![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب الإكتئاب أكره مرض الإكتئاب بنفس القدر الذي أحب به مريض الإكتئاب .. فهو أرق الناس وأصفاهم وأصدقهم .. و من لا يدمع قلبه حين يعايش مريض الإكتئاب ، فإن قلبه من حجر ، أو أشد قسوة " |
![]() |
|
أدوات الموضوع |
![]() |
#1 | |||
عضو نشط
![]() ![]() ![]() ![]() |
اخواني ابي استشيركم بموضوع ضروي ارجو الدخول
السلام عليكم ورحمة الله وبركاته
اخواني هالايام الوالده واخواني جالسين يضغطون علي علشان اتزوج وكل يوم يجتمعون فيني ويقولون لازم تتزوج نبي نشوف عيالك ونفرح فيك ومن هالكلام ... وانا ما اخفيكم تعرضت لاكتئاب شديد قبل 5 سنوات وكان بعد زواجي ب 4 شهور طبعا حاليآ مطلق من 4 سنوات وانا كنت قبل زواجي في اتم صحه وعافيه يعني بلهجتنا العاميه كنت فسقان مرررره صحتي حديد لكن بعد زواجي تعبت وجاتني حالة اكتئاب قاسيه مره وطبعآ رحت لمشايخ كثير ارقوني اغلبهم قال فيك عين والي يقول مافيك شي. المهم اني اتخذت قرار الطلاق وابتعدت عن الرقيه والمشايخ و اوهامهم. والحمد لله تحسنت كثير لكن بصراحه مازلت اعاني من اكتئاب متوسط وضعف في التركيز واحس فكري مشتت. طبعآ اهلي حاليآ ياحاولون فيني اتزوج وانا متردد كثير لأني ماحس اني تعافيت بالشكل المطلوب الي يساعدني اتحمل الزواج ومسؤلياته لكن في نفس الوقت احس عمري راح انا الحين تعديت الثلاثين ومن جد مدري وش اسوي احس ماني مستعد للزواج نفسيآ لأن الزوجه تبي انسان يدلعها ويمشيها ويسفرها ويعطيها حنان وحب ويهتم فيها وانا بصراحه مقدر اقدم كل هالاشيأء لأن نفسيتي مش ولا بد واكيد البنت ماراح تصبر علي وهذا من حقها لأن العيب فيني مو فيها بصراحه محتار مدري وش اسوي ابي رايكم علمآ اني ما اخذ ادويه نفسيه لأني مو مقتنع فيها والله الاكتئاب والامراض النفسيه مشكله من جد لأنها تدمر حياة الانسان. الله يعين بس شيرو علي ياوجيه الخير المصدر: نفساني
|
|||
![]() |
![]() |
#2 |
عضو نشط
![]() ![]() |
ياخي وانا اقرى لمواضيعك احس انك مستودع ادويه وهالحين تقول ما اكل اي دواء نفسي
عموما انا مو بعيد عن حالتك من ناحية الزواج والزواج نعمه من رب العالمين واذا حصل لك لا تفوته ولاكن قبل لا تقرر قل لأهلك ابغى وقت افكر وجرب العلاج العشبي هذا وبأذن الله راح تدعيلي حشيشة القلب 300 + مود ايد ( 3 مرات في اليوم) واقسم بالله ماكنت اسولف مع احد والاخلاق خربانه والنفسيه في الحضيض ومن جربت الدواء وانا بخير بعد الله سبحانه بالاضافه الى الرياضه والتفكير الايجابي والتلبينه |
![]() |
![]() |
#3 |
عضو فعال
![]() |
اخوي كل شئ له سبب
الاكتئاب له سبب والطلاق له سبب حاول تبحث عن السبب او المسبب للاكتئاب الذي ادى الى الطلاق، مثلا هل انت انسان تهتم كثير وتشيل هم اذا ماحققت بعض متطلبات الزواج كاخذ زوجتك للسفر او قضاء حوائج البيت، يعني هل يصيبك تأنيب للضمير والاحساس بالذنب اذا قصرت ولو قليلا في مسؤليتك تجاه زوجتك.
