|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
27-03-2003, 03:50 AM
|
#1 | ||||
|
عـضو أسـاسـي
|
إي طــيـّــب ...
..مــاذا أقول ..و بما أنطق ....
وقد جذبني ذلك البرعم الطري وناداني إليه مبعدني عن مستنقع الحروب وأوحال القتلى ليطير بي في سمائه الطاهــره التي دغدغتني نسماتها حتى ضحكت بقدر مابكيت بقدر ماقلقت ....... ------------توقيع : لمياء احم احم ياربــــــــــــــــــي مو معقول ..كيف أتصرف ...؟؟؟ أختي الهنوف ..أو بالأصح بنــتي الهنوف مثل مايقولون أهلي ...أم ست أو سبع سنوات ...محتاسه ذا الأيام حوسه ماكنت أتوقع سببها ولا أي أحد يتوقع سببها ..عرفته من عيونها قبل ماينطق بها لسانها .. في ذاك اليوم اللي طلعت فيه أنا واخواني الصغار وزوجة أخوي واخوانها الصغار بعد , في نزهة أو تمشيه عائلية ترفيهيه لهم ... كان الجو وناسه والأطفال مبسوطين وتعال يابزر منّا لا تضيع وإنتي اقعدي فيذا لاتروحين وذاك مايبي يلعب ذا اللعبه والثاني يـبـيها وذيك تبي آيس كريم وأنا أقول: لا.. بعدين يوجعك حلقك :) وتقعد تصيح ...يعني حاااااله مصالا ذا البزارين المهم من بين ذا الحوسه كلّها فقدت أختي الهنوف وقعدت أدوّرها وثواني وألقاها مع عزيز تلعب (( عزيز =عبدالعزيز ,12 سنة ,أخو زوجة أخوي)) لاحظت إنسجام موب طبيعي بينهم تخيلوا تاركين الألعاب الإلكترونية والكهربائية كل أبوها , وقاعدين يلعبون حبشه يعني غميمه يعني واااحد طش ثنين طش :confused: ويلحقها وتلاحقه وأجي أقطع عليهم اللعب وأجرّهم :لا تـبعدون لأعطيكم بقس , ودقائق ينسلون ويرجعون لواحد طش ثنين طش ...حتى إذا ماجاء وقت العـَـشاء لقيتهم قاعدين في كرسيين جنب بعض ..قلت : الهنوف تعالي جنبي عشان أأكلك ...وتحمق : لا أنا أعرف آكل ((وفي عيونها لاتـفـشليني عندهم أو بالأصح عند عبدالعزيز )) .. عدنا أدراجنا إلى بيوتنا ,ونمنا والهنوف ماطاع يغمضلها جفن ,وقامت في عز الليل ومسكت ورقة وأقلام فلومستر وبموهبتها الرسميه المتواضعه ,رسمت ورده وخطـّــت سماء ثم نقشت إسمها واسم عبدالعزيز على بتلات الورده .. وتمر الأيام وحصل فيه عزيمه في استراحه والهنوف تبي الحمام الله يكرمكم وأخذها له وفي طريقي لقيت عزيز وقد تسلل من قسم الرجال وجا يركض يسلم علي ّ (( صراحه هو مدري الركضه ذي لي ولا للهنوف )) ويوم شافته الهنوف وبغت تدخل في الأرض وتـتوزّى (تختبئ ) وراي ورفضت تسلم عليه وينحرج عزيز ويعود إلى أدراجه ويوم رااااح قالت لي الهنوف كلام بغى يغمى علي يوم سمعته قالت : لمياء مدري بس قلبي يوم جاء عوّرني كذا حسيّت إنه قاعد يقول تربق تربق ..تربق تربق <<<<<<< :3: نعم ياماما قلبك وش قاعد يسوي :1: كذا يعني يدق بقوه يعورني طيب يعني وش تبين وديني الحمام يمكن يطيب <<<<<<<لا لا ياجمــاعة (( توووو متش )) بالنسبة لي ويوم ورى يوم وتجي الهنوف تعطي زوجة أخوي رساله وتقول عطيها عزيز , وأجي من وراها وأفتحها ,وألقاها كاتبه بخطها الطفولي ------------------------- عبدالعزيز أنا اسفه ماره عشن مسلم عليك لتزعل عشن انت زي الورده فيبستان (( وبعدين راسمه قلب وكاتبه )) عبدالعزيز حلـــــــــــــو ------------------------- والترجمة :عبدالعزيز أنا آسفه مره عشان ماسلمت عليك , لاتزعل عشانك مثل الورده في البستان ...