ممكن ارجع

ممكن ارجع

السلام عليكم
اخوي ممكن ارجع صبحك الله بالخير
ودي اسالف لك عن حالتي النفسية واتمنى منك تشخيصها ماإذا كانت هلع وذعر او رهاب اوغيرها
تحياتي لك,,

المصدر: نفساني

يا هلا والله اخوي عليل ...

صبحك الله بالنور ...

تفضل قول اللي عندك وان شااء الله اقولك اللي اقدر عليه ...

اتشرف فيك اخوي ..

آمرني بس...

حياك اخوي (ممكن ارجع) يانشمي
ظلت انطرك في اصبح لكن ماعطيتني ويه قلت يمكن مشغول بعدها تركت انا الجهاز
طبعا انا عضو يديد في موقع(نفساني) الموقر وأول مادخلت لفيت شم لفه على المنتديات حتى شفت مشاركتك مع بعض المشاركين وردودك السنعه واسلوبك الزين وايضا خبرتك,
أبدأ واقول بسم الله الرحمن الرحيم:

قبل تقريبا 3 سنوات أثنا ماكنت امنوم بالمستشفى اثر نوبة مرض تكسر الدم المنجلي الحاد في احد الليالي بعد منتصف الليل وانا على السرير اتوجع من آلام المرض ومزاجي كان جدا سئ فجأه انقلب كياني حسست بفقد التوازن كأن الأرض لاتستوعب جسمي ولايوجد له حيز كأن الاستقرار هو الحاسة السادسة وهو صمام امان وفي هذه الحاله انفلت هذا الصمام بحيث في هذه اللحظات انصرف ذهني وتفكيري الى الانهاية ارى نفسي وروحي كانها تهوي الى الانهاية ولازمن وكانت هذه الحاله شديده ولايمكن ان اقارنها بالمرض الذي ادخلت بسببه المستشفى وهو من الامراض الخطيره بعدها تركت السرير وتوجهت الى الممرضين وانا احاول ان اجمع قواي في حاله ذعر مخيف وكان الطبيب المناوب موجود على طاولة التمريض وأخذت اذكر له اني متعب ياالله ياالله اخوي( ممكن ارجع)
لاانسى مدى الصعوبة وانا اقف الى الطبيب والممرض والصعوبة تأتي من جهة :1- كيف اقنع الطبيب او الممرض بالحالة التي انافيها كون اني اعاني من مرض مزمن في الدم واصحاب هذا المرض يدمنون على المسكنات مثل البتدين وغيرها والاخصائين ليس من اسهوله يعطون المريض مسكنات قوية يعني الطبيب بظن اني قاعد اتحايل
2-انا وحالتي النفسية في وادي ومن حولي في وادي ثاني لايدركون ماأنا فيه هم يرون جسم وصورة انسان طبيعي ليس فيه كسور ولا جروح ولا حروق او اعراض اصابات خارجيه تستدعي التدخل السريع والواقع ان من في هذه الحاله لاتقل معاناته عما هم في حالة طارئه يتدخل فيها الاخصائي بشكل مباشر
المهم ارجع لوصف الحالة اخذت اذكر لطبيب ماانا فيه وكانت تخرج مني كلمات مثل قبر موت نار محاولة مني في لفت انتباه الدكتور لكن هالطبيب الله يسامحه قال لي تعوذ من الشيطان وروح الى فراشك نام انزين دخلت للغرفه دخلني الممرض وحطني على السرير وارجعت ثانية للممرض واوصف له الحاله طلبت منه ياخذ ظغط الدم واخذه وقالي طبيعي وداني الى السرير وياسبحان الله اشلون رق على هذا الممرض مع انه في من القساوه على المرضى وياب لي ابره وعطاني ايها في الوريد بعدها خدرت ونمت ولاجلست الا اصبح بعد فتره طلعت من المستشفى قمت اوصف الحاله حق زوجتي بس ماأستطيع وصفها من الغرابه اللي فيها ابكي ابكي يالله

اخوي ... السلام عليكم ...اولا ما تشوف شر

انا احس انك ما خلصت سالفتك ..!! صح؟

شوف اخوي انا بنطر تكملة السالفه ..وحاول تركز على الجانب النفسي اكثر واقولي وين وصلت بالمرض؟
هذا اول شي ...!.!

ثاني شي في جم سؤال ما عليك امر تجاوب عللي تبييه .....

من متى فيك مرض تكسر الدم ؟

ومتأكد ان هذي مو اعراض التكسر ؟

وشنو الاعراض بالتفصيل اللي تجيك ...؟ وكم مدتها ؟

ما طبيعة مرض التكسر ..يعني كل شهرين تاخذ دم ولا شلون ؟

شنو الاشياء اللي تفكر فيها وانت بهالحاله بصراحه اخوي؟

شنو نظرتك للحياة ...؟
كم عمرك ؟
حالتك الوظيفيه ؟
تطلع من البيت ولا لما تطلع تتوتر وتخاف ؟
زرت طبيب نفسي من قبل ؟ واذا اي ؟؟شعطااك ؟

