|
|
|
 |
|
 |
||||||||
|
||||||||||
 |
 |
 |
||||||||
| ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
 |
|
|
أدوات الموضوع |
02-05-2009, 08:14 PM
|
#1 | ||||
|
عضو فعال
|
يآ أنا ولآ أأنت يا نوبآآت الهلع
السسلام عليكم ورحمة الله وبركاته
اليوم بحكي لكم قصتي مع نوبات الهلع مع العلم اني اول مره كتب موضوع في اي منتدى ومدري كيف طبيت في هذا المنتدى المهم جلست افكر وقلت ليش ماقول قصتي يمكن افيد احد لاني احس صرت خبره مع هذا المرض ولاني يوم كنت مريض كنت ابي اي واحد يعاني من نفس حالتي ... وان شاءالله اول شي بقوله هو بداية هذا المرض معي وبعدين كيف صارت حالتي . وبعدين والاهم كيف اني تشافيت وصرت الحمد الله مثل اول ولا كانكم تبون الصدق احسن من اول السالفه هذي صآآرت قبل 3 سنين كنت توني مخلص اختباراتي تعروفون واحد توه مخلص اختباراته يبي يستانس ويبي يساافر الزبده انا اجتمعنا انا واثنين من اخوياي وجلسنا نسولف وقال واحد منا بنروح جده على سيارتي وش رايكم انا قلت تم كنت طفشان وابي استانس وخوينا الثاني قال معكم .. المهم كلمت الوالد الله يطول في عمره ووافق ورحت شريت اغراضي وخلصتها وبعد ماخلصت تجيني رساله من صاحبي ناصر يقول فيها ماقدر اروح بسيارتي بنروح بطياره والتذاكر علي < جلست ساعه اشوف الرساله < خويكم يخاف من الطياره المهم جلست افكر وش الحل اروح ولا ماروح وانا قايل لاأبوي بروح وشريت اغراضي وفي الاخير قلت توكل ماهوب جايني الا الخير مآآلكم في الطويله ... جاء موعد الطياره وانا ارتجف في المطاار بس ماقلت لااآخوياي اني اخاف من الطياره ركبت الطياره وصار كرسي حقي على الشباك < يالليل وش هذا الحظ وغيرت كرسي مع صاحبي لانه جنبي وعلى طول ربطة الحزاام < خااايف وصاحبي الي جنبي يقول باقي وش فيك ربطة الحزام < اقول في نفسي من خاف سلم وبعد مدة اسمع الطيار يقول الرجاء ربط احزمة المقاعد استعدادآ للاقلاع بعد ماحركة الطياره و وارتفعت شوي عن الارض مااااادري وش الي جااني عرررررررقت و قلبي يدق بسرعه وراسي يدوووووور وجلست اكلم نفسي وش فيني وش الي جاني وضميان وماقدر ابلع ريقي واشياء كثيره تغيرت وجلست اتشهد واقول يارب وصلنا بالسلامه وخويي الي جنبي يضحكون ومستانسين وسئلت خويي الي جنبي في حياتك قد نمل خشمك ولا شفتك ولا تحس جسمك يرج من جوى يناظرني خويي بنظره كذا وقام يضحك قلت له خشمي منمل ويا شفتي ومات خويي من الضحك وانا شوي وببكي وكل مايمر مضيف اسئله كم باقي ونوصل وجلست استغفر ابي يعدي الوقت بسرعه الين نوصل وفي الاخير سمعت الخبر المفرح استعدادا للهبوط ارجو ربط احزمة المقاعد < تراني فاكها يوم وصلنا الارض وافك الحزااام واروح الباب وصرت اول واحد ينزل من الطياره نزلت قبل الي في الدرجه الاولى نزلني المضيف الله يجزاه بالخير ويوم نزلت قلت اي هين اركب طياره ثانيه وهذي صارت اول مره احس فيها بنوبات الهلع .... وبعد 3 شهور انا كنت مقدم على