|
![]() |
![]() |
#4 | |
عضو نشط
![]() ![]() ![]() ![]() |
اقتباس:
والله اني ما اخذ ادويه نفسيه لكن انا فهمتك انت شكلك تقصد منتظر الفرحه ههههههه عموما شكرا ع النصيحه. و ان شاء الله باخذ حشيشة القلب جزاك الله خير |
|
![]() |
![]() |
#5 |
عضـو مُـبـدع
![]() ![]() ![]() ![]() ![]() |
السلام عليكم ... ( الحمدلله الذي بنعمته تتم الصالحات) أخوي في البداية أحمدالله على تحسن حالتك بدون استخدام ادوية نفسية والزواج كما تعلم ونعلم هو نصف الدين والتجربة الأولى ليست حبل مربوط بكل زواج ,, كل ما عليك شي واحد فقط قبل الدخول في الزواج الثاني هو التضرع إلى رحمان السموات والأرض بقلب صادق ونية طيبه راغبه للخير بكل ما تستطيع وثق ثقة تامه بأن الله لن يخيب ضنك وعلم أن الكريم عند ضن عبده به .. توكل على الله وستخر قبل دخول أي بيت للخطبة ولن تخيب بعد الإستخاره وأكثر من قول يارب برحمتك استغيث اصلح شأني كله ولا تكلني لنفسي طرفة عين
|
![]() |
![]() |
#6 | |
عضو نشط
![]() ![]() ![]() ![]() |
اقتباس:
والله انك صدقت ماخاب من توكل ع الله اللهم اني برحمتك استغيث فاصلح لي شاني كله ولا تكلني الى نفسي طرفة عين اللهم اني وكلت وفوضت امري اليك اللهم اكتب لي صلاح الدنيا والاخره وجميع اخواني المسلمين |
|
![]() |
![]() |
#8 |
مشرف ملتقى الرقية الشرعية
![]() |
محتري الفرحه
شفاك الله وعافاك صحيح انت تعانى من اعراض العين فعليك قبل الزواج ان تعالج نفسك من العين بلاش يحصل كما حصل فى السابق عليك برقية العين وايات السكينة وايات لابعاد الوساوس |
![]() |
![]() |
#9 | |
عضو نشط
![]() ![]() ![]() ![]() |
اقتباس:
ثلاث سنوات من شيخ ل شيخ ولا حسيت بشي كل شي استخدمته زيت مقري فيه ماء مقري فيه اعشاب كل شي ولا استفدت شي بالعكس الا المشايخ دخلوني في دوامت السحر والعين والحسد والمس ثلاث سنوات وانا عايش في وهم كل الي اعرفه اني صرفت اكثر من 200 الف خلال 3 سنوات كلها على الزيوت والماء والعسل والاعشاب. وكلها نصب في نصب وتجاره والله ماتحسنت وحسيت بالعافيه الا بعد مابعدت عن المشايخ وكذبهم لانهم يعيشون المريض في اوهام يخلونك تحارب شي مجهول ماتشوفه انت فيك عين او سحر او حسد او مس وخلاص عاد يالله روح دور هالعين ولا الحسد ولا السحر وحاربه وياليتهم بعد فتره من العلاج يقولون لك اتضح معنا مامعاك اعراض روحيه وننصحك تروح طبيب نفسي لا لا يتركونك عايش في هالوهم علشان يبتزون جيبك وياخذون اموالك انا انصح اخواني الي يعاني من اي شي يتجه للطب فقط او يرقي نفسه بنفسه لان القران علاج وانا بصراحه اعتقد 99 بالميه من الي يقرون عند المشايخ مرضى نفسيين وبصراحه اغلب المشايخ ماخذين الموضوع تجاره وبزنس اجل يشترون قارورة الزيت ب 8 ريال ويبيعونها ب 50 ريال ليه ؟ على اي اساس ؟ علشان تفلت فيها ؟ اجل المفروض سعابيلك تعبى بقوارير ويكون سعرها اغلى من البترول لانها علاج سحري الطب ماوصل له .. ياعزيزي الي يشفي القران مو سعابيلك الي اغلبها جراثيم والعسل يشتريه ب 60 ريال ويبيعه ب 450 ريال انا اسميها تجارة السعابيل اعرف ناس عندنا والله بنو عماير وصارو تجار من ثقافة بيع السعابيل والوهم للناس بعدين عطوني دليل واحد على التفال في الما والزيت ؟ معروف ان التفال في الما جابته الكنيسه ويسمونه الما المبارك او الطارد للشياطين فيه شيخ مشهور يطلع ع القنوات يسفر احلام وتعرفونه والله العظيم انه رفض ينفث في ماء صحه جابه له واحد فقير ومعدم قسم بالله رفض ينفث فيه الا بفلوس. واذكر انه يقولون للحريم الي مامعها 50 ريال لا تجيني للرقيه فلوسكم قبل كل شي. وع فكره هالشيخ معروف جدآ وكلكم تعرفونه ويطلع في القنوات ويفسر الاحلام الي كلها كذب في كذب ودجل وضحك ع الناس قسم بالله العظيم اني اعرف رجال زوجته تعبت نفسيآ مررره و ماخلا شيخ ماوداها له الي يقول سحر والي عين والي حسد. مافيهم احد قال والله مدري وش فيها هههههه المهم خوينا هذا جاه واحد من اخويانا وقال له حالة زوجتك نفس حالة اختي وبعد ماتعبنا من المشايخ وديناها دكتور نفسي وعطاها علاج والحين مافيها الا العافيه المهم اقتنع بالموضوع و اقنع زوجته وراحو دكتور نفسيه تدرون وش قال له ؟ قال ياخي وينك من زمان زوجتك معها اكتئاب مابعد الولاده ههههههه وعطاها علاج نفسي والحين مافيه الا العافيه ربي يتمم عليها من يوم خلقنا الله وحنا نتحلم والحلم شي طبيعي جدآ بس الأمه كثرت احلامها في هالزمن وكثرو المفسرين لانها امه نايمه. فلسطين محتله من 80 سنه والمسلمين مضطهدين في كل مكان والامه متخلفه علميآ عن كل الامم وهذولا طايحين لي تفسير في الاحلام جد امه تفشل بسئلكم بالله حنا وش قدمنا للبشريه ؟ كل الي سويناه اننا نبكي ع اطلال الماضي وع الاندلس وع علمأئنا الي اكتشفو ان الدم يجري في الجسم والضوء ينكسر ههههههه لا خوش اكتشاف الغرب شوفو وش اكتشفو و وين وصلو. كل شي نستخدمه من الغرب الطائرات السيارات الجوالات الاجهزه الكهربائيه كل شي حتى الطب بسئلكم ادويتكم النفسيه الي تستخدمونها من الي اخترعها وصنعها لكم ؟ انا الي ابي اقوله انه ماخلانا امه متخلفه الا هالمتخلفين الي تفكيرهم مايتعدى خشومهم الاسلام دين يدعو للعلم والمعرفه والاسلام كرم العلماء واحترم عقل الانسان ولا يرضى انك تأجر عقلك لناس متخلفين حتى شهادة ابتدائيه مامعاه ويجيك يقولك انت فيك كذا وكذا ويقيم حالتك وعلاجك بعد انا اقول القرأن شفاء لكل شي لكن مو بهالطريقه طريقة السعابيل وبيع الما والزيوت والعسل. دبل سعرها 8 مرات. لان اذا غابت النيه الصادقه غاب الشفا والعافيه ع فكره مسئلت دخول الجن لجسد الانسان انا مو مقتنع فيها ولا فيه دليل واضح ع هالشي والي عنده دليل يجيبه وانا مستعد اناقشه الانسان مخلوق من طين والجن من نار. كيف يدخل الجن الانسان ؟ طيب ليه مو العكس ليه الانسان مو هو الي يدخل الجن؟ طيب الله مو هو الي خلق الانسان والجن ؟ طيب ليه خلق الجن بطريقه تمكنه من دخول جسد الانسان وتعذيبه ؟ الله سبحانه وتعالى مافي اعدل منه ولا يرضى بالظلم اخيرآ حاب تعرفون اني مو علماني ولا ليبرالي. انا اشهد الا اله الا الله وان محمد رسول الله ومصدق كل شي جا به القران والرسول صلى الله عليه وسلم ومؤمن ان القران شفا لكل امراض الدنيا لكن بشرط انت ترقي نفسك وتدعو الله انه يشفيك وتتتضرع لله سبحانه وتنكسر بين يديه مو ب ثقافة التفال والنصب والتجاره ع فكره انا مو قتنع بالعلاج النفسي لسبب بسيط ! لانه يصلح شي ويخرب شي يعني يعالج مرضك. ويخرب جسمك من سمنه الى ضعف جنسي. هاذي ملاحظتي ع الادويه فقط ولا انا مقتنع فيها طبيآ لانها نتاج علم وبحوث وتجارب. مو نتاج سعابيل هههههههه ااااه بس متى اشوف امة الاسلام تتسيد الامم بالعلم والمعرفه والاخلاق والديموقراطيه واحترام عقول البشر. والدعوه ل دين الله بالحكمه والموعضه والرحمه والعلم متى نرجع امه مشرقه امة علم مثل ماكنا قبل ايام بغداد السلام والاندلس المفقود اسف ع الاطاله |
|
![]() |
![]() |
#10 | |
( عضو دائم ولديه حصانه )
باوزير ![]() ![]() ![]() ![]() ![]() ![]() ![]() |
اقتباس:
أنا لا أنكر العين والسحر هي موجودة لكن بالفعل المشايخ والرقية صارت تجارة كل واحد يرقي نفسه بالبيت وانتهى صدقني الطب النفسي ناجح لكن أهم شيء التشخيص الصحيح وهناك امراض ليس لها علاج حتى الآن في الطب النفسي مثلا مشكلة ضعف التركيز أنا أعاني منها وأتوقع أنها ليس لها حل سوى الرضا بما كتبه الله لي ودعاؤه |
|
![]() |
![]() |
#11 |
عـضو أسـاسـي
![]() ![]() ![]() ![]() ![]() ![]() |
اخوي محتري الفرحه كلامك على العين والراس وفعلاً اتفق معك في نقاط كثيييييرة, بس بالنسبة للشيخ مفسر الاحلام ليتك لو تذكر اسمه عشان ننتبه انا اتوقع تقصد الرويس صح ؟
لأن كنت ناوي اروح له اذا هو بكنسل الصراحه, وفي شيخ في جدة الزهراني اللي في حي الحرمين ماشاء الله تبارك الله صار عنده عمارتين وهالكلام قبل خمس سنين الحين اتوقع انه يمتلك الحي كامل واما بالنسبه للمس او دخول الجن الى جسم الانسان هو مس طبعاً, وهذا الدليل ياغالي: http://islamqa.info/ar/ref/1819 انا اعترف بوجود العين والحسد والسحر والمس, ولكن دون المبالغة فيها طبعاً, وياليت تقولي انت في اي مدينة .. وانصحك تروح عيادة مطمئنة اذا انت بالرياض والصراحه ودي تكتب معاناتك مع الشيوخ في موضوع لحاله لأن جد جد انا اقتنعت ان حتى اللي فيني ولا شي وهي مجرد وسوسه لأن انا بعد خسرت كثير والحين في شيخ كلمته قالي ادفع 4000 ريال واعطيك علاج من العسل وحليب الابل وزيوت تستخدمها, طبعاً عمتي جربته وانتفعت الحمدلله ولكن بعد ماخلص العلاج قالها ادفعي 4000 ريال ثانيه وفترة الكورس 3 اشهر يعني كل شهر 4000 ريال والله مشكلة !! شرايكم نقلبها دار رقية شرعية نكسب اجر وفلوس بنفس الوقت ونشخصهم نفسياً بعد هههههه |
![]() |
![]() |
#12 |
عضـو مُـبـدع
