هل عشت حياتي مرتين ؟ او اني اعيشها بالنيابة عن شخص اخر ؟

هل عشت حياتي مرتين ؟ او اني اعيشها بالنيابة عن شخص اخر ؟

الموضوع ، على ثلآث أجزاء ..

:rolleyes:


السلام عليكم ورحمة الله وبركأتة .... أما بعد ! :cool:

بدون مقدمات ... لاني ما احبها !


((قد مر على احد منكم يوم من الايام عاش لحظه او مر عليه موقف تحس انه سبق وان عاشه بكل التفاصيل..))

يعني مثلاً تكون على الماسنجر يكلمك شخص .. تحس ان المحادثه ذي صارت قبل كذا بنفس التفاصيل .. نفس لون الخط .. نفس التوبيك .. نفس النوافذ اللي انت فاتحها .. نفس الصوره الشخصية .. نفس الكلمات والجمل ؟
.............. ..............
باختصار كانك جالس تشوف فلم سبق ان شفته قبل كذا
............ .............

او انك تروح مكان معين .. ما سبق انك رحت له قبل كذا .. وتقابل شخص .., اول مره تشوفه في حياتك

فجاءه .. تحس انك كنت هنا في يوم من الايام وشفت هذا الشخص .. ودار بينكم نفس الكلام بنفس الجمل ونفس الكلمات

حتى احياناً لما يقول كلمة .. انت تتوقع الكلمة اللي بعدها في نفس لحظة نطقه لها .. يعني كانك عايش اللحظات ذي من قبل!!


تحاول تتذكر .. متى شفت الشخص ذا ؟ او متى جيت هنا ؟. حتى جوازي مافيه ختم الدولة ذي ؟

انا يصير لي الشئ ذا كثير :cool: ... لدرجة اني صرت افكر باشياء ( يالله تعفو عنا )

اول كنت اعتبرها من الـ( باراسيكولوجي ) .. " علم الخوارق " .. وقريت في كتب كثيره عن الظاهرة في محاولة ان اوصل لحل اقتنع فيه .. لكن بعد ما عرفت ان الأغلبية مروا بمواقف زي كذا صرفت النظر عن البحث في العلم ذا .. " يعني طلعت انسان طبيعي "

:biggrin:
اكثر الحلول اللي لقيتها .. ماهي مقنعة .. وبعضها مستحيل
عشان اعرض لكم الهدف من الموضوع
بتسلسل بالحلول اللي وصلت لها



اولاً قالوا ان الجنين في بطن امه يشوف ( شريط مصور ) لكامل حياته في المستقبل
يعني كل شئ يبي يصير لك يعرض لك وانت في بطن امك في شريط سينمائي
( تجلس مع كوب ذره .. وتحط رجل على رجل في بطن الوالده :smile: .. وتشوف وش يبي يصير لك )

يتـ ..... ـبع .....

المصدر: نفساني

اتوقع ان الطفل يبكي حالما يولد من المصائب اللي شافها في الفلم :wink:
ولكن ينسى اغلب المواقف .. ويبقى في ذاكرته جزء بسيط من المواقف اللي مرت عليه

فاذا مر عليك موقف في حياتك ( بعد الولادة ) .. وكان الموقف ذا من ضمن المواقف اللي للحين مخزنه في الذاكره .. ( من الفلم ) .. تحس انك عايش اللحظه ذي قبل كذا وبنفس التفاصيل
بينما انت في الحقيقة تتذكر( الفلم ) اللي شفته في بطن الوالده :biggrin: " مسرح مو بطن "
اخذت الحل ذا مدة من الزمن رغم اني ما اقتنعت فيه .. لكن كان هو الوحيد المتوفر


بعدين سمعت عن تناسيخ الارواح وراقت لي الفكرة .. قلت يمكن بقى معلومات مخزنه في الروح قبل لا تحل في الجسد ( وما تفرمتت زين ) .. << الله من زين التعابير :smile:
فلما يمر عليك الموقف تشوفه بعينك وتسمعه باذنك .. يروح المخ يبي يخزن الموقف يحصله موجود مسبقاً .. فتحس انك عايش اللحظه ذي من قبل بنفس التفاصيل .. والحقيقة ان اللي عايش اللحظه ذي هو الروح اللي حلت في جسدك :smile: .. يعني انت جالس تسوي " ريبلاي " لحياة واحد ثاني
قريت كتاب عن تناسخ الارواح .. لكن من الخرابيط اللي حصلتها في الكتاب .. ايقنت انها ماتخش العقل
قال ايش ...؟ قال نسخ : حلول الروح في جسد ادمي والمسخ : حلول الروح في جسد حيوان و الفسخ : حلول الروح في جسد حشره .. والرسخ: حلول الروح في جسد جماد شجر وإلا حجر

