|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
26-12-2019, 02:31 AM | #1 | |||
( عضو دائم ولديه حصانه )
|
ولله الحمد تشافيت من الهلع نهائي
شلونكم يامهلوعين شخباركم انا قديييييييييم فالمنتدى كنت مهلوع جدا والله ماكنت اذوق طعم النوم عايش في خووووووف ورعب على مدار الساعة عشت ايام الله لايعيدها ولا يوريكم مثلها وكنت 24 ساعة هني فهالمنتدى فعلا ساعدني كثير وكنا نساعد بعض وننصح بعض ونفضفض
انا الحين ولله الحمد مافيني الا العافيه الله شافاني من هالنوبات المرعبة وبدوووون اي علاج كميائي يعني حبوب صبرت علي نفسي وقاومت النوبات بفضل الله ثم التبصر بهالمرض بس كنت ابحث عن شي بقوقل وطلعلي المنتدى وقلت ادش اشوف شخباركم وابشركم ان بالاصرار والاتكال علي الله ممكن تتشافى من هالنوبات المرعبه ووالله ان الخروج من دائرة المرض مومثل ما انتو متصورين انه صعب لا والله سهل بس يبيله اصرار وثقه فالله اي استفسار انا فالخدمة وارد عليكم المصدر: نفساني
|
|||
|
26-12-2019, 02:49 AM | #2 |
عضو نشط
|
عليكم السلام ورحمة الله وبركاته
الحمدلله اخوي ، مبروك والله يتمم عليك الشفا ويديمه عليك ولا يعيد لك هالمرض بسالك انا وغيري عشان نستفيد بخصوص نغزات القلب جتك ، وكم جلست معك |
|
26-12-2019, 02:59 AM | #3 | |
( عضو دائم ولديه حصانه )
|
اقتباس:
نغزات القلب سببتلي مشكلة والله كانت علي طول معاي وتنميل واوجاع بالجزء اليمين تدري كم مره يويت تخطيط قلب المستشفى حفضو وجهي من كثر ماسويت تخطيط علي فكرة هذي مو نغزات بالقلب القلب ماينغز هذي العضلات اللي بالصدر تنغزك وتخليك تحس ان هه خلاص الجلطه قربت كنت اعيش برعب قسما بالله من هالسالفة بس اتضح انها اتفه من التفاهه والحين اضحك على هالايام اللي كنت فيها صدقني النوبه والوسواس يخلي العقل يعطيك نفس اعراض المرض اللي تفكر فيه سبحان الله مشكلة النوبات انها تعيشك بفكرة معينه وتقتنع فيها وتحاول ادورلها على حلول واهي اصلا مش موجوده تدري وصلت لمرحله شنو سويت قلت الحين بفترض ان هذي النغزات مرض خله يجيني شبيصير يعني بموت كلنا بنموت بمرض ولا بغيره بمجرد ماتواجه الخوف يروح اهي السالفة يبيلها شوي قوة اراده والله يشافيكم اجمعين يارب واي سؤال اسال انا موجود |
|
|
26-12-2019, 03:12 AM | #4 | |
عضو نشط
|
اقتباس:
الله يجزاك خير يابعدي ويديم عليك العافيه والطمانينه 💜 |
|
|
26-12-2019, 03:17 AM | #5 | |
( عضو دائم ولديه حصانه )
|
اقتباس:
لاتحاتي بتزين امورك ضاقت ولما استحكمت حلقاتها فرجت وكنت اضنها لاتفرج الله يشافيك وجميع المرضى يارب |
|
|
26-12-2019, 03:55 AM | #6 |
عضو فعال
|
ماشاء الله ربي يتم عليك العافية
أتوقع الرجال عندهم مقدرة اكبر للصبر أو يمكن نوبات الهلع تختلف من شخص لآخر لا اعلم اللي اعرفه عن نفسي إني ما اقدر أتحمل الخوف الشديد مدري وين بياخذني تعبت من الحبوب. والشفاء من الله شكرا لك .. |
|
26-12-2019, 04:23 AM | #7 | |
( عضو دائم ولديه حصانه )
|
اقتباس:
قالي شوف انت استحملت كثير بدون حبوب ومابقى الا القليل وتطلع من هالدائرة استرجل وتحمل وانا معاك بس اذا دشيت بموضوع الحبوب بتاخذ وقت والحبوب تأجل المشكلة ماتنهيها انت اللي بيدك باصرارك واتكالك على الله راح تتخطى هالمرحلة ولله الحمد هالكلام من 10 سنين تقريبا بدات تخف تدريجيا وواجهت النوبات بدون حبوب والحين الحمدالله عايش حياتي وفتحت مشروع وناجح بشغلي وبحياتي واجهو المرض تحدوووه والله هي دائرة اذا قدرتو تكسرونها راح ترجعون للحياة الحلوه استغفروا كثيييير ووالله ان من احد اسباب شفائي الاستغفار الله يشافيكم يارب |
