معاً لعلاج الوسواس 1

معاً لعلاج الوسواس 1

السلام عليكم و رحمة الله و بركاته

فى البداية احب اقول ليّا وليكم ان العلاج من الوسواس دة عمره ما هييجى مرة واحدة لازم ياخد وقت لعلاجة ولازم نتعب للتخلص من الداء دة
ولازم يكون عندنا عزيمة جبارة ونعرف ان كل ما بنحارب بشدة كل ما الوسوسة تزيد ودة بيبقى اختبار للعزيمة و كل ما عزيمتك تزيد كل ما هيتلاشى المرض بإذن الله واحدة واحدة..
تعالوا نحط نقط كدة لبداية العلاج ونطبقها كلنا مع بعض ونتابع مع بعض كل يوم
اولاً لازم نتوكل على الله ونثق ان الشفاء من عنده
ثانياً اللى مش بيصلى يبتدى يصلى والمُصلى يحافظ على صلاته
ثالثاً لازم نبقى عارفين ان الشفاء التام مش هييجى مرة واحدة اكيد هييجى ببذل جهد و تعب لأنه اذا كنا فاكرين انه هييجى بدون تعب او الم يبقى مالوش لازمة العلاج
رابعاً نكون مستعدين تماماً للعلاج واذا بدأنا فيه لا مجال للتراجع

السؤال هنا نبدأ العلاج ازاى ؟
الجواب : لازم نهيأ نفسنا طب ازاى؟
نتوضأ و نصلى ونقعد فى مكان هادئ ونجيب ورقة وقلم ونسأل نفسنا الاسئلة دى :
من امتى واحنا بنعانى من الوسواس؟
هل طول عمرنا مصابين بيه و لا دى حاجة جديدة طرأت علينا ؟
هل حقيقى ان كل الناس غلط واحنا بس اللى صح ؟
هنا الاجابة هتكون : لا انا متأكد ان الناس صح و انا غلط
هل نريد الراحة من الالم النفسى؟
هنا الاجابة هتكون طبعاً و بأسرع طريقة
وبعدين نيجى لأهم سؤال : لو فى علاج بالكوى هيريحنا هل احنا مستعدين له ؟
لو كانت الاجابة ايوة يبقى الحل ان شاء الله بسيط وسهل و العلاج مش هيطول معانا
وكدة نكون استعدينا لمواجهة المرض المدمر لحياتنا

نيجى بقى لمراحل العلاج اللى بتتلخص من ثلاث مراحل
1-التجاهل
2-الصمود
3-المواجهة
هنشرحهم بالتفصيل فى موضوع تانى

المصدر: نفساني

احيك يااختي اسراء على هالروح وباذن الواحد احد نطبق العلاج مع بعض
بالتوفيق يارب ..

يعطيك العافية اختي

نتمنى فقط الالتزام و الابقاء على الارادة و روح التفاؤل من الجميع

الله يحييك يا غالية متابعة معك ان شاء الله
بس وين الباقيين ؟؟؟