عندما تدعي امك على ابيك بالموت ..؟؟ماذا يحدث لك.؟؟رجاء قولولي حالكم ؟؟

عندما تدعي امك على ابيك بالموت ..؟؟ماذا يحدث لك.؟؟رجاء قولولي حالكم ؟؟

مرحبا اخواني ..

كيف الدنيا معاكم .. ربي يسهل امركم ويفرج كربكم ..


اليوم انا وبهذا السن صايره ما افهم الناس اشياء كثير احسها غريبه عجيبه ..

لما كنت صغيره ما انتبه للأشياء التي تصير حولي لاني اهم شي العب واكل وادرس ولاهيه مع المدرسه والصداقات ..

ياناس انا والله ما تهنيت لما كبرت صرت محاسبه على كل شي والناس يأخذون بأمري مو زي اول ..

ترى ما اقصد سالفة الزواج والتلميحات لاااااا لان مو من اولويات اهدافي في الحياة الزواج ..

انا اقصد حالي عند اخوالي واعمامي .. هذولي سالفتهم سالفه وحركاتهم وكلامهم شي ثاني بس ما تهمني كثير ..

المهم هو حالي بالبيت .. بطبيعتي احب البيت وبيتوتيه بس امي وكرها للأعمامي ينقلب علينا بالبيت ..

والله الان احس اني بحلم مستحيل انا بالحياة بعد صلاة الظهر ..جلسنا نفطر طيب انا وامي واخواتي صغنونات وحده 14 والثانيه 9 سنوات ..

وقاعدين نتذكر سرفتنا العام ومبسوطين وقاعدين نقول ما نتوقع نسافر هالسنه الا وتطب فينا انتو ماتضغطون على ابوكم اضغطو وازعلو ولاتكلمونه عشان يسفركم وانا اقول بنفسي عمرنا ما سافرنا .. امي الله يهديها كلامها يسم البدن .. وتبداء تعيب على ابوي مع انو ابوي والله الكل يشهدله بأخلاقه وماديا ماعليه تمام الحمد الله مشاء الله بس تحب تسب فيه عندنا وتبداء تدعي عليه ليش لانه مسافر عنده انتداب واحنا ماسافرنا مو هي متعوده شهرين تجلس برى ..ما تتحمل صيفيه ما تسافر ..

تخيلو قاعده تقول يارب يرجع بتابوت استغفر الله وحنا من الخوف ساكتين لانو لو تكلمنا تورينا نجوم اليل من كثر ما تقهرنا .. والله واانا جالسه على الطاوله شوي وابكي من القهر واخواتي مساكين وجيهم صارت صفراء لان كلامها يروع .. مهما كان ابونا وانتى امنا نتمنى نعيش معاكم لو مافي سفر او ما في بيت وما في طخطخه لو ببيت طين اهم شي الصحه والعافيه وطولة العمر ..
وهي تدرى انو ابوي ما يرد لي طلب لاني الكبيره _ عشان كذا جالسه تضغط على وانا تعبت مقدر ..

هي الي تاعبها انو عماني يتسلفون من ابوي كثير وجدتي وافقه للأبوي بالمرصاد الله يهديها مع انها تحبه وهو يحبها بس ماتحبنا .. دائما لما نرجع من السفر تروح لمكه وتجلس فتره زعلانه وما تكلم ابوي زعلانه ليش تسافرون برى وتطول..
مع انو ابوي مو مقصر معاها بأي شي ماديا هو الي معيشها وعيالها كلهم حتى المتزوجين بس مايبين بعينهم يعني لو مخلينا على راحتنا كان امي ما سوت الي تسويه وابوي يروح ويرجع مبسوط ..


قولولي مين الغلطان امي او ابوي او جدتي .. او انا ؟؟


اسفه كلامي طويل ومشكله تعور الرأس واسلوبي بايخ لاني ما اعرف اشرح بس شكرا للي وصل وقراء كلامي ..

والحين راحت تنام بكل هدؤاء وماهما الكلام الي قالته .. مشكله الله يعيين ..

