من خلال تجاربكم ماهو تشخيصي وماهو العلاج المناسب لي

من خلال تجاربكم ماهو تشخيصي وماهو العلاج المناسب لي

انا حالتي طول الوقت احس بحزن ماحس بفرح وسعاده ماعندي حيويه الشباب ولا العب رياضه

ومنعزل عن المجتمع مالي اي نشاطاااات اجتماعيه ودايم احس اني اقل من الناس لما اطلع برا لان لما اطلع اشوف ناس عدلين طبيعين فينكسر خاطري لدره ودي ابكي وارجع مكسور حزين للبيت

يعني الوضع مزري فمن خلال ماكتبت لكم ماهو تشخيص الحاله وماهو العلاج المناسب لي ثانيا ليه المهدئات مثل فلونكسول وبسبار وغيرها ماتنباع في الصيدليات؟؟؟

كتبت كاخذ راي لااكثر ومن الفضاوه ولا احد يكتب موضوع الساعه 4 لفجر الا فاضي

الناس الطبيعين نايمين وراهم دوام وراهم صلاه الفجر

اه بسسسسسسس مادري اشق هدومي وقسم قهررررررررررررررررررررررررر اكتفي لاني لو بكمل ممكن اقول كلام مو عدل

المصدر: نفساني

اخي الكريم شفاك الله وعافاك

عليك برقية العين

وايات لا بعاد الوساوس

وايات السكينة

عملت بهم ولاكن احس بملل واني اتوهم ان فيني عين وبعدين يبتدي الوسواس يجيني

والشي الواضح ان هذا شي نفسي والحقيقه صرت اكره العباده بسبب نفسيتي السيئه الي في الحضيض اولا ابي اعدل نفسيتي ابي اخليها مستقره مرتاحه انا استغفر واذكر الله لاكن الصلاه ماقدر عليها او ماقدر استمر عليها

المصيبه ان مع استخدامي للاويه النفسيه ماشفت الشفاء وهذا الشي يزيد احباطي وياسي

ارجو ان تتبع البرنامج العلاجي السابق

مع المحافظة على الصلاة فى جماعة واذكار الصلاة واذكار الصباح والمساء

وقراءة سورة البقرة يوميا لمدة اسبوع

وبعدها كل 3ايام مرة

تبي نصيحتي سجل بمركز رياضي لياقة وكمال أجسام وسباحة وراح تحس بالفرق ، أنا اعترف أني تحسنت ولله الحمد

- عبادة وطاعة وقراءة القرآن الكريم (سورة البقرة يومياً)
- اللياقة البدية (ممارسة المشي 30 دقيقة يومياً)
- الأكل السليم وتقسيم الوجبات الى خمس وجبات (3 وجبات اساسية افطار وغداء وعشاء وبينهم وجبتين سناكس يعني خفايف مثل الخضروات السلطات الفواكه وماشابه)

وحالك طيب ياغالي

اخوي منتضر الفرحة صدقني حالتك وطبيعة مرضك مثل حالتي
أنا الحمددلله متأقلم مع وضعي رغم إن عندي ضعف في التركيز وتراودني حالات وأوقات أشعر فيها باكتئاب أحاول أن أطنشها وأعيش بما كتبه لي ربي وعلى العموم أنا ما أحس بالسعادة ولا الراحة في داخلي لكن أحاول إني أحس

احب أقولك انك انت تعاني بعد من الإحباط واليأس وهذايمكن الفرق بيني وبينك

انت بس تخلص من الإحباط الي انت فيه بس وبعدها بس راح تعاني من حاجتين ضعف التركيز والشعور بعدم السعادة حاول قدر الإمكان تتأقلم معاها لكن أهم شيء تنظم وقتك ولازم تشتغل ولازم تلعب كورة مرتين في الأسبوع ولازم يكون عندك أصدقاء تطلع وإياهم

يمكن البروزاك ينفعك..لكن ابغى أسألك..ليش ما تروح لطبيب نفسي..؟؟
الطبيب النفسي يعالج عشرات الحالات شهريا لذا هو اقدر مننا على اختيار الدواء الانسب ..نحن عددنا قليل و تجاربنا محدودة بل ان منا اصلا من لايزال يبحث عن علاج لحالته..

