الرهاب شلون يحدث داخل الجسم؟؟؟ شوف كيف

الرهاب شلون يحدث داخل الجسم؟؟؟ شوف كيف

بسم الله والصلاة والسلام على الشفيع الامين اما بعد اليوم بتكلم عن درس شوي فالاحياء وافسر سيناريو الهلع عندنا كيف يحدث بس راح اسرده بطريقه من السخريه لان سخريتك من مرضك تعلمك كيف تتغلب عليه. انا بصراحه اول مره اشارك معاكم وقريت وحده او واحد يتكلم عن الماده المسؤوله عن الخوف وعشان كذا ببدأ من حيث ماسبقتني الرفيقه او الرفيق. اول شي جسم الانسان خلقه دقيق ومنظم واي خلل بهذا النظام راح يسبب مشاكل يعني زي السياره لما تضعف البطاريه تتأثر السياره وباقي اجزائها اسمحولي بضرب هالمثال لاني مهندس ميكانيكي :) طيب وش السالفه اكيد دوختكم ادري السالفه ياسيدي سببها الرئيسي زي ماقال الرفيق بس ماحدد الاسم وهو هرمون الادرينالين ملعون الخير والمسؤول عن الجوع الخوف او الجنس ولاحياء فالعلم والخ .والسبب الرئيسي عدم اتزان كيميائي فالمخ chemecally unbalance وبسبب هذا الهرمون يتكون الخوف .فرضا شخص سليم وفجأة طلع له أسد وش بيصير تتوقع اكيد بيحط رجله ويبدأ القلب تزيد ضرباته وضيق نفس وعرق وحراره جسم .طيب عندك اختبار ومنت جاهز له وش بيصير فيك تبدأ تحس بتلبك معوي .طيب رايح تخطب وبتشوف خطيبتك وش بيصير بتزيد ضربات القلب والعرق ونشفان الريق والتأتأه كلها طبيعيه جدا جدا لكن بحالتنا وشو السيناريو ....كما هو اتي عدم الاتزان يجعلك عرضه لنوبات الهلع بتقولي كيف اول شي احساسك بعدم الامان والافكار والوسواس يبدأ يشتغل يبدأ المخ يضخ كميات كبيره من الهرمون سالف الذكر ولكن هذا الهرمون مايلقى احد يرده يعني الشخص السليم بيخاف في موقف يخوف لكن بيطمن نفسه ويروح الخوف لكن انت وانا ماعندنا شي يوقف هالخوف لانها مثل السلسله تحتاج شي يقصها وهنيه يجي دور المواد الكيميائيه تثبط عمل المخ وتقلل من نشاطه عشان عدم الاتزان مايشتغل. طيب المخ مرتبط فيه الحبل الشوكي او النخاع الشوكي ووظيفته ينقل النبضات العصبيه من المخ للجسم والعكس صحيح ويمر خلال حامي او واقي له وهو العمود الفقري فلما تبدأ النوبه يقوم الهرمون يرتفع ويقوم المخ يعطي اشارات خطأ تنتقل عبر الحبل الشوكي الذي يربط جميع اعضاء الجسم صغيرها وكبيرها وهذي الاعضاء توصلها اشارات خطأ رونغ سيغنال تقوم تشتغل غلط اكبر عضوين رئيسين مسببين المشكله عندنا هما القولون والقلب الظاهر انهم هنود يفهمون الاشاره خطأ القولون يبدأ بالانتفاخ ويضغط على المعده والحجاب الحاجز والقلب ايضا ولو تلاحظون زيادة الانتفاخات اثاناء النوبه والاحساس بالغصه وهي بسبب رحوع حمض المعده عن طريق المرئ بسبب ضغط القولون وكذلك الرئيتين يتم الضغط عليهم ويقل النفس فيقوم القلب بالخفقان ليطلب دم يعني اوكسجين وهذا يسبب الدوخه او حتى الاغماء زيادة الدم في الرأس ....العلاج الكيميائي ممكن يوقف الحالة مثل السيروكسات الافكسور والسيبرالكس وغيره وفيه مخدرات مؤقته مثل الزناكس او الاندرال وهو اضعف الايمان. على فكره نوبات الهلع تأتي كثير من الناس بس لان طبيعتهم ماهي حساسه يطنش وعلى فكره لو تترك الحاله بدون كيماويت ممكن تروح بعد شهر سنه او سنين ولكن راح ترجع ...طبعا هالكلام من باب خبره ومن بحوث مطوله عملتها من مجلات طبيه امريكيه....الخلاصه لازم تعرفك ان الله يحبك لانه ابتلاك في قصة عن الرسول صلى الله عليه وسلم عن المرأه التي كانت تصرع وتتكشف فطلب من الحبيب المصطفى ان يدعوا الله لها ان يذهب الصرع عنها فقال لها عليه الصلاة والسلام ان شئتي دعوت الله لكي فشفيتي او صبرتي ولكي خير كثير(او كما قال عليه الصلاة والسلام) فقالت اصبر وطلبت من الرسول الحبيب ان يسأل الله عز وجل ان لاتتكشف اذا صرعت وتم لها ذلك.. هذا دافع لنا جميعا ان نعلم ان ماأصابنا فهو من صنع ايدينا اي من سيئاتنا وان الله يكفر عنك بأذن الله ففرح ولاتحزن فما الدنيا الا كالشجره يستظل بها ومتى ما استراح مشى وتركها حاولوا بالطب الشعبي الطب مهما شطح يعجز عن حل مشكلتنا نهائيا . نصيحه يأخوان لااحد يذكر النوبه اللي جته ولا يحاول يشاركها مع الاخرين ولايفكر بنوبه سابقه لانها راح تثبت فالمخ وتجارب الغير تزيدك خوف....