المصدر: نفساني

الله يعيييييييييييينكم

والله اني حاسة بهالوضع ...بس انتي ماتوقع بايدك شي تسوينه ...لان هذي امك ... ماتقدرين تقولين لها شي لانها بتنقلب عليك .... بس ممكن لما تهدا تروحين عندها وتقوليلها ياماما تراك دعيتي على ابوي ... ومهما كان تراه ابوي ... وزوجك ... يعني حرام عليك...
لما تكون مروقة احتمال انها تتقبل هالحكي منك اكبر ...حتى لو تهزاتي شوي عادي وسعي صدرك .... بس اكيد انها هي عقب ماتقولين لها كذا بتفكر بكلامك ... وفهميها انو بابا مو مقصر معنا ودايما تسافرون بس هالمرة الظروف غير ....

اما جدتك فالله يكون بعون ابوك ... وعونكم ... مدري وش اقول بصراحة ... غريبة انها تسوي كذا ... يمكن تحس بغيرة منكم !!! أخذتو ولدها ويسفركم دايما!!! الله اعلم




انتي بس وسعي صدرك ولاتشيلين هم ... كثير من الناس يتكلمون اشياء قوية مع العصبية وماينتبهون قد ايش كلامهم اثر باللي قدامهم... لاتشغلين بالك ...

ولما يضيق صدرك ... ادخلي هنا الله لا يهينك واكتبي ... وبتلقينا موجودين انشالله








اختك
حنــــــــــان

هونيها وتهون

والله ماتسوى انك تزعلين حالك عشان كلمه من امك وهي ضايقه

وانتي من الممكن انك تصرفين الموضوع لما تبدا بالصغط عليك

قولي مثلا متى بنروح الشاليه

ولما ماتمشى هالحركه مع امك

قولي جوالي يرن بروح ارد

لاتحاولين تسمعين هالكلام من امك

لان هالشى ياثر فيك ولا يضر امك

وقبل كل شى ادعي الله يفرج همك وهم المهمومين حولك

اختك جود الفرح

اختي شعرت بمعاناتك لاكن اختي حاولي تهديها وتجيها بالين يجوز ينفع معها او يبدو ان هناك خلافات بينهم وتسبب لها هذه العصبيه اما جدتك فهي كبيره بسن وتحس ان ولدها بعد عنها ماعاد يهتم فيها اختي حاولي تكوني صلح بينهم اما من ناحيه جدتك فحاولو تحسسوها بقيمتها وتجيبوها عندكم كم يوم وتشوفو طلباتها حاولو تحسسوها لسه موجوده لان كبير السن يصير انسان حساس اما دعوات امك فاعتقد حلك عند الاخصائيين يساعدونك بحيث امك وابوك اساس المشكله لابد من التنازل لان الامور ماتجي كذا هذا معاند وهذا معاند على ااالاقل علشانكم اختي اهلك محتاجين مرشد زواج يساعدهم على تفادي هل الامور حتى ماتكبر وتصل لطلاق لاسمح الله لازم امك تفهم ان هذا شغله لايمكن يستغني عن شغله علشان يلبي رغباتها ولنفترض تركه من وين بيصرف على العائله لابد تتفهم حاولي ان تكوني قريبه منها وتتكلمي معها بما انك الكبيره وبالتوفيق انشاء الله افدتك طمنينا عليك

زمن التيه

جود الفرح

مفتاحه


من جد انا لما كتبت الموضوع كانت حدي متضايقه حييييل واحس اني بعالم غريب ومرعب و ما كان لي احد اتكلم معه بصراحه لانو الموضوع حساس وقررت اكتبه عندكم ..والحمد الله اني كتبته لانو من ردودكم احاول اشجع نفسي شوي .. الحمد الله على كل حال .. الوالد رجع اليوم بالسلامه وطبعا ماما كألعاده مبسوطه تهلي والقهوه والدنيا انااااا استغربت منها ومن حركاتها ..
اعتقد انها تكابر بحبها ..غريبه هالانسانه او مدري وش سالفتها ..؟؟

بنات ربي يوفقكم ويسهل امركم ويفرج كربكم ويزيل همكم وقفتكم معي بأذن الله ربي يجزاكم الخير .. .. ..

الحمد لله رجعت المياه لمجاريها حاولي تهدي القلوب بينهم انشاء الله مايصير الا كل خير