تكفوووووون طمنووووني ماتوقعت يصير فيني كذا الحمد لله

تكفوووووون طمنووووني ماتوقعت يصير فيني كذا الحمد لله

السلام عليكم ..انا عضوه جديده معكم بآحكي لكم قصتي من البدايه للنهايه اتمنى تقولون لي اللي انا فيه هو هلع ولا ايش؟
قبل شهرين ونص تقريبا كانت فتره اختبارات عند زوجي وانا دائما انضغط نفسيا اذا عنده اختبارات كني انا اللي اختبر واشد ..وقبل الاختبارات كان عند اهلي زواجات لاخواتي ومن هذا الكلام وحسيت اني انضغطت بقوه ابغى كل شي يكون تمااام ويمشي صح ..المهم قبل شهر من اختباران زوجي كنت عند اهلي علشان يوم الملكه وتعبت اشتغل مع امي واحاول كل شي يكون اوكي وجيت ابغى انام عندهم اول ماحطيت راسي على المخده حسيت ان الغرفه تلف فيني دوخه وحسيت برجفه في كامل ذراعي اليسار وشوي الا قلبي يدق يدق بسرعه لدرجه حسيت انه بيغمى عليه وافز من الفراش واجلس الف في البيت واحس ان حلقي ناشف واروح اشرب مويه وكبدي لاعت وبطني صار يعورني قلت بروح الحمام بس خفت انه يكون الموت واموت في الحمام الله يكرمكم المهم قضيت ليلي طالعه نازله على الحمام واسهال وقلبي باقي يدق بسرعه واروح اصحي امي قلت لها على اللي احس فيه قالت كان يجيها ويروح بس ماندري وشو ..المهم اخذت لي ساعه تقريبا وحسيت قلبي هدآ وبعدين نمت وصحيت عااادي الحمد لله مافيني شي غير احس بشوي ارهاق ...بعد شهر حللت وطلعت حامل في اسبوع وقلنا بنطلع نغير جو كم يوم في منطقه ثانيه مو بعيد من ديرتنا واول ماوصلنا فجآه الا احس بشي يدخل راسي كنه كهربه مدري بروووده مره عورتني حتى في جبيني وانفي ويدخل جسمي وشوي احس اني اختنق وماني قادره اتنفس وافتح غطوتي ابغى اتنفس وحسيت ودي اهرب بس مدري وييين وشوي وتهدآ الحاله بس بقى جسمي يرتجف وحسيت ببروده مو طبيعيه واستآجرنا في فندق واول مادخلت على طووووول رحت على السرير ابغى اتغطى واحس بالامان شوي وكل شوي ترجع لي الحاله احسها تبدآ من راسي ويرتجف جسمي لدرجه اسناني تصك في بعض والمنطقه حاره مو بارده حتى النوم معاد قدرت انام واللي ذبحني الشعور اللي يجي مع الحاله احس ودي اهرب بس ماعرف وييين اروح اليوم الثاني قلت لزوجي خلاص ابغى ارجع البيت ورجعنا مع ان كان عندي خوووووف مو طبيعي من طول الطريق وانه يحصل لي شي في السياره وصلنا البيت وجلست لي يمكن اسبوع في الفراش فيني خوووووف وهم واكتئاااب حتى وانا نايمه احس بذي الاشياء واذا صحيت احس قلبي بيطلع من مكامه من الخووووف مدري كيف اقضي ذاك اليوم تمنييييت الموووووت فعلا ولا ذيك الحاله زوجي قال وحم عادي قلت لا والله علما بانو مو اول حمل لي هذا رابع حمل ماشاء الله وفي حملي السابق كنت شوي وامووووت من الغثيان بس هذا الحمل مااحس بشي غير هذي البلاوي اللي فيني حتى الترجيع من الخووووف مو وحم. رحت عند اهلي بعد اسبوع من الحاله وكنت في اسوآ حالاتي وعلمت امي باللي صار لي قالت لاتخافين والله انه كان يجيني في بدايه الحمل ويرووووح بس احس مستحيييييل انه نفس اللي جاني سودت الدنيا بوجهي لدرجه والله صرت احس كاني في قبر ضييييق واخااااف مرررره اجلس الف في البيت وبيتي كرهته وجاني خوووف منه وحتى زوجي مدري ليش مع انه وقف معي مرررره بس خلاص احس كآنهم اشباح ...وبعد فتره صارت تجيني اوقات احس اني مو موجوده صدق بين اهلي واحس كآني في حلم وتجيني نوبات الخوف من هذا الشعور واحيانا تطول مرره وامي تقول يجيها ويروح والحين احس بخوووووف من كل شي وضيييييييقه مايعلم فيها غير رب العالمين حتى اذا ناظرت في عيالي احس بالضييييييقه وارحمهم واحس معاد اقدر ارجع طبيعيه ...اسفه طولت عليكم بس ابغى افضفض واشوف احد مثلي ولا لا؟ فيه اشياء كثيييير ماذكرتها بس تعبت وانا اكتب وسؤالي اللي فيني هلع ولا ايش؟ لاني حتى اصبحت اغلب الوقت احس مقدر ازور احد ولا احد يجيني احس بخووووف مدري ليه...