رقيه شرعيه حل
طب شعبي حل اخر

والله يشافي الجميع امين
وارجوكم تسامحوني اذا اسلوبي بايخ نوعا ما :)

ولاتنسونا من دعاؤكم

المصدر: نفساني

ماشاء الله عليك ياابوعااابد شرحك مره حلو و بسييييييط الله يحميك من كل شر يالغالي
بس ابي اعرف شنو الفرق بين زين و زوين لانو زوين كلمه مغربيه هههه


مشكور على موضوعك الشيق

مشكور والله يعطيك العافيه شرح حلو واحلا شيء الصراحه حديث الرسول صلى الله عليه وسلم اعطاني دافع وحافز كبير

الله يحيكم....
زوين عندنا يالبدو يعني تحت الزين بشعره:) وعلى فكره في نبته طبيعيه اسمها الناردين منقوعها يعطي نفس نتيجة الزناكس وتصنع بدول الغرب ومعتدمة للي يحب يتخلص من الزناكس.وعلى فكره مفروض كل واحد فيكم يعمل فحص غده؟؟؟ لانه اعراض الهلع ممكن تكون خلل كيميائي مثل ماقلت وممكن تكون خلل في الغدد فطلبوا فحص دم لوظائف الغددT3,T4 & TSH .ممكن يكون عندك خلل في الهرمون وهذا له علاج وبسيط وممكن زي ماقلت ماعندك عدم اتزان ولكن خلل في عمل الغدد وصدقوني نفس الاعراض موجوده عندنا بالضبط. وفحص الانيميا بالدم ضروري.وايضا في علاج لخلل هرمون الادرينالين وراح اسويه ان شاء الله وبردلكم خبر اذا ضبط معاي.

وانا الحين قاعد اجرب طب شعبي اذا ضبط معاي بخبركم فيهم ان شاء الله بس لاتيأيسوا من رحمة الله. انت مبتلى اذا الله بأذن الله يحبك هل كنت تحلم ان ربك يحبك واختارك من دون الخلق عشان يبتليك لتصبر ولك الخير الكثير يوم اللقاء العظيم تذكروا ايوب عليه السلام وجميع الرسل والله سبحانه وتعالى يقول (وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ .صدق الله العظيم . قال عز من قائل بعد كلمت لنبلونكم اول شي ذكره وشو؟ الخوووووف يعني اللي عندنا .صدقوني انا اسيت الكثير تركت وظيفتي واهملت اولادي وانعزلت عن الناس ولكن في بصيص امل ان الله لن يضيعني ولن يضيعنا وبشر الصابرين. فتبسم ان الله يحبك. احبكم الله جميعا اخوتي.

اخوكم ابوعبدالله

مااقصرت ابوعاابد الله يحميك يالغالي

الله يحفظ الجميع

بو عابد الطب الشعبي . من وين جايبة لايكون محمد الهاشمي اللي في الامارات .؟

لا طب بدو الهاشمي هذا الله اعلم فيه وبصراحه انا ماهضمته شكله يتصيد الناس اللي يعانون نفسيا