مشكلتي جديده تعالو شوفوها

مشكلتي جديده تعالو شوفوها

السلام عليكم كيفكم اخواني اخواتي ان شاء الله كلكم بصحه وعافيه انا بقول لكم مشكلتي احس انها جديده ماهي عند احد انا طلع لي شي جديد اسمه ((فوبيا الاحلام)) صرت اكره النوم واخاف منه واكثر شي اكره نوم الليل يوووووه والله احيانا انعس واخاف انام مشكلتي اني جتني فتره احلم احلام واخذ منها رمز وادخل اقر عن الموز في العله النت واقر بلاوي الله لايوريكم ورسخت كلها في عقلي والله لها شي مهم ولامذاكره مارسخت بس هذي الاشياء رسخت مره وصرت اخاف انام واحلم مثل ذا الاحلام واخاف اذا قمت وصرت اكره فترة النوم بعد ماكانت لي الراحه الحمد لله الله يشفيني وفي شي ثاني بعد عندي ثنتين من خواتي من النوع الي يحلمون واحلامهم تتحقق والله ثم والله صرت اكره اشوفهم مو اكرهم لا بس اخاف يشوفني ويقولون حلمنا فيك حتى اذا اتصلو علي والله يجيني هلع على طول اخاف يكنون حالمين فيني واحيانا اذا قعدو يطالعون فيني اخاف اقول ايه اكيد حالمين ومايبون يعلموني والله حالتي تضحك وصعبه في نفس الوقت حتى وانا والله اكتب لكم اخاف احلم في الي اكتبه واذا مثلا قريت عن شي وذكرت انه من ذا الرموز والله اخاف اقول الله يستر ماحلم فيه والله تعبانه يارررررررب الفرج من عندك لي ولكل مريض ياررررررررب اشفنا وعافنا واطل اعمارنا واحسن اعمالنا اللهم اميييييييييييين

المصدر: نفساني

ربي يشفيك ويعاافيك يالغاليه

وعليكم السلام ورحمة الله وبركاته ،،

مثل ما قلتى أختى هو فوبيا ..فالفوبيا عمومًا خوف غير مبرر..

أى كان مسببه ...أحلام أو غبره ،،

وعلاجك بسيط إن شاء الله ...توكلى على الله واذهبى للطبيب وإن شاء الله

أمورك بتكون تمام ،،،

هذا الشعور ان احد يحلمك وتخافين موجود عندي بس عادي طنشي والأحلام حاولي انك تنسيها ولا تروحي تفسريها ولا تحاولي تتذكري ماحلمتي

ههههههههههههههههههه كنت مثلك بس انتي لما تفكرين بهاذي الطريقه الاحلام راح تجيك عن طريق حديث نفسس
يعني ماهي احلام حقيقيه تطمني وناااااااااامي الليل واشبعي نوؤم

عليك بأذكارالنووم وخاصه ايةالكرسي وربي يحفظك من كل شيطان

اخ بس جبتيها علي الجرح ،،، انا مثلك بالظبط بس طنشت اني ابحث ورا الاحلام والحمدالله بس اخاااف من وحده معاي بالدوام احلامها تصدق اليوم حيل ضايقتني تسالني عن تفاصيل وفجئه قالتي تصدقي ضاااق صدري وانكتمت خفت انها تكون متحلمه فيني والله اني قاعد اكتب وانا متضااايقه واعلم ان الله وحده عليم بكل شي بس خارج عن ايرادتي ...
اسال الله العلي العظيم ان يشافينا ويعافينا ويطول بااعمارنا علي طاعته ،،،

لا عليك اخي او اختي فجر كل هالاعراض مرت علينا
و مثلما ما ذكرتي هي تضحك لكن الانسان اللي يعاني منها ممكن ان تقلب له حياته بالخوف و القلق المستمر
كل ما ذكرت بالضبط مر علينا و هي مسألة وقت فقط ان شاء الله و تزول
المهم ما ناخذ و نعطي معها و نحاول نشغل انفسنا و نتناسى
و الاستغفار و الدعاء اهم شيء و ربي يشفيك و يشفينا يا رب

بكل بساطه كأنك تتكلمي عني انا والله ياهي تقلب حياتي فوق تحت عشان حللللللللللممممممم

الأحلام هي سبب مرضي

وتجيني كتتمه وضيق يجلس معي مايروح حتى لو مر كم يوم ع الحلم

الله يسقينا بس
مع لن احس مالي خرجه من اللي انا فيه

انا كنت مع بداية الهلع وحتى فترة قريبة اشوف كوابيس مرعبة يوميا ,,

ولكن الحمد لله طنشت تطنيش نهائي وبديت اقرأ على نفسي قبل ما انام وخفت بشكل كبير ,,

عموما انتي يوم تسمعين ان احد تحلم فيك أو شي لا تخافين واجد لأنه ماراح يصيرلك إلا اللي الله كاتبه لك ,,

واللي يشوفك بالشر خليه يسكت ولا يعلمك ,,

واللي يشوفك بالخير خليه يعلمك وو

ولا تغفلين عن مسألة مهمه وهي التوكل على الله ,,

فوضي أمرك لله ولا تفكرين في ذي الأمور اللي بعيدة عن الواقع ,,

وأصلا الرؤى تكون للتبشير أو الإنذار ,,

وترى مثل ماقلتلك سلمي أمرك لله واعلمي انه ماراح يصير إلا اللي الله

أرحم الراحمين كاتبه لك ,,

وبعدين ترى في ادوية ممتازة تساعد على النوم مثل الريمارون وغيره بس لا تاخذينها إلا

اذا كانت الحالة زايدة معك وباستشارة طبيب نفسي ممتاز وخليه يعطيك خطه علاجية

حلوه للإستمرار عالدواء ومتى يتم إيقافه ,,

وعالجي نفسك بالسلوكي المعرفي ,,