المصدر: نفساني

تكفووووووون ردوا علي

هوني على نفسك اختي الكريمة .. وكلنا مرينا بحالتك وأكثر ..في بداية معاناتنا من المرض النفسي والتوتر والهلع لأنه شيء جديد علينا ومتعب في نفس الوقت .. وهذا واضح من الأعراض اللي عندك ..

أفضل حل في الوقت الحالي .. هو بعد المحافظة على الأذكار وقراءة القرآن والصلوات والقراءة على نفسك أو عند راقي ثقة وشرب ماء زمزم .. التوجه لأي طبيب نفسي أيضاً يكون ثقة ومجرب وشرح الحالة له .. وبإذن الله
يصرف لك علاج مناسب وتتحسن حالتك للأفضل ..

أيضاً ممكن يكون اللي عندك أعراض الغدة الدرقية أو نقص فيتامين دال .. حسب كلام الأطباء فإنها ممكن تسبب مثل حالتك .. فممكن أيضاً تسوي هالتحاليل للإطمئنان أكثر ..


والله يجعل ما يصيبنا تكفيراً لذنوبنا .. وأبشري بالخير وتفاءلي فما أمامك إلا العافية بإذن الله .. :)

اختي الكريمة الكثير منا يعاني ، ولا تحاتين إن شاء الله ماتشوفين شر ، وعند الله الشفاء

خذي بالاسباب مثل ما قال أبو لطيفة ، سوي فحوصات ويارب يطمن قلبج

الله يجزاكم خير سويت تحليل الغده الدرقيه قالت لي طبيبه النساء والولاده في المعدل الطبيعي ..انتوا مثلي تحيون بانعداااااام الامان؟ لو احضن امي من اليوم لبكره احس كني لحالي انتوا مثلي؟ يااااارب رحمتك

اعتقد والله العليم الي فيك هلع واضح انا الحين احس فيني خفقان وعسر هضم والم بصدري
يحتاج ضروري. تزورين طبيب نفسي عالجي المشكله من البدايه قبل لا تزداد سوء هو صحيح شي بسيط لكن مزعج وموخطير

انا مو كل مره يجيني بخفقااان قوي لا احيانا مدري احس بخوف فجآه وبروده في جسمي وودي امووووت ولا يجيني ذاك الشعور المخيف ..اتخيل فعلا اني لحاااالي في الدنيا محد معي

نفس الشعور مو كل مره مثل اليوم فجاه قمت من النوم وفيني خفقان وخوف من شي غريب مثل الموت وخوف من المجهول
والله حاس فيك ماحد يحس الا الي عاش التجربه الله يعين اهم شي انه شي مو خطير وهذا مطمئن
العلاج بيكون سلوكي معرفي ودوائي وترجع حياتك طبيعيه

احيانا احلم وانا نايمه حلم عااادي واصحى من النوم متضااااايقه لدرجه شوي واتلوى من الضيييييييييييقه وهذي الحاله ماجتني الا بعد الهلع ..مو زي اي ضيقه شي فعلا فعلا مو طبيعي ...ويخرب يومي كااامل من حاولت اتجاهله ماآقدر ..انتوا مثلي؟ ؟بالله طمنوني

المشاركة الأصلية كتبت بواسطة آمي حياتي وجنتي

احيانا احلم وانا نايمه حلم عااادي واصحى من النوم متضااااايقه لدرجه شوي واتلوى من الضيييييييييييقه وهذي الحاله ماجتني الا بعد الهلع ..مو زي اي ضيقه شي فعلا فعلا مو طبيعي ...ويخرب يومي كااامل من حاولت اتجاهله ماآقدر ..انتوا مثلي؟ ؟بالله طمنوني

تبين اطمنك ؟
انا زيك تجيني بروده في منطقه الصدر احس ان الروح بتطلع
وغير كذا بزيدك نوبه الهلع بتخف وبتبقى الضيقه
الضيقه تطول على ما تروح بقولك شرررح مفصل

الضيقه تجيك ؟ وتقولين انا مو متضايقه ليه ما اقدر اخذ نفس كامل ؟
طيب هذا طال عمرك عقلك الباطن هو الي يطلع الافكار هذي ويخليك تتضايقين
وشي ثاني اذا تحسين باتفاخات في البطن لما تجيك الضيقه فهذا طال عمرك
من القولون
لانه ينتفخ وجدار القولون اسمك من غشاء الرئه فيضغط عليها مما يسبب لك ضيق في التنفس