انتهى تهي تهي تهي أنا بغيت أنسبه يقطع ابليسها من وين جابت زي الوردة في البستان منه ما أدري .... وتروح زوجة أخوي توّصل الرساله مع إني ترجيتها ماتوصـّـلها ويجي عاد عزيز ويرد على الهنوف برساله أعظم ---------------------- قاص ورق مقوى على شكل سحابه وكاتب عليها بخط كبير الهنووووووف أنا مازعلت وإنتي أحلى من الحلو ((لا بعد ويوقع ويكتب ))مع تحيات عبدالعزيز وكاتب التاريخ بعد --------------------- عاااد أنا شفت الرساله ولاّ ماشفتها طقـتـني الغيـــرة وأروح للهنوف والظاهر إن طريقتي كانت غلط قلت :لاعاد تكتبين لعزيز رسايل عاد أقول في نفسي هذا وهي بزر أجل بكره لين كبرت وش بتسوي ... لكن البنت انصدمت ياجماعه مرضت علينا يوم كامل , وجتها كآبه وحالتها حاله وأحس شخصيتها تغيرت وصار إي شي يصيّحها ولسانها معد يعرف إلاّ كلمة عبدالعزيز ...... .يمه بنتي الهنوف لا لا ما أستحمل أشوفها تتعذب قسم بالله بترى بأصيح عليكم الحين ...يمه تذكرتها ...ياعمري رحمتها وخيتي والله ..لا وهي نايمه ألحين ويـّا ذا الخدود الحمرا يعني شكلها يرحّم أكثر ..لا لا خلاص طلعت عبرتي ...صح ...صح..صحت خلاص ولابعد يوم قلت كلّه من ذا العزيــّــز (( بتشديد الياء )) ..صالت الهنوف : وقالت : لاتقولين عزيّز قولي عبدالعزيز ..... يالهوتتتتتتتتتتتتتتتتي يامصبتي طبعا أمي عرفت بالقصه بس ضحكت وقالت لمياء ترى الهنوف مهما سوّت تظل طفله ولاتضغطين عليها بكره بتكبر وبتنسى هذا إن مانسته قبل ...خلاص لمياء خليها لا تضيقين صدرها روحي اجبري خاطرها خليها ترجع الهنوف اللي عرفناها ... يمه ياجماعه يعني وشلون أروح أقول ميدها روحي يالهنوف خذي راحتك مع عبدالعزيز واكتبي وبخط كبير ع (عزيز)+هـ (الهنوف ) = حـــب والله طفله وقويه عليها حكايه القلوب يقطع شيطانها أنا ماأعرف ذا الحركات تجي هي تسويها :mad: بعدين أنا ماليه عليها عيشتها وماخذه قلبها كله ما أدري من وين جابت قلب لعزيز ..... والله مشكله  المصدر: نفساني
|
||||
|
التعديل الأخير تم بواسطة لمياء ; 27-03-2003 الساعة 04:03 AM
|
|
27-03-2003, 04:59 AM
|
#3 | |
|
( عضو دائم ولديه حصانه )
|
يا حلييييييلها الهنوف 00 الله يسعدها ويبعد عنها عيال الحرام
بس الظاهرة طبيعية مادامت في حدود الاعجاب 00يعني انا اذكر يوم كنا صغار كان كل واحد له صديقة 00 سعد صديقته فلانه 00 وصالح صديقته فلانة 00 و عبدالله صديقته فلانة 00 وأنا مالت علي كانوا دايم يغنون لي (( الولد مع البنات دقته شوكه ومات يا ناس سيبوني لا تعطلوني 00:D )) المهم يا لمياء الاعجاب طبيعي مادام في حدود المناسبات و الاعجاب فقط 00 أما اذا وصلت لمسألة الرسايل و لا ان اللسان ما ينطق بغيره فهذي مشكلة 00 لأن المسألة مو مسألة طفلة وبس 00 لا المسألة أنه ينمو عندها الشعور بأن الوضع طبيعي وأنه حق مشروع أن أعبر عن اعجابي بولد 00 وهذا مبدأ خطير يجب أن يستخلص منها من الآن ولكن بالتدريج .. كيف ؟ أنا أقول لك كيف - حاولي دائماً ايجاد البديل لكل نهي تنهينها عنه ،، يعني مثلاً لا تقولين لا تكتبين عنه نهايئاً ،، لكن قولي لها اكتبي عنه وخليني اقرى الكلام 00 بدون ما ترسله لعزيز واذا كتبت اقريه (( اعرف انك بتولعين منها وبتاخذك الغيره و بتتمنين وقتها لو تشقين الورقه :D )) المهم أنتي حاولي أنك تستنزفين المكنون عندها بدون ما يكون فيه تعدي للأدب 00يعني لا تسمحين لها أنها ترسل لها رسايل لأن الولد كبير ((12)) وهي بعد ميب صغيرة واجد 00 - وأنتي تقرين كلام أختك عن عزيز كوني وسط في التقييم ،،يعني لا تحاولين أنك تجارينها في خيالها وتزينين عزيز هذا وكأنه ملك 00 ولا تكبتينها وتصدمينها لأنها ماراح تتقبل النقد القوي 00 لكن خليك في النص بين بين .. خلاصة الكلام : هذه مرحلة تأسيس للبنت لو ما ضبطتوا السلوك صدقيني راح تنمو عندها قناعات بسلوكيات معينة لأنها اذا ما وجدت النقد ستعتقد أن الوضع طبيعي ومشروع ... وفي نفس الوقت حاولي بقدراتك وبما أنها تحبك أن تستحوذي حتى على رسائلها ومن ثم حاولي أن تحولينها بالتدريج من الكتابة عن عزيز الى الكتابة عن الأولاد بشكل عام 00 ثم عن الناس حتى تخرجينها بالتدريج من دائرة صغيرة الى دائرة واسعة كيف الفكرة :rolleyes: بس من جد حبوبه هالهنوف امس تنطط من الخوف من الحرب والحين تكتب غزل :D الله يسعدها ويصلحها ويقر عيونكم بها 00 |
|
|
|
|
28-03-2003, 09:43 AM
|
#4 | |
|
عضـو شرف
|
بسم الله الرحمن الرحيم
الى أختي الحبيبة لمياء السلام عليكم ورحمته وبركاته سبحان الله يالمياء شخصيتك وكلامك تذكرني باحدى صديقاتي العزيزات ولاوبعد اسمها لمياء وكما قيل يخلق من الشبه اربعين ولكن صديقتي لمياء في هذه الأيام في المستشفى لاتنسينها من دعائك المهم ندخل في الموضوع قصة اختك الهنوف الله يحفظها ويسعدها تذكرني بأيام الطفولة وذكرياتها التي لاتنسى ؛؛ولكن من عمر خمس سنوات الى عشر سنوات تقريبا الأطفال يتقبلون أي شئ سواء كان صح أو خطأ فتأتي دور الأسره في التوجيه والنصح؛؛اختك الهنوف أكيد شافت من عبد العزيز شئ عجبها فيه؛؛من وجهة نظري هذه حالة مؤقته وسوف تزول انشاء الله لأن عبدالعزيز سوف ينتقل من مرحلة الى اخرى واضيف شئ مهم جدا الاعلام أثر علينا تأثير كبير وواضح جدا وخصوصا على الاطفال بدليل أفلام الكرتون لاتخلو من الحب حتى الحيوانات الله يكرمكم ماسلمت من الحب!!!!!!وخصوصا ان اكثرهاغربيةالصنع والهوية فتزعزع العقائد وهذا اخطر شئ وايضا تاثير المسلسلات على الاطفال انا شخصيا واجهت هذا الموقف (درست المستوى التمهيدي وكانت أعمارهم ست سنوات وسبع سنوات وأصغر من ذلك المهم مرة كنت أتكلم معهم وأشرح لهم آيات من القرآن وأعطيهم شرح مبسط عن الآية وقعدت أحكيلهم وأقولهم ياحلوات هذه عيونك ماتشوف الى الأشياء الحلوة المهم قالت لي بنت:انت يااستاذه تشوفين القدر المحتوم؟؟ قلت:لا اخواني يشفونها تدرين ياستاذه انا صحت وبكيت يوم سعود طق عبدالله ؟؟!!وجت الثانيه الله يجزاها خير تعلمهم برامج تطلع في قناة دبي وهلم جرا وصراحة انصدمت وقلت وين الأمهات والآباء عن أولادهم وبناتهم؟؟ليش استبدلنا الذي ادنى بالذي هو خير ؟؟ اختي لمياء كل يوم خصصي من وقتك ولو شئ قليل مع اختك الهنوف ادري الفرق العمري بينكم كبير العبي معها حفظيها بعض السور القصيرة من القرآن وشجعيها وأعطيها هدايا اقرئي معها القصص الي تحبها او قبل ماتنام اقرئيلها من قصص الصحابيات رضي الله عنهم والأنبياء والرسول صلى الله عليه وسلم وانشاء الله قصتها مع عبدالعزيز مدة مؤقته وتصير ذكريات حلوه والله يسعدها ويوفقها ويجعلها من الصالحات الداعيات ويقر عيونكم بها آمين صديقتي تقول اختي الصغيرة عمرها أربع سنوات وتقول:يمه يمه متى أتزوج؟؟ احمدي ربك يالمياء:) |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