كل ما تكثر مواضيع كثر ماراح تتعالج بسرعه

هههههههههه

اخوي خذ دوا جبار مثل سيروكسات او بروزاك بجرعه 40 وانطلق

واتوكل عالله

وين وصلت مع الادوية؟ شو تاخذ حالياً؟

المشكله عندنا انه مانقدر نبين الضعف اللي حنا فيه للاخرين بمعنى اخر نتصنع انا لسنا خائفين او قلققين او محرجيين نجامل كثير من غير قصد... مشكلتنا انه من الصعب العثور على صديق يشاركك المشكله ويحاول معك لايجاد حل، للتفضفض وهو يفضفض تشعر بنفس الشعور الذي يشعره وتتحدثان عنه بكل اريحيه. مشكلتنا انا نقراء ونفسر خطاء مايدور في اذهان الاخرين ودائما بالتفسير السلبي. مشكلتنا انا نسمح باستمرار الافكار السلبية تجول وتصول داخلنا وتقرر انها الحقيقه ونسلم ونتبعها بدون الرجوع للتفكير والتاني بتحليل هذه الافكار ومقارنتها بالحقائق ، بمعنى اخر الافكار السلبية استلمة الدفه وبزمام الامور..... ههههههه
الافكار السلبية حددة ولازالة تحدد غداًً ، عندما ننظر الى الماضي تحجب افكارنا السلبية الجانب الايجابي من ماضينا فنرى فقط سلبيات الماضي، عندما نفكر بالمستقبل اول ما يطفو على السطح الافكار السلبيه وسوء الظن.
نحن نفكر فقط فيما يريده الاخرين من صورة الكمال. فمثلا داخل عقلك عندما ينتابك الخوف داخل مجلس او ديوانية...تبدء الافكار السلبية ومهارة قراءة العقول والافكار للاخرين بستلام الدفه حتى تخلي اذانك إطنب ( طططططططن) راح يصير هذا السيناريو....يامسكين شفيه هذا بدء يعرق ويرتكب اللي( قاعد في وجهك) يرد عليه الافكار السلبيه اكيد بديت ترتعد وتعرق وش جابك انت من الاساس هنيه، ،،،،، قام واحد من المجلس وخرج... قراءة الافكار تقول... ايه اكيد هذا حس بالشفقه والاسف علي وماقدر يستحمل يشوفني في مثل هالموقف.... ترد الافكار السلبيه الخبيثه لسانك چنه/ كنه بدء ينشف من العرق الحين راح يسالك احد شئ وراح يلصق لسانك بلهاتك....... الله يعين بس
مثل هذا موقف تقوله لمنو وتفضفض لمنو?

يقولون صعب تصارع عقلك وتفوز عليه لكن بامكانك الانسحاب بطرق استراتيجية بحيث محد يطلع خسران من المعركة .


الله يشفيك ياخوي منتضر الفرحة انت امبين عليك انسان طيب ,, انا اتفق مع اخوي عبد الله ون اللي فيك احباط ,,, يمكن لو بدات تكوّن نفسك من ناحية الشغل الخ ممكن تتحسن .

انا مريت بمرحلة الافكار السلبية، مع ان تفكيري ايجابي في العادة بس لاحظت ان الافكار السلبية هي نوع من الوسواس، يعني تجيك غصبا عليك، تجيك من باب ولما تسده تجيك من باب ثاني!
لكن استغربت لما خذيت الدواء توقفت الافكار السلبية تلقائيا! يعني صحيح ممكن الواحد يصارع الافكار السلبية لكن يظل فاقد الطمأنينة بسبب هذا الصراع (هذا اللي صار عندي) ،، لكن لما تتوقف الافكار السلبية تحس ان دماغك رجع ملكك،،
والله حاله،، الله ييسر علينا وعليكم،، ياليت اقوم باكر الصبح واشوفني بلا امراض نفسية وادخل المنتدى واشوفه فاضي، الكل رايح يرتب دنياه وانتهى زمن الاكتآب وغيره،،
جماعه في كوكب غير الارض بيخلوه خاص للمرضى النفسيين؟؟ ع الاقل هناك ما بنشوف الصاحين ونتحسر على انفسنا،