|
|
26-12-2019, 11:25 AM | #8 |
عضو فعال
|
تدري أنا زيك وفرحتني والله،انا زيك بالزبط كنت أشوف الدنيا سوداء ونوبات هلع وأخاف بس لما طولت شفت الموضوع مايستاهل وصرت ماهتم ولي 4 شهور
بس الحين صارت ترجع لي الاعراض ورجع فيني الخوف والثقل بالراس ودايم أفكر او في مشكلة بالقلب او ضغطي مرتفع بسألك كنت تحس بشيء ب أذانك ضغط أو طنين؟ وأحيان فجأة تحس جسمك خفيف وأيام ثقيل. |
|
26-12-2019, 11:29 AM | #9 |
عضو فعال
|
نغزات طنين خوف ثقل بالراس وثقل الرجول والالام اليدين والرجول وتنميل الفك اليسار وغازات الالام بأماكن كثيرة نغزات الظهرهواء فالاذن وضغط فيها صداع بالعين الم بنص الراس ومؤخرة الراس ضيقة تنفس خفيفة او تحس فيها فصدرك وتروح مع الكحة خفقان أقل مجهود يجي احياناً
وهل كانت تصيرلك وأنت ماتفكر بالمرض يعني وأنت برا وانت بالمطبخ مع اهلك كذا. |
التعديل الأخير تم بواسطة خواففف ; 26-12-2019 الساعة 11:31 AM
|
26-12-2019, 01:15 PM | #10 | |
عضو فعال
|
اقتباس:
|
|
|
26-12-2019, 06:12 PM | #11 | |
( عضو دائم ولديه حصانه )
|
اقتباس:
عموما كل الاعراض اللي قلتها كانت عندي واكثر نصيحتي لك اياك والانطواء علي نفسك ولاتشتكي لاحد الا شخص او اثنين تثق فيهم ويعرفون مشكلتك كثرة الشكوى للناس يتعبك كل واحد يعطيك معلومات غلط وغير اللي يتفلسف اذا صارت لك نوبه استرخي علي السرير وراح تعدي بهدوء اذا فكرت بمرض قول خله يجييني وبروح اتعالج لاتخاف منه ولازم تكسر دائرة التفكير باي شي اطلع العب بتلفونك روح العب رياضة ممكن تقول هالشي ماراح يفيدني صدقني ان هالشي مهم بشكل ماتتخيله واهم شي اهم شي اهم شي الاستغفااار اكثر من الاستغفار |
|
|
26-12-2019, 06:54 PM | #12 |
عـضو أسـاسـي
|
أهلاً بك أخي , ماشاء الله ولاحول ولاقوة إلا بالله ربنا يوفقك في رحلة شفاءك
موضوع في قلب الحقيقة ,رأيك يوفق رأيي أدرك أنك أصبحت أكثر فهماً لحالتك وهذا هو مربط الفرس النفس تحتاج صبر لكن الكثير يريدون الطريق الأسرع والأسهل ويكتشفون العكس لايريد أحد ترويض نفسه وإعادتها للصواب فذلك يتطلب جهداً بارك الله بك أخي , وربنا يوفقك لكل خير |
التعديل الأخير تم بواسطة كلمة طيبة ; 26-12-2019 الساعة 06:55 PM
|
26-12-2019, 09:09 PM | #14 | |
عضو فعال
|
اقتباس:
الحين احس راسي الالام وقلبي رحت عند دكتور اقيس ضغطي طلع مزبوط الحمدلله المشكلة عمري19 😢وخايف من الضغط وخايف اتريض ادوخ ولا يصير شيء غصب عني افكر كذا 😢 |
|
التعديل الأخير تم بواسطة خواففف ; 26-12-2019 الساعة 09:12 PM
|
26-12-2019, 09:16 PM | #15 | |
( عضو دائم ولديه حصانه )
|
اقتباس:
انت خايف من الضغط ولنفرض ان جاك مرض الضغط وين المشكلة ترى نص الشعب عندهم ضغط وسكر اكسر دائرة التفكير اللي انت فيها كل ماتفكر وتخاف غير الموضوع روح اخذ شور العب لعبة بالتلفون سو اي شي اي شي حتى لو تضل الفكرة موجوده مومهم بس لازم تشغل تفكيرك عن فكرة المرض |
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|