يعني بالعربي خرابيط .. من تشوفها تدري انها غير قابلة للتصديق



اخيراً اكيد بعضكم سمع عن ظاهرة " دي جافو " او استباق القدر
الظاهرة ذي تشرح شلون تحصل لك انك تحس بانك سبق وان عشت اللحظة ذي


الفكرة ان المخ يتكون من فصين .. صح ؟
فص ايمن .. وفص ايسر
العين اليمنى مرتبيطة مع الفص الايسر
والعين اليسرى مرتبيطة مع الفص الايمن


فلما تشوف شئ قدامك .. تاخذ العين اليمنى المعلومات وترسلها للفص الايسر في المخ
في نفس اللحظة .. تكون العين اليسرى جالس تاخذ المعلومات وترسلها للفص الايمن في المخ

اللي يحصل في حالة " دي جافو " ان وحدة من العيون تتاخر في إرسال المعلومات للفص المعين
بينما تكون الثانية ارسلت وخلصت .. والمعلومة تخزنت في الذاكرة
فلما تجي العين الثانية ترسل المعلومات للفص الخاص فيها .. وتبي تخزن المعلومات في الذاكرة وش تحصل ؟


تحصل ان العين الثانية سبقتها .. وان المعلومات " اوردي " موجودة في الذاكرة .. يعني صعب انها تسوي " اوفر رايت " على المعلومات اللي موجودة .. لذلك يحصل " ايرور " يتنبه له العقل .. ويحس ان الانسان انه عاش اللحظة قبل فترة طويلة بس مايعرف متى ؟ ولا كيف ؟.
بينما في الحقيقة ان اللحظه عاشها قبل ( اجزاء صغيرة من الثانية هي مدة تاخر العين او تاخر الأعصاب في النقل ) لكن وحدة من العيون هي اللي تاخرت في إرسال المعلومات او تاخر سريان السيالات العصبية في الانسجة .. او تاخرت عملية المعالجة والتخزين عن العين الثانية .. المهم اي مصيبة من اللي فوق صاروا :smile:

يتـ ..... ـبع .....

إلى هنا تمام ... !

اليوم ( منبطح ) على سريري وقدامي الجوال والدخان .. وموقفهم وراء بعض بطريقة ( طوابير العسكر )
لما اناظر لهم

بعيني اليسرى بس واسكر عيني اليمنى :biggrin:
تطلع الصورة ذي

( لا حظوا ان شعار الشركة نصه طالع وحرف الـ R والـ I ظاهرين )



لكن لما اسكر عيني اليسرى وافتح عيني اليمنى بس

تطلع لي الصورة ذي


تشوفون شعار الشركة اختفى ؟؟؟
رغم اني ماتحركت من مكاني






الخلاصه .. عندي سوال .. محيرني ..


المخ يخزن الصورة اللي تلقطها العين اليمنى .؟
او يخزن الصورة اللي تلقطها العين اليسرى .؟
او يخزن الأثنين بصورة منفصلة .. مما يعني ان تفسير ظاهرة " دي جافو " غير مقنع لان المعلومات ماراح يصير فيه حاجة انه يسوي لها " اوفر رايت " لأنها مختلفة !






تدرون .. هونت عن الموضوع :cool:
ياشين الفضاووه متى على الله بس تجي الدراسة

متى افتك من هالمعهد اللي انا فية وتجي الدراسة ...

..

عيال ، بنات ، وش السالفة ، ماطلعت الصور!!!!

موضوعك حلو عبدالمجيد ودايمآ نتسائل عنه وبصراحه ضحكتني بعض التعلقات الي كاتبها الله يسعدك

احس حنا اصحاب الهلع محتاجين للضحك وشي يشغل تفكيرنا وننسى اوجاعنا

لانه لماكنت اقرا موضوعك حسيت اني انسانه ثانيه طبيعيه مره ولما بس انتهيت رديت لوضعي ليه لان تفكيري ومخي انشغل بقووه عن الوسواس والاوجاع الي تجيني

بس آخر فقره هي الي لعبت فمخي ومافهمت شي ابدآ

يعطيك الف عافية


المهم لاتحرمنا من جديدك

كما أسلفت يا رائد ظاهرة تناسخ الأرواح كلها خرابيط .. و ما الها أساس من الصحّة .. كل إنسان له روحه الخاصة .. و من بحث في أمر الروح خارج إطار الدين تاه .. لأن الروح من الغيبيات التي لا يمكننا إدراكها بحواسنا .. كل ما نعلمه عن الروح يقينــًا فهو من مما أخبرنا به رسولنا مما أخذه عن ربه .. ( و يسألونكَ عن الروح .. قل الروح من أمر ربي )

عزيزي رائد .. ليست كل الظواهر الطبيعية لها تفسير عند العلماء .. أحيانــًا بعض الظواهر البسيطة جدًا و التي تحدث بشكل يومي ليس لها تفسير عند أي إنسان .. ( و ما أوتيتم من العلم إلا قليلا ً ) ..