وكثري من قرائه القران
واذا تبين نصيحتي انا سويتها وارتحت

سبع مرات سوره البقره لمده 7 ايام كل يوم مره
وراجعي الدكتور وخليه يشوف حالتك

هذا والله اعلم

ودعواتنا لك بالشفاء العاجل ولكل مريض وانا معاكم ان شاء الله

المشاركة الأصلية كتبت بواسطة منصور-الخالدي

تبين اطمنك ؟
انا زيك تجيني بروده في منطقه الصدر احس ان الروح بتطلع
وغير كذا بزيدك نوبه الهلع بتخف وبتبقى الضيقه
الضيقه تطول على ما تروح بقولك شرررح مفصل

الضيقه تجيك ؟ وتقولين انا مو متضايقه ليه ما اقدر اخذ نفس كامل ؟
طيب هذا طال عمرك عقلك الباطن هو الي يطلع الافكار هذي ويخليك تتضايقين
وشي ثاني اذا تحسين باتفاخات في البطن لما تجيك الضيقه فهذا طال عمرك
من القولون
لانه ينتفخ وجدار القولون اسمك من غشاء الرئه فيضغط عليها مما يسبب لك ضيق في التنفس



وكثري من قرائه القران
واذا تبين نصيحتي انا سويتها وارتحت

سبع مرات سوره البقره لمده 7 ايام كل يوم مره
وراجعي الدكتور وخليه يشوف حالتك

هذا والله اعلم

ودعواتنا لك بالشفاء العاجل ولكل مريض وانا معاكم ان شاء الله

انا موقصدي بالضيقه يعني ضيق في التنفس لا لاااا قصدي في الخااااطر احس اني خلاص شوي وبآنصرع ولا بآطيح على الارض واصرخ من شده الضىيقه حتى اذا ركبت السياره وعندي هذي الحاله احس اني مقدر اجلس في مكاني وودي افتح الباب وانقز برى ...شعوور بشع وامي تقول لي انه يجيها في الحمل ويروووح بس احس خلاص معاد اقدر اتحمل ...انتوا تحسون مثلي ولا لا؟ ؟

وبالنسبه للقولون ماعندي الحمد لله ولا عندي انتفاخات في البطن

المشاركة الأصلية كتبت بواسطة آمي حياتي وجنتي

وبالنسبه للقولون ماعندي الحمد لله ولا عندي انتفاخات في البطن

السلام عليكم ورحمة الله وبركاته

اختي فالله لاتخافي اللي فيك بسيط جداا 9 حالات مرت عليه مثل حالتك (( وطلع معهم جرثومة معده)) وخلال 3 ايام من العلاج انتهت المشكله والحمدلله والشكرلله

وكل الاعراض التي ذكرتها كانت فالاخوات ومن الصدف ان اثنتين من الاخوات طلعوا حوامل فالشهور الاولى.. وكل ماسالوا قالوا لهم اعراض وحام وليست شرط

اذا احسستي بعدم الخوف وانك لاتستطيعين الجلوس في مكان لوحدك ورغبه بسيطه فالبكاء من دون سبب والانوار يجب ان تكون مضاءه والنوم قليل جداااا وايضا حالات تصل الى شق الملابس والهروب الى اين ؟؟ لاتوجد اجابه.

وبالاخير طلعت المشكله جرثومة معده)) ليس بالشرط ان يكون لديك هلع او نوبات فزع او رهاب .. لانها لاتاتي مره وحده وان اتت مره واحده تنتهي المشكله في غضون دقائق ويبقى الهلع والفزع من الموقف او المكان او الحاله التي اصيب بها الشخص ...
مثال : من يصاب بحالة هلع وهو فالمسجد : خلاص تنتهي المشكله بمجرد خروجه من المسجد .. ولن يستطيع الصلاه فالمسجد مره اخرى الا اذا تعالج من المرض
مثال : من يصاب بحالة هلع او فزع وهو يلعب رياضه خلاص تنتهي بمجرد التوقف عن المسبب ولكن لن يستطيع ان يلعب مره اخرى الا بعد زوال العارض المرضي .
مثال : من يصاب بحالة نوبات فزع او هلع وهو في مناسبه خلاص بمجرد خروجه من المكان تنتهي النوبه ويحس بانه رجع طبيعي ولكن لن يستطيع تكرار المناسبات الا بعد زوال العارض المرضي.


اختي فالله ارجوا التحليل فورا لجرثومة المعده (وانتي صائمه ) عن طريق النفخه والنتيجه خلال ربع ساعه .

واجري على الله
والله اعلم
ki8ds4l,uiture6700``00`09`1`01`0121l;wqa'

ماتشوفين شر ان شاء الله

السلام عليكم

لا تخافي حبيبتي والله هناك الكثير من هم مثلك واكثر منك ..نفس المعاناة نفس الاعراض

لا تستسلمي لهذه الاعراض حتى لا تقعي في فخ الامراض النفسية وتصبحي شبه مقعدة مثلي انا

ادعي الله ان يشفيك واعلمي ما من شافي الا هو سبحانه وتعالى ...

ربي يشفيك ويعافيك وترجعي مثلما كنت ..