صباح الخير ياجماعه النوبه جنتى قبل شوى وللحين ماسكه معاى افيدونا الله يجزاكم خير

صباح الخير ياجماعه النوبه جنتى قبل شوى وللحين ماسكه معاى افيدونا الله يجزاكم خير

السلام عليكم انا لما تجينى النوبه ادش هنيه ولما اتواصل مع الاعضاء والله تروح النوبه لانهم يخففون عنى بعد الله سبحانه تواصلو معى الله يخليكم ترى تعبان لما ادش لاتقرى وتطلع در على وقول اى شى ترى كلمه تساعدنى

المصدر: نفساني

الله يشفيك أخوي تذكرني بنفسي في بدايات الهلع ومازلت بس الإكتئاب الحين زهدني في كل شئ صرت حتى ماودي أشكي

الله يشفيك يارب...

الله يشافيج يارب بس ياجماعه انا ادرى انكم تبون تخففون عنى وهذا كرم منكم بس اتمنى ان محد يخرع الثانى ويقوله بيصير ولا بيصير لانه الى فى نوبه الهلع يبى احد يطمنه مطمئنه شكرا على مشاركتج بس طمنونى ياجماعه تكفه

بعدين النوبة هذي طنشها خلاص فكتك وراحت مع السلامة طريق يودي ما يجيب ليش ماسك فيها أنت وملزم عليها إلا تقعد معاك

افتح الباب وأطردها وبااااااااااااي

جد نوبات فاضية لا شغل ولا مشغلة لقتنا حنا المساكين نعطيها وجهة قامت عسكرت عندنا .... غثااااااااااثة

يا أخوي وسع صدرك والله الدعوى مو مستاهلة بعد شوي بتضحك على روحك

قول أعوذ بالله من الشيطان الرجيم

شكرا مطمئنه قواج الله والله كلامج يريح اى ياجماعه تواصلو معاى الله يشافينا ويشافى المسبمين

انا الاكتئاب جانى وراح الحمدالله والله لما صار فينى اكتآب قريت كتبا لاتحزن حق عايض القرنى والله العظيم وخر الاكتآب مره وحده انصحج فيه
وينكم يالاعضاء شاركونا محتاجين ردودكم

يا أخوي خذها نصيحة مني ومن أخت مجربة 8سنين
مافيك إلا العافية واللي فيك خرابيط ووساوس مالها داعي
ولا تقعد تنتظر أحد يطمنك لأن ما أحد بيقدر يفيدك ويطلعك من المود المزعج اللي أنت فيه..... غير نفسك

قوم توضأ وقول بعد الوضوء أشهد أن لا إله إلا الله وأشهد أن محمد رسول الله
حسبي الله لا إله إلا هو عليه توكلت وهو رب العرش العظيم 7مرات
أعوذ بعزة الله وقدرته من شر ما أجد وأحاذر 7مرات

وأمسك المصحف وأقرأ بهدوء وبترتيل لأن الترتيل سبحان الله يضبط النفس ويسوي relaxation

بعد كذا أتحدى الشيطان يقربك ولا تأثر فيك وساوسه وأتحدى لو ماراتحت

تصدقين كل ما اسمع احد يقول صارلى سنه والى يقول سنتين وانتى تقولين 7 سنوات اتضايق احس انى طول لان صارلى شهرين انا وتعبااااااااااااااااان جدا يعنى بطول معاى والله تكدرت

ليش أخوي أنا أعرف ناس شهر وتشافوا كله بالقرب من الله ومن الشجاعة وقهر الشيطان ووساوسه
لا تتكدر ولا شئ
كانك كذا تيأس وتقنط من رحمة الله، القادر أن يكشف عنك بأقل من غمضة عين

فقط الدعاااااااااااااااااااء
وتذكر وعد أصدق القائلين (قريب أجيب دعوة الداع إذا دعان)



ابتسم :-) وتفاءل فأنت مؤمن موحد مأجور على معاناتك وخيرة الله رفيقك إينما كنت ....... أمرك كله خير حتى معاناتك الآن خير لك من الله وزيادة ثواب وتكفير خطايا ......... فلما الكدر؟؟؟؟

طمن الله قلبك ومتعك بسعادة الدنيا والأخرة

الله يكثر من امثالج اخت مطمئنه وشكرا على تواصلج مع ان الاعضاء بخلو على بالتواصل بس شكرا لكم

أخوي صلاح كيف الأمور الحين؟؟؟

إذا الأمور مش ولابد

قول لنا بالتفصيل خايف من إيش بالضبط؟؟؟
لأن تعرف كل وسواس له دواء ووصفة خاصة ....... خبرة لا تستهين فينا :-)

هههههه الله يجزاج خير انا اقولج شنو المشكله
انا قبل شوى كنت خايف من النوبه تجينى وبعدين جتنى النوبه احس ان حياتى توقفت احس ان بظل جذى على طول وبعدين خفت النوبه وبعدين صرت اخاف اكل من شنو مادرى انا خف وزنى حيل لانى ما اكل بس توه تشجعت وكليت الحمدالله والخوف ان النوبه تجينى يعنى انا خايف الحين اروح صلاة الجمعه خوف لاتجينى النوبه هناك لانها جتنى الجمعه الى فاتت فيدونا وياريت الكل يشارك

بس بعد ما اكلت ارتحت الحمدالله

طيب بتروح المسجد وبتجيك النوبة
وإذا جات سلمي لي عليها وقلها المرة اللي فاتت ضحتكي علي وقلتي لي الموت بس هذي المرة ماراح أصدقك لو تنفضيني نفض ......... وإذا جاية بتخوفيني من الموت الحمدلله أنا في بيت الله وخاتمة حسنة وإن شاء الله بالجنة لأن الله لا يدخل النار من كان في قلبه مثقال ذرة من إيمان ...... بعد كذا راح تروح ذليلة ومتفشلة بعد من سواياها ........... أجل وشو على بالها إنك مخفة ضعيف بسرعة ينضحك عليك:-)

وعلى فكرة أخوي النوبة ماتجي كذا عادة يسبقها تفكير فلما تحاول إنك تتهرب من الأفكار اللي تجيك تقوم النوبة تلاحقك وتسد عليك الطريق...... فعشان كذا أول ما تجيك الوساوس والأفكار أقعد ناقشها فكرة فكرة بإقناع تقولك مثلاً عندك مشكلة صحية فيك سكتة قولها أول أنا سليم ومسوي فحص يعني معقول تجيني المشكلة فجأة .......... تقوم تقولك طيب بكيفك بس ترى بتموت وأنت مذنب ومخطئ وسويت كذا وكذا فقولها طيب الله أرحم فيني من نفسي ومن أهلي وإن مت بروح بين يدي الرحيم الرحمن اللي وعد بأن يدخل الجنة من كان يشهد بلا إله إلا الله محمد رسول الله على ما كان من عمل

وكذا بهذي الطريقة ناقش أفكارك بهدؤ

فالك العافية حفظك الله