كذا جامعه بس مع الاسف محد قبلني لان نسبتي كانت مره بايخه < لو اقدم فيها على وظيفة فراش ماقبلوني وطبعاء خلاص صرت عاطل < ياشين العطاله هي الي خلتني مريض وطبعا تعرفون العاطل وش يصير له سهر في الليل ونوم في النهار وضعت شوي وطحت في الدخان وفي ليله من اليالي كنت ادور في السياره في الليل واتصلت على واحد من اخوياي الي كان معي في الفصل وجلست اسئله على الزملائنا الي كانو معنا في الفصل يقول كلهم انقبلو ولقو شي يدرسون فيه وبعد ماسمعت الخبر نزلت دموعي من عيني وقلت السماعه < مانيب حسود بسس من القهر الي جاني كل زملائي في الفصل دخلو الا انا مت قهر ونددم ... ( انا اقول هذي السوالف لانها هي برأيي هي الي سببت هذا المرض لي الا هي 1- التفكير 2- الندم 3- وقت فراغ طويل ماعندي شي اسويه ) وبعد هذي بيوم كنت جاي في اخر الليل كالعاده وطبعا بروح احط راسي وانا توني حاط راسي نايم الا امي الله يطول في عمرها ويحفضها تصحيني من النوم وتقول ترى بتوديني للديره اليوم الساعه تسع الصبح وانا اقول معععععععصي خلو واحد يوديكم انا بنوم قالت بنت عمك ماتت !! الله يرحمها وبنروح نعزي عيال عمك انا وقمت كذا زي الملحووس متى وكييف ووشلون !!!؟ اسئله كثيره اوجهاا لأمي . طلعت امي من الغرفه وجلست افكر وادعي لها بالرحمه وحطيت راسي بنام ماقدرت اتببببطح واتسسسدح يمييين ويساار ابي انااام ماقدررت جلسسسست افكر وافففففففكر الين جة الساعه 9 الصبح رحت شغلت سيارتي واجلست انتظر اهلي وانا التفكير مسيطر علي المهم ركبو امي واخوي ومشينا وانا في منتصف تسئلني امي السياره في بنزين اقول فيها ومشيت شوي ولقيت قدامي زحححمه سياررات واقفين مرور واسعااف قلت الله يستر واقرب واشوف حااااادث مررره شيين واشوف واحد على الارض متمدد ودم في السياره وذكرت ربي وحركة وبعد ماحركة بخمس دقايق وانا افكر ببنت عمي وافكر بالرجال هذا الي مسوي حاادث وافكر وافكر وفجاآآئه مدري وش الي جااااااااني عررررررقت قلبي يدق بسسسسسسرعه احس اني بدوخ الشارع القدامي يدور ارتجف مره احس ببرد مره بحر وعلى طول شفت محطه ووقفت على طول اخوي يشوفني يقول وش فيك وقفت بسرعه كذا قلت مافيها بنزين < يقول اخوي تو سائلينك تقول فيها قلت خلاص خلاص خليه يعبي بس وانزل بسرعه من السياره واروح البقاله وانا افكر وش فيني وش هذا الي جاني يارب وش جاني اناا .. واتذكر الي جاني في الطياره نفس الحاله هذي يارب وش فيني قلبي فيه بلا لازم اروح المستشفى ولا بتجيني جلطه الحين اسئله كثثثثثثيره وش اسوي وش اسوي واشتري مويه واغسل وامشي لسيارتي وقلت لاخوي سق السياره انا بنام فيني النوم ولا قلت لاحد وش الي جاني المهم ساق اخوي ورحنا وعزينا وجينا وانا طبعآآ طوال المده هذي وانا افففففكر في الي جاني وعسى يارب مايجيني مره ثانيه . وكذا بدايتي مع المرررررض . وهذي المقدمه وان شاء الله اكمل لكم القصه وش صار معي مع المرض وكيف الحمد الله تشاافيت 100000% ارجو اني ماطولت عليكم واتمنى ان القصه تعجبكم وتستفيدون منها. واسئل الله ان يشفيكم جميعآآ يااارب المصدر: نفساني