من يومها ما في تحسن ولا 10 % ؟

اتمنى انك تجاوب ... وما تشوف شر

حياك الباري اخي ممكن ارجع وهذه عوده حميده اليك عزيزي طبعا راح اتكلم عن الجانب النفسي وهو في غير النفسيات وبلاويها....الحمدلله على كل حال
*إشر مايجيك إن شاء الله تسلم اخوي
*مرض التكسر عندي من وانا ازغير طفل وهو مرض ينتقل عبر الوراثة
*طبعا ليست اعرض مرض التكسر متأكد ونص
*اذا تسألني عن اعراض مرض التكسر فهي الام مبرحه للغاية يذكر لي البعض انه سأل زوجته وهي مصابه بالمرض كيف الام التكسر قالت له انا مستعده ان اولد 7 مرات ورا بعض ولا الام التكسر وانا اقول لك تخيل انسان يضر ب بالهراوة دون انقطاع ضرب جامد اشلون الالم عنده هالشكل وانا شخصيا فقدت اختي وابن عمتي بسبب هذا المرض والعديد من اللي اعرفهم رحلوا من هالدنيا وهم في زهرة الشباب يعني انا ماشفت الى الان شايب فيه تكسر إموتوا وهم شباب
*مدة الاعراض حسب مستوى النوبة وقوته احيانا اسبوع اسبوعين شهر
* ليس بضرورة اخذ دم لان المشكلة ليست في نقص الدم المشكله هي الام ممكن المريض اموت فيها
*في هذه الحاله يعني وقت نوبة الام التكسر ينتابني القلق والخوف والتفكير في الموت واشتاق حق اطفالي خاصة عند نزول النوبة
*بالنسبة نظرتي للحياة على اساس اني انسان محبط غير سعيد كون وضعي الصحي سئ بالتالي بقية جوانب حياتي هي ايضا تأثرت لايوجد تميز .
*قبل ماأكمل لك الاجوبة بحط لك رابط يتكلم عن مرض الدم المنجلي وهو موقع وراثه وهناك مواقع اخرى اليك الرابط :
http://www.werathah.com/phpbb/forumd...er=desc&page=7
* عمري 36
* عاطل
*نعم اطلع من البيت واحيانا مااطلع بسبب الشعور بالخجل والفشل وهذا الامر اعاني منه ايما معاناه يعني تشوفني مع شباب او واحد اتكلم معه في موضوع معين فجأه انسى ويش بقول او إذا سألني عن نقطة هي ضمن موضوعي اللي اتكلم فيه ماأعرف اجاوب بعدها اتفشل واشعر بالخجل واتمنى الارض تبلعني في ذيك اللحظة يعني لو بتقول لي قولي شنهو شفت في نشرة الاخبار او قولي نتيجة القصه الفلانية في التلفزيون صدقني اضيع ويختفي كل تركيزي والله هذه بعد حاله مشكله عويصه
* نعم العام الماضي زرت المصحة النفسيه وذكرت له حالة اني مااستطيع اتكلم مع شباب او اتكلم بس اضيع في كلامي بعدها احس بالفشيله وياليت الارض تبلعني ساعتها وكلمته ايضا عن حالة نوبة الذعر والهلع وقال اللي انت جاي متأخر وعطاني حبوب قرشتين وانا متردد في اخذها لكن اخذتها حتى خلصت من عندي بعدها مارجعت الى الطبيب الى يومك هذا وحالة الخجل من الكلام مع الغير بعدها مازالت عندي حتى فكرت اني اخذ حبوب الجنكه قلت يمكن عندي ضعف في الذاكرة وعدم تركيز لكن انا الحين اخذ كبسولة هي مكونة من الثوم ورويال جلي والحبة السوداء حسب كلام الصيدلي هذه احسن من حبوب الجنكه واليوم تقريبا 14 من استخدمتها لكن بعدني أتيه واضيع في مواجه اي نقاش .

اهلا اخي عليل ....

والله ضيقت خلقي ...والله ما اقول الا الله يعينك ...شفتو يام مهلوعييين شفتو يا ناس في ناس تعاني اكثر منا ...

اخوي عليل ...حتى الان بدت تتوضح بعض الامور ...طبعا ما ذكرتلي اعراض النوبه ..!! اللي اهي نوبة الهلع ..؟

اها يعني ما تطلع خوفا انك تطيح بره ؟؟لا لا تخاف من نظرة الناس ...!! ,,,

اخوي عليل كلمني اكثر عن مشاعرك ...مشاعرك فقط ...تجاه اللي قاعد يصير فيك ..!!

والله ضيقت خلقي ...والله ما اقول الا الله يعينك
اخوي(ممكن ارجع) صراحة انا متردد على من اطرح حالتي والحين زاد عندي التردد لأن ماودي اعكر مزاجك

هلا اخوي عليل ...

خخخخ ..بالعكس ماراح تعكر مزاجي ....

اتمنى اساعدك ...يعني الواحد لازم يضيق خلقه .. بس على راحتك ..

وانا تقريبا واضحه مشكلتك عندي ..بس يبيلها شوية معلومات عن مشاعرك ..يعني الحين شتفكر فيه ...شنو احساسك تجاه حالتك ؟؟

اخ عليل


انا فهمت حالتك لان مره حطوو بالتلفزيوون عن حالة نوبة الي فيهم تكسر بالدم

الله يصبرك اخووي بس اكــيد في علاج لك احد يتبرع بالدم

او يعطونك مسكناات

؟؟؟

اي اختي همس المشكله اذا اندمجو النوبتين مع بعض نوبة التكسر ونوبة الهلع ..او الرهاب ..!! هني تصير كارثه ... بس حلها سهل باذن الله

بإذن الله الله يشفيه ويصبره ياااارب

اخوووي عليل لا تصيق خلقك تر احنااا معااك

ياااا اخوووي عليل

(( لولا الأمل مابقاا بالدنياا رجاااوي ))

والله يحفظك من كل شر

اي والله ....

وما ابي اسمع رجاوي ..!!