|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
26-09-2003, 03:57 PM
|
#1 | ||||
|
عضـو مُـبـدع
|
عندما اقترب كوكب المريخ من الارض هذا ما حدث
السلام عليكم ورحمة الله وبركاته.....
قبل اسابيع اقترب كوكب المريخ من كوكب الارض وهذا الحدث تكلم فيه العلماء والاعلام وطبعا مافي فرق بيني وبين العلماء لذالك سوف اتحدث عن هذا الحدث وبسم الله ابداء من بعد صلاة العشاء وانا مأخذن بساطي والدربيل حقي وطالعن للسطح احتري الحدث الكبير حدث ماصار من ستين سنه من زمان وانا يتقطع قليبي على هالمريخ ودي اشوف وشو من آدمي كل ما طق عودن في عود جابوا طاريه صار الواحد لو تسأله انت من وين رد عليك بضحكة من المريخ , وصارالواحد لوبيسال عن شي قديم قالوا له : وين عايش انت بالمريخ, هذا كله كوم والكوم الثاني اللي خلاني احرص على هالكوكب هو سببين اولا اني اشجع المريخ السوداني ((( ياملحهم والله لا شاتوا الركني وطش الجبص لين غدت الكندرة بيضاء))) والسبب الثاني واللي هو زبدة الموضوعاني اسمع ان فيه مخلوقات فضائيه هالمخلوقات الي تقول : يب يب آها آها يب يب آها آها روسهم مدورة وفوقها زي قرون الاستشعار معلقة في آخرها عيون وعلى روسهم قزازة طبعا هالوصف كله على ذمة افتح يا سمسم هم اللي طبعوا قبلة هالذكريات على خششنا اللي تقاطر كل عصر تحتري برنامجهم <<< ابوك يالتثقيف وش نسوي هذا كعكي يفرم الكيك وهو ماله سنون وهذا نعمان دب يالله يمشي ولاعمرنا شفناه يأكل مع انه مرابط بالبقاله حقتهم <<<< طلع عن الموضوع نرجع للموضوع ::: بعد ماتواسيت بالسطح واقتربت ساعة الصفر لاقتراب هالكوكب طقيت الدربيل واقز واقزززززز واتمقل سبحان الله شي عجيب محلات وسوق خظرة وعماير وعالم تخترش وتحلفون انهم متوحمين بطوكيو. بعدها قربت الدقه حقت الدربيل ولقيت هاك المخلوق يدربل مثله مثلي والاه موجهة يمي وانا موجهة يمه قلت يا ولد لا يكون قاعدن يقز الحارة وارفع يدي والا يوم رفع يده وانزلها وينزلها ؟؟ يالله سكنهم مساكنهم الرجال حاط عينه علي قلت يا سامي الدعوى خاربه خاربه خل اعميها وش وراي واشر له بيدي واقول تعال كأنك ولدن لابوك انت وقرونك هاللي مركبهن من انتل بيجو وما مداني اشيل الدربيل عنه الا وهاك اللي يولع فوقه زي السيفتي ونوره متجه يمي اثر ها المخلوق ما صدق خبر دق سلف وجاء بالطبق حقه لا حووووووول شكله من ربع المشاكل وانزل تحت بسرعه القط مفك اسطوانه الغاز واجيب النباطه واحتريه يقرب واتويقع في راسه ابطش بالقزازة اللي تحمي دمجته وكل ما طقيتها ما جاه شي ورجعت الحصاة صارت بلاستيك مقوي ويوم شافني انبطه قام سكر على روحه بالطبق , يا ولد حركات حتى اطباقهم الطائرة فيها كشف. يوم درا اني جالس احاربه قام اطلق ليزر خفيف وانفجر جنبي لدرجة انه طيح هدومي المنتشره <<<< الزم ما عليه سروال السنه شفت الدعوى كذا اخذت فنيله الخباز اللي طايحه وربطتها بعصا وقعدت الوح بها معلن استسلامي لين قام يحوم فوق بيتنا ووقع بالطبق حقه فوق الخزان ونزل مع السلم وانا اشوي ويغمى علي ولا تقولون بحلم وش يبي ووشو له جاي ووشلون يبي يكلمني واكلمه ومهناش ماطرا في راسي لين وصلني وانا اتنافض ويوم قرب عندي ويناظر بالدربيل حقي شوي ثم يناظرني ويقول : لعنبوا داركم يا حقين الارض فيكم لقافه مهيب في كوكب ثاني وشوله قاعد تقز بيتنا ومحارمنا هاه؟؟ وش تبي وش عندك ويرجع يطالع من الدربيل وطالع في ويقول لا وتطالع الشغاله وهي تكب الزباله؟؟ انا دورني ما ادري الخزان يهرب عقب الليزر حقه والا شي ثاني يمشي تحتي الدعوى فيه عربي وين اليب يب والآها آها وقلت له :: والله ماتلقفت ولا قصدي شي من اللي فبالك بس بشوف هالمريخ وش يصير و فيه ناس والا جبال وبس , وبعد ما حلفت له ومسحت القزازة اللي على راسه ونظفتها له وطبعت قبلة عليها طاب خاطره وقال اركب اخذ فيك لفه بديرتنا وتشوف بعينك ولا يدري احد. قلت : وشلون ما يدري ناظر تحت الشوارع مليانه اوادم من شافوا هالطبق موقع وكله يبقس بالانوار وهم مرتاعين ومجتمعين واحد من الربع تحت يزاعق يا سامي هاللي فوق بيتكم طيارة قرقور ؟ رد خويي قال اسفهه بس ومشينا وصرفهم انت بعدين قل لعبوبه شاريها بالريموت كنترول وقاعد العب بها بالسطح ,, والله مشت الفكرة براسي وركبت معه وشرطت عليه اركب قدام صرخ بوجهي اركب واحمد ربك <<<< مطلع يده مع القزازه ويقلع ابو الشباب وتبدا اللقافه ههههههه سالته: وش اسمك يالطيب قال مطربقها فوق دماغهم قلت وجع هذا اسمك الاول والله الثلاثي؟ قال : لا الاول قلت : اجل ايش الثلاثي؟ قال : ((مطربقها فوق دماغهم احسن من قال لهم يتلقفون الملعن)) كتمت ضحكتي خفت يجدعني بالطريق قلت والنعم والله حياك يبو فوق وانا ادعي من كل قلبي(( جعلي ما اشوف شجرة العايله شكلهم يجلفون انها غابه مو شجرة)) وقلت له : ابي اسالك جدك اللي اسمه دماغهم هذا يعتبر المفكر حقهم يعني ؟؟ قال : لا هذا اذا ذبحنا ديناصور مهوب ياكل فيه الا الدماغ وسميناه كذا قلت :: افااااااااااا عندكم ديناصورات قال ::: اوووووووه كثير ذكرني اعطيك لا وصلنا الفريزر مليان احم كح كح كح <<<< بدا الاكسجين ينقص والا الرجال معه دبة اكسجين صغيره حاسب حسابه الاجودي واخيرا وصلنا للكوكب ومن يوم نزل في حوش بيتهم <<< طلع حاط مدرج يعني ولد نعمه وينزل ويفتح لي الباب ونطلع للحي حقهم نتمشى ويوريني هذا محل فلان وهذا كشك علان وهنا يبيعون التمر <<<ما بعد نصف وهذا دكتور المستوصف حقنا سبحان الله نفس المشيه او كل الدكاترة كذا هههه وانا اتحمد ربي من هالاشكال اللي توافيني عالم غريبه جد واشكال تختلف عن بعض ما روعني من قلب الا هالاشكال ودريت بعدها انهم يجون من كوكب ثاني ياخذون اكل بالغصب ويروحون يا ربييييه حتى بالمريخ فيه اظطهاد المهم يوم شافهم خويي ويسحب يدي وينحاش وش فيك مطربقها قال : اخاف يطربقونها فوق دماغك انت وخشتك لا شافوا مخلوق عجيب خذوه يحسنون النسل عندهم هناك ايه عادي طيب <<< مبسوط وش عادي هم اشكالهم وقحه وناوين يداهمون الارض علشان يخلونهم يقولون خلق الله احسن قلت : وشو ذا اسم ؟؟؟