|
||||
|
|
03-05-2009, 05:35 AM
|
#2 | |
|
عضو نشط
|
تعددت الأسباب والأعراض وحده
كلنا يا أخوك حسينا بأعراض غريبه عجيبه عموماً الحمدلله على سلامتك .. وطهور إن شاء الله في إنتظار باقي القصه ... ـــــــــــ تحيتي لك مانشتراوي |
|
|
|
|
07-05-2009, 04:22 AM
|
#4 | |
|
عضو فعال
|
عذرآآ على التأخير .. بسبب ظروف الدراســه
آآرجو ان تكوِنوآ كلكم بخـــير زي ماقلت قبل كذا بدآية المرض معي ... في نفس اليله الي رجعت منها العزاء رحت لغرفتي ابي اناام من التعب والتفكير بس ماقدرت لا اني حسيت باشياء غريبه عجيبه ماقد حسيت فيها من قبل ضرباات قلبي غريبه مره قويه ومره سريعه واحس بالم في الصدري ومررره برداان وشوي احسسسس بحررر واصوات في بطنني مع دوخه واحس ان اني بطيح الحين.... نمت تقريبا لمدة ساعتين < مدري كيف نمت هذاك اليوم يمكن من التعب قمت من النوم افكر وش الي فيني اروح المستشفى ولا اعلم اهلي وش فيني جلست على السرير افكر وافكر وكل شوي احط يدي على قلبي وش اقول لكم بس ... جلست وجلست الين ماقدرت اتحمل نفسي نزلت لاهلي تحت قلت ودوني المستشفى انا تعبان سئلني الوالد الله يطول في عمره قال وش فيك قلت مدري احس اني بطيح وقلبي يدق بسرعه قال مافيك الا العافيه هذا من السهر والدوجي <!! قهرني ابوي هذاك اليوم ههههههههههه من يوم جاني المرض هذا وانا عصصصبي مره قلت يابوي تراني تعبان ودني ابوي استغرب قال يلا اركب وداني الوالد ودخلنا على الاسعاف وسوو لي فحوصات وانتظرت شوي قال مافيك شي مافيك الا العافيه !!!! انا استغررربت انصصصصصدمت مره كيف مافيني شي وكل هذا يصير لي !!!!!!؟؟؟؟ جاني ابوي قال قلت لك مافيك الا العافيه بس ماصدقتني . نزلت ر اسي ونزلت اول دمعه... رجعنا البيت رحت على الطول الغرفه جلست لحالي قمت اسئل نفسي مره ثانيه وش فيني وش هذا الي جاني كيييف مافيني شي وبكيييت... بعد مده دخلت علي امي ( الله يحفضها ويطول في عمرهآ ) قالت وشلونك الحين قلت تعبان والدكتور يقول مافيك شي قالت ليش ماتروح عيادة الحبيب الي على طريق الملك فهد طبعآ في الرياض هناك احسن ويشوفون وش فيك قلت خلاص اتصلت على واحد من اخوياي لاني ماقدر اسوق السياره احس الاطرقه تدور قدامي جاني ورحنا للعياده ... دخلت على الدكتوره قال وش فيك قلت الي جاني كله قال بنسوي لك التحاليل اول شي < انا طبعآآ كنت اكره شي اسمه تحاليل بس مع الوضع الي جاني استسلمت قلت لازم اسويه سويت التحاليل الي هي فقر دم وشي معه نسيته قال انتظر ساعتين ... بعد ساعتين رحت لدكتور قال مافيك شي الفحوصات سليمه ..