟؟
2-هل يحس الانسان قبل يموت ب 40يوم ؟؟
3-هل يوجد علامات انه قريب يموت ؟؟

كل هذا الكلام غير صحيح وانا خوك الموت إن جاء فله ساعه لا يستأخر ولا يتقدم والله الوسواس بهذل فيني سنين وصابر وكله وهم مرة ارفض اخرج قلي ب يصير عليك حادث أو بتقلب السيارة فيك وبالأخر أطلع مافي سيارات تهويل من الشيطان فقط لاتهتمي وشرفينا بقسم الفضفضة 🌹

يا الله والله نفس حالتي نفسسها بالزبط اذا كنت متحمسه لجمعه او فرح اقول اكيد اني متحمسه عشان اموت اي حلم سخيف اشوفه حتى لو ما له اي علاقه بالموت اربطه بالموت بعد و اذا سمعت شيخ يتكلم اقول اكيد هذا تنبيه لي الله يشفينا يا شيخه و يخفف علينا حاولي تتجاهلي و كل ما جاك هذا التفكير قولي هدي الحاله جتني بالزبط قبل سنه ونص و لا صار لي شي الحمد لله عايشه و ماكله و شاربه اجلسي اقنعي نفسك و تكلمي معاه بعقلك تذكري انه في كثيييير هنا بالمنتدى نفس حالتك كلنا اساساً بس التجاهل له دور يا عيني . وبس والله

ي ـ أخت أمواج ركزي ، في كلامي ..

الان أحتاج منكِ أمرين أولهماَ ، إنك ماتخافين من الموت وش مشكلتك مع الموت ؟ هي فكرة ملحة وأدري مزعجة لك ..
لكن أحاول الان أبسطها لك ..الموت مخلوق مثله مثلنا ..خلاينا تموت الطيور تموت الاسماك تموت حتئ جبريل ومكائيل وملك الموت بذاته يموت
إذ الموت حقيقة ويقين ، لامفر منة ..كلنا راح نموت وأدري أنك مؤمنة بالله ورسولة ، بس مشكلتك مع الفكرة تأرق حياتك ..
الموت شيء جميل ترا مايخوف ليش أنت خايفة كل هالخوف منة ، وش مشكلتك لو متي بكرة ولا بعد سنة ولابعد مية سنة ، النهاية أيش ؟ موت ..موت وحدة بس
علاج وساوس الموت ، أنك ماتخافين من الموت ، الموت شيء طبيعي وشيء عادي ولا احد في هاذي الدنيا يدري متئ يموت هذا عالم غيبي وكلنا ماندري متئ يومنا
لاتخلين فكرة مثل هاذي تنغص عليك عيشك ..
أجيب مثال سهل : يوم أنا خارج في مكان معين ، جاتني فكرة ي تائه أنت بتموت الان كيف أرد أنا ؟ عادي وش المشكلة لو مت ؟ عادي جداً جداً
دربي نفسك وعقلك الباطن أنك ماتخافين ، إذ وقف الخوف أقولك الف مبروك ، تعافيتي من الفكرة الوسواسية ،
بعدين سؤال هل خوفك بيرد عنك الموت ؟ أو يأخرة ؟ الخوف إنك من قل العمل الصالح ويحث على عمل الخير هذا خوف محمود
لكن الخوف المذموم ، مثل خوفك أنتِ الي ينكد عليك حياتك ويسرق البسمة منك ..
لاتخافين حاولي وحاولي وحاولي ، بالنهاية بتصير الفكرة جداً عادية ..
وأسال الله أن يشافيك ويعافيك

المشاركة الأصلية كتبت بواسطة الأمواج الحزينه

ابغي أسألك

1-هل يحس الانسان قبل وفاته ؟؟ وكيف ذلك ؟؟
2-هل يحس الانسان قبل يموت ب 40يوم ؟؟
3-هل يوجد علامات انه قريب يموت ؟؟