و يسعد صباحك ..


سموّ!

يعطيكم ألف عآفية على مشآركآتكم الأكثر من رآئعة معآلي العضوة النشطة : عذوب ، وسعآدة مشرف ملتقى الأدب أستاذي : سموّ! ، شرفتوني ، وتصدقون كتبت الموضوع ورحت أصلي الفجر وتقلبت إن مآي بآد بت ، مآجآني نوم:smile: <= يعني شوفوه يتحجى انقلش هههههه ، وقلت لـ نفسي خليني اشوف موضوعي واتطقس عن المستجدات إن وٍِجدت ، الحين وأشوف إلا أتاريني قآلب أومٍ الطآسة في الموضوع ، نآسخ التابع الثاني من الوورد ومنزلة هنا مرتين واحد بأحمر والثاني أسود بالخطأ مادريت والا بعد مطلسم بعض الكلمات وطآمرها ماعدلتها ، لكن ياللة أهم شيء وصلنآ الفكرة مثل ماحبينآ نطرحهآ لكم ، أبي أقوم أحط رآسي ورآي محآضرآت شوي ، أدعوا يجيني نوم بس ، مآلها دآعي نوآصل وأخربها أفطر هههه <= أمززح ترى ماشاء الله علي أتحمل ظغوط الحياة اليومية بكل سلآسة ولوني صايم حتى :cool:

<= أي هينّ! ..

تحيآتي ..

كل الشكر للمشرف الذي نسق الموضوع ،

مشكور أخي رائد بارك الله فيك

سلامات والله.....شكل عندك مغص في التفكير

شوف أخوي ما أدري إذا من جدك ولا لا......بس أنصحك لا تتعمق في قرأة الغيبيات وأمور التخاطر والتناسخ والخرابيط النفسية هذي..........لأنه فيه أمور الجهل فيها أحسن
كل ذي الأمور والتخاريف خرجت من المفكرين الملاحدة الذين يؤمنون بالطبيعة والعلم ويعتقدون أن ما فيه قوة وقدر ألهية، عشان كذا من غبائهم وتخلفهم شوفهم إلى الآن يبحوث عن الموت وحقيقته وكيف يقدرون يمنعنونه.........استغفرالله العظيم وأتوب وإليه..........والحمدلله على نعمة العقل والإسلام
قبل تقريباً أربع شهور كنت أتناقش مع طالب ملحد كندي عن الإسلام والحقيقة والألهية، المهم أخذنا الحديث عن نظرية داروين في النشأة والإرتقاء، والله مع إنه طالب دراسات عليا وعمره يمكن 36 إلا أني اكتشفت إنه أجهل خلق الله واكتشفت مدى السذاجة والتخبط اللي عندهم، عندهم أفكار غريبة ولا طفل صغير ما تمشي عليه ...... الحمدلله على الهدى والنور ............ واللوم علينا اللي مقصرين في نشر رسالة الوضوح والعقل والمنطق لكل التائهين في العالم

معليش أتفلسفت شوي وشطحنا عن الموضوع

شكراً على الطرح الممتع .....موفق لكل خير

لا تتعمق فهالامور ما ودتنا بداهييه الا التفكيير العميق بالغيبيات
عشان كذا انا متاكده ان اصحاب نوبات الهلع هم من اذكى الناس

اختي مطمئنة الموضوع كلة ، حديث نفس وطرحتة هنا بهذه الصيغة وانا اعلم ان الغيبيات من امر الله سبحانة وتعالى وشكرا لك على تعقيبك ومرورك الجميل ، الله ييسعدك دنيا واخررة ويشفيك ويشفي كل مرضى المسلمين أمين يارب العالميييين..

تحيآ’تي..

ابشري اختي :سجينة افكاري ، ولو ، إن شاء الله ماراح اتعمق في هذا التفكير ، اشكرك على مرورك ، ولكي مني اجمل تحية ..

شكرا لك على مرورك العطر ، اخي الشاكر ..

يعطيك الف عافيه عبدالمجيد ....