سئلت الدكتور قلت متأكد انت كيف مافيني شي .. قال اذا انت مصررر بنسوي لك تخطيط قلب طبعآآ قلت لا لاني كنت خااايف مره ولا ابي اسوي تخطيط ماعرف وش هذا وطلعت من العياده ورحت البيت رحت البيت الحاله كل شوي وتزووود معي مادري وش اسوي مادري وين اروح كررررهت نفسي والحاله الي فيها انا اببببكي كل شوي منعزززل عن اهلي وعن اصدقائي احسسسس اني في حلللللم مانيب في الحقيقه احس اني مادري كيف اشرح لكم التعبير يخذلني عن وصف حالتي وشي الي كان مرعبني فعلا الاحساس بدنو اجلي !!! بعد يومين اهلي حسو فيني مره تغيرت صرت 24 ساعه في البيت او في الحقيقه كنت في غرفتي؟ جاني اخوي( الله يطول في عمره ) ووداني للعيادة الحبيب على ان يسوو لي تخطيط قلب كنت خايف وقتها مره مره ايش هذا كيف يشتغل سويت وانا كنت خايف وطلعت وقالو رح للدكتور تحت. نزلت لدكتور تحت جيت شفته يبتسم لي قلت فيه خبر موب زين لي.. قال ياعبدالاله الحمد الله كل شي فيك سليم بسسسسس بسسس بسسسسسسس ايش يادكتور !!! !!!! ؟؟!!! قال فيه احتمال ان يكون عندك تضخم في القلب ؟؟!! اناا مادري وش الي جاني انهبلت سكتت ماسويت شي قال اخوي وش الحل ؟؟ قال الدكتور روحو للخصائي القلب الي في الدور الثالث... رحت وقابلت موضفة الاستقبال وقالت زحمه لازم تنتظر اقل شي ساعتين !!! كيييف انتظر ساعتين وانا وضعي كذا يابنت لازم ادخل قالت معليش لازم تنتظر!! جلست اففففففكر وافففففكر واخوي جنبي قال عادي كم واحد فيه كذا انا قمت ازاعق عليه واقول كيف تقول هذا قلب وتضخم اسسسكت والعالم الي في الانتظار يشووفوني جلست انتظر وانتظر من اطول السااعات الي مرة علي واقوم وادور وارفع كوم يديني كان شعري طويل ارفع شعري وانزله تقول مدمن مخدرات سمعت اسمي ورحت على طول للغرفه الدكتور الاخصائي. دخلت على الاخصائي قام يفحصني على السرير قال لازم نسوي لك تصوير قلب!! اقول في نفسسي يااليل تونا مخلصين من التخطيط والحين تصووير قلت تصوير تصوير سئلت الدكتور وين نصور فيه الحين قال الغرفه الثانيه رح وابجيك رحت للغرفه طبعا انا مره خلاص قلت انتهيت .. جاتني السيستر قالت غير والبس هذي .. غيرت ولبست شي زي مايلبسونه البنت اذا ولدت !!! رحت ونمت على السرير وجت السيتستر وركبة اشياء في بطني وكان جنبي مثل الشاشه كبيره انا كنت خايف ومرتبك والسيستر حست اني خايف عاد جت بتسوي ظريفه السيستر قالت شف الشاشه هذا قلبك وقامت تضحك < ترى مابغيت اطقها هذاك اليوم جلست شوي وجاء الدكتور وقام يناظر في الشاشه قال لاتخاف < اقول في نفسي كيف ماتبيني اخاف والاجهزه هذي جنبي والاسلاك في بطني المهم جلس يناظر في الشاشه جلس ربع ساعه ثمن طفى الجهاز وقاال؟!! !!! !!! عبدالاله رح لبيتكم مافيك شي !!! صار فيه خطاء في التخطيط ولا فيك الا العافيه على طول لبست ملابسي وفرحااااااااان مافيني شي واروح في غرفة الانتظار واضم اخوي من الفرررحه واقول مافيني شي وتسامحت منه . ورحت البيت... ونسيت ايش الي جانبي المستشفى.....؟ وحنا في الطريق قال اخوي ترى انا بسافر بعد يومين.. اقول وين قال نسيت اني بدرس برى .. انا تفاجئت لاني كنت ناسي... رحت البيت طمنة الوالده والوالد قلت يقولون مافيني شي ورحت للغرفه جلست افكر من جديد انا فحصت قالو مافيني شي وسويت تخطيط وقالو مافيك شي ...! وش فيني طبعآ احس اني في حلم ضربات قلبي غير منتظمه اشياء كثيره وربي لو قلت لكم ثنتين باقي ثمانين ... ماصرت اكل عفت كل شي والاحساس بالموت يطاردني حتى اذا قمت اروح المسجد وصكيت الباب اقول هذي اخر صكه لي لباب بيتنا ... جااء موعد سفر اخوي وانا اسلم عليه احس انه اخر يوم بسلم عليه فيه ...!!! سافر اخووي.. بعد مدة زاادت الاعراض فيني نحففت نحف موب طبيعي خسرت 20 كيلو من وزني ملابسي صار وسيعه علي .. وكانو جيرانا يشوفوني مره متغير ناحف وشكلي تعبان.. يتصلون على الوالد ويقولون الولد وش فيه؟؟ وعماني وخوالي يتصلون ويسئلون عني!! فعلاآآ بكل ماتعنيه الكلمه انتهيييت!!! رحت للعياده بسوي تحليل كامل اي شي بسويه لاني فيني شي مستحيل مافيني شي ..! سحبو مني كم علبه وقالو النتيجه بكرا جيتهم بكرا قالو سلييييم ياعبدالاله ...! ياادكتور مانيب طيب انا والله اقول له .. وابكي!! قال انت بس رح غير جو وبتصير طيب..! رجعت البيت زهقان جاني الوالد خذاني لشيخ يقرى علي وصرت الداوم عليه كل يوم والحمد الله صرت احس براحه ... جتني الوالده قالت ليش ماتروح لطبيب نفسي جرب .. طبعا وافقت ابي اعرف وش فيني رحت لدكتور سليمان الصغير قال ياعبدالاله انت مريض عضوي مننتب مريض نفسي والمرض والله نسيته بس انه في الاعصاب زي كذا انا ارتتحت اخيرآ عرفت وش فيتي.. طلع لي لوحه كلها ادويه قال كل هاذي علاجتك بس انا بعطيك هذا.. طلعت منه مع اني ماني مرتاح من الدكتور مدري ليه جيت البيت خذت علاجه < نسيت اسم العلاج .. احس بتعب وخموووول موب طبيعي.. تركة العلاج ماكلته قلت لنفسي الحين الدكتور يقول مصاب بالمرض في الاعصاب ليش ماروح دكتور اعصاب في عيادة الحبيب رحت وقابلت الدكتور وقال وش فيك وعطيته السالفه قال بنسوي لك تخطيط مخ واعصاب < ياااااااااليل ماخلصنا من التخاطيط رحت للغرفه حقت التخطيط جلست على الكرسي .. وركبو في راسي ولا 100 سلللك < باقي بطاريه واصير رجل أألي . سويت التخطيط ورحت لدكتور وقال مافيك شي !! وشلون مافيني شي والدكتور سليمان يقول انك مصاب بالاعصاب قال الدكتور ماعليك منه سببت فتنه بينهم هههههههههههه قال الي تبين لنا ان الخوف عندك مرتفع مره وقام ينصحني وقال ياولدي لاتفكر في المستقبل وكل شي ان شاءالله ببيكون زين لك لاتشيل هم ولا شي .. وبنعطيك علاج اسمه cipram خذ حبه كل يوم الى مدة ست اشهر ومر علي. رحت البيت وكلة العلاج والحمد الله ماصار زي الي عطاني سليمان الصغير من ناحية الخمول ولا التعب .. صرت اكل منه بس انا احسبه مثل الانفلونزا يوم ولا يومين بصير زي اول ... حسيت انه مافاد معي لاني جلست اسبوع ولا احس انه تغير معي شي.. وكان كل يوم يجيني حاله جديده مره ماقدر تنفس احس اني منكتم مره ارتتجف رجف موب طبيعي مره ماقدر ابلع ريقي لو اكتب لكم كلها بجلس يومين عشان اتذكر واكتب وانا مريت