ماحد يشعر بقرب أجلة ، الموت يأتي بغتة ،
لاتكلفين نفسك أكثر من طاقتها ، الله خلقنا لاجل العبادة وأنما الاجال والارزاق الموت والحياة بيد الله
نقطة مهمة نسيت أكتبها ، أنتبهي تقرين كثير في المنتديات وعن وساوس الموت وأعراضه
أنســـــــــــــــــية نهائياً ،
الي يخاف ي أختي الي مايؤمن بالله ولابرسولة ، الموت يصير له فكرة مؤرقة مايعرف وين يروح وين النهاية ؟
لكن أنتِ لا ، تعرفين أنك رايحة لرب العالمين ، لرحم الراحمين ..
إذ دخلتي الجنة بحول الله تعالئ ورحمتة ، ماراح يكون فيه موت ، راح تبدا الحياة الابدية السعيدة السرمدية ..
تذكري أن سيد الاولين والاخرين مات سيدنا رسول الله ، والملائكة يموتون ، وكل مخلوق على هاذي الدنيا يموت ..
وكل أنســأن في علئ هذا يؤمن بالموت ، مؤمنهم وكافرهم ..
أستعيدي نفسك وفرحتك وعيشي حياتك ..ولاتفكرين بالموت كـ فكرة مؤرقة ..كـ فكرة عادية تحثك ع الخير ممكن ..

أبو عبادي معجب بهذا

اي والله العظيم نفس. حالتك بالضبط كل شي اربطه بالموت ضحكت حزنت نمت موت برأسي واكثر شي اخاف منه الليل ووقت النوم اقول اذا نمت ما بصحى وغيرها من الاعراض اللي ذكرتيها فعلا وسواس مدمر وكريه لعنه الله الله يعين ويشفينا منه

أبو عبادي معجب بهذا

المشاركة الأصلية كتبت بواسطة تائه ،

ي ـ أخت أمواج ركزي ، في كلامي ..

الان أحتاج منكِ أمرين أولهماَ ، إنك ماتخافين من الموت وش مشكلتك مع الموت ؟ هي فكرة ملحة وأدري مزعجة لك ..
لكن أحاول الان أبسطها لك ..الموت مخلوق مثله مثلنا ..خلاينا تموت الطيور تموت الاسماك تموت حتئ جبريل ومكائيل وملك الموت بذاته يموت
إذ الموت حقيقة ويقين ، لامفر منة ..كلنا راح نموت وأدري أنك مؤمنة بالله ورسولة ، بس مشكلتك مع الفكرة تأرق حياتك ..
الموت شيء جميل ترا مايخوف ليش أنت خايفة كل هالخوف منة ، وش مشكلتك لو متي بكرة ولا بعد سنة ولابعد مية سنة ، النهاية أيش ؟ موت ..موت وحدة بس
علاج وساوس الموت ، أنك ماتخافين من الموت ، الموت شيء طبيعي وشيء عادي ولا احد في هاذي الدنيا يدري متئ يموت هذا عالم غيبي وكلنا ماندري متئ يومنا
لاتخلين فكرة مثل هاذي تنغص عليك عيشك ..
أجيب مثال سهل : يوم أنا خارج في مكان معين ، جاتني فكرة ي تائه أنت بتموت الان كيف أرد أنا ؟ عادي وش المشكلة لو مت ؟ عادي جداً جداً
دربي نفسك وعقلك الباطن أنك ماتخافين ، إذ وقف الخوف أقولك الف مبروك ، تعافيتي من الفكرة الوسواسية ،
بعدين سؤال هل خوفك بيرد عنك الموت ؟ أو يأخرة ؟ الخوف إنك من قل العمل الصالح ويحث على عمل الخير هذا خوف محمود
لكن الخوف المذموم ، مثل خوفك أنتِ الي ينكد عليك حياتك ويسرق البسمة منك ..
لاتخافين حاولي وحاولي وحاولي ، بالنهاية بتصير الفكرة جداً عادية ..
وأسال الله أن يشافيك ويعافيك