![]() ![]() ![]() ![]() |
ياخي انت انسان عاقل وتفكيرك منطقي، لاتخلي غيرك يتخذ قرار عنك، لانك انت اكثر واحد تعرف نفسك ونفسيتك ومشكلتك النفسية،، يعني انت بنفسك قلت ان البنت تريد واحد يدلعها ( وهذا من حقها ) فلا تخدع بنت الناس وتسويها مسألة حظ ترا بالنهاية انت تكون مسؤول،
يعني بما انك تشوف نفسك مو قد مسؤليات الزواج ( وهذا ألف بالمية من أعراض الاكتآب وليس من ضعف شخصية او غيره ) ف عالج نفسك وبعدين الله بيسهل عليك، انا نفسك اهلي دايم يقولوا نريد نشوف عيالك بس اجاملهم واقول ان شاء الله قدام، لكني في نفس الوقت اتعالج بالأدوية والحمدلله حالي احسن ب 85% من قبل ولا شكيت اعراض جانبية،، وبعدين انا الومك كثيييير، الله عطاك نعمة العقل وتفكيرك سليم لكنك تنتظر تتشافى بدون دواء وهذا مو تفكير منطقي! انت كثير مهول مسألة الأدوية، ترا خلي في بالك ان اللي يكتب في الانترنت هم اللي مانفعتهم الادوية بينما اللي استفادوا تحصلهم في عالم ثاني بعيد عن منتديات الاكتآب، انت ركزت على الجانب السلبي ورحت تفكر في اللي ما استفادوا من الادوية ( وهذا شي طبيعي لان الاكتآب مايجيب في بالك الا اتشاؤم والتعاسة ) ونسيت تشوف الجانب المشرق في الادوية وان ناس رجعوا لحياتهم الطبيعية والبعض صار احسن من قبل وهذا بفضل الله ثم الادوية، تسبب ضعف جنسي ( بعض الادوية، ولما تتركهن ترجع طبيعي ) تسبب سمنه ( احيانا، وتقدر تتحكم بطعامك وتمارس رياضة ) كثير منا انتظر الاكتآب يروح بدون ادوية لكنه ماراح بل زاد بعده، ف الانتظار ما اتوقع بيفيد بشي،، ربما " حشيشة القلب 300 + مود ايد " تفيدك ( انا شخصيا ماجربت لاني قريب سمعت بيها وحاليا استخدم دواء ف اخاف يصير تعارض،، المهم لاتضيع الوقت عالفاضي، اسعى والله يسعى معاك وان شاء الله تتشافى وتعرس وتجيب اولاد وترسل صورهم بالمنتدى تبشرنا هههه، الله يوفقك ويسهل امرك بإذنه.. |
![]() |
![]() |
#13 | |
عضو نشط
![]() ![]() ![]() ![]() |
اقتباس:
كلنا لا ننكر وجود العين والسحر والحسد لانها اشيااء ثابته في القران لكن انا ضد طريقة التشخيص والعلاج اما مسئلت دخول الجن الانسان عندي شك فيه لان مافيه دليل واضح يثبت هذا الشي اخوي مسئلت عدم وجود علاج لمشكلة ضعف التركيز انا اخالفك في هالنقطه بل واثق ان المشكله لها علاج والدليل اني في بداية مرضي كنت اعاني من ضعف شديد بالتركيز والان حالي افضل بكثيرررر. انا اعتقد ان ضعف التركيز عرض ملازم للمشكله الاساسيه الي هي الاكتئاب متى ما شفيت من الاكتئاب عاد اليك تركيزك كما كان سابقآ والدليل اني بعد ماتحسنت حالة الاكتئاب لدي تحسن التركيز تقبل تحياتي وامنياتي لك ولي وللجميع بالشفاء العاجل بأذن الله تعالى |
|
![]() |
![]() |
#14 | |
عضـو مُـبـدع
![]() ![]() ![]() ![]() |
اقتباس:
نفس الشي معي، كان التركيز ضعيف في شدة الاكتآب ، وكلما خف الاكتآب زاد التركيز، بالتوفيق جميعا.. |
|
![]() |
![]() |
#15 | |
عضو نشط
