الله يرحم من يساعدني

الله يرحم من يساعدني

السلام عليكم ورحمة الله وبركاته ..

حياكم الله ...

أول شي ..شاب عمري 20 سنه ادرس ...وخلال جلوسي بالقاعه جاني زي الكتمه ,وبعدها طلعت وشميت هواء وصرت تقريبا احسن من اول بعدها ..جاتني الكتمه بقوه وطلعت من القاعه وحسيت ان الموت جاني ..ورحت لمسنوصف وخذيت اكسجين وصرت احلا من اول ...

وبعدا ذا كله حسيت بالكتمه وشي زي الغثيان .المهم دخلت للأسعاف وانا في حالة انهيار ماقدر اتكلم كل الي ابيه اكسجين ..وفعلا عطوني اكسجين وتخطيط قلب لاكن الاكسجين وتخطيط القلب كانت نتائجه كويسه ..وكنت احس اني بمووت لدرجة اني اتشهد .واحس بطلعة الروح واحس اني في حلم وهذا اخر يوم لي في الحياة ..وكلموني الدكاتره قالو انت مافيك شي ..لاكن بندخل في الاوعيه ماده ممكن ان فيك جلطه المهم خلصت من الاشاعات وسويت كل شي قالو لي أنت فيك التهاب بسيط في الغده الدرقيه ...ويمكن فيك شيء أسمه نوبة هلع وانا صراحه خايف أني اروح الدوام كله اخاف تجيني النوبه مره ثانيه ؟؟؟

السؤال وش اسوي اذا جاتني مره ثانيه لاني بعدها احس بزي الغثيان

والسؤال الثاني ..هل فيه علاقه بين الغده الدرقيه ونوبة الهلع

السؤال الثالث ..أسئل الله أن يجزى ويشفي كل من يرد علي

وشكرا ...:shokrn:

المصدر: نفساني

مرحبا بك في عالم الهلع
والله اعراضك شائعه بينا مالك الاحلين ياتحاول تتعالج سلوكي وتقاوم الهلع
ياتروح لطبيب نفسي ويصرفلك. الدواء المناسب

سؤال /اذا كنا جالس في البيت تجيك النوبه ؟

وعليكم السلام ورحمة الله

بالنسبة لسؤالك الأول إذا جت النوبة أذكر الله واستغفر وحاول تكون
طبيعي ولا تخاف لأنك كل ما خفت وتوترت راح تزيد الحالة وحط في بالك إن هذي
نوبة هلع كلها كم دقيقة وتروح وفيه غيرك كثييير يعانون منها وما سببت لهم شي ؛ وشوي شوي بتلاحظ انها بدت تخف استمر بالاستغفار وأشغل نفسك بأي شي لحد ما تروح .

وبالنسبة للسؤال الثاني ماعندي خلفية وإن شاء الله يفيدونك الأعضاء

الله يشفيك ويشفينا يارب

آخواتي سحر ومزاجيه شكرا وجزاكم الله خير

بالنسبه آنها تجيني في البيت ولالا.. لا ماتجيني بالبيت

لاكن هل فيه اشياء زي ماقريت هي الي تجيب النوبة مثل القهوه والشاهي والتدخين والخ ..

وياليت الأخوان والأخوات يفيدونا هل توجد علاقه بين نوبات الهلع والغده الدرقيه

لاكن الحمدالله الحين احس اني احسن من الأيام الي قبل ..

ومدري هل الشخص من أول نوبه تجيه لازم يزور الدكتور النفسي ..؟

لاطبعا مو لازم
طيب الحين وش تفكر فيه او وش تخاف منه

منيب آخاف من شيء آبداء وأحس اليوم الحمدالله

اني احسن من الأيام الي قبل ..

اخي العزيز اهلا وسهلا فيك بين اخوانك اول شي اذا كان عندك اللتهاب في الغدة الدرقية فاعتقد والله اعلم انها هي السبب لان اول شي يتاكدو منه الدكاترة سلامة الغدة الدرقية لانها اتسبب نوبات الهلع ثاني شي لا مو ايا شخص اتصيبو نوبة هلع يحتاج يروح طبيب اغلب الناس تيجيها نوبة هلع مرة او مرتين بالعمر كلو ... اهم شي انت ما اتخاف و انا اعتقد انك اذا اخذت دوا للغدة الدرقية اعتقد ما تيجيك النوبة بعد كذا ابدا بس اهم شي انك ما اتخاف نوبة الهلع ما تعمل شي بس اتخوفك و اتروح اتوكل على ربنا و اهم شي ما اتخاف منها لانك اذا خفت منها اتزيد ....و الله الموفق

اخى لازم تراجع دكتور بخصوص الغده لان ع حد علمى ان الغده لها علاقه بالهلع لو كان فيها اختلال باى شىء وده بيبان بتحليل للغده كما انها بتكون سبب ف زياده ضربات القلب اما لو مفيش مشاكل ف الغده فكده الامر نفسى ربنا يعفو عنا جميعا

السلام عليكم ورحمة الله وبركاته


اهلين فيك اخوي ابو شعولي نورت المنتدى

ترى الحاله الي فيك بسيطه لا تعطيها اي اهتمااام

فتره وتعدي باذذذن الله وحمد لله دام ما معك ششي كلها احاسيس وهميه تخليك تخاف

فـ نصيحتي دامك في اول الطريق لا تفكر فيها ولا تعطيها اي اهتماام

السؤال وش اسوي اذا جاتني مره ثانيه لاني بعدها احس بزي الغثيان

والسؤال الثاني ..هل فيه علاقه بين الغده الدرقيه ونوبة الهلع

السؤال الثالث ..أسئل الله أن يجزى ويشفي كل من يرد علي

حبيب قلبي ابو شعولي .. يسعدلي مسآكـ ..

اسمك حلووو مثلكـ ..

ابو شعولي ..لا تهمك ابدا .. هذي نوبه عاااديه جداا .. يعني لا تضرك ولا تنفعك ..

انت الي تخليها تضرك .. انك تفكر فيها .. اسحب عليها متى ما جتك جتك ..

طبعا لا تفكر فيها عشان ما تجيك .. واذا جتك .. خلك عااادي ولا تخاف ..

لانها تزيد مع التوتر والخوف .. والحمد لله باقي في اول الطريق ..

انتبه عشان ما تصيبك الوساوس .. لانها كلها شيطان .. استغفر ربك .. وصل

وداوم على اذكآرك وخير ان شاء الله .. طالع من الشر يابو شعولي ...

.....

بالنسبه ان في علاقه بين الغده والهلع .. ؟!
I don't no ..

شكرا ....ياملا العافيه لكل من رد ... وأنت آحلى يآ يآحبك ..واعجبتني كلمة اسحب عليها

جزاكم الله خير جميعا ..والله منتداكم صراحة ..مفيد,,