السلام عليكم ورحمة الله وبركاته

مشكلتي أخاف من ظلمه واخاف من الوحده واخاف من عذاب القبر وأريد اعيش مع امي واخواتي واخواني طول العمر ما أريد افارقهم ابدا
والله اني أحاول ما أخاف من الموت ما اقدر أحس تجيني واجد وخمول وكسل والم ف أيدين نوم والم ف صدر صح اني أخذ دوا اكتئاب وخفت الألم الحمدلله بس الشعور قوي اني اموت قريب أخاف من بكره والي بعده أخاف من أسبوع الجاي أو شهر جاي والله أفكر مادري اذا بعيش ولا لا ودايما يجي ف بالي أهلي يعيشو بدوني وانا ميته وأحلام مزعجه وتدل ع الموت واذا كنت فرحانه اليوم ولما يجي الليل وقت النوم أتذكر يومي كامل كيف كنت فرحانه وأقول اكيد بكره انا بموت من كذا انا فرحانه واضحك مع أهلي ....
أسبوع مافيني شي ويرجع الوسواس أسبوع الثاني أكثر من قبل وخوف وشعور صعب مادري كيف اشرح هالشعور واحس روحي تتطلع وكتمه ف صدري أحس ابي اصرخ من هالشعور وبعد ما أحب اجلس مع أحد بس اجلس بروحي واذا جلست مع اخواتي ما استحمل سوالفهم ولا صريخهم وو على طول أعصب ع أي شي .... ❤❤🌹

أبو عبادي معجب بهذا

المشاركة الأصلية كتبت بواسطة الأمواج الحزينه

السلام عليكم ورحمة الله وبركاته

مشكلتي أخاف من ظلمه واخاف من الوحده واخاف من عذاب القبر وأريد اعيش مع امي واخواتي واخواني طول العمر ما أريد افارقهم ابدا
والله اني أحاول ما أخاف من الموت ما اقدر أحس تجيني واجد وخمول وكسل والم ف أيدين نوم والم ف صدر صح اني أخذ دوا اكتئاب وخفت الألم الحمدلله بس الشعور قوي اني اموت قريب أخاف من بكره والي بعده أخاف من أسبوع الجاي أو شهر جاي والله أفكر مادري اذا بعيش ولا لا ودايما يجي ف بالي أهلي يعيشو بدوني وانا ميته وأحلام مزعجه وتدل ع الموت واذا كنت فرحانه اليوم ولما يجي الليل وقت النوم أتذكر يومي كامل كيف كنت فرحانه وأقول اكيد بكره انا بموت من كذا انا فرحانه واضحك مع أهلي ....
أسبوع مافيني شي ويرجع الوسواس أسبوع الثاني أكثر من قبل وخوف وشعور صعب مادري كيف اشرح هالشعور واحس روحي تتطلع وكتمه ف صدري أحس ابي اصرخ من هالشعور وبعد ما أحب اجلس مع أحد بس اجلس بروحي واذا جلست مع اخواتي ما استحمل سوالفهم ولا صريخهم وو على طول أعصب ع أي شي .... ❤❤🌹

وعليكم السلام ورحمة الله وبركاته

ياعزيزتي نفس أعراضك هذه وأكثر عاني منها أغلب الأعضاء وهي وسواس من الشيطان لاتفكري فيها وضروري تردي هل رحتي لطبيب وشخص حالتك وإيش هي بالضبط ؟؟

المشاركة الأصلية كتبت بواسطة أبو عبادي

وعليكم السلام ورحمة الله وبركاته

ياعزيزتي نفس أعراضك هذه وأكثر عاني منها أغلب الأعضاء وهي وسواس من الشيطان لاتفكري فيها وضروري تردي هل رحتي لطبيب وشخص حالتك وإيش هي بالضبط ؟؟

ايه رحت وقالي اكتئاب وقال لي حالتك يبي فتره وتروح مع رياضه وعد تفكير ونوم مبكر ووو أكل الصحي ووو أشياء ثانيه
🌹❤

المشاركة الأصلية كتبت بواسطة الأمواج الحزينه

ايه رحت وقالي اكتئاب وقال لي حالتك يبي فتره وتروح مع رياضه وعد تفكير ونوم مبكر ووو أكل الصحي ووو أشياء ثانيه
🌹❤

ماشاء الله كويس الحمد لله إنتظمي على الدواء وإستمري وبإذن الله يزول والأفكار الشينة تجي حتى الناس الأصحاء بس التجاهل وناخوك لابد منه فهي أفكار غير حقيقية وأنصحك تزوري قسم الإكتئاب وتستفيدي هناك حتى تعرفي كيف تتعاملي معاه

وتتخلصي من للأبد يارب وقدامك العافية وتذكريني بدعوة