![]() ![]() ![]() ![]() |
اقتباس:
ياليت تعفيني من ذكر اسامي لكن يشهد علي الله اني ماكتبت غير الصحيح ع فكره هذا الشيخ فتح عندنا في الديره محل بيع زيوت مقري فيها وعسل مقري فيه وماء مقري فيه. وقسم بالله ان كاتب ع اللوحه حقت المحل مليون ريال لمن يثبت ان العسل غير طبيعي ههههههه ياناس ابي اعرف وين البلديه عنه معقوله وصل فينا الاستخاف في عقول الناس الى ذا الدرجه ... عاد هو فاتح المحل في بداية امتهانه لمهنة الرقيه الشرعيه. يعني ماكان غني مثل الحين طيب من وين كان بيدفع المليون لو شخص اثبت ان العسل حقه مو طبيعي ههههههه الرقيه الشرعيه مهنه تدر اموال طائله والله انها تدخلك في الملايين قسم بالله اعرف شيخ تجيه هدايا من شيوخ قطر والامارات وبيته فيلا كبيره وعنده محلات كثير رغم انه عسكري. طيب انا مو حاسده الله يرزقه لكن اسمعوو قصته هاذي ويشهد علي الله اني صادق ولا اكتب لكم غير الصدق جاه واحد عتيبي من اهل نجد مايمشي وظهره يوجعه طبعآ الي جايبينه اهله المهم قرا عليه وقال عنده عين ومس فيه ظهره وجلس اسبوعين ع ذا الحال وقال لهم كل يوم الظهريه تطلعونه للبر وتدفنون جسمه بالرمل. المهم بعد اسبوعين اهله ملو. واتعبوو قالو بنوديه للمستشفى. بعد الفحوصات قال لهم الدكتور الرجال عنده انزلاق غضروفي لازم عمليه مستعجله ههههههههه اجل عين وجني هااااه ههههههههه نسيت اقولكم انه هو طايح في الحمام زلق يعني. المهم انه الحين ولد عمه يقول مافيه الا العافيه طيب. شفتو الجهل وين يودي الانسان ؟ ماقول الا حسبي الله ونعم الوكيل نصيحه اخوي ابو تركي احترم عقلك الي وهبه الله لك ولا تسلمه ناس جهله يعبثون فيه ناس انت افضل منهم بكثيررر لكن الفرق بينكم وبينهم انك انت مريض ترتجي الشفاء وهم في صحه وعافيه ماشاء الله عليهم كلهم رقاه وكلهم صالحين وكلهم مفسرين احلام طيب ليه امتنا امه متخلفه كذا ههههههه جد شر البليه مايضحك في واحد من اخوياي جاته حالة اكتئاب المهم راح ل شيخ في الخفجي وقال له انت فيك مس يهودي قلت انا لخوينا وكم لك تقرا عنده ؟ قال سنه قلت طيب استفدت شي قال لا. قلت طيب هووش دراه انك فيك مس يهودي. قال خوينا هالمطوع مخاوي قلت كيف مخاوي قال يعني عنده جنون يساعدونه. قلت وش دراك قال هو يقوله وكل الناس يدرون انه مخاوي. قلت طيب ليه مايرسل جنونه ع سويسرا يجيبون له المليارات الي هناك هههههههههه جد ويرتاح من الرقيه وتعبها ويكون اختصر المسافه للمليارات والفلوس ههههههه او ع الاقل يرسل واحد من جنونه يذبح بشار الاسد ويفك اهل سوريا منه ههههههههه اااااه بس وربي شي يضحك يارب اشفني شفاء من عندك مافي ل مخلوق منه فيه اللهم اشفني شفاء لا يغادر سقمآ انا وجميع اخواني المسلمين اللهم انك وحدك الشافي المعافي يارب فوضت امري اليك اللهم لا تكلني الي نفسي او احد من خلقك طرفة عين اللهم امين امين امين |
|
![]() |
![]() |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|