للــحريـــممم بس الكراث وفوايدة للبشرة

للــحريـــممم بس الكراث وفوايدة للبشرة

سلمكم الله وحياكم الله وشلونكممم عساكم طيبين والله اني اكتب لكم والقايلة مصنقرة والحرارة من الشمس لو اعجن اقريصات واحطها في مقلات التيفال انطبخت المهم والزبده اني فكرة اكتب موضوع اجديد وابي اشوف رايكم وابيكم بعد تستفيدون وتعرفون ان الكراث له فوايد كثيرة وترانا يا الحريم نحبه والرجاجيل بعد تراهم يحبون البصل الابيض والله انهم يهرشونه هرش وكانه ياكل قطعة من الحلوية حقت حلواني والا حقت الحلوى اللي يسمونها حلاوة الشعر اللي لونه بني يا زينه وطعمها
اخياتي اول هام من فوايد الكراث انه يلين الباطنه ويخليها مرتاحه ولا تعرف المعيده المغص ولا التعب
ثاني هام ان الكراث فيه حديد كثير يساعد اللي عليهم قل صح في فقر الدم واللي اذا وقفوا يدخون
ثالث هام يقول واحد من الزراعة ان الكراث الحرا افيد من البارد وانه يقتل الجراثيم اللي توه في مهيدها ما بعد كثرة وكبرت وتفرعنة
رابع هام الكراث اذا غمسناه بالملح وكلناه في الصيف يعطينا طاقة ويعوض العرق اللي يتصبصب من الحرارة والهجهجه اللي تصير في القوايل
خامس هام يقول طبيب نساء مرة سمعته في التليفيز ان المراة لم تكون في اخر شهيراتها يساعد باذن الله على الطلق الطبيعي ويخفف عليها الولاده
سادس هام الكراث يزين طعم السنبوسة لان ارمضان ان شاء الله مقبل وكلن يحب السنبوسة
سابع هام اللي يحبه مرة ترى يمكن يحطه بالعصارة ويعصره ويصير عصير كراث وش زينه وجربته والله مرة وقالت اميمتي اكيد انك انهبلتي والله يا ابنيتي ما ادري وش نهايتك نبي نشرط على زوجك اللي يخطبك يكون عنده مزرعة كراث بس ويصير مهيرك والله اني فرحت وقلت يا زين ارجيجيلي اللي يبي يصير عنده مزرعة كراث
عسى احكياتي تستفيدون منها والله اني اشتهيت الكريرث الان وانا اكتب لكم احس اسعيبيلات بدت تقطر يا الله مع السلامه ولا تنسون لم تكالون الكرث تتذرون اخيتكم وحده مروقة وتدعون لي بالخير وانا ادعي لكم بالخير

المصدر: نفساني

وين فوائد البشرة ؟؟

موضوع رائع ورائق يا مروقه

موفقة اينما كنت

ياهلا بقمر الدجى وشمس الضحى بعد يا خييتي الله يحييك يو ياخييتي ما تعرفين انك اذا كلتيه وقعد في باطنك ينعكس على البشرة والا ما تعرفين مو البشرة ظاهرية والباطنه جوانا وحقين الجولجيا العلماء يقولون اللي في الارض يطلع لظاهرة والكراث في باطنا ثم ينهضم بس ما يطلع اخظرن على جلدنا يطلع ابيض يلق وتصير بشرتنا كاننا حمصان وش ملحنا

وينكم ياخياتي معقولة ما تحبون الكراث وأنتم حريمن مثلي ايه يا الزمن والله اني اعرف كثيرات اذا جلسن في المجلس تقول انا ما اكل الكراث وهي اذا كانت في بيت اهلها حيل تاكله قبل تغسله وراكم ترى الكراث زين ولو انه اخضر جربو يا خياتي والا قولولي وراكم ما تتاكلونه وش ودعوى الرجاجيل افضل منا وهم ياكلون البصل الاحمر والابيض الله يهديكم لطاعته قولوا امين

وحده مروقه

تبين تعرفين فوائد الكراث الحقيقية

أقراءي الموضوع إلي منزلته عن فوائد الكراث

ترأني منزلته خصيصاً لك لأنك تحبين الكراث..

إلى الأخت المروقه
أتمنى الجدية في كتابة المواضيع والتطرق إلى مايعود نفعه على كل المهتمين بمتابعة المواضيع المطروحة.

هلا والله يا خيي المنتظر أكيد أنك تنتظر ردي يا خيي ما قريت موضوعي زوين وإلا انك يوم تقراه أعيونك فيها غمص لا تزعل مني يا خيي اقر موضوع فوائد الكراث لاخيتي نور تبي تلقى نفس المعنى بس انا يا خيي كتبتها بطريقتي واسلوبي وكل حر في اسلوبه شفتني اسب عيلة الكراث والا شفتني كاتبة عن الخمر رغم ان القرآن قال فيه فيه فوايد لانك ضررها اكثر
يا خييتي بسم الله عليك الرحمن الرحيم وتقول انك موظف مدني ولا ادري وراك على طول جاي وللكراث اكيد ان اعيونك خضراء لان يا خيي ما شفت لك مشاركوة واحده اخيي اقبل هالحكي من اعضاء العيلة اخيي ما تزعل ما فيه احد من الموظفين اللي معك قال عنك ان دم ثقيل ولازم تخففه وترى اكل الكراث قبل الفطور يخفف الدم هاذي بعد من الفوائد لا تزعل كانك تعرف السنع وجاين من اجل ان العيلة تنفس عن نفسها مادام انحن ما سبينا ولا شتمنا ربي يحرسك بعقلك قل امين