تكفون احتاج ردودكم

تكفون احتاج ردودكم

تكفون ي اللي تعانون مثلي من اختلال الانيه تحسون وانتم بعيدين عن اهلكم كأنكم ما تعرفونهم كأنكم ناسين اشكالهم؟؟؟ وكمان هل تحسون انكم مو عارفين الاوقات وتحسون توهان وتشتت وخوف وقلق وعدم احساس بأي شي تسوونه تكفون طمنوني وعطوني نصايح كيف اتغلب على هذا الاحساس مع ان مو اول مره احسه لكن احس كأنه اول مره مدري كيف اوصفلكم بس يارب تكونون فاهميني

المصدر: نفساني

اختي جاني قبل فتره من الزم وكنت افزز وقلبي ينبض واحس بشي غريب اطالع فيهم وانا قاعد منو ذولي وفجئه اركز بوجيهم احس ملامحهم كاني اول مره اشوفها وتعوذ من بليس هذا الاحساس جاني قبل 15 سنه وبعدها قرررت اتجااهل ولا اتعمق بالفكره ونصيحتي لك لا تتعمممممق بأي فكره تتسلل بمخك وتحسسك مو طبيعي بل تجاهل ف انت بدنيا الاختبار مافيه سعيد الا اللي يقنع باللي فيه . وافهم هل كلمه واستعذ باللله عندك انا عمري 30 وعشت اخر خمس سنوات بجحيم وساوس خوف انقطعت عن العالم وصؤت حتى ماعرف اسولف ويصيبني نوع خبال وكاني طفل ماعرف اتكلم واستحي ومسكر ع نفسي وكرهت الناس والمجتمع وبس حاشر نفسي بس الحمد الله الحين قرررت من تقريبأ سنه اني اطنش الاحاسيس الللي تمرني والحمد الله رقيت نفسي وتحسنت بعباداتي والله يتقبل واحس اني صرت بنسبة 70 بالميه افضل من قبل وباقي هل 30 بالميه ان شاء الله ارد احسن بختصار الاستغفار والتجاهل والحياه قصيره و الناس كلها بتموت من شنو خايف او خايفهه . وسلامتك

طبعا هذا اختلال الانيه وبالنسبه لي طنشته بطريقتي
واللي هي لما يبدا الاحساس لاتسالين نفسك من هذا او انا وين او فيه شي غريب
عامليه وكانه مو موجود مع الوقت راح تلاحظين انه يقل
المهم لاتسترسلين مع الاحساس ابدا حاولي مره واثنين وثلاثه

المشاركة الأصلية كتبت بواسطة شهد شهد

تكفون ي اللي تعانون مثلي من اختلال الانيه تحسون وانتم بعيدين عن اهلكم كأنكم ما تعرفونهم كأنكم ناسين اشكالهم؟؟؟ وكمان هل تحسون انكم مو عارفين الاوقات وتحسون توهان وتشتت وخوف وقلق وعدم احساس بأي شي تسوونه تكفون طمنوني وعطوني نصايح كيف اتغلب على هذا الاحساس مع ان مو اول مره احسه لكن احس كأنه اول مره مدري كيف اوصفلكم بس يارب تكونون فاهميني

هذا النوع من الشعور سببه الاول هو الشيطان خاصة إذا جاء فجأة. أنصحك بالرقية الشرعية

هذا التغرب او شعور بالغربه علاجه طنشيه واذا كان مسيطر عليك ممكن تاخذين دواء نفسي يخفف لك هذا الشعور المقيت المزعج