وسواس

وسواس

السلام عليكم و رحمة الله و بركاتة
شخباركم إن شاء الله بخير و ما تشكون باس ؟


قبل شوي صديقتي فجأة كتبت لي أحبج
تتوقعون ليش ؟

على طول خفت و قلت لأني بموت.
حتى ما أبا اكتب لكم
احس مادري كيف.

المصدر: نفساني

السلام عليكم يا أختي

انا كان هذا الوسواس

يعني في مرة واحد من أصدقائي أتصل علي وسأل عني وهذا الصديق له فترة طويلة ما يتصل علي وعلى طول فكرت إني راح أموت بعد هذا الإتصال

وبعد هذا الإتصال تغيرت حياتي وكل مافي شخص يسأل عني أفكر بالموت

طبعا طالت معي هذة الحالة أكثر من 7 شهور بوسواس قوي

هلا اختي السويدي
شحالج ؟؟ تصدقين ترى انا متابعه مواضيعج لاني احس بالي انتي
تحسين فيه وكلنا حاسين فيج لانه هالشي احنا بعد مر علينا مب بس انتي وان شاء الله كلنا نساعد بعض يد بيد بنتغلب عليه
جوفي حبيبتي انا بذكرلج موقف استوالي انا الحين ثانوية عاامه قبل ستنين كنت في مدرسة غير عن المدرسه الي انا فيها الحيين
وربعي كلهم هنااك و اناا واايد متولهه عليهم اباا اسير اجوفهم فكل مررة اتيني الفرصه وابي اسير طبعاا الواسوس اهني يشتغل اكيد
انتي بتموتين عيل ليش الحين بعد سنتين فكرتي تسيرين و تجوفينهم و تسلمين عليهم اكيد بيستويبج شي طبعا انا كنت اصدق واغير رايي وما اسير
بس الحيين ان شاء الله ناوية يوم الاحد اسير طبعاا الوسواس ما تركني ولا لحظه بس انا مطنششة لازم احنا ما نخضع للوسواس ما نستسلم له

عادي يا اختي السويدي

كانت بتحصل معي كثيـــــــــر

تعرفي في فترة مرت في حياتي لما بدا معي الوسواس و الهلع و سبحان الله في اسبوع واحد الي التقي فيهم من جيران او اقارب او اهل.. يقولون انهم يحبوني و يرتاحولي و يثنوا علي كثير..


تصدقي اني دخلت في دوامة من كلامهم و وساوس ربنا عالم بيها ..

من خوف من العين و وسواس موت و خرابيط من صنع خيالي لا تنتهي..

الان عادي ..صحيح اوسوس شوية لكم مو مثل الاول

طنشي يا اختي

و شو سالفة الأحلام

احس أني احلم مليون حلم

و الحلم يخونني

ودي من رقادي إنش

احسه جي متراكم و يخوفني وااااايدددد.

هل تتناولين أدوية نفسية؟

لا أخوي ما أتناول أي أدوية نفسية.

الله يعينج اختي ويعينا
انا نفس الشي اذا اخوي اصر علي اطلع وياهم اقعد افكر اقول اكيد انا كاسره خاطره وحاس اني بموت
شوفي التفكير الغبي كيف :/ حتى اذا امي طالعتني اقول ليش طالعني جيه وربي هالوسواس خابصني خبصه
بس انا فالبداية عانيت كثييييييير وهالشي اثر على صحتي ضعفت بس الحين الحمدلله الحين احسن عن قبل بوايد
على فكره اختي السويدي تعرفي شو اكثر شي اثر علي ؟؟ تفكيري فالاحلام ... طبعا الموسوس شي اكيد يحلم بالشي اللي يفكر فيه 24 ساعه
وانا على طول اي حلم على طول ادور تفسيره فالنت وطبعا هالشي غلط ...

اختي السويدي انصحج انج تقللي من التفكير فالاحلام طنشيها وحتى الافكار حاولي تغيرين وتشغلين نفسج

الله المستعان

اوالله انا نفس الشي الي متعبني هالاحلام واروح افسرها من الرموز واعوذبالله يطلع كلام مو حلو بقوقل ويزيدني هم

قبل النوم اقرأ المعوذات و أذكار النوم كرري هذا الدعاء ثلاث مرات

((أَعُوذُ بِكَلِمَاتِ الله التَّامَّاتِ مِنْ غَضَبِهِ وَعِقَابِهِ، وَشَرِّ عِبَادِهِ، وَمِنْ هَمَزَاتِ الشَّياطِينِ وَأَنْ يَحْضُرُونِ)).

صباح الخير اختي السويدي وجميع الاعضاء،اختي والله لو تقرأي موضوع لي قبل فترة مثل مشكلتك كل شئ أربطه بالموت وكل حدث يحصل معي اقول اكيد قرب اجلي وكنت اعتقد انني لوحدي اعاني من هذا الوسواس ولكن بعد ردود بعض الاعضاء والعضوات وقراءة حالات مشابهة تبين انه جزء من مرضنا الذي نعاني منه،وسواس الموت والفراق وحدوث مكروه،هذا عدا عن الكوابيس التي تحدثتي عنها بالنسبة لي يمكن في اليوم الواحد احلم اقل شئ 3 كوابيس واستيقظ مفزوعة وضربات اشعر بها في كل جسدي هذا مع العلاج فكيف بدونه الله يفرجها علينا،لا تقلقي كلنا في الهوا سوا.

تخيلوا لما أغير شي في حياتي قمت أخاف أغيره أقول بموت

يعني مثلا أبا اغير النك نيم في الماسنجر
أقول لا إذا رئته يمكن أموت
عقب أقول يعني لو ما غيرته ما بموت ؟
عقب أقول لا لا ما أغيره

بجن :)!!!!