|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
07-03-2012, 05:07 PM | #1 | |||
عضـو مُـبـدع
|
الى الاخ تعبان حدي
السلام عليكم اخي العزيز
انا معك ان الافكار تسلطية بدرجة كبيرة و ان الانسان المصاب بالهلع و القلق المرضي بيحس انه مسحوب الارادة بالموضوع هاد و انه حضل في حلقة مفرغة من التفكير السلبي و الاعراض المرعبة بس احب اعطيك معلومة مفيدة جدا انه العقل البشري بيمشي بالبرمجة متل اي كمبيوتر و عشان اتشيل التفكير المتسلط السلبي لازم اتعيد برمجة دماغك بطريقة ايجابية و ما تترك الافكار السلبية اتعشعش براسك باقي حياتك و من انجح الاساليب اللي ممكن اطبقها انك تستسلم للاعراض و ما اتخاف منها شو ما اتغيرت او صارت مرعبة و اضل متذكر انها اعراض خادعة و ما الها تاثير على جسدك و لا حتقتلك و تاني شي مهم انك تستغل الوضع اللي بتكون فيه مرتاح من اعراض الهلع و الافكار التسلطية و القلق و انك اتفكر بطريقة منطقية بخصوص مرض الهلع بمعنى انك تامن انك بتنشفى منه خلال فترة اقصاها 6 شهور بدون مساعدة الادوية كمان الا اذا كنت بالاصل بتاخد ادوية فلازم اتراجع الطبيب ....انا الطبيب كتبلي دواء زولوفت و انا بعد يومين ما اتحملت اعراضو و اتصلت مع الطبيب و قلتلو بدي ابطل اخد ادوية و فعلا بعدها اتجهت الى اسلوب قطع الافكار السلبية و تبديلها بافكار اياجابية و الاستسلام للاعراض شو ما كانت و ما افكر فيها نهائيا و اتشافيت بعد 6 اشهر و الحمد لله ...الموضوع هاد بيكون صعب في بدايته و ممكن انك تعتقد انه ما حينجح بس انا باكدلك انك بعد فترة حتلاقي نفسك اختلفت و بلش يرجعلك الذهن الصافي و الطمئنينة و ترجع اتفكر بطريقة ايجابية و تروح اعراض الهلع و تدريجيا بيروح القلق المرضي و الله الموفق المصدر: نفساني
|
|||
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|