<<< ماينلام يا اخي عادي خل اروح معهم ترى طفشت من العزوبيه صاح علي وحمرت عيونه واشوف عروقها كنهن اسلاك كهرب انت كلن تبي تروح معه تراهم هناك بياكلونك والا بيخلونك لعبوبه لعيالهم افاااااااا وين تحسين النسل اجل كمخني بالانتل حق عشان اصجى من تخيلاتي ورجعني للبيت حقهم وقال اركب بس خل اوديك لا ابلش بك وانا معاند مابي ارجع مابي مابي تكفى خلني اعيش معكم هنا قسم بالله طفشت من الارض واهلها ابكنس بيتكم وابغسل مواعينكم وهدومكم <<< مالهم الا طقم واحد ههههه بس تكفى ابوس قرون الاستشعار حقتك خلني شاف شكلي انرحم وحالتي حاله قال خلاص بس منتب مطول عشان الاكسجين اخاف تفطس علينا قلت خلاص اسبوع يكفي هالدبه وارجع اعبيها <<< غاز مهيب اكسجين ناظرت والا خويي ضايق صدرة ويبكي وانا انكسر خاطري وش فيك يا بعد حلقات افتح يا سمسم كلها وش فيك يا بعد البنكرياس حق نعمان قال :: يا اخي متخرج هالسنه من الثانويه وما لقيت شي يقبلني ههههههههههههههههههه لا حووووووول حتى هنا بعد اقول تدري ما عندكم كابينه بالمريخ؟؟ و... سامي سامي ساااااااااااااااااااااااااااااااامي وجع نعععم هااااااااه وش فيه هلا يمه يالله قوم صل قبل لا يجي ابوك يطربقها فوق راسك ههههههههه طيب يمه كلش الا مطربقها يالله قوم طيب الان ان شاء الله 00000000000000000000000 00000000000000000000000000 000000 اخوكم سامي الحربي a:  :3
المصدر: نفساني
|
||||
|
|
26-09-2003, 04:46 PM
|
#2 | |
|
عضو فعال
|
هههههههههههههههه
تسلم يا سامى علي القصه الحلوة بس مطربقها فوق دماغهم احسن من قال لهم يتلقفون الملعن خوش خوي لك خله علي يمناك لوقت الزوم لووووووووو الله يسامحك يا سامى وليش ما اخذتنى معاك مع خالص تحياتى |
|
|
|
|
29-09-2003, 12:30 AM
|
#5 | |
|
عضـو مُـبـدع
|
هلا حياكم ومرحبا مليون
شكرا يا اخت آهات أمل والحمد لله انه اعجبك وهقوتي بمطربقها انه اجودي ههههههههه حياك الله اخي سعد محمد وشكرا على مرورك الحمد لله انها اعجبتك هلا بعد غلا وغلا بعد هلا حياك الله اخت عاشقة الرياح الحمد لله انه اعجبك الموضوع اخوكم سامي الحربي لنا عودة |
|
|
|
|
30-09-2003, 12:02 AM
|
#6 | |
|
عـضو أسـاسـي
|
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
بارك الله فيك أخى الكريم سامى الحربى :) طريقه تعبيرك عن الموضوع ممتازه ......حسيت كأنى أشوف مسلسل طاش ما طاش. |
|
|
|
|
19-10-2003, 09:39 PM
|
#7 | |
|
عضـو مُـبـدع
|
وعليكم السلام ورحمة الله وبركاته,,,,
وصلى الله على سيدنا ونبينا محمد افضل الصلاة والتسليم اشكرك على مرورك وبارك الله فيك اخوكم سامي الحربي |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
::