على المعهد وشفت الردود وكان اغلبها سير علي < ههههه المهم العلاج ماسوى معي شي في البدايه قالت الوالده انا بروح معك لدكتور سليمان مره ثانيه .. كانت الوالده مره قلقانه علي .. رحنا لدكتور سليمان قلت له اني ماكلت علاجك واني رحت لكتور ثاني حق الاعصاب وعطاني علاج ثاني < قام ينافخ علي سليمان قال ليش تروح له قلت علاجك اتعبني وسبب لي الخمول وبعدين انت قلت لي اني مصاب بمرض في الاعصاب عشان كذا رحت له وسويت تخطيط ... قال ياولدي انا ماقلت لك كذا الا عشان ماببي اقول لك انك مصاب بمرض نوبات الهلع وقال لي اشياء كثيره ... قال لي وشسم العلاج الي عطاك اياه قلت اسمه كذا ... قام وطلع اللوحه مره ثانيه قال هذا هو صح قلت ايه .. قال ماقلت لك ان فيه كم علاج يعالج المرض هذا قلت ايه .. سكت انا والوالده قامت تتكلم مع الدكتور وقام يفهمها وان مافي اي داعي للقلق في حالتي .. وقال استمر على العلاج الي تبيه واذا حسيت مافيه تحسن كل حبتين في اليوم .. وطلعت منه وحنا راجعين في السياره الوالده كانت مره مرتاحه لانها قابلت وحده في الاستقبال النساء ولقت وحده نفس حالتي بظبط فبعد ذيك المقابله ارتاحت من القلق ... ترى كل هذا باختصار شديد لان فيه اشياء مرت علي ولا ذكرتها لاني احس اني طولت عليكم... وان شاء الله اكمل لكم وش سويت لتخلص من المرض هذا... |
|
|
|
|
09-05-2009, 07:11 PM
|
#5 | |
|
عضو
|
الله ايكون بعونك يااخي وعونا فعلا نوبات الهلع اضطراب ليس سعلا بالمرة
انا اعاني منه منذ اكثر من عشرون سنة والى الان مازلت لا اقتنع بما يمكن ان تكون عليه ارجو الشفاء للجميع |
|
|
|
|
09-05-2009, 07:12 PM
|
#6 | |
|
عضو
|
الله ايكون بعونك يااخي وعونا فعلا نوبات الهلع اضطراب ليس سهلا بالمرة
انا اعاني منه منذ اكثر من عشرون سنة والى الان مازلت لا اقتنع بما يمكن ان تكون عليه ومازلت ادور في نفس الحلقة وربما ستستغرب اذا قلت لك اني وانا الان ابلغ من العمر 35 عاما ولم اسافر خارج مدينتي قط عسى الله ان يعوضني برحاب الجنة ورفقة نبيه امين ارجو الشفاء للجميع |
|
|
|
|
18-05-2009, 10:39 PM
|
#10 | |
|
أخصائي نفسي
|
روحك العاليه يااخ عبد االاله وصبرك هو سبب شفائك باذن الله
والله يحفظ والدتك ويطول بعمرها وكيف انها اكتشفت انك تعاني من اضطراب نفسي في انتظار تكلمه القصه اخوك يزيد اخصائي نفسي |
|
|
|
|
01-06-2009, 06:39 PM
|
#14 | |
|
عضـو مُـبـدع
|
الله يشفيك اخوي مانشستراوي
والهرجة مي نوبات هلع الهرجة ما فيها قلق موضوعي عادي انت صاحب شخصية وسواسية وبس طبعا تحتاج للسبرام ولمدة كويسة كمان ولكن انت منت مريض صدقني لو تبيني انصحك ... ابي انصحك تسمع شريط من التسجيلات الاسلامية اسمه حكايات من العيادة النفسية رايح يعجبك ورايح تستفيد منه كثير تمنياتي لك بالصحة الوافرة ولا تنسى انك في الاساس تحتاج الى تقوية